لوعندى في الزواج منك نصيب
العمر المشى دا كافى عشان انتى تاتى يعنى لمتين
تفتكرى انى بنتظرك
اصلو ما منطقى البتعملى فيهو دا !!
فدون شك زوجتي مولودة وقاعدة وماشه على الارض
يعنى اصلو ما ممكن اتزوج من جكس الليله ويلا من جكس بكرة
انا عارفك قاعدة فى مكان ماء
لاكن وين وين ويييييين !!!! دا سؤال صعب على اجابتو
البحث عنك يا هنايه وسط الزهور الكتيرة دى امر مستحيل
بيد انه امر مرهق والعمر مافضل فيه مايكفي كما ترين
فقد بلغت ال26 وانا ماشي والنسين شغالة فت فت تتلب منى
ومستغرب كيف انى لسة ما لقيتك
الاختار الان بقى واضح البنات فى الشارع والفى البيوت قليل
ما يا كمان القاك او.. ما القاكي عشان الواحد يحسم قصتو ,ويلم من طرف
بس انا لو قمتا اتزوجتا من طرف حتكوني انتي (يعنى ياكى زولتى زاااااااتا البفتش ليها ) الزولة المن طرف دي !!
واكون ساي ودرتا ستة سنين بحث وفتيش وقسمتي قااااعدة في (المن طرف) ؟!!
ولا حتكوني انتي برضو موجودة في وسط جوطة الدنيا دي وانا خشيت في ناس الطرف شفقة مني ساي
وحاقوم اضيعك معاى شفقه منى
لا تلقيني مع غيري.. ولا انا مع غيرك القى نفسي
امانة بالله
لو حسيتى انك برضو قاعدة تفتشى فينى وكلامى دا صادفك قولى عوووك
انا لي ستة سنين بفتش فيكي ياخ
كلفي نفسك مرة وفتشي معاي
الناس بدت تاكل وشي ياخي ابوى لقبنى بالخائب وقال
انو فى عمرى دا ولد اتنين
داير اكمل دينى ياخ
خلى عندك دين وتعالى كملى لى دينى دا
معظم الاهل يظنون اننى رافض فكرة الحبيبه وهم كل مرة يسالونى اها عملت شنو
وانا ارد عملت نايم ولسه ما لاقيها !!!!
اختى الصغيرة كل مرة تسمع زغرودة تقول لى انت متين داير تعرس
داير اجاوبها ساى
حرررااااااااام كدا
كدى قولى خير وفتشينى وشوفى الخير البجيك منى
داسى ليك كمية حنين اسكتى ساى محلك سر حنين ممزوج ومعتق متورك لنا لا يعرفه غيري وغيرك وما بتخمر بدونك وحياتى فطيرة من دونك
يلا حسى وتعال إلا واعلمي ايضا انه لن يكون هناك مايكفي من العمر وحرارة الشوق لو واصلتى في هذا الغياب
بنتهى في قلبي حنيني إليك
شبابى دا اصلو ما دايم لو واصلتى كدا غياب حينها لا يصلك مني إلا الالم
الشبكة خلاص طشت تعالى سريع !!!!
حارة شديد والله سته سنة
والسنة فيها 356 يوم اكون وحيد
تعالى قاسمينى الحنين
تعالى شيلى منى الالم
تعالى نسمح غباشة الدنيا ونكسر رتابتا
فمتى تمتد اغصان شجرة العمر الجميل بيننا؟
متى نمدُ لها سبيط تمر الذكريات الخصيبة..ويبسط كل منا لرفيقة من ثمر الإلفة والمودة ما يشتهي
انا لو قعدتا كدا راجيكى ومنتظر ..
جاية متين يعنى ؟!!
لو ظللتي تهرقين من عمرك كدا في كل عام... 365 يوم
لو ظللنا كدا حبيبان في الغياب وقلقان في السنين لايلتقيان
متين الملتقى؟
وتبقى سيرتك هي الكلام والاحلام الحلوة البعيشا في صحوتي
او حتى في عز المنام ..ويبقى اسمك هو الغنا
هو البخفف لي عذابات الضنا
الشفتو منك يا منى الروح يا انا ..وصفو بصعب ياجميل
واحى انا من النار العلى انا
التوقيع :
حبيبك المنتظر على احر من الجمر خ/ ترخيص الحب نجم الدين سعدابى
رد مع اقتباس
المشاركة الأصلية كتبت بواسطة عبدالرحمن مدثر
المفضلات