ابقي معناها شنو ؟ في حاجة غلط

[ابوالنور]

كلمة مكملة لرصة غير مكتملة في البني ادم والكمال لله وحده
تمرق من بيتكم وماشي شغلك في امان الله وتصل باب الشغل وتدخل يدك في جيوبك الستاشر وما تلقي المفتاح
ابقي معناها شنو ؟ في حاجة غلط

[مدنيّة]

تلاقي الناس هنا بوش

وتمشي في محل تاني بوشي مغااااااااااااير

يبقي معناها شنوووو ؟؟ في حاجة غلط

[ابوالنور]

غابت مفاهيم و اساسيات كانت تحكمني.. ظاهريا على الاقل
وظهرت فكرة ان كل شيء صواب..و كل شيء خطأ في الوقت المابحوق زاتو ده
ابقي معناها شنو ؟ في حاجة غلط

[ابوالنور]

المفروض؟؟
الواحد يعمل الحاجه الصح من وجهة نظره
ولا يعمل الحاجه الصح من وجهة نظر الناس؟؟
ابقي معناها في شنو ؟ حاجة غلط

[ابوالنور]

امن تقوم من النوم الساعة 5 صباحا وتصل الخرطوم 8 صباحا وماتخلص ابقي معاناها شنو ؟ في حاجة غلط

[ابوالنور]

امن تخش وتقري الموضوع وتطلع وما ترد
ابقي معناها شنو ؟ في حاجة غلط

[:@ارجوان:@]

امن تخش وتقري الموضوع وتطلع وما ترد
ابقي معناها شنو ؟ في حاجة غلط

تخيل قريت الموضوع وكنت طالعه قريت عبارتك دي قررتا ارد
ولو ما كنت رديت اكيد كان حيكون في حاجه غلط

[عاطف عولي]

لمن تقول لزول أمشي قول للزول داك كدا كدا ويجيك الزول يقول ليك كلمت الزول ويجيك الزول داك يقول ليك الزول دا ما كلمني مع انو أنت قلت للزول دا كلم الزول داك وجاك وقال ليك كلمته وهو يجيك يقول ليك الزول دا ما كلمني يعني يكون
أكييييييييييييييييييد في حاجة غلط

[مبارك الجنيد]

لمن الناس تقرر براها زى قرار بتاعين الامجاد بعد عشرة بى جنية ومايلقوا زول يقول ده غلط (ابقى فى حاجة غلط)

[هيثم عبدالعال]

خشيت وقريت كل الكلام وما حأقول أي حاجة
يبقى في حاجة صاح

[moh_alnour]

حاجة واحدة بس الغلط ؟ حاجات و حاجات
وحاجات تانية حامياني

[ابوالنور]

خشيت وقريت كل الكلام وما حأقول أي حاجة
يبقى في حاجة صاح

بما انو في حاجة صح ابقي معنا شنو ؟ في حاجة غلط

[ابوالنور]

امن الوالي الجديد يجي المستشفي ويوقف عربيتو بعيييييييييد
ويقيف جمب التزاكر ويسأل التزكرة بكم ويقولو ليه ب 2 جنيه ويقول ليهم ليه انا ماشي الكاملين
ابقي معناها شنو ؟ في حاجة غلط

[ابوالنور]

شكلو كده اكيد معناها في حاجة غلط

[باسطه]

لمن تبقى في الغربة 20 سنة ولسه مامعروف حتستقر في السودان بتين ابقى في حاجة غلط!!!

[ابوالنور]

امن تكون مستني ليك زول عازم نفسو معاك قهو وما يجي ابقي معناها شنو ؟ في حاجة غلط

[عاطف عولي]

امن تدخل المنتدي وتلقا المواضيع يها ذات لا زيادة لا أضافة يبقي أكييييييد في حاجة غلط.
لمن ناس يمشوا ما يجوا وامبارح كانو معاك ابقي قطع شك في غلط.
لمن ناس تقيف تتفرج اكييد في شي غلط.
لمن الناس ما تسال من الناس اكيد في غلط.
امن الناس تشوف الغلط وما تقول دا غلط اكيدابقي في غلط.

[littlestar]

لما تلقى زولك... وطنك.... دارك.... داقى حركة خلف
يبقى أكيييييييييييد فى حاجه غلط

أبو النور
الله يديك العافيه

[littlestar]

لما تحس إنك بين أهلك ناسك
أخوانك شبابك ال ف المنتدى
ولغة الحوار والتجاوب مفقوده

يبقى ياهو الغلط ذاااااااااتو

كسره:
يا أخوانا الحاصل شنو؟؟؟؟
الإتكسر بيتصلح أكيييييييييييد
بس الأهم دايمن أول خطوه تكون كييييييف؟؟؟

[ابوالنور]

خيالات تلخيصيه فيهاالكثير من ذكاء عبيط ..يعتمد علي تلفيق المعطيات البدائيه لتصير قضيه او مسأله ذات طابع لايمت للديك بصلة
ابقي معناها في شنو حاجة غلط

[عاطف عولي]

لما تحس إنك بين أهلك ناسك
أخوانك شبابك ال ف المنتدى
ولغة الحوار والتجاوب مفقوده

يبقى ياهو الغلط ذاااااااااتو

لمن نقول جنس الكلام دا غلط او فيه غلط اكيييييييييييييييييييييييييييد ابقي في غلط

كسره:
يا أخوانا الحاصل شنو؟؟؟؟
الإتكسر بيتصلح أكيييييييييييد
بس الأهم دايمن أول خطوه تكون كييييييف؟؟؟

لمن الأنكسر ما يتصلح اكييد في غلط.
امن الناس ما تاخد وقفة وتراجع المسيرة أكيييييييد في غلط.
امن ما يكون في تقييم وأعادة تقييم اكيد في غلط.
امن يكون في تجاهل لغياب البعض أو ابتعادهم دون معرفة الأسباب اكيد دقا ناقوس الغلط.
دس الراس في الرمال اكييييييييييييييييييييييييد دليل في غلط.
امن نقول مافي غلط اكبر دليل انو في غلط

[ابوالنور]

امن تجتهد وتتحكر في الكرسي وتكتب ليك سطر سطرين وتجي بعد يووووم كامل وفردة رد
ابقي معناها شنو ؟ في حاجة غلط

[عاطف عولي]

امن تعمل بوست في الشارع العام اقصد المنتدي العام تبحبث بيه عن اخوان ضايعين ورايحين وتلفت تلقاه مافي اكييييييييييييييييييييييييد عين الغلط.

امن ما يقول ليك ليه حذفناه او نقلناه يكون في غلط .

امن تشوف رواكيب مشلعة وعلي عينك يا تاجر موجودة وكمان الجماعة يباركوها ويقول ليك انت عشواي اكيد اكبر من غلط.

امن ما يعبروك وما تمشي يكون غلط

[صديق بلال]

لمن تشوف الصح غلط والغلط صح.. أكيد في شئ غلط.لمن تشوف الناس حايصة ولايصة في الحياة.. أكيد في شئ غلط.
لمن تشوف الناس بتترك بلدها لتعيش في الغربة.. أكيد في شئ غلط.
لمن تشوف الناس وكل شئ بعين وحدة.. أكيد في شئ غلط.
ولمن ولمن ولمن ولمن.............. أكيد في شئ غلط
لمن نرجع كلنا أنا وإنت وهو وهي ووووو...إلخ لكتاب الله وسنة رسوله صلى الله عليه وسلم.. أكيد ميه في الميه ما في شئ حيكون غلط.

[ابوالنور]

لمن نرجع كلنا أنا وإنت وهو وهي ووووو...إلخ لكتاب الله وسنة رسوله صلى الله عليه وسلم.. أكيد ميه في الميه ما في شئ حيكون غلط.

امن تلقي كلام حلو زي الكلام ده وما تقيف فيهو ابقي معانها شنو ؟ في حاجة غلط