ونسة رجال @@@ دردشة

[الجندي المجهول]

الدردشة عند الرجال غير ...
وكل ونسة على حسب المكان والزمان ....
وغالباً ما تدور الونسة في مواضيع معينة اشتهر بها الرجال والشباب السودانين ومنها :
1/ السياسة
2/ الكورة ( هلال مريخ + شداد ) + الدوري الاوروبي
3/ الفن
4/ الوضع الاقتصادي وغلاء الاسعار
5/ الزواج وتبعياته
6/ ونسة بيت البكاء
7/ ونسية بيت العرس
8/ونسة الكهرباء القاطعة
9/ ونسة المطر (الخريف)
10/ونسة الموية القاطعة
11/ونسة الحر (السخانة)
12/ونسة الشتاء (السقط )
13/ونسة مستجد النعمة
14/ ونسة الفلس والزهج والقهر
15/مواضيع عامة من هنا وهناك
نبداء بالسياسة :
ما بين مختلف ومؤيد للحكومة وما بين كاره للوضع ولكن هذه الايام بالذات كل الناس اجمعت تقريباً على عدم ترشيح ( الميرغني - الصادق - الترابي) ومع اختلاف وجهاتالنظر تبقى السياسة هي المتنفس الحقيقي في الونسة السودانية ، خاصة الونسة تحلو عندما يتعلق الامر بالفساد الموجود حالياً الان في الساحة الساحة السودانية .
وقبل ما نمشي للبقية ياريت تواصلو معاي ونسة في السياسة ...

[الملكة اسماء ( ام محمد )]

[الجندي المجهول]

انا قلت ليك بس انت ما صدقتيني ( وش مبتسم)

[عبدالرحمن مدثر]

ونسة العرس :

هذه الونسة تتزامن مع مواسم عودة المغتربين

والاعياد .. والمناسبات الرسمية ... لمن يكون الفراغ سيد الموقف

يازول العرس متين ماخلاص اتخرجت واتوظفت رااااجى شنو

[الجندي المجهول]

ونسة العرس :

هذه الونسة تتزامن مع مواسم عودة المغتربين

والاعياد .. والمناسبات الرسمية ... لمن يكون الفراغ سيد الموقف

يازول العرس متين ماخلاص اتخرجت واتوظفت رااااجى شنو

فعلا بالذات المغتربين ديل عذبوهم بالموضوع دا عذاب شديد .
طبعا اخوك مفتح والحمد لله ، اول ما بجي السودان بعمل وكاني ما مغترب قدر الاجازة القاعدها بنزل شغلي القديم وكان شئ لم يكن وبتلاقني في صحن الفول اول زول وما بديك احساس اني مغترب نهائي (الا اول ايام ) بسبب النظافة الزائدة حبة المافيها غبار بلدنا الجميل داك .
علشان كدا مافي زول سالني من الموضوع دا كتير ( مرات مرات ومن بعيد ) لما يصادف زواج صديق لي ( اها انت متين ) كدا ....

تخريمة ----
مرورك كان زي شعورك ----- جميل

[esmat]

نحنا التلفونات بتلاحقنا من اسي جاي متين
ان شاء الله قريب
اها جاي زول عرس
والله ان شاء الله ربك اسهل
وموجودة ولا بتجي بعدين تعزل
...........................
ربنا اتمم على خير
يا الجندي والله نحنا نسينا الونسا خالص
ونستنا كلها لما اكون في واحد جاي من السودان
ونسأل من الاخبار والبلد كيف
والسد الرد

[الجندي المجهول]

نحنا التلفونات بتلاحقنا من اسي جاي متين
ان شاء الله قريب
اها جاي زول عرس
والله ان شاء الله ربك اسهل
وموجودة ولا بتجي بعدين تعزل
...........................
ربنا اتمم على خير
يا الجندي والله نحنا نسينا الونسا خالص
ونستنا كلها لما اكون في واحد جاي من السودان
ونسأل من الاخبار والبلد كيف
والسد الرد

السد كرهنا التلفزيون

وسال الله ان يتم ليك بالسلامة ونصيحة( اخ) لو الامكانية كويسة ( وبنت الحلال) موجودة ما تتاخر ...
والونسة اشكالها كتيرة ( لكن باقي لي شكلك ما غريب علي )
------------تخريمة
بتعرف مجاهد زيكو

[بت أم درمان]

كدي افتحو ونسة بيت البكا

[الجندي المجهول]

كدي افتحو ونسة بيت البكا

من قبيل رسلنا عثمان دا للتلج وناس المصنع قالوا الكهرباء قاطعة ...
هسع بالله عليك كورة امبارح بتاعت تونس دي كورة ...
شداد زاتو كرهنا الكورة ...
وكوم تاني :

يا اخوي ناس تشاد ديل محرشين لكن وزيرنا زاتو بتاع الدفاع قاعد ساي اخير عمار مرق


تخريمة ------------
بتنا بت امدرمان بتقدري على الونسة دي ؟

[محمد حسين (المميز)]

هي ونســة رجـــال

الجــاب جوز اللــوز ديل شنــوو

[الجندي المجهول]

هي ونســة رجـــال

الجــاب جوز اللــوز ديل شنــوو

تبادل ثقافي

[عاطف عولي]

طبعا أمبارح جينا داخلين المنتدى نحنا الشباب كلنا وفي المرور البدخل لي قسم الهنــاي دااااااك استلمونا البايرات حقننا حفظهم الله ورعاهم بقياده فلانة الشريرة الحقارة ديك عارفنها براكم لاقونــا وبقو يكوركو نفس الكواريك الزمان القلناهو ديييييييك بس المرااا الفاتت انا زغتا وفلان ركب أمجاد واتخارج ووهناي داك قام جاري بي كرعينو عديل كداا وهم زاكنو .. لكن المراا دي غايتو اتشجعنا إنا وهناي دا وهناي داك قلنا نقيف ونحددا معاهم البنات . ما كل مراا نجي داخلين يسمعونا الكلام دا ونحنا نقوم جارين ونخليهم المهم قمنا وقفنا وواجهناهم مواجه راجل لي راااااااااااااااجل شوفوا قالو لينا شنو وردينا ليهم شنو .. بس بيني بينكم الكلام دا
البــــــــــــــــــــــــايركس قالــــــــــــــــــوا:

لي أيدينا بنــــــــرفع *** والعازب كلو بيســـــــــــمع
نفوسنا كتير مشــتاقة *** للراعي دوام نتضـــــــــرع
شعارنا عريس متواضع *** ياخي ياقدر اسمع أجمع
نحن البايرات في لهفة *** والعمـــــــــر ولـــي وودع
نحن مساكين ياجماعة *** وللجنة دوام نتطــــــــــلع
لو واحد قام وأتقــــــدم *** في لحظة نلبي ونسمـــــع
***

بلاش عربيــــة خصوصي *** مالو الكداري دا هســـع
بلاش من شبكة وشيلة *** بي أبســط حــــــــاجة بنقنع
البيت ماشــــــرط عمارة *** دي مظاهر ساكــت تخدع
لي جنة نضيرة نحــــــول *** البيـــت الخرب البجمــــع
ما شـــــرط تجيب تلاجه *** كفاية الزيــــــــــــر البنقع
***

ما دايرين كبده وشيه *** بي ويكة تقيلة بنشــــــــــبع
ما أصلوا شــبابنا الودع *** ما ممكن تانــــــي بيرجــع
أحلامنا الكانت بــدري *** ما عادت تانـــــي بتنفــــــــع
دايرين الشاب الأغبش *** حتى لو فقــــــــران ومقطع
لأنو الفيهو الفايــــــــدة *** ليهــــــــــــو دوام نتطلـــ ـع
حياة الســــــترة أملنا *** إنشاء الله ربنــــــا يجمــــــع
يحن الله عليــــــــــــنا *** ونشــــــيل أيدينا ونرفــــــــع
***





وأسمعوا رد الشـــــــــــــــــــــباب عليهم :

للرب شـــــكوانا بنرفع *** والبايـــر كله بيســــــــمع
في دربك يامـــا جرينا *** والعين الســــــاهرة بتدمع
كم مرة أيدينا اتمـدت *** والرد الجــــــارح اقنــــــــع
أحلامكم والله غريبــة *** وللعـــــــين بتزغلل وتذلـع
طلباتكم لينا تحيــــــر *** جايين تتواضعوا هســــــــع
ما جينا زمان شن قلتو *** يافقير يامقطـــع أرجــــع
***

ما عندك حق السفه *** لابس دمــور ومـــــرقع
دايرين العنــــدو مصانع *** لو كان لي غيروا بيركع
ما جينا زمان شــــن قلتو *** يافقير يا مقطـــع أرجع
في جيوبك ساكنة عناكب *** لو كان باعوك مـا بتنفع
دايرين العنــــــدو الفـــــلة *** لو كان حنكوش ومدلع
ما جينا زمان شــــن قلتو *** يا فقير يا مقطـــع أرجع
***

لو ماشـــي لآخر الدنيا *** تركــب رجليك تتبرطــــــع
دايرين العنــــــــدو البنز *** لو يبقى عجــــوزاً أصلع
ما جينا زمان شن قلتو *** يافقير يامقطع ارجــــــــع
يا البيتـــك مبني زبالة *** ومن غير فيضـــان يتزعزع
دايرين العنــــــدو الفيلا *** لو كان صغيــــر بيرضــــع
ما جينا زمان شن قلتو *** يا فقير يامقطـــــــع أرجــع
***

وموكيتاً فخـــماً فاخــــــــر *** ونجفاً بالـــدر مرصــــع
والكندشة فريون ضــــاربة *** وثلاجة فريــــزر تجمع
بي فيديو كاسـيت وأتاري *** نتسلى لو وكتنا نضيـــــع
ما جينا زمان شـــن قلتو *** يافقير يامقطع أرجـــــــع
***

دايرين زنقيل ومقنــــــدل *** لو كان تمســـــاحا يبلـــــع
والعملة الحرة ضــــــروري *** والمهر دولارا يدفــــــع
وبشرط الشــيلة العامـرة *** والكرسي الجابر يلمــــــع
وذهباً مختوم وأســـــــاور *** مليانة الإيد للأصـــــــــبع
وضروري الحفــــــلة بوردي *** والكابلي اللحنو موقـع
ونقضي عسل في أوروبــــــا *** ونطوف العالم أجمــــع
بي لندن وروما وموســـــكو *** وفينا المدن الأربــــــــع
نلبس في الكاسي العاري *** ولو طلـــــعت موضة بنتبع
ونأكل فاكهة طـــــــازجة *** وبالخير نــــــتمتع ونشـبع
أفلامـــكم والله عجيبـــــــة *** خلونا نحمض ونطبــــــــع
ماجينا زمان شـــــــن قلتو *** يامبهدل أوعك تطمـــــــع
***

مد رجليك قـــــدر لحافك *** وشوف ليك طوريه وأزرع
لي مين تتقــــــــدم أنت *** يا قــــــرد ياقبيح يا مبرقـــــع
كيفن بتحـــــب يا أغبش *** من غير شــــــاكوش تتفرقع
لو كان بنحــــــــب الزيك *** ما أخير الموت الأســـــرع
لو مت وفاتك تفــــــــــرح *** ولو عشــــت حياتك تفجـع
ولو تبقي ضراعي الأيمن *** في لحظة بنقطع ونــــجدع
***

ما قلنا الدنيا دي فانية *** وآمــــالنا مظاهـــــر تخــــدع
اختاروا العندو ديانـــــة *** الديمـــة وشـــــــو بيلمـــــع
قلتولنا خلاص انتظـــرو *** الحــور في الجنة بتنفـــــع
الليلة قطـــــــركم صفر *** والعمـــــــــــــــــر ولى ودع
عجزتو قعــــــدتو تقولوا *** واشبابنا الأغبـــــش أجدع
ماجينا زمان شن قلتو *** يافقير يا مــقطــــع أرجــــــع

ما جينا زمـــان ليه كنتو *** جاهــلننا زي الشـــــــفع
ما خلاص الليلـة وقعت وا *** من قد القفة الأوســـع
والليلة قطركــــــــم دور *** وقعتوا في وش المدفــــع
رافعين الراية البيضـــــاء *** لكن هيهــات ما بتنفـــع
رافعين لعرس جماعي *** وفي العشرة ألف ما بنطمع
وهنياً ليكم كبدة وشية *** بعـــد الأضراس تتخلـــــــع

اعلااااااااااااااام الشمارات
بكافتريا وقهوة الشمار الحار لصاحبها شركة شمشرجية المنتدي الكائن بشارع المنتدي العام وأتفضلوا معان هناك

[الجندي المجهول]

طبعا أمبارح جينا داخلين المنتدى نحنا الشباب كلنا وفي المرور البدخل لي قسم الهنــاي دااااااك استلمونا البايرات حقننا حفظهم الله ورعاهم بقياده فلانة الشريرة الحقارة ديك عارفنها براكم لاقونــا وبقو يكوركو نفس الكواريك الزمان القلناهو ديييييييك بس المرااا الفاتت انا زغتا وفلان ركب أمجاد واتخارج ووهناي داك قام جاري بي كرعينو عديل كداا وهم زاكنو .. لكن المراا دي غايتو اتشجعنا إنا وهناي دا وهناي داك قلنا نقيف ونحددا معاهم البنات . ما كل مراا نجي داخلين يسمعونا الكلام دا ونحنا نقوم جارين ونخليهم المهم قمنا وقفنا وواجهناهم مواجه راجل لي راااااااااااااااجل شوفوا قالو لينا شنو وردينا ليهم شنو .. بس بيني بينكم الكلام دا
البــــــــــــــــــــــــايركس قالــــــــــــــــــوا:

لي أيدينا بنــــــــرفع *** والعازب كلو بيســـــــــــمع
نفوسنا كتير مشــتاقة *** للراعي دوام نتضـــــــــرع
شعارنا عريس متواضع *** ياخي ياقدر اسمع أجمع
نحن البايرات في لهفة *** والعمـــــــــر ولـــي وودع
نحن مساكين ياجماعة *** وللجنة دوام نتطــــــــــلع
لو واحد قام وأتقــــــدم *** في لحظة نلبي ونسمـــــع
***

بلاش عربيــــة خصوصي *** مالو الكداري دا هســـع
بلاش من شبكة وشيلة *** بي أبســط حــــــــاجة بنقنع
البيت ماشــــــرط عمارة *** دي مظاهر ساكــت تخدع
لي جنة نضيرة نحــــــول *** البيـــت الخرب البجمــــع
ما شـــــرط تجيب تلاجه *** كفاية الزيــــــــــــر البنقع
***

ما دايرين كبده وشيه *** بي ويكة تقيلة بنشــــــــــبع
ما أصلوا شــبابنا الودع *** ما ممكن تانــــــي بيرجــع
أحلامنا الكانت بــدري *** ما عادت تانـــــي بتنفــــــــع
دايرين الشاب الأغبش *** حتى لو فقــــــــران ومقطع
لأنو الفيهو الفايــــــــدة *** ليهــــــــــــو دوام نتطلـــ ـع
حياة الســــــترة أملنا *** إنشاء الله ربنــــــا يجمــــــع
يحن الله عليــــــــــــنا *** ونشــــــيل أيدينا ونرفــــــــع
***





وأسمعوا رد الشـــــــــــــــــــــباب عليهم :

للرب شـــــكوانا بنرفع *** والبايـــر كله بيســــــــمع
في دربك يامـــا جرينا *** والعين الســــــاهرة بتدمع
كم مرة أيدينا اتمـدت *** والرد الجــــــارح اقنــــــــع
أحلامكم والله غريبــة *** وللعـــــــين بتزغلل وتذلـع
طلباتكم لينا تحيــــــر *** جايين تتواضعوا هســــــــع
ما جينا زمان شن قلتو *** يافقير يامقطـــع أرجــــع
***

ما عندك حق السفه *** لابس دمــور ومـــــرقع
دايرين العنــــدو مصانع *** لو كان لي غيروا بيركع
ما جينا زمان شــــن قلتو *** يافقير يا مقطـــع أرجع
في جيوبك ساكنة عناكب *** لو كان باعوك مـا بتنفع
دايرين العنــــــدو الفـــــلة *** لو كان حنكوش ومدلع
ما جينا زمان شــــن قلتو *** يا فقير يا مقطـــع أرجع
***

لو ماشـــي لآخر الدنيا *** تركــب رجليك تتبرطــــــع
دايرين العنــــــــدو البنز *** لو يبقى عجــــوزاً أصلع
ما جينا زمان شن قلتو *** يافقير يامقطع ارجــــــــع
يا البيتـــك مبني زبالة *** ومن غير فيضـــان يتزعزع
دايرين العنــــــدو الفيلا *** لو كان صغيــــر بيرضــــع
ما جينا زمان شن قلتو *** يا فقير يامقطـــــــع أرجــع
***

وموكيتاً فخـــماً فاخــــــــر *** ونجفاً بالـــدر مرصــــع
والكندشة فريون ضــــاربة *** وثلاجة فريــــزر تجمع
بي فيديو كاسـيت وأتاري *** نتسلى لو وكتنا نضيـــــع
ما جينا زمان شـــن قلتو *** يافقير يامقطع أرجـــــــع
***

دايرين زنقيل ومقنــــــدل *** لو كان تمســـــاحا يبلـــــع
والعملة الحرة ضــــــروري *** والمهر دولارا يدفــــــع
وبشرط الشــيلة العامـرة *** والكرسي الجابر يلمــــــع
وذهباً مختوم وأســـــــاور *** مليانة الإيد للأصـــــــــبع
وضروري الحفــــــلة بوردي *** والكابلي اللحنو موقـع
ونقضي عسل في أوروبــــــا *** ونطوف العالم أجمــــع
بي لندن وروما وموســـــكو *** وفينا المدن الأربــــــــع
نلبس في الكاسي العاري *** ولو طلـــــعت موضة بنتبع
ونأكل فاكهة طـــــــازجة *** وبالخير نــــــتمتع ونشـبع
أفلامـــكم والله عجيبـــــــة *** خلونا نحمض ونطبــــــــع
ماجينا زمان شـــــــن قلتو *** يامبهدل أوعك تطمـــــــع
***

مد رجليك قـــــدر لحافك *** وشوف ليك طوريه وأزرع
لي مين تتقــــــــدم أنت *** يا قــــــرد ياقبيح يا مبرقـــــع
كيفن بتحـــــب يا أغبش *** من غير شــــــاكوش تتفرقع
لو كان بنحــــــــب الزيك *** ما أخير الموت الأســـــرع
لو مت وفاتك تفــــــــــرح *** ولو عشــــت حياتك تفجـع
ولو تبقي ضراعي الأيمن *** في لحظة بنقطع ونــــجدع
***

ما قلنا الدنيا دي فانية *** وآمــــالنا مظاهـــــر تخــــدع
اختاروا العندو ديانـــــة *** الديمـــة وشـــــــو بيلمـــــع
قلتولنا خلاص انتظـــرو *** الحــور في الجنة بتنفـــــع
الليلة قطـــــــركم صفر *** والعمـــــــــــــــــر ولى ودع
عجزتو قعــــــدتو تقولوا *** واشبابنا الأغبـــــش أجدع
ماجينا زمان شن قلتو *** يافقير يا مــقطــــع أرجــــــع

ما جينا زمـــان ليه كنتو *** جاهــلننا زي الشـــــــفع
ما خلاص الليلـة وقعت وا *** من قد القفة الأوســـع
والليلة قطركــــــــم دور *** وقعتوا في وش المدفــــع
رافعين الراية البيضـــــاء *** لكن هيهــات ما بتنفـــع
رافعين لعرس جماعي *** وفي العشرة ألف ما بنطمع
وهنياً ليكم كبدة وشية *** بعـــد الأضراس تتخلـــــــع

اعلااااااااااااااام الشمارات
بكافتريا وقهوة الشمار الحار لصاحبها شركة شمشرجية المنتدي الكائن بشارع المنتدي العام وأتفضلوا معان هناك

عاطف عولي ( شكيت محنك ) بتجيب الكلام دا من وين ،،،، غايتو انت قمة في الروعة ( والله ادهشتني ) لما ما قادر اعبر !!!

[علي النعيم محمد نور]

ياشباب الراجل قال نبداء بالسياسه طوالي ما صدقتوا (خشيتو) في باقي الأسئله التانيه . . .
ــــ سياسيا" : ـ
86 مليون دولار من الأمم المتحده للإنتخابيات في السودان . . . يعني الجزيره نصيبها تقريبا7 مليون $ (غييييير) قروش الحكومه والبترول (المجنبه) للإنتخابات. . .
أنا في رائي لو سلمونا نصيب الولايه كاش و(دورنا) بيهو المصانع الواقفه دي. . . وألتزم ليهم ب100% من الأصوات لاي جهه ( تحددوها) ولا رائكم شنو ؟

[عبدالرحمن مدثر]

ياودالنعيم

قريبة من الونسة بتاعتك وبمناسبة قروش الانتخابات

امس بالصدفة كدا فى نيوز ويك قابلنى ليك خبر كدا عن الانتخابات انو الناس حولتها وبرمجتها

بدلا من صناديق الاختراع .. وتجيب ورقتك وتجى وتشخت على رمز الابريق .. قالوا عولموها

وبقت الكترونية ... يعنى زى الصراف الالى .. تخش وتدوس على زر معين يخزنوا تصويتك

بدون ورق وجوطة .. وزحمة لجان قاعدة ولجان تاكل .. ولجان لافة ... ومكرفونات

عليك الله هسع .. لو لم فى انتخابات دى زى الجوطة الحصلت فى منتدانا دا وهكرز

وبكب .. مابقعدوا فى السهلة سااى ...

دا تزوير .......... والخونة اكيد بكونوا الهكرز .. والفايروس


ودالنعيم .........

اديناك اصوات المنتدى

والدايرة تدور على البابور

[esmat]

السد كرهنا التلفزيون

وسال الله ان يتم ليك بالسلامة ونصيحة( اخ) لو الامكانية كويسة ( وبنت الحلال) موجودة ما تتاخر ...
والونسة اشكالها كتيرة ( لكن باقي لي شكلك ما غريب علي )
------------تخريمة
بتعرف مجاهد زيكو

ياجندينا الشكل ما غريب عشان لاقيتك في
بيتكم لكن كنت رافع القزاز ومظلل كمان

مجاهد ده - همس الشوق ولا غيرو

[الجندي المجهول]

ياجندينا الشكل ما غريب عشان لاقيتك في
بيتكم لكن كنت رافع القزاز ومظلل كمان

مجاهد ده - همس الشوق ولا غيرو

حراااام عليك انا زاتو قزاز ما عندي عشان ارفعوا ( وياهو هو زاتو همسة شوق)

ولك العتبى حتى ترضى ،،،، وانت في راسنا من فووووق

[الجندي المجهول]

ياشباب الراجل قال نبداء بالسياسه طوالي ما صدقتوا (خشيتو) في باقي الأسئله التانيه . . .
ــــ سياسيا" : ـ
86 مليون دولار من الأمم المتحده للإنتخابيات في السودان . . . يعني الجزيره نصيبها تقريبا7 مليون $ (غييييير) قروش الحكومه والبترول (المجنبه) للإنتخابات. . .
أنا في رائي لو سلمونا نصيب الولايه كاش و(دورنا) بيهو المصانع الواقفه دي. . . وألتزم ليهم ب100% من الأصوات لاي جهه ( تحددوها) ولا رائكم شنو ؟

اسمع من خشمك ربنا وكدا مدني تكون ماشا لي احلى واجمل

تخريمة ---------------
والله اكتر حاجة بستمتع بيها يوم الجمعة رسايلك يا رائع وانا اتعودت عليها وكان بطلتها دي مشكلة كبيرة خلاص .....

[الجندي المجهول]

ياودالنعيم

قريبة من الونسة بتاعتك وبمناسبة قروش الانتخابات

امس بالصدفة كدا فى نيوز ويك قابلنى ليك خبر كدا عن الانتخابات انو الناس حولتها وبرمجتها

بدلا من صناديق الاختراع .. وتجيب ورقتك وتجى وتشخت على رمز الابريق .. قالوا عولموها

وبقت الكترونية ... يعنى زى الصراف الالى .. تخش وتدوس على زر معين يخزنوا تصويتك

بدون ورق وجوطة .. وزحمة لجان قاعدة ولجان تاكل .. ولجان لافة ... ومكرفونات

عليك الله هسع .. لو لم فى انتخابات دى زى الجوطة الحصلت فى منتدانا دا وهكرز



وبكب .. مابقعدوا فى السهلة سااى ...

دا تزوير .......... والخونة اكيد بكونوا الهكرز .. والفايروس


ودالنعيم .........

اديناك اصوات المنتدى

والدايرة تدور على البابور

عبد الرحمن مدثر الرائع ( والله اكان الانتخابات بقت كدا دا معناها سنو 3012م جات .
معقولة بس .
انا عاوزك تنزل انتخابات وشعارك يكون النجمة عشان تكسب اصوت ناس عمر سنهوري ومهدي ابراهيم ومدنية ( مهيد السفاح) وفي الطريق استاذ رضا وصلاح ادريس.

[عاطف عولي]

هي ونســة رجـــال

الجــاب جوز اللــوز ديل شنــوو

عن اذنك ياجندي بطن فارت ودفقت عاوز ارد سوال الود اللذيذ دا.

جوز بس بعد شوية اللوز كلوا بتشوفوا هنا هم بقدروا مننا.
مش هم القالوا ضل .................................. ولا ضل الحيطة.

وعندك ليك مفاجعا تانية بنزلا قريب الصور البكائية في الاغنية النسوانية

[الجندي المجهول]

عن اذنك ياجندي بطن فارت ودفقت عاوز ارد سوال الود اللذيذ دا.

جوز بس بعد شوية اللوز كلوا بتشوفوا هنا هم بقدروا مننا.
مش هم القالوا ضل .................................. ولا ضل الحيطة.

وعندك ليك مفاجعا تانية بنزلا قريب الصور البكائية في الاغنية النسوانية

انت بالذات يا رائع عيش حياتك في البوست واخد راحتك واذنك معااااااااك

[esmat]

حراااام عليك انا زاتو قزاز ما عندي عشان ارفعوا ( وياهو هو زاتو همسة شوق)

ولك العتبى حتى ترضى ،،،، وانت في راسنا من فووووق

لكن كدي ياجندينا الموضوع ده
بقودنا لي سؤال عجيب جداً جداً غريب جداً كمان
انت عرفت الشكل وانا ما عندي صورة رافعها
هل من طريقة الكتابة؟
جاك احساس انو الشخص ده ما غريب عليك
بالمناسبة تداعيات الموضوع ده خطرة عديييييل؟؟
يعني كل شخص بكون خاتي صورة معينة
اقول ليك حاجة قبل ما ابحر واعوم ليك في الموضوع ده
قول لي رايك بس

[علي النعيم محمد نور]

مفتشنا الهمام . . .
قول للحبيب مدثر يعمل رمزو ( القطيه ) وأنا رمزي (السكين ) عشان بعد ماأتنازل ليهو ناس السجانه يهتفوا . . . (السكين تدي القطيه والقطيه 100%) .
وليك علي رسائلي ما تنقطع ياكرومبوووو يالذيذ. . .

[الجندي المجهول]

مفتشنا الهمام . . .
قول للحبيب مدثر يعمل رمزو ( القطيه ) وأنا رمزي (السكين ) عشان بعد ماأتنازل ليهو ناس السجانه يهتفوا . . . (السكين تدي القطيه والقطيه 100%) .
وليك علي رسائلي ما تنقطع ياكرومبوووو يالذيذ. . .

من هسع انحنا معاك والقطية مية ال 100% وصتوتي ليك + بصمة العين + البسمة
طمنتني بالنسبة للرسائل ،،،،،، الله يطمنك يا رائع

[الجندي المجهول]

لكن كدي ياجندينا الموضوع ده
بقودنا لي سؤال عجيب جداً جداً غريب جداً كمان
انت عرفت الشكل وانا ما عندي صورة رافعها
هل من طريقة الكتابة؟
جاك احساس انو الشخص ده ما غريب عليك
بالمناسبة تداعيات الموضوع ده خطرة عديييييل؟؟
يعني كل شخص بكون خاتي صورة معينة
اقول ليك حاجة قبل ما ابحر واعوم ليك في الموضوع ده
قول لي رايك بس

تحياتي ،،، قبل كل شي بتوقع منك بوست بعنوان ( الحاسة السادسة ) ..،،،