حكايات ام عمر

[ود نقد]

الاخوان الاعزاء رواد النفاج
كل عام و انتم بخير و السنة الجاية على امنياتكم
ارجوا ان تسمحوا لي قليل بالتطفل عليكم و كتابة بعض ما يوجد معي من (مقايص ام عمر)حكاوي ام عمر مع وعد ( سوف اقدكم معاي لاني مالم شديد) واليكم اول الغيث:- أم عمر هي زوجتنا المصون و لها من القصص ما يحيرني أنا زوجها اليوم أريد أن أقص عليكم بعضا منها , وقبل أن اسرد هذه القصص أحب أن أعطيكم خلفية عن أم عمر فهي زميلة دراسة لكنها خريجة علوم قسم كيمياء و كيمياء حيوية وطبعا دي كانت من اكبر نقاط الخلاف بيننا فانا خريج آداب , ثانيا هي من بنات العاصمة الوطنية و أنا من ابنا ود مدني ( دي أمكن تكون قريبة شوية ) ثالثا عاشت كل طفولتها خارج السودان بحكم عمل والدها ما بين المغرب و الجزاير و ليبيا و طبعا العبد لله من مدني ما طلع شبر طفولة رائعة ما بين مبنى التلفزيون ( عشان قرض النصارى) و كبري البوليس ( لزوم صيد الطيور ) والدباغة ( لزوم النيفة و السباحة) المهم هذه بعض الفرو قات التي بيننا و ما خفيي أعظم .
واليكم بعض قصصها في سنة 1996م كانت في السنة النهاية من الباكليروس وكنت إنا اعمل في مجال الترجمة و ادرس في دبلوم عالي في العمل الاجتماعي و كنا لا نلتقي ألا في فسحة الغداء حيث نتناول غداءنا في كافتريا i.s h ثم نلتقي في المساء و نحن في طريقنا إلى البيت في ضاحية بومباي mira road و كان يسكن معنا في نفس الضاحية بعض الزملاء و الزميلات و أهم شخصية كانت العم جعفر و زوجته الهندية ياسمين , المهم بما أن يوم الأحد إجازة عند كل الزملاء كنت أقيم لهم بعض الدعوات و في ذلك الأحد قدمت دعوة لبعض الزملاء على الغداء و في تمام الساعة الثامنة صباحا ضرب جرس الباب و كانت أم عمر نايمة فنظرت من العين السحرية فوجدته العم جعفر و زوجته ياسمين أدخلتهم إلى الصالة و صحيت أم عمر و قلت ليها اعملي فطور , فطرنا و الحمد لله وفي الساعة الواحدة بعد الظهر حضر الشباب و اتغدينا و شربنا الشاي وبعد الشاي القهوة و بداء الشباب في الانصراف و عم جعفر و زوجته جالسون وعم جعفر يسرد في بطولاته في السعودية و العراق و السودان و في الساعة الثامنة مساء أراد عم جعفر الانصراف حلفت عليه أن يتعشاء معنا وطبعا وافق المهم انصرف عم جعفر الساعة العاشرة ليلا فخرجت معه إلى خارج العمارة و رجعت فوجدت أم عمر قفلت باب الشقة ضربت الجرس فردت علي من الداخل ( امش نوم مع عم جعفر و ياسمين ) حاولت معها ولم تنفع المحاولة مرة و اثنين و ثلاثة و لم تفتح لي الباب إلا الساعة الواحدة صباحا قلت لها (يا بنت الناس الله يهديك أمهاتنا يكرما القافلة كاملة) قالت لي الكلام دى عندكم في مدني في بيتي إنا لا .

[أحمد عمر ( MOODY )]

ود نقد .. الرائع
أول حاجة .. كل سنة وإنت طيب
تاني حاجة .. إتفضل أُخد راحتك
تالت حاجة .. لكن العيد مااااااا عندك - الغيبة دي كلها إجازة عيد
رابع حاجة .. غيابك ده تعوضنا ليهو قصص .. و مغايص
و راجنّك .. ماااا تطوّل

[بنت الرفاعي]

ونحن متابعين معاك أخي ود نقد.

[مايسة]

الكاتب ود نقد

لك التحايا - وربنا يحقق الاماني

اها عاد ام عمر عجبتني جنس عجب - (ربنا يخليها)
وعم جعفر أبدع شديد لكن

جبته كرسي الهزاز ومستمتعه بالحكاوي -
واااصل

[ابو عبد الرحمن]

سرد رائــــــــــــــــــــــــــــــع وجميل ومتابعين
بس أم عمر ( ما احترمتك ) ،،،،،،،،،،،،،،،،
لكن كان كنت انا مكانك كنت سبيت ليها البيت ،،،،،،،،،،
بس الظاهرانت ما ضبحت ليها الكديسة من الاول ،،،،،،
ولا أمكن ضبحتها بسكين ميتة ،،،،،،،،،،،،،،،،،،،،،،
واصل أبو عمر وبدون فواصل ،،،

[ود نقد]

الاخوان و الاخوات:-
احمد عمر
مورام
مايسة
ابو عبد الرحمن
شكرا على الترحيب و المتابعة و الله يكفيكم شرور ام عمر

[ود نقد]

القصة الثانية أم عمر وبادي أبو شلوخ
[COLOR="blue"]نسيت أقول ليكم أن أم عمر عندها نزعة قومية وثقافتها العربية اكبر من ثقافتها السودانية فمجموعة الشرايط التي تمتلكها لا يوجد فيها شريط واحد سوداني وطبعا الكلام دى كان بعجب إخوانا القوميين العرب وكنت في بعض الأحيان أدافع عن أراء أم عمر حتى اعتبرني الأخوان القوميين طابور خامس لهم .
المهم في يوم كان هنالك ركن نقاش في الجامعة وكان الحديث عن ما قدمته الأحزاب التقليدية للسودان فخرج بعض المتحدثين عن النص و أبحر بعيدا في التاريخ حتى وصل إلى المهدي فإذا بأم عمر ترفع يدها و تأخذ فرصة في النقاش وتبدءا حديثها بالقول أن الدولة التي أسسها المهدي ومن بعده بادي أبو شلوخ ............... الخ طبعا الصالة كلها ضجت بالضحك ( و أخوكم بقى اصغر من السمسمة ) بعد رجعنا البيت قلت ليها يا ست الناس أنت مالك ومال المهدي و بادي أبو شلوخ خليك مع أم كلثوم و وردة الجزائرية و ما شابه , كان ردها ........... ( دي خلوها بيني وبين أم عمر )[/COLOR]

[mohd saeed magazoub]

ود نقد شكله ام عمر دي ممحناك انا اقول ياربي ود نقد دا متمحن في الصورة دي لي شنو الان عرفت السبب

واصل ودنقد وفي انتظار المزيد من ام عمر

[ود نقد]

أم عمر و السفر للسعودية:-
سنة 2000 العبد لله جاء إلى السعودية من الهند مرورا بالسودان وأم عمر رجعت إلى السودان سنة 1999 و أول حاجة عملتها كانت السعي الدءوب لاستقدام ام عمر إلى السعودية و بالفعل سنة و نصف من امشي و تعال و جيب ورق و ودي ورق ولم يتم التوفيق و في شهر شعبان بالتحديد أخر عشر يوم من الشهر اتصلت أم عمر (مس كول )
الو كيفك يا ست الناس ؟
الحمد لله تمام.
ما وقت اتصال خير الحاصل شنو ؟
أبدا يا روحي قلت اعمل ليك مفاجأة.
كلك خير و بركة.
ما داير تعرف المفاجأة.
شنو؟
اشرت عمرة.
نعم!!!!!!!!!!!!!!!!!!!!!!!!!!!!!!!!!!!!!!!!
اشرت عمرة.
ما سامعك قلت شنو ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
يا راجل الطرش قلت ليك اشرت عمرة و الحجز بتاعي بعد يومين
لكن يا.........
لكن شنو ؟
يا بنت الناس اصبري شوية .
ما صابرة.
طيب الموضوع يلزمه بعض الترتيب.
ولا ترتيب ولا حاجة أنا كتبت شيك بدون رصيد للوكالة بي أربعة مليون يعني تحول ستة مليون اليوم وبعد بكرة نتلاقى في المطار.
يا بنت الناس باقي للراتب خمسة يوم اصبري شوية وبعدين ترتيب الشقة و السكن محتاج قروش الله يهديك.
الله يهديك أنت أنا بعد بكرة بي أولادي معاك معاك و ما بنتظر في السودان دقيقة واحدة.
وصلت أم عمر إلى السعودية و الحمد لله وما في داعي واحد اسأل كيف لأني لن اسرد الباقي عليكم لن تتخيلوا البقية

[ود نقد]

الاخ محمد مجذوب شكرا على المرور و للمعلومية ام عمر ممحنا اهلي معاي ما براي

[mahagoub]

كل عام وانت بخير
طالت الغيبه
ربنا يخلى ليك ام عمر
كفايه انها ماليه ليك كل الفراقات

[ود نقد]

أم عمر والفطور:-
وصلت أم عمر الدوادمي أول مقر عمل لي بالمملكة العربية السعودية و ما قادر أقول كيف تم ذلك لكن ما أمتعني و خفف عني الطريقة التي حضرت بها ما قامت به من اهتمام منقطع النظير باحتياجاتي ,كانت تجهز لي ملابس العمل ( كان لبسته علي مزاجها المشكلة شنوه ما زوجتي ) و الفطور, كانت تستيقظ الساعة الخامسة صباحا وكان دوام عملي الساعة السادسة . و بعد ذلك تجلس على الكومبيوتر وتتصل على أكثر من عشرة مرات في اليوم ( يعني من الأخر عايش سلطان زماني).
وفي يوم اغبر استيقظت الصباح لم أجد الملابس جاهزة و لا فطور و أم عمر نائمة . أيقظتها من النوم :-
خير يا ست الناس مريضة ولا شنوه ؟
لا ..... امش خليني أكمل نومي.
الحاصل شنوه؟
يا راجل في واحدة في البلد دي بتصحة الساعة خمسة؟
احترمت نفسي و دبرت حالي وقلت بعدين بالليل الجو بكون رائق ممكن نراجع أم عمر . في المساء جلسنا جلسة كانت بدايتها رومانسية و أخرها ..........
المهم عرفته أن فلانة و فلانة و فلانة قاموا بزيارة أم عمر و تعلمت منهم أن جميع الرجال في المملكة يفطرون في المطاعم. ومنذ ذلك اليوم الاغبر و انأ افطر قلابة و عدس .

[أحمد عمر ( MOODY )]

أم عمر والفطور:-
وصلت أم عمر الدوادمي أول مقر عمل لي بالمملكة العربية السعودية و ما قادر أقول كيف تم ذلك لكن ما أمتعني و خفف عني الطريقة التي حضرت بها ما قامت به من اهتمام منقطع النظير باحتياجاتي ,كانت تجهز لي ملابس العمل ( كان لبسته علي مزاجها المشكلة شنوه ما زوجتي ) و الفطور, كانت تستيقظ الساعة الخامسة صباحا وكان دوام عملي الساعة السادسة . و بعد ذلك تجلس على الكومبيوتر وتتصل على أكثر من عشرة مرات في اليوم ( يعني من الأخر عايش سلطان زماني).
وفي يوم اغبر استيقظت الصباح لم أجد الملابس جاهزة و لا فطور و أم عمر نائمة . أيقظتها من النوم :-
خير يا ست الناس مريضة ولا شنوه ؟
لا ..... امش خليني أكمل نومي.
الحاصل شنوه؟
يا راجل في واحدة في البلد دي بتصحة الساعة خمسة؟
احترمت نفسي و دبرت حالي وقلت بعدين بالليل الجو بكون رائق ممكن نراجع أم عمر . في المساء جلسنا جلسة كانت بدايتها رومانسية و أخرها ..........
المهم عرفته أن فلانة و فلانة و فلانة قاموا بزيارة أم عمر و تعلمت منهم أن جميع الرجال في المملكة يفطرون في المطاعم. ومنذ ذلك اليوم الاغبر و انأ افطر قلابة و عدس .

[mahagoub]

كويس الما قالوا ليك لازم الغدا كل يوم كبسه والعشا بيك
كان خلوك تشحد

[مايسة]

ما قالت ليك اقفل الباب ودخل المفتاح بتحت الباب -

غايتو - اها العدس كيف

[ود نقد]

شيخ محجوب موضوع الكبسة جاي اصبر شوية وشكرا على المرور اللطيف
الاخت مايسة من عدس كل يوم اصبح عندي حيرقان دائم

[بت أم درمان]

-

وصلت أم عمر إلى السعودية و الحمد لله وما في داعي واحد اسأل كيف لن تتخيلوا البقية

بنتخيل بس احكي

[ود نقد]

[SIZE="5"]أم عمر و التربية الإسلامية
سنة 2003 كانت بنتي ألاء في الصف الأول وكانت قمة في النشاط و الحيوية , كنت عندما افتح الباب أول من يلاقيني عند الباب , كانت تسرد على مسامعي كل ما يحدث في المدرسة , وما تعلمته من مهارات . أم عمر كما أسلفنا من قبل عاصمية و لها نظريات خاصة في المسائل التعليمية ففرضت على العبد لله موضوع التعليم الخاص بحجة أن المدارس الحكومية في كل أنحاء العالم لا تعلم و لا تفيد لذلك كان نصيب ابنتنا ألاء مدرسة خاصة و كانت أم عمر تتصل على المديرة و المدرسات أسبوعيا و في بعض الأحيان يوميا .
المهم رجعت ذلك اليوم من العمل ودون العادة لم أجد الامورة ألاء أمام الباب سالت ست الناس ( دلع أم عمر ) أين ألاء قالت لي شوفها في غرفته وجدتها تبكي و حالها لا يسر عدو ولا صديق حاولت معها شمال يمين لم اخرج بأي نتيجة رجعت للمرجع الوحيد المتوفر ( أم عمر ) وعلمت منها أن السبب حصة تربية إسلامية في المدرسة عن عذاب تارك الصلاة ( ناس الشجاع الأقرع و ما شابه ) تحملت النتائج و دفعت ثمن الايس كريم و الحلويات و الحديقة و رجعت المياه لمجاريها . في اليوم الثاني طلبت مني أم عمر أن أوصلها إلى مدرسة ألاء , اعتبرت الموضوع طبيعي لأنها كل فترة تذهب إلى هذا المشوار للسؤال عن مستواء ألاء في الدراسة و التحصيل و أرجعتها إلى البيت ( الموضوع عادي ) .
صاحب المدرسة صديق عزيز و زوجته مديرة المدرسة اتصل علي تلفونيا واخبرني أن أم عمر زارت المدرسة و أخبرت المديرة أنها لا تريد بنتها أن تدرس تربية إسلامية. تقبلت الموضوع بصدر رحب و أخبرته بالحاصل وعندما رجعت إلى البيت سالت أم عمر عن الموضوع فكان ردها ( الناس ديل ما بعرفوا فاكهة و أبا و حدايقة غلبا ؟ أنا بدفع قروش عشان اعلم بنتي ما عشان أخوفها )[/SIZE]

[ود نقد]

بنتخيل بس احكي

بت امدرمان خلي عندك شوية صبر كلو جاي في الطريق ما تخليك شفقانا ذي أم عمر عشان ما اسيب النفاج

[ود نقد]

اضحك يا أحمد عمر........ أم عمر ما عندي براي بتلقاها في كل بيت

[أحمد عمر ( MOODY )]

اضحك يا أحمد عمر........ أم عمر ما عندي براي بتلقاها في كل بيت

و ما ياهو دا البيضحك ذااااااااااااااتو


إحتسب .. إحتسب .. يا ود نقد

[بنت الرفاعي]

و ما ياهو دا البيضحك ذااااااااااااااتو

إحتسب .. إحتسب .. يا ود نقد

لكن قدر ده،؟؟!! عجيب.

[بنت الرفاعي]

[SIZE="5"]
صاحب المدرسة صديق عزيز و زوجته مديرة المدرسة اتصل علي تلفونيا واخبرني أن أم عمر زارت المدرسة و أخبرت المديرة أنها لا تريد بنتها أن تدرس تربية إسلامية. تقبلت الموضوع بصدر رحب و أخبرته بالحاصل وعندما رجعت إلى البيت سالت أم عمر عن الموضوع فكان ردها ( الناس ديل ما بعرفوا فاكهة و أبا و حدايقة غلبا ؟ أنا بدفع قروش عشان اعلم بنتي ما عشان أخوفها )[/SIZE]

[ود المطامير]

والله أنا من يوم شفتك فى الثقافى عرفتك رائع يا رائع

[ود المطامير]

اضحك يا أحمد عمر........ أم عمر ما عندي براي بتلقاها في كل بيت

هع هع هع هع

شكيت محنك يا الحبيب