الايام دي في حاجات غريبه قاعده تحصل والاغرب منها انها بقت
مصدر للتباهي والفخر
جد انا عايزه اعرف الحلو شنو في انو الواحد هو سودااااني ويتكلم لهجه ما لهجتو ويلبس توب ما توبو
او انو الواحد يعمل شعرو بالجيل ويعمل فيها تامر حسني ليه تامر احسن منو في شنو
وغير كدا البنات بقن بس بعرفن (انا ما بعرف ، ما "فيني"يعني بالسوداني ما بقدر)
ليه كدا يا جماعه دا ما كلامنا ولا طبعنا ولاتربيتنا واماتنا وحبوباتنا ما علمونا كدا
ليه الواحد يفخر بي انو ما بسمع غنا سوداني ،او انو ما عايش في السودان ودي اول مره يشوفو (بلدكم دا)
وين العنقريب والمنقد والهبابه والشرقرق والجبنه في ضل النيمه المرشوشه
ونحن عندنا احلى تراث وماضي وحاضر وغد بعون الله
رد مع اقتباس
المشاركة الأصلية كتبت بواسطة بنت النيل
المفضلات