بيع وشراء

[شبارقة]

سنة سبعين مشيت الحج ...
بعد طفنا وسعينا مشينا منى ...
أول ما نزلنا ...
اسمع ليك المره المصرية تكورك ...
يا خراب بيتك يا فوزية ....
اتخرب بيتك يا فوزية ....
قلت اشوف الولية المات ليها منو .؟؟.؟.؟
ـ مالك يا مره ...
سبني فحالي ياحاق (حاج يعني)، هكذا يعللها كلما قص عمي النور قصته العتيقة ، يلوك حروفها بطقم اسنانه الفضي ، وتارةتخرج كلماتها مع رزاز لعابه المتطاير ...
ورغم معرفتي التامة بكل جزئيات القصة ، استحثه في اسى المجبور:
أها يا عمي النور وحصل شنو تاني؟؟؟
المهم ...
حق الله .. بق الله ... عرفت انها روحت قروشا ...
وسألتها :
ـ قروشك الراحو ديل ...كم؟؟؟
ـ مية وخمسة وستين ريال سعودي ...
ـ طيب يا حاجة ...
ـ هاك ديل ميتين ريال ...
خلاص مبسوطة ؟؟؟
ـ ربنا يبعتلك أولاد الحلال ... ربنا ..... الخ
أها مشيت خليتا ....
نمشي عرفات ...
ونجي منى ،،،
القى الولية زااااتا تكورك :
يا خراب بيتك يا نبوية....
اتخرب بيك يا نبوية....
ـ انتي يا ولية مش كان اسمك فوزية .. ؟؟
واديتك ميتين ريال امس ؟؟؟
علي الطلاق ما تمرقي لي ميتيني الا اطق راسك بي حجار مكة دي ...
ـ خد اهي الميتين بتاعتك ..... عالم فقرية ... هو انت اديتني حاجة ... روح يا شيخ الله لا ادالك ....
يضحك عمي النور بفرح طفولي حد القهقة عندما يصل الى هذه النقطة ...

كل هذا جال بخاطري وانا انظر الى بائع أعواد الثقاب الذي اشتريت منه علبته الأخيرة قبل قليل في وسط السوق العربي في الخرطوم ، وهو يصيح والعرق يتصبب من جبينه:
ياجماعة اخر كبريتة ، واحد ياخدها يخليني امشي لي عيالي ..
غير أن الفرق الذي بيني وبين العم النور انني اشتريت وهو اعطى ، وبين البائع والمشتري (يفتح الله) ...

[moh_alnour]

بايرين من سنة سبعين سميناها رضينا و قلنا ماشي
لكن حاجين من سنة سبعين دي خلعتني يا شبارقة
قلتا الزول دا غشانا بالماستر بتاعو دا ولا الفهم شنو
حجا ً مبرورا ً و سعيا ً مشكورا ً و ذنبا ً مغفورا ً و عودا ً حميدا
تتعدد الأسباب و النصب واحد

[شبارقة]

بايرين من سنة سبعين سميناها رضينا و قلنا ماشي
لكن حاجين من سنة سبعين دي خلعتني يا شبارقة
قلتا الزول دا غشانا بالماستر بتاعو دا ولا الفهم شنو
حجا ً مبرورا ً و سعيا ً مشكورا ً و ذنبا ً مغفورا ً و عودا ً حميدا
تتعدد الأسباب و النصب واحد

ههههههههههه
شنو ي ود النور داير تعمل لي دعاية ....
عليك الله لو قالوا ليك شبارقة دا مواليد سبعين بتصدق ؟؟؟
لا يا خي ....
ديل ناس .......... و ............ و .............. والمشرفين ، نحن (سغاااااااااااااار) ...

[مدنيّة]

سنة سبعين مشيت الحج ...
بعد طفنا وسعينا مشينا منى ...
أول ما نزلنا ...

تبعا ياشبارقة نفس خلعة ود الجاك

افرز ياخ


ياسلام عليك ياشبارقة لما تكتب

بالله واصل وخليك قريب ما تقطع ياخ

[عزيز عيسى]

ههههههههههه
ديل ناس .......... و ............ و .............. والمشرفين ، نحن (سغاااااااااااااار) ...

غايتو يا شبارقة عايز تجيب لنفسك (الشبك) بفتح الشين.
أفرز ياخ أفرز ذي ما قالت ليك مدنية.

وعمك طلع شديد ولميض عرف يطلع قريشاته من
البلباصة بت (بمبة).. وذي المواقف دي بتلاقي
ناس كثير. وقصتك دي ذكرتني قصة مشابهة
ذكرها أخونا الظريف أبوحراز لكن بطل قصته
واحد سوداني.. لو بحثت في العام بتجدها.

[شبارقة]

تبعا ياشبارقة نفس خلعة ود الجاك

افرز ياخ

أفرز شنو يا خالتي مدون؟؟؟
هو بعد العمر دا الزول بيفرز حاجة ؟؟؟

بقيت يا كافي البلا لا بفرز الجنيه من الخمسمية !!
ولاّ ما في خمسمية؟؟؟

[شبارقة]

غايتو يا شبارقة عايز تجيب لنفسك (الشبك) بفتح الشين.
أفرز ياخ أفرز ذي ما قالت ليك مدنية.

وعمك طلع شديد ولميض عرف يطلع قريشاته من
البلباصة بت (بمبة).. وذي المواقف دي بتلاقي
ناس كثير. وقصتك دي ذكرتني قصة مشابهة
ذكرها أخونا الظريف أبوحراز لكن بطل قصته
واحد سوداني.. لو بحثت في العام بتجدها.

أعز عزيز ...
سلام حدادي مدادي ...
يحلنا الله من (الشبك) و (السياج) و (القفص) ..... الا القفص الذهبي ... آمين ، وجمعاً ان شاء الله ... قول يامين ...

[مايسة]

هههههههههههههههههههههه

تصدق القصة عجيبة

يديك العافية انت وعمك النور