في لغة اهلنا في الارياف انت موظف معناها حكومه وفي بعض المناطق انت مجبص بي بنطلون معناها افندي وهذا لايعني انك حكومه وذلك حسب ثقافة كل منطقه بالسودان الحبيب مع ترامي اطرافه وكبر مساحته كما ان اهلنا في الاطراف بسطاء في التعامل يفتقدون عملية التنظيم الاجتماعي لادارة تعاملهم شيخ القريه هو محور التنظيم الاجتماعي وهي وظيفه تتوارث شياخة المنطقه وليس يتم الانتخاب لها ديمقراطيا حسب المؤهلات برضو الحال عندهم ماشي رغم ان وظيفة الشيخ لم يحصل لها تطور وهي كما هي منذ القدم.
فترة عملي في غرب السودان اعتبرها اجمل فترة عمل في حياتي لبساطة الحياة وطيبة اهل الغرب طبيعة عملنا كانت بتمويل صغار المزارعين من البنك للزراعه وذلك بضمانة شيخ الحله لما له من سلطه في تلك المناطق ايضا لعدم وجود ضمانات لدي المزارعين فيتم التمويل عيني ونقدي وغالبا المزارعيين يحرصون علي النقدي ذهبنا لاحد المناطق بغرض التمويل وذلك بعد اجراء المسوحات الميدانيه لهذه المنطقه والذهاب للشيخ عدة مرات واخر مره اخطرناه باننا سوف نحضر المره القادمه للتمويل بعد ان وافقت الادراه العليا للبنك بعد رفع الدراسات لهم فعليه احضار المزارعين الذين تم اختيارهم للتمويل للاجتماع بهم قبل عملية التمويل والاجراءات الورقيه وفي اليوم الموعود للاجتماع تحدثنا مع المزارعين علي حثهم للعمل بجد وذلك حتي يتمكنوا من سداد التمويل عند الحصاد وسداد التمويل يعني لهم ان يتم تمويلهم مره اخري بطريقه اوسع من الحاليه وضربنا لهم مثل بالبلدي قلنا ليهم (( كان في شيخ حله عندوا قريشات موفرا عندوا اوضه صغيره فيها شباك مع السقف خاتي القروش فيها كل واحد من ناس الحله احتاج لي دين اجي لي الشيخ ادين منوا بعد اجي ارجع القروش الشيخ اقول ليهوا ختها في الشباك مره جاء واحد شال القروش ما رجعا لما جاء واحد تاني استلف منوا الشيخ قال ليهوا شوف الشباك ده فيهو قروش اخونا ما لقي في الشباك حاجه ... ليه لانو الشال القروش اول ما رجعا ناس الحله كلهم تضرروا من عدم رجوع القروش... اها يا جماعه الشيخ طبعا هو الضامن للتمويل عشان كده نحرص علي سداد السلفيه..... بعد داك الشغل بدأ الورقي وتسليم القروش للمزارعين والشيخ إبصم في العقودات لما انتهينا قلنا نمشي الشيخ اصر لازم نتغذاء معاهوا قلنا ليهوا اكرامنا احنا والغذاء الناس دي تسدد بعدين الشيخ عاين لجماعتوا وعاين لينا..... قال لي يا ولدي حكومه ده زمنا كلوا تاكل في قروشنا اجوا لينا ناس المجلس حقين الغنم والبهائم الليله الله طرطشا وادتنا قروش تاني إهنا نرجعا ليها يا ولدي كان هكومه الله طرطشا انت الله طرطش مخك.
رد مع اقتباس
المشاركة الأصلية كتبت بواسطة عباس الدسيس
المفضلات