البعزّالله إدى لكزه لكزتين هنا

[خطاب العبيد]

بما إنو الواحد أعزب و((معزب)) وبفتش على باب السجن الذهبى آااااااااااسف القفص الذهبى من زمن ومالاقيه ((يعنى عاوز مساعدةوالباب مفتوح ))
عندى سؤال واحد بس ؟؟؟؟؟؟؟؟؟

ماهو شعور الزول المتزوج مرتين حته واحده والمرتين ديل ألئم ما خلق الله فى الدنيا ؟؟؟

من الزول الشين
ابو الدهب 2

[أبوريلان]

خطاب العبيد سلام ، كيف حالك وكيف قطر معاك تمام وتقبل سلام ناس الكريبة بالرياض ،

أما الرد على البوست يعينوا الله لو قدر وصبر عليهم ، دى أخير منها طاحونه ومره مجنونه .

[aborawan]

خطاب انا غايتو اديت لكزتين لكن جد ما عندي ليك اجابة شافية لكن بقول ليك البعمل كده يمشي من هسه يحجز لي سرير في التجاني الماحي

[ضياء الدين احمد]

انتو اسم ابو الدهب ده كلو معزبو العرس
اديك الفي مرادك يا خطاب ود العبيد

[عماد الصادق]

الزول الشين
سؤالك صعب .. يعني ما يجاوب إلا زول عايش الفيلم ده؟
ولكن نعقب ونقول .. نحن المعرسين واحده ..
ما يفل الحديد إلا الحديد ..
ودايما خليك حديد ..
والزول العاوز يعرس .. ما بعاين للتجارب اللي قدامه ..
لأنو .. ببساطة .. ببساطة
كل موته .. وليها طعم ...
وطبعا مافي واحد حتى الآن عرف طعم الموت ..
آي ما في زول عرف طعم الموت .. صاح ولا ما صاح ..
بس سمعنا بيهو سمع ساكت ..
يمكن يكون لذيذ .. ويمكن يكون لذيذ ..
وعذرا للتشبيه .. لكن لم يسعفني خيالي الخصب .. بغير هذا
وطبعا .. أنا شايف نفسي اليوم .. غبي غباوة ..

لا تحرمنا من الطلة أيها الزول الشين .. كونري ..
مع التحية

[madaniboy]

مع انه ابوي متزوج اتنين بس انا بشوفها عادي

هيه يكون على علمك انا من المرة الاصل الولى

خخخخخخخخخخخخ

مع حبي

فاقد

[رهيب]

لن يتزوج شخص وهو في قمة سعادتة مع الاولى لابد ان هناك خلل بينهم

[امير عبدالباقي]

كاتب الرسالة الأصلية رهيب
لن يتزوج شخص وهو في قمة سعادتة مع الاولى لابد ان هناك خلل بينهم

لكن اذا الواحد تزوج والمرتين ديل ألئم ما خلق الله فى الدنيا يسكنهم مع بعض لحدي ما يجيبو خبر بعض