عرضحال هام وعاجل الي أدارة المنتدي!!!!!!!!!!!!!!!!!!!!!!!!!!!!!!!

[عاطف عولي]

اولا جيتكم ومادي بوزي مترين .
ثانيأ جيتكم ومنفخ جضومي بس بتاع كيتا.
ثالثآ زعلان لمن مطشش وعيوني مغمضه.
رابعآ جيتكم زول كيتا وبرمبالة عديل.
خامسآ نص العرضحال.

السادة مجلس ادارة منتدي ودمدني المحترمين

بعد السلام عليكم ورحمة الله وبركاته

المضوع : نقل كفتريا وقهوة الشمار الحار من المنتدي العام الي النفاج

اذا كان النقل تم للقهوة والبوستات المشابهة البطن ما فيها مغصة لكن نقلت القهوة وبقيت مواضيع وبوسستات مشابهة والحصل دي زي ماتقول نقل القهاوي وترك الرواكيب والمسالة ذي الفيها خيار وفقوس والقهوة لو زعلت الناس ممكن اقفلا والجديد شنو قبل الكارثة ما كان في بوست مسخن جدآ تحت عنوان يا ناس المنتدي عندي شمار.

سادتي ختام قولي المساوا في الظلم عدل

ولكم شكري وتقديري

[esmat]

علوني ياحبيبنا براحة كدة وروق
تعرف المنتدى مما فتح للآن المواضيع
جايطة وكدة وهي عملية تنظيم
وكل بوست بياخد مكانو الطبيعي
اليوم أو غدا وهي ما عملية قصد
أو ما خيار أو غيرو هي عملية ترتيب
وزي ما عارف الشغل كتير بالنسبة للمشرفين
وشكلهم بدوا بي بوستك وحا تلحقوا بوستات
وفي النهاية عملية تنظيمة ليس إلا

[محمد الجزولى]

ههههههههههههههههه
تستاهل والله يا عاطف عولى عشان تخلى الشمار الكثير ده ...

[moh_alnour]

الأخ الحبيب عاطف عولي ( السنير بتاعي في جامعة الجزيرة )
أندى و أطيب التحايا لك
أؤكد بدوري على كلام الأخ عصمت ليس هناك قصد شخصي أو خيار و فقوس فقد تم نقل بوستات كثيرة إلى أقسامها المناسبة
قبل بوستك هذا و الأمر أولا ً و أخيرا ً عملية تنظيمية ليس إلا و صدقني و كما ظللنا نردد دوما ً
أن القسم العام هو واجهة المنتدى و هو للمواضيع ذات الطابع الجاد لذلك نتمناه دوما ً و اجهة جاذبة
و قد أرسلت لك رسالة عبر الخاص و شرحت لك فيها وقائع الأحداث و كنت أتمنى أن يتم ذلك أيضا ً عبر الخاص هذه هي :

وينك يا ولد ياحلو ليك وحش شنو ضارب طناش انا مش سنيرك يا برلومي.
وضروري عاوزين نشوفك في كفتريا وقهوة الشمار الحار لصاحبها شركة شمشرجية المنتدي والكفتريا في شارع المنتدي العام يلا بسرع راجينك وكلم معاك الجماعة

سنيرنا الحبيب عاطف ود ( ثيرتين تنمية )
السلام عليكم و رحمة الله تعالى و بركاته
كيفك عساك طيب يا زول يا رائع
أنا موجود باستمرار و الحمد لله و ما يفرقنا منكم إلا الموت إن شاء الله
و أنا أسف لأنو الموضوع تم نقله لقسم النفاج وهو القسم الأنسب لمثل هذه الموضوعات الخفيفة و الظريفة
ذات الطابع العفوي و الهزلي
أثق في تفهمك للإجراء و الذي كان بعد و رود تقرير مشاركة بمنتدى المشرفين من أحد الأعضاء
ومرحب بك في كل الأوقات

تعرف المنتدى مما فتح للآن المواضيع جايطة وكدة وهي عملية تنظيم
وكل بوست بياخد مكانو الطبيعي اليوم أو غدا وهي ما عملية قصد أو ما خيار أو غيرو هي عملية ترتيب