الجيل الجديد اجمل عندو ذاكره قوية بس بكون فيهو العيوب القديمه الرنه والزنه في الاضان لازم تدفع.... يعني ايه.... فواتير مكلفه.... الحاجات الحلوة والمغريه دي انت مفتكرها ما مكلفه ده البجيب وجع الراس عشان كده بتكون مسألة الاختيار صعبه خالص مع الموديلات الكثيره دي ......... بالكم ما امشي بعيد انا بتكلم عن الموبايلات عايز اربط وجه الشبه بين المرأ والموبايل هل الثرثره هي القاسم المشترك بالضبط ابحث عن اجابة للأسئلة:
شركات الاتصالات بقت علي قفي من يشيل كل يوم شركة جديدة يا جماعه احنا ناقصين كمان احيانا الكلام منتصف الليل بلاش... يعني ما نوم كرهتونا لعب البلي ....مافي يوم بتاع مول (( عفراء)) اطلع اعلان الاكل من الساعة العاشره صباحا الي الساعة الحادية عشر مجاننا.... كلو دعايه واعلان..... عشان بس ما تكون مربوطه بالموبايلات والاتصالات (( ما عارف عم مين.. عندوا ولدين حسن وحسين........ تمشي في الاعلان في النهاية المسألة ترتبط بالزواج مع الشريحتين تاني رجعنا لي حكاية المرأه والموبايل والارتباط الوثيق بالدعاية والاعلان شركات كذابه جنس كذب.... زي الواحده لما تكون عايزه تعمل لي روحا دعايه تلقاها تقول قاعده في نص النسوان :
انا زمااان كنت زي كدا بس الحمل والولادة خربوا جسمي
( ارحمينا يا مارلين مونرو) ؟؟
كل ما مشيت زواج يخطبوني
( معقوله بس اصلوا انتي دبيب ما بتكبري) ؟؟
أي احد يشوفني ما يديني عمري الحقيقي
( والله عجيبه انتي ارنب طوالي صغيره؟) ؟؟
مافي واحد يصدق دي بنتي طوالي اقولوا اختي
( يا سلاااااااام علي الجمال)؟؟
زوجي وعدني السنة دي اغير لي الذهب
( خلينا من الفالصوا الفي يديك ده) ؟؟
يا جماعه ريحونا من الثرثرة كان بالموبايل كان من الجماعه اضنينا ديل اتصجن تررن تررن ... زننن زننن بالكلام بقينا ما بنفرز حاصله لينا لخبطه يعني ما بنجمع مع ايقاع الزمن السريع... القاسم المشترك الاخير الحب اعتقد كل الناس بتحب الموبايلات خاصة الموديلات الجديده... كل الناس بتحب الحب بس الفرق ناس بالايقاع السريع ناس باالايقاع السلحفائي الاخيره دي ما فهمتوها ليه انتو بالكم بمشي بعيد طيب نوضح ليكم يا احبابي الحلوين:
كان يا ما كان في سلحفتين صغيرين كانوا بيحبوا بعض
كبروا واتجوزوا وخلفوا سلحوف صغير
سموه ابوسريع علي ايقاع الزمن السريع
وفي يوم من الايام:
اقترحت ام ابو سريع على ابو سريع
امشوا اتفسحوا علي شاطيء النيل
جهزوا لوازم الرحلة
وبدؤ المشي الى شاطيء النيل
سنه .. سنتين ...... 3 سنوات .... بعد عشرة سنين وصلوا
وصلوا علي الشاطيء وفرشوا علشان يأكلوا وفجأة
صرخت ام سريع:
" تصدق يابو سريع نسينا أهم حاجة
نسينا الملح عشان الاكل
.اخطف رجلك وارجع البلد جيب لينا ملح .."
صرخ ابوسريع وقال الله يعني دي عايزه ليها 20 سنة؟
عشره ماشي عشره جاي.... يكون الأكل برد
الأحسن إمشي الولد سريع خفيف ولسه صغير
ونادوا سريع وقالو ليهو .
مشي سريع بالطريق
سنة ... خمسة سنوات .. عشرين سنة.... ثلاثين سنة .................
لسه ما رجع السلاحف بدأت تقلق
فقالت ام ابو سريع احسن ناكل بدل ما الاكل
يبرد لما اجي سريع نعمل ليهو اكل ثاني
فجاة ...........
خرج ابوسريع من ورا شجرة وقال
يعني لو كنت رحت كان اكلتوا بدوني ؟؟؟
رد مع اقتباس
المفضلات