النتائج 1 إلى 11 من 11

الموضوع: العنصرية ... مالها وما عليها / توجد قصص شيقة

     
  1. #1
    عضو برونزي
    Array الصورة الرمزية عباس الدسيس
    تاريخ التسجيل
    Jun 2009
    الدولة
    مدني - اركويت
    المشاركات
    956

    العنصرية ... مالها وما عليها / توجد قصص شيقة

    العنصريه انواعها متعدده وإن اختلفت الانواع فهي بغيضه التسامح والتعايش من السمات الفضيله فهنالك عنصريه دينيه نجدها في اضيق نطاق وهو نطاق القوميات والمذاهب، وحتى الأديان المختلفة. وداخل الاديان ايضا هنالك اختلاف مذاهب ولظروفنا كشعب سوداني ممكن تلقي انصار سنة متزوج صوفيه رغم تشدد انصار السنة وتحصل مفارقات طريفه بينهما جارنا في المنزل انصار سنة كثير المشاكل مع زوجته.... في شكله من الشكلات قالت ليهوا “يا ريت كان إتزوجت إبليس ولا تزوجتك”! قال ليها: “لا، يا روحي… ما يجوز الأخ يأخذ أخته.... رغم عن المشكلات المتعدده لهم تلقي الحياة ماشه عندهم .. ومن انواع العنصريه ايضا انا رجل انتي مرأة وغالبا صفة هذه العنصرية تتركز عند النساء لمناصرة بعضهم .. الحاجه الله اديها العافيه... كان مشاكل جارنا انصار السنه لي زوجتو حارقا شديد ما عايزه زوجتوا تنهزم كمرأة ... صادف الحاجه فتحت باب الشارع طالعه جارتنا زوجة انصار السنة جايه للحاجه .. الراجل الظاهر بعد الضغوط الشديده خلاها تلبس العباية السوداء المقفله كلها للرأس بدلا عن الثوب السوداني ... لما الحاجه لقتا وش قداما بعد فتحت الباب اتهجمت قالت بسم الله الرحمن الرحيم ده شنو ده يا بنات امي... جارتنا قالت ليها دي انا سعاد يا الحاجه ... الحاجه قالت ليها اجي يا بنات امي كدي انتي حسي بي قدام ولا وراء.. جارتنا فتحت وشها قالت ليها انا بي قدام ...الحاجه مسكتها من ايدا دخلت بيها جوه البيت هاك يا نصائح ونقه انا جيت ماشي رخيت اضاني سامع الحاجه بتقول ليها... انت حسي طولك زي النخله الرجل اب دقينه ده القصير حسي كان رفعتي في عراضت عريشتكم علقتي من المغرب للصباح من رقبت جلابيتوا تاني بقل ادبو عليك لبسك كدي زي(( بات مان)) بتاع مسلسلات الاطفال... مما ذاد الطين بله... انضمت ليهم جارتنا عشه دي متشدده كمان عنصريه اكثر من الوالده مسكو المرأة بالساعات جوه احرشوا فيها بعد داك كل زول مشي لي مشواروا....
    بعد صلاة العشاء انا منبطح في سرير الحديد بحوش الصالون بدون مرتبه سمعت ليك جيرانا دخلوا في الموال اليومي الراجل والمرأة بس ذادو العيار شويه المرة دي فيها ضرب طلعت الشارع اشوف الحاصل لقيت صاحبنا دفروهوا من جوه البيت طاخ الباب قفل عاينت ليهوا لقيتوا حفيان ما لابس اي حاجة في رجليهوا صفق يديهوا مشي... الراجل مشي اشتكي الحاجة معاها صاحبتا عشه قال في الشكوه هم سبب الاختلاف مع زوجتوا حتي تم طرده من المنزل بعد ان تعدت عليه زوجته بالضرب..... تاني يوم شفنا زوجتوا رجعت للثوب السوداني انا قلته للحاجه مالك او مال المشاكل اها الراجل خلا مرتوا الدقتوا انشبك فيكم انتو مشي اشتكاكم بي عريضه بكره البوليس بجي اسوقكم انتي وعشه... قالت لي كان شكوتنا دي بتحل مشكلتوا ما اقيف منها ...انشاءالله امشي لي قاضي المحكمه العليا... انا وعشه نسوان كبار عندنا ضغط وسكري القاضي بعمل لينا شنو دقينا احنا ولا مرتوا.... ورغم عن ذلك بنلقي العنصريه لوحلت المشكله بكون حل مؤقت ليس بجزري وهنالك عنصرية اللون دائما بتكون مشكلاتا عند اطفال المدارس خاصه لو مدارس اجنبيه... ولدي بتاع مشاكل جاء قال لي عملت مشكله مع تلميذ مصري معانا في الكلاس (( الفصل)) دقيتوا اشتكاني للتيتشر (( المدرسه)) تاني دقيتوا عشان اشتكاني مشي جاب اختوا الكبيره اختوا قالت لي امشي يا سوداني..... بكره ما بخليها.... انا قلته عشان المشكله ما تتفاقم بطريقه علميه قعدته ادي فيهوا النصائح... الناس كلهم ابوهم واحد .. امهم امرأة واحدة .. الأبيض والأسود .. وكل الناس بشر ... مافي انسان بختار لونوا اسود أو ابيض...خلقهم الله .... بكره لو جوك إعملوا مشكله قول ليهم الكلام ده واشتكيهم للمدير بحل ليك المشكله واديهم عقاب (( طبعا العقاب ما زي حقنا احنا زمان دق بالسوط ....العقاب عندهم تقيف في كورنه الفصل أو ما تطلع الفسحه... والله دي كان لقيناها احنا زمان ننوم نوم في كورنة الفصل دي.... تاني يوم بعد الدراسه سألتوا اها الحصل شنو.. قال لي تاني جو قالوا لي سوداني اختو سكيتا جرت مني كلمت التيتشر الفلبينيه زعلت شديد منهم قلت ليها عايز امشي للمدير مشينا اشتكيناهم... االمدير قعد اضحك... بعدين يا بابا المدير هو زاتو مصري.... قلته بعد ده المشكله دي ما بتتحل الا للرجوع لمخططات الوالدة الله اطراها بالخير... قلته ليهو اسمع يا ولدي بكره كان جوك تاني قالوا ليك سوداني قول ليهم... يا اولاد الرقاصه.. قال لي دي يا بابا ما بتزعل شنو يعني رقاصه... قلته ليهو بس انتي امشي قول كده...... والله ثالث يوم كان جاني الولد شايل استدعاء ولي امر الطالب.... قال لي بابا قالوا عايزنك في المدرسه قلته ليهوا خليني انا انت تاني اخت الولد جاتك قالت ليك سوداني قال لي والله انت يا بابا بتعمل حاجات عجيبه سحريه من قلته ليهم اولادالرقاصه البت قعدت تبكي اخوها ذاتو قعد ابكي معاها اشتكوني للمدير قال لي خلي اجي ابوك...... قلت ليهوا بعد ده خلاس خليهم علي انا اولاد الرقاصات...


    آنا لست مِثلهُم.. افعَل ما أُريـد فقط لأني أُريد~ لا اهتـم بمآ يقولون عنّي!
    لاني مؤمن بآن كلٍ يرى النآس بعين طبعه..
    مشآعري مختلفه كثيـــــرا عن غيري ...تفكيري ... مبدأي ... منطقي . تحليلي كلهــآ مختلفه عنهم!
    انطق كَلمآتي باسلوب مختلِف.. و ذوقيّ غير مرتبط بذوق آحد!
    اما "الذوق العام",,, تركته لهم.. من يفهمُني يرى فيي عآلماً مُختلف.. و من لا يفهمُني.... عذراً ليـــــــس من اهتــمآآآمي
  2.  
  3. #2
    عضو ماسي
    Array الصورة الرمزية الجندي المجهول
    تاريخ التسجيل
    Apr 2006
    الدولة
    من حته جميلة خلاص
    المشاركات
    6,674

    ياخ انت بتجيب الكلام دا من وين ( حكاااااااااااي) وسردك عجيب

    قايتو المنتدى شكلوا جاهو زولاً بعرف من اين تؤكل الكتف


    انحنا في انتظار المزيد يا ابا يزيد ،،،،،،

    اللهم صلي وسلم على سيدنا محمد وعلى آله وصحبه وسلم تسليما



  4.  
  5. #3
    فخر المنتديات
    Array الصورة الرمزية مدنيّة
    تاريخ التسجيل
    Jul 2006
    الدولة
    محل الرئيس بنوم والطيارة بتقوم
    المشاركات
    18,647

    والله مبدع يادسيس

    النبي فيك حكاية الحاجة الله يديها العافية مع جارتكم حصلت فعلا ؟؟

    كل إنـــ(انا امراة لاتنحنى كى تلتقط ماسقط من عينيها)ــــاء بما فيه ينضح
  6.  
  7. #4
    عضو ذهبي
    Array
    تاريخ التسجيل
    May 2009
    الدولة
    ام درمان
    المشاركات
    5,100

    عجيب ومبدع يا دسيس


    اها القصة ليها بقية ولا خلاص انتهت على كدا ؟؟؟

    أيقنت مؤخراً بأن القلق لن يمنع عني ما سيحمله الغد ...
    لكنه سيسرق بجرأة " راحة اليوم"
    فاجتهدت أن أحاربه بكل ما أوتيت من قوة
    و الله المستعااااان
  8.  
  9. #5
    فخر المنتديات
    Array
    تاريخ التسجيل
    Jul 2004
    الدولة
    أحلى وأحن المدن
    المشاركات
    4,251

    أها ياعباس مشيت لود بمبا أقصد ود الراقصة
    قلت لي ولدك بتاع مشاكل !!! ولو ماكان
    مولود في الرياض كان قال ليهم
    مِتعودة دايماً .


    النبي صلاح كيف ؟

    ناس بتمشى سنين طويلة وناس بدون ما تمشى توصل
  10.  
  11. #6
    عضو برونزي
    Array الصورة الرمزية عباس الدسيس
    تاريخ التسجيل
    Jun 2009
    الدولة
    مدني - اركويت
    المشاركات
    956

    الجندي الحبيب شكرا علي المرور ودائما معاك انشاءالله مع خالص ودي وتقديري.
    مدنيه وحاتك انتي يا بت امي حكاية الحاجه دي حصلت فعلا حقيقه ... غالبية كتاباتي من الواقع مع تغيير الاسماء وطفيف في الاحداث يا اخت مدنية ومتشكرين علي طلتك الحلوه.
    بت ام درمان والله الولد تاني بقي اضرع في المدرسه زي الاسد الغريبه كمان المصري بقي صاحبو لاكن انا المدير ده ما ختيتوا ليك في علبوا كره اليوم الجابو السعوديه.
    يا ود الاستاذ ياسر حبيبنا اخبارك والله الولد ده كان مولود في الدباغه مع ناس سليمان جري جمب فريق فلاته تكون مشكله كبيره ..... صلاح ما لقيت لينا حاجه ليهو نجيبوا ونجيك يا ود امي


    آنا لست مِثلهُم.. افعَل ما أُريـد فقط لأني أُريد~ لا اهتـم بمآ يقولون عنّي!
    لاني مؤمن بآن كلٍ يرى النآس بعين طبعه..
    مشآعري مختلفه كثيـــــرا عن غيري ...تفكيري ... مبدأي ... منطقي . تحليلي كلهــآ مختلفه عنهم!
    انطق كَلمآتي باسلوب مختلِف.. و ذوقيّ غير مرتبط بذوق آحد!
    اما "الذوق العام",,, تركته لهم.. من يفهمُني يرى فيي عآلماً مُختلف.. و من لا يفهمُني.... عذراً ليـــــــس من اهتــمآآآمي
  12.  
  13. #7
    عضو ذهبي
    Array
    تاريخ التسجيل
    May 2009
    الدولة
    ام درمان
    المشاركات
    5,100

    اقتباس المشاركة الأصلية كتبت بواسطة عباس الدسيس مشاهدة المشاركة
    بت ام درمان والله الولد تاني بقي اضرع في المدرسه زي الاسد الغريبه كمان المصري بقي صاحبو لاكن انا المدير ده ما ختيتوا ليك في علبوا كره اليوم الجابو السعوديه.
    ياخ ولدك دا ربنا اخليهو واديهو العافية
    والمصرين ديل اتاري دواهم سااااهل
    هم لسانهم طويل ساي بس ساهل قطعه
    السودانين كمان هينين ولا هينين
    اديك العافية يا دسيس

    أيقنت مؤخراً بأن القلق لن يمنع عني ما سيحمله الغد ...
    لكنه سيسرق بجرأة " راحة اليوم"
    فاجتهدت أن أحاربه بكل ما أوتيت من قوة
    و الله المستعااااان
  14.  
  15. #8
    عضو مميز
    Array الصورة الرمزية :@ارجوان:@
    تاريخ التسجيل
    May 2009
    المشاركات
    446

    والله يا دسيس انا من الضحك لمن اتشرقتا ياخي بالغتو مع المصري

    انا ما برضا فيهم ياخي ما تقولو ليهو تاني كدا لكن ريحتا لي بطني حسه كان سئلتك هو لو زول قال ليك امشي يا سوداني فيها ايه ؟ ما انت فعلا سوداني ليه اعتبرتها مسبه ؟

    اما مسئلة العنصريه بي الراجل والمره فدي ممكن اكتب ليك فيها معلقات

    تشكر على السرد الرائع ضحكتني من اول الصباح





    خلوني بحالي لا همني حزن ولا للفرح مشتاقه
  16.  
  17. #9
    عضو برونزي
    Array الصورة الرمزية عباس الدسيس
    تاريخ التسجيل
    Jun 2009
    الدولة
    مدني - اركويت
    المشاركات
    956

    اديك العافيه انتي يا بت ام درمان وشكرا علي التعقيب.
    ارجوان هلا ومرحب بالمرور تعرفي بقصدوا من سوداني يا اسود هم بختوها في قالب زي دا لو كان الواحد بقصد بيها سوداني كسوداني انتماءا للقطر ما فيها حاجه ... منظرين حكاياتك بتاعت عنصرية النساء ما طولي علينا


    آنا لست مِثلهُم.. افعَل ما أُريـد فقط لأني أُريد~ لا اهتـم بمآ يقولون عنّي!
    لاني مؤمن بآن كلٍ يرى النآس بعين طبعه..
    مشآعري مختلفه كثيـــــرا عن غيري ...تفكيري ... مبدأي ... منطقي . تحليلي كلهــآ مختلفه عنهم!
    انطق كَلمآتي باسلوب مختلِف.. و ذوقيّ غير مرتبط بذوق آحد!
    اما "الذوق العام",,, تركته لهم.. من يفهمُني يرى فيي عآلماً مُختلف.. و من لا يفهمُني.... عذراً ليـــــــس من اهتــمآآآمي
  18.  
  19. #10
    عضو فضي
    Array الصورة الرمزية عمرسنهوري
    تاريخ التسجيل
    Mar 2007
    الدولة
    مدني -الكريبه
    المشاركات
    1,477

    عباس سلام
    والله ضحكتني من جوه قلبي
    عندك طريقه رهيبه في سرد الاحداث الرجاء الاستمرار
    نحن نطمع في المزيد

    وحملت نجمتك الانيقة فى فؤادى
    ومشيت نحوك فانتهيت الى بلادى
  20.  
  21. #11
    عضو برونزي
    Array الصورة الرمزية عباس الدسيس
    تاريخ التسجيل
    Jun 2009
    الدولة
    مدني - اركويت
    المشاركات
    956

    الحبيب عمر سنهوري متشكرين علي المرور وانشاءالله معاكم طوالي بس انتو زورونا بي هنا


    آنا لست مِثلهُم.. افعَل ما أُريـد فقط لأني أُريد~ لا اهتـم بمآ يقولون عنّي!
    لاني مؤمن بآن كلٍ يرى النآس بعين طبعه..
    مشآعري مختلفه كثيـــــرا عن غيري ...تفكيري ... مبدأي ... منطقي . تحليلي كلهــآ مختلفه عنهم!
    انطق كَلمآتي باسلوب مختلِف.. و ذوقيّ غير مرتبط بذوق آحد!
    اما "الذوق العام",,, تركته لهم.. من يفهمُني يرى فيي عآلماً مُختلف.. و من لا يفهمُني.... عذراً ليـــــــس من اهتــمآآآمي

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
by boussaid