ديك وديك (مسلسل نصف منقول)

[درديري كباشي]

في مكان آخر لا يقل فضلا عن هنا اتفقنا انا وزميلة تسمي نفسها شهد الكلام في كتابة مسلسل في المنتدى مشترك .. ونبعت في الكره منها هي بعد كتبت انا قصة ثرثرة في عالم الصراصير .. هي كمتداخلة طلبت مني ان افتح القصة واواصل في سلسلتها .. وقلت لها دعي الصراصير تموت وانا لن اتمنى لها عمرا مديدا في بيتي .. لكن تعالي نعمل مسلسل مرتجل مشترك حلقة مني وحلقة منك .. وقد كان فعلا المسلسل .. نقلة مدهشة نترك لكم حكمها ..
كما ننا شد الاخت شهد لمعاودة الظهور مرة اخرى وعدم طمر هذه الموهبة .. التي اثبتت شئ واحد ان هنالك كثيرين لهم مواهب مدفونة تكفيهم عن نقل مواضيع الغير ولتاسينا بشهد لوجدنا في ذاكرتنا الكثير والذي يستحق نفض الغبار عنه والى المسلسل والحلقة الاولى كانت بقلم شهد وانا اعتبرها منقولة لذلك سميت المسلسل نصف منقول لانه حلقة مني وانا عضو هنا وحلقة من شهد والتي نتمنى ان تاتي هنا وحفظنا لحقها الادبي بعبارة منقول .

[درديري كباشي]

مقدمة منقولة بقلم شهد الكلام

اولن
الشكر لله
ومن
ثم
للرائع
ابو الدر
على اتاحة هذه الفرصه لى
لان اكتب بمعيته التى هى فيصل للمتعه

والله الحيرة صعبه ياخواتى ,, هسع اسوى شنو انا وسط الديكه ديل ,, والديك اصلن قصتو شنو ؟؟
مابعرف ,,حتى ماكان عندنا قفص جداد فى البيت عشان احاول استجدى افكارى

عمومن بحاول
ههههههه

بس اضافه لكلام اخونا الكباشى
الفكره عشوائيه
حتى ماف تنسيق بيناتنا لشكل الحلقات
كل واحد ح يخلى التانى يكتب الفى مصارينو كلو
ويجى يواصل وراء
شاء ام ابى



ولحظات
وتجيكم ناطه الحلقه الاولى
كونو مع الموعد

[درديري كباشي]

الحلقـــــــــــــــــــــــه الاولى




المسلسل تدور احداثه في مزرعة دواجن
تمت الترجمه بمعامل شهد وابو الدر






قفص من اقفاص مزرعة الدواجن يعج كعادته بالدجاجات البيضاء وديك وحيد حارس لهن . يوم روتيني بعضهن تنبش في مكان الاكل واخريات في غيلولة نومة الضحى واخريات في محاولة انجاز واجب اليوم بالتبييض .
فجاه يفتح الباب ويرمي بديك ملون ضخم الجثة .
يقف الديك وهو يسخط بلغة الدجاج طبعا وهو يتنفض من التراب ( ما براحه اصلوا ما في معاملة احسن من كدا )
ثم يتلفت ويصدر صفيرا وهو يشاهد هذا الكم من الدجاجات في قفص واحد وبحركه دائريه تمشيطيه للقفص كحل كل الدجاجات اللائى يتوسطهن ذلك الديك البلدى الوحيد( فى العقد الثانى من العمر ),,,,,

ياسلااااااااااااااااااام ( رعشة اعجاب بجميع الوشوش سرت عبر ريشو ابتداء من ذلك التاج الاحمر القانى اللون الى الاطراف مرورا بالصدر ,,, جال بذهنه حجم غضبه اثناء الترحال من مركز التهجين ( حيث انه ديك هجيييين ) ,,
هاهو القفص يتمتع بالماء النظيف وربما المقطر بانيه من الالمونيوم ,,واكل مختلف اللوانه واشكاله وهو بن العز الذى قسى عليه الدهر ,,,

رفع رأسه ليرى اجهزة الاناره الليليه التى تعم المكان وعرف ان الليل سيكون قصيرااا وقصيرااا جدن .
رجع تانى كشف لحسناوات القفص ... كل واحده اسمح من اختاااااا لكن الغريبه ماف واحده استوقفتو مرا عليهن مرور الكرام مع الاستحسان طبعن ,,,

وبين كل هذا كان احساس التعب يسيطر عليه وقال لروحو ( كدى الاشوف لى ركن انجعص فيو ) وفعلن اتجهه الى ركن كدا تتبعه نظرات المعجبات ( فقد كان هاند سم اينف )
المهم لقى لى ركن ركلس فيو ,,, وبقى بين نعسان وصاحى يتابع مجريات القفص ,,,

لفت نظرو تلك الخاله ( دجاجه كبيره ) شكلها مهجنه مهجنه ,, تقطع المكان ذهابا وايابا ,, تعلو ملامح وشيها سمات الغضب والقلق ,, فكر يتخفف ويمشى عليها امكن عايزه مساعده ولاحاجه ... وقعد يتكلم مع روحو ( ياديكسون ياااخ ماف مروه المره كبيره ومسكينه شكلها ف ورطه ) ,,, وتانى يقول ياولد بطل رشاقه كدى امكن بتتريض ياااخ ,,,, وفى ظل تضارب خواطرو دا سمع صوت اقدام ادميــــــــــــه تقترب من القفص
و ..................... وكرب رب اتفتح القفل
سيييييييييييييييييييييييك ( صوت المفصلات حاولتا استفيد من البوست بتاعك ياكباشى بتاع الاصوات دااااك هههههههه )
وسمع الادمــــــــــى يقول هش هش هش

ودخلت ..... دخلت
ياللهوووووول ,,,, دى جداده ولا جنيه دى ,,, دا شنو دا الانا شايفو دا ,, حلم ولاعلم
غمض وفتح
قلع عيونو ,,, بلع ريقو ابا ينزل ليوووو ,,وحسا بقلبو وقع بين رجولو ( والغريبه مافكر يدنقر يعاين لقلبو الوقع دا ) داير يقيف ..حيلو ماشالو

وفضل مقهى ( الكلام دا كلو فى كسر من الثانيه )
طلع من الغيبوبه دى على صوت الام ( الزارعه المكان من قبييييل مشيه وجيه )
انتى ,, انتى يا الشقيه الله يقصل زى ماقصيتى حيلى ,, البت ياخوانى مابتسمع كلامى ,,قدر ما اقول ليها ماتطلعى مابتسمع كلامى ,,انا لو ماماليه عينك كلمينى ,,عشان ابوك ماات خلااااص ماف زول يقدر يقول ليك تلت التلاته كم ؟؟؟
انا الضغط والسكرى يومى مقوماهم لى اتى ,,ياولادة الشوم والرووووم

ووقعت فيها نقيييييييييد وخبيييت بالجناح,,, وهبا الجميع عشان يمسكوها منها ( ياخ دى شبه ضرب دى )
بما فيهم صاحبنا الجديد
وقبل ما اى زول ( جداده ) يهش ولا ينش تصدر الموقف ذلك الديك البلدى ,,, كلهم وقفو مكانك سر فى اماكنهم صاغرييييييين بما فيهم الام

صاحبنا جاتو دهشه مقرونه بكومه
يبدو انو الزول دا كلمتو مسموعه
وفى يديـــــــــــــــــــه القرار
وماعارف ليه قلبو وجعو ( وقال الله يكضب الشينه )




( طولتا الحلقه عشان الرؤيا الاولى توضح )

القلم معك ابو الدر

يتبع

[درديري كباشي]

مقدمة مني انا قبل الحلقة الثانية :
بما ان شهد حلتها لسع ما طلعت والناس متنظره ومربعة يديها انا حا امسك المايك واحاول اعطي الجمهور فكرة عن الموضوع اولا نبدا بتحليل الاسم

اسم المسلسل هو ديك وديك

ديك الاولى معروفة وهو الاسم الذي يطلق على ذكر الدجاج (راجل الجداده بالعاميه ) وهو ذلك المخلوق الجميل المزعج والذي الزم نفسه بايقاظنا كل صباح رغما عن يقينه التام باننا اصلا لا ننام وعندما عرف ذلك اصبح يؤذن ليغيظنا فقط . قد حكى لي احد الاصدقاء وقال عندهم ضيف زارهم من مدينة ثانية وهو والضيف نايمين في الصالون وقال كان عندهم ديك مستجد مراهق فرحان بصوته وبالتالي مصر يؤذن في راس كل ربع ساعه . وقال انا تعودت ونمت لكن فجاه صحيت بالليل ولاحظت ان الضيف غير مغطى ويحتك من لسعات البعوضة قال حملت الملايه وغطيته من الباعوض قال فتح قال لي انا خليني غطي الديك داك . بعدين هو ذاتو البنوموا ليها شنو لو ضرب لستك عربية زمان كان في احتمال واحد لمصدر الصوت وهو ان لستك عربية ضرب . الان هنالك حوالي خمسة عشر احتمال اقلاهم هو لستك العربيه . ومافي داعي نعدد هذه الاحتمالات وخلونا في ديكنا احسن .

اما ديك ثانية فهم اما الواو واو عطف بالتالي يوجد هنالك ديك ثاني في الموضوع او احتمال وديك كلها كلمة واحده وفي هذه الحالة هو ديك واحد ولكن ممتلئ بالودك أي سمين وهذا ما ستسفر عنه الاحداث وكونوا معنا .

[درديري كباشي]

الحلــــــــــــــــــــــــقـــــة 2

الديك البلدي وهو السيد ديكو . وهو راجل البيت وقد صابته الغيره وهو يرى هذا الغريب يتحسس في حريمه دون حياء بحجة انه يحجز البنت كوكا من امها ام الفراخ او هكذا تهيا له . وهو يعلم انه زوج امها وفي مقام ابيها . ولكن حس بان هذا الديك الجديد الذي اقحم عليهم اقحاما هو ديك صايع والظاهر عليه بتاع جداد ( على وزن بتاع بنات ) . وهنا بدون ما يحس ذهب وجراه من منتصف الحريم ورزعه كفا بجناحه الايمن كاد يفرتك منقاره .
سقط السيد دكسون ارضا وبدا الدم ينذف من انفه . وبدا عليه انه لم يعد يستوعب الموقف وهو لا يدري ما الذي حدث تحديدا ولا يدري لماذا ضربه هذا الرجل الديك ؟؟؟ . كل الذي فعله انه خاف الا تخرق الام عين بنتها نقرا او تؤذيها لذلك تدخل لفصلهما . وفجاه يجد نفسه هو موضع الضرب .وواقف يمسح الدم من على انفه اذا يفاجا مره اخرى بان السيد ديكو يجري نحوه مره اخرى ويريد ان يضربه مره ثانية همس في نفسه ( انت صاحبنا دا اتعود الظاهر عليه ما عارف انا مين لكن انا لازم اديه درس في حياته واخليه يتمنى لو كان طلع جداده من اول ) اول ما اقترب ديكو من ديكسون يفاجئ ديكسون الجميع ويقفذ عاليا بحركة بهلونية وهو في الهوا يسقط وبمخلبه يشرخ عرف ديكو ويجرحه بل يكاد يقطعه . وتحت صراخ الحريم ( أي الدجاجات) تعم الفوضى ويسقط السيد ديكو ويجرى نحوه ديكسون وهو شارعا مخالبه بحركه توحي بانه نوى ان يقضي على حياته . لولا صراخ الحريم وقفذ الانسة كوكا امامه وهي محاولة ان تحمي زوج امها من الهلاك . وامتثالا لرد فعلها يهدأ ديكسون ويرجع مخالبه الى مخبئها . وهو منفعل ويلهث ويتنفس بسرعة .
التف الدجاجات حول زوجهن السيد ديكو و بدان حملة التبرع بالريش لعمل مكمدات لجرحه الذي ينزف حينما بقيت كوكا مع ديكسون تحاول ان تهدئ من غضبه . وبعد ما هدا سالته قالت : انا ياسيد ديكسون رغما عن اني طرف اساسي في الموضوع الا ما فاهمة حاجة الحاصل شنو بالظبط .
ديكسون : انت بعد ما دخلك الحارس جوه البيت انفعلت امك وحاولت تضربك لانها كانت غاضبه عليك وانا تدخلت لحمايتك فقط . فجاه احس بضرب في منقاري من الراجل المخرف دا السبب شنو ما عارف؟؟؟
كوكا : خليه يفيق من الغيبوبة بعدين يمكن نعرف . لكن ما قلت لي انت الحركات دي اتعلمتها وين . انا كله يوم واكون رايحه حصة الجمباز في مزرعة البط الجنبنا بشوف الديوك بيتشاكلوا لكن اول مره اشوف حركات زي دي .
ديكسون : وهو انت ما بتشوفو تلفزيون ولا شنو ماعندكم قناة شيكن اون لاين. اصلك ما سمعتي بديكسون فايف
كوكا : لا لكن الاسم دا ما غريب علي
ديكسون : يا ستي انا بطل العالم في مصارعة الديوك في تايلاند لمدة خمسة سنوات متتالية وعندي الحزام الذهبي في تاكيوندو الديوك ....
كوكا : وااااااااااااااااو فعلا انا لاحظت انه اول جسمك رياضي وعضلاتك ما ياهن عضلات الديوك البنعرفن ... يعني اكان ماحصلتك عمي دا كان عملتو لينا كبسه ...

يفوق ديكو من غيبوبته وهو يئن ويقول لزوجاته ودني الضل يا حريم
ام الفراخ : اجي هي يا راجل انت فوت ولا شنو هو الشمس مغربت من قبيل

اخيرا تهدا النفوس ويستمر الحوار بين كوكا وديكسون
كوكا : طيب انت الجابك من تايلاند عشان تعيش معانا شنو ؟؟؟؟

ديكسون : انا بعد ما اعتزلت المصارعه قرر صاحب المزرعة بتاعتكم دي انه ينتج سلالة ديوك للمصارعة . وبدلا ما يحصر انتاجه في اللحم والبيض عشان كدا انا هنا معاكم .
ابتسمت البت كوكا ابتسامه لها عدت دلالات والغاز ومعاني ربما ستسفر الحلقات القادمه عن هذه الدلالات والى اللقاء

[درديري كباشي]

الح
ــــــــــــــــــلقه الثالثه بقلم شهد
كيد الدجــــــــــــــــــاج



التفت ديــــــكو بعد انتهاء عمليات الاسعاف ليجد كـــــــــوكا طاااااااااقه الحنك مع ديكسون ,,قبل ليك على ام كوكا

ــــــــ انتى ياوليه ماشايفه بتك دى تتراشق مع الولد دا كيفن ؟؟؟؟
ـــــــــــ عااااد يا ديكوو الولد صراحتن بعجب اريتو تعجبو ويعرسا ,,, زاتو افكها من رقبتى وادخلا بيت عدلا ,,, الموت من العيشه مامعرووووف و.........

وقبل تكمل كلاما اداها ليك نظره ناريه طــــــــــــــــــــــارت على اثرها طيران جرت بتها قدامااا وجابتا للمنامه بتاعتم ,,,
جاء عليهم العم ديـــــــــــكو ,,,

ـــــــــ اسمعى هنا يابت كوكا ,,, تانى كان شفتك بتعاينى للزفت الجابو لينا دا ساااااى ( مش تتكلمى معاو ) لاكون مكسر الطاسه بتاعت المويه دى ف راسك ,,, وانتف ريشك دا ريشه ريشه ,,, واخليك فرخه مشويه ,,, واجدعك للبثث والكلاب فااااااااااااااااااهمه ( بنهره كداااا )
ـــــــــــ ( كوكا وقلبها مقطوع ) حـــــــــــاضر ياعمى الحج
ـــــــ ( ديكو بزعل وف سرووو ) عما كباسه تحجى فى جبل اعور

خافت كوكا منو شديد ورقدت جمب امها فى صمت تاام ,,, وصاحبنا ديكسون متااابع الاحداث بلصاقه قرب يمشى يشاكل الزول دا تانى ( قال لروحو دى امور اسريه اعمل رايح يااازول ) ....وفضل متابع بعيونو وكل راس ثانيه يختلس النظر لكوكا وتقع عيونو ف عيونا ويقبض كل منهما الاخر متلبس بتهمة سرقة النظر وكأنما هنالك تخاطب بالعيون ,,, مرت هذه اللحظات سريعه عليهما بهذه الحاله ( حتى جكس القفص متابع بمافيهم فوفا وامها ونار الغيره مولعه نااار ) وتنبهت كوكا على صوت امها ( بعد ان تأكدت من نوم زوجها ديكو وتلك الصفاره التى تعلن مرحلة الشخير )

ام كوكا / شـــــــــايفه الولد دا من قبيل خاتى عينو عليكى كيف,,,,
كوكــــــا / زى كدا ,,, تفتكرى عجبتو ياامى ؟؟؟
ام كوكا / ماعارفه لكن شايفاو متابعك من قبيييل ... هو العبيط قايلنى مرا كبيره مابشوف ولا مابعرف ؟؟؟
كوكـــــا / انا حاسه بحاجه ماعاديه ( نظراتو ... بصاتو ... كل حاجه كل حاجه انا حاساها ماتقدريش تحسيها ) مع الاعتذار لهانى شاكر هههههههه
ام كوكا / لى خليك بت شديده واقدرى عليو قبل ما يتلطش منك ,,
كوكــــا / طيب اسوى شنو عشان اقبضو ؟؟؟
ام كوكا / اول شى جنس الخفه بتاعت قبيل دى تانى ماتغلطى وتسويها لانو شفتى الرجال ديل كلهم عقد سااااى ( مع الاعتذار للديوك هههههههههههه ) شفتى عقد الديك الشرقى دى ساكناهم سكنه مهما عملو راقييين ومتطوريييين وقت العرس الحامت معاهم دى والاتونسو بيها دى بتكون خيار مستبعد ,,,, بفتشو البت الواعيه ( والواعيه دى فيها قولااان ) المهذبه ست البيت التقيله ( دى نصيحة ام لبتها ههههههه )
كوكــــــا / طيب يعنى انا هسع اسوى شنو ؟؟؟
ام كوكا / تعملى روحك ماشغاله بيو كم يوم كدا لمن نشوف مويتو شنو ؟؟؟
كوكــــا / حاضر ,,,, ( وسكتت ) واستدركت قائله ,,, امى ماتزعلى منى واعفى منى لو زعلتك قبيل ,,, اتى عارفانى بحب امشى اتونس مع صحباتى ف القفص الجمبا دا وبنمشى البوتسك نشترى لينا كريمات ,,, يعنى اتى عايزانى اتبهدل .
ام كوكا / مسامحاك دنيا واخره ياكوكا يابت حشاى هو انا عندى غيرك منو بس لمن تتاخرى بخاف عليك من الكدايس الحايمه بره دى و....

وفجـــــــــــــــاءه شافو ليك الخاله ام فافا ماشه على ديكسون
ـــــــــــ ازيك ياولدى
ــــــ وقف ديكسون على حيلو احترام لخالتو ام فافا الجات تسلم عليو ) اهــــــــلن ياخاله
ـــــــــ اظنك على لحم بطنك من قبيل يا ود حشاى تعال اوريك الاكل بويين اكل ليك بقمه واشرب مويه ماترقد كدا على لحم بطنك
وعاينت ليو فى وشو ,,,,,سجمى سجمى نخرتك مجروحه لسه بتكب دم .... يابت فافا جيبى بيت عنكبوت من الحيطه ,,,,, وجرى فافا جات طايره تنفيذا للمسرحيه المعده بيناتم مسبقا ,,, حتى قبل ديكسون مابفتح خشمو ويقول لا لا ماف داعى مابيحتاج ,,,كانت الام بتقول لفافا ختى ليو ف الجرحه الولد ياكبدى عليو ماعندو اهل هنا ....

ـــــــ اسمع ياولدى انا هنا زى امك ماتشيل هم ,,,, فافا امشى وريو محل الاكل ,,, امشى معاو يابت

وماحبا ديكسون يحرجم ومشى مع فافا .... وحانت منو التفاته لكاكا

لقاها ليك لونا قلب بمبى زى خطى داااااا
وحسى بضحكه بى جووووه
يبدو انو الاسلاك ح تتلامس
وفى شرار بيناتم ف المشاعر
هههههههههههههههه



يتبع
القلم معك كباشى

[درديري كباشي]

الحلقــــــــــــــــــــــــــــــــــــــــ ــة 4

كما تابعنا ذهب ديكسون مع فافا وامها الى كفتريا العلف لتناول وجبة العشاء وفي طريق بدات ظاهره عملية احتكاك فافا بدكسون بصورة ممجونة وتدل على الابتذال مما اثار حفيظته وغيظه ولكن تحمل على مضض وكان في امكانه ان ينتفض . وحتى عبارات فافا وتدللها الظاهر كان مثيرا للقرف والشفقة اكثر من ان يثير في نفسه اي شئ اخر . وحتى شعر ان وجهها مشدود بصوره غريبة كانها عاملة عملية تجميل .

تناول ديكسون وجبته وهو فعلا كان جائعا وقد اكل في خلطة العلف بنهم رغما عن طعمها السئ وهو يتحسر على وجبات الكبده الطازجة التي كانت تقدم له في تايلاند عندما كان بطلا قوميا في عالم الدجاج . بعد ان تناول العشاء مع مضيفيه قرر ان يختصر المشوار ويعود .الا ان فافا وامها اصرا ان يطيل المكوث معهن وبدان يلاحقنه بالاسئلة عنه وعن عائلته وهل تزوج قبل ذلك واين زوجته وفراخه الان وهو يرد باقتضاب شديد يريد ان يختصر القعده.

من الناحية الثانية ذهبت كوكوا الى امها وصحتها من النوم واخبرتها بان فافا وامها ينصبون شراكهم على ديكسون ولا بد من حالة اسعافية سريعة . وقامت ام كاكا منزعجة فعلا وايقظت زوجها وخبرته . بان تلك الدجاجة الغريبة التي احضرت اليهم اخيرا مع بنتها يحومون حول ديكسون وربما خطفته هذه المراه اللعوب لبنتها . وانه لو حدث هذا الشئ سيكون هو الجاني له لانه عاداه بدون سبب . كما قامت كوكا بتعريف زوج امها بحقيقية ديكسون وانه هو البطل العالمي في مصارعة الديوك والشهير بدكسون فايف . وهنا وضع العم ديكو جناحه في راسه وهاذا راسه . وفعلا ،عقب، الحركة الضربني بيها دي ماشفت ديك قبل ذلك قام بها منذ شبابي . وانا لازم ارجع واصالحه دا واحد من اساطين الدجاج في العالم ولازم ياخذ وضعه بيننا . تهللت اثارير كاكا وامها من هذا الوضع . وهنا بدات الخطة في ان ام كاكا لازم تبعده عن فافا وامها نفسيا قبل ان تنزرع فافا في قلبه وبعد ذلك يصعب الامر . وفعلا قالت لبنتها وزوجها خلو الموضوع دا علي انا .

ويبدا الجميع عائدين من ناحية كافتريا العلف وفافا وامها يتكسرن في مشيتهن ولا يردن للمشوار ان ينتهي . الى ان يصل الوفد للمقر حيث تتجمع عائلة ديكو.

وهنا وفي مفاجاه غريبة ينبري العم ديكو لاستقبال ديكسون في حفاوة مبالغة . وتعال هنا يا ابني في الحقيقية المايعرفك يجهلك . ياخي انت ليه ما تقولي انت مين تخليني اعاملك بعنف واضربك وكان ممكن اصيبك اصابة بالغه . ديكسون في نفسه (هو مين كان الحايروح فيها يا ديك يا مخرف انت ) حصل خير يا عمي مافي مشكلة . وهنا تتدخل ام كاكا تعال ياولدي بيجاي عايزاك في موضوع وتغمز لزوجها وبنتها في انها تريد ان تعمل له غسيل مخ سريعا لازالة اثار فافا وبنتها .

من بعيد تلاحظ فافا وامها احتواء عايلة كاكا لديكسون من جديد وبعد ما ظنت انه وقع في شراك بنتها .

تتحدث ام كاكا مع ديكسون همسا . يا ولدي ما تضلك المره الفاجرة دي تعال نحكي ليك قصتها قبل ما تتورط . اصلا هي وبنتها ما مننا . وكانوا في قفص في طرف المزرعه قريب من مزرعة البط الجنبنا . وقالوا اها ام فافا دي كانت جداده فاكه ساي تحوم لانصاص الليالي والحراس كل يوم كلهم يطاردو فيها . وحتى مره قالوا كمان كان شاربة ليها حاجة وكانت ماشى تترتح وتغني بصوت عالي . قالوا عجين ولا مصيبة ما بعرفه لقتها في قفص الكلاب . اها من اليوم داك وحتى بتها بقت زيها قبضوهن وجاوبون لينا هنا قالوا عشان قفصنا بعيد من قفص البط والكلاب .
وكمان انت شفت حاجة ، مصيبة اكبر يا دمعتى وا حسرتي ، جيب اضانك تعال قريب نكلمك ( وسوسوسوسوسوسوسوسوسوسوس)

ديكسون منتفضا وموقفا ريشه وواضعا جناحيه فوق راسه : معقوووولة ضكر بط كمان وانا اقول البت مالها كرعينا مكعوجات كدا وكانها لابسة شراب ووشها مشدود زي العاملة عملية تجميل .

ام فافا بعد ما سمعت عباره ضكر بط عرفت ان الموضوع باظ مره واحده وفي هجوم كاسح لام كاكا . والليلة كان ما خليتك كدوية عدمانة الريشة يا مره يا مخرفة قلتي ليه شنو عني . وبدات معركه قوامها النساء والحجاز لا ينجو من نقره ابدا . وبدات النقرات تتطاير هنا وهناك وثارت فوضى عمت جميع القفص . وانقسم القفص لفريقين بعضهن مع ام اكاكا والبعض الاخر تعاطف مع ام فافا لانهن مغيوظات اصلا من ام كاكا لسيطرتها وشخصيتها القوية واستحوازها على الزوج ديكو فهو لايؤذن الصبح الا بالقرب من زيرها هي (غرفة نومها ) وبدا الضرب وتتطاير الريش في السماء وعجز الرجلان اي الديكان عن فض النزاع .

الا ان ظهر الحارس ومعه كشاف جاهر وجردل ماء رشه على الجميع ومن ثم ذهبت كل دجاجة ناحية زيرها . وبدات كله دجاجة تحصر في خسائرها من الريش

واخير ساد الهدوء وعاد الجميع الى اماكن نومهم


والى احداث الحلقة الخامسة مع شهد

[تغريد]

تحية من العيار الثقيل لك يا درديري ولشهد صاحبة الخيال الذي شدنا اليه في كلمات





وتسجيل حضور ومتابعة مبكر مني تملاؤه الدهشة ويقوده الابداع منكم




دمتم ودام ابداعكم وفي انتظار بقية حلقات المسلسل

[moh_alnour]

درديري يا ود كباشي
جمعة مباركة عليك و على جميع الأعضاء
أها جاك الموت أقصد جاك المصحح الإملائي يا تارك الصلاة
قول لي شهد الكلام تبدي لينا القصة بي خطأ إملائي ( اولن - أولا ً ) و تكتبي لينا ( اصلن - أصلا ً ) قبلناهم و بلعناهم بي ميرندا تفاح
لكن العبارة التحت دي قدر ما حاولتا أبلعا بي بيبسي عادي و لا بيبسي دايت ما أتبلعت لي
و الديوك على أشكالها تقع و ياها تربية الديوك الشرقية و التي يكون للدجاج دور فيها
فالديك أبن حظيرته ( دي على وزن الأنسان أبن بيئته ) و من شب على شيء شاب عليه
أما نصيحة الجدادة لي بتها دي فبالجد دي نصيحة بطعم ( الماجي ) بس البقنع الديك أقصد البقنع الجداد منو ؟

الرجال ديل كلهم عقد سااااى ( مع الاعتذار للديوك هههههههههههه )

جمال القصة يكمن في إسقاط واقع الأنسان و تفاصيل حياته اليومية على لسان الحيوانات
كما جاء في كتاب ( كليلة و دمنة ) للفيلسوف ( بيدبا ) الذي قام بترجمته أبن المقفع إلى العربية
واصل أخي المبدع درديري كباشي وستجدنا من المتابعين

[الملكة اسماء ( ام محمد )]

كوكـــــا / انا حاسه بحاجه ماعاديه ( نظراتو ... بصاتو ... كل حاجه كل حاجه انا حاساها ماتقدريش تحسيها ) مع الاعتذار لهانى شاكر هههههههه

طبعا انا ماعندي تعليق حاليا
لكن اتمنى اتعرف على ( شهد الكلام )

[ابوخالد]

أخى الرائع / أبو الدر

لك التحية

المسلسل شكله جميل ومشوق ....

وخاصة بإسلوب الدويتو .... جديد ومبتكر ....

ومتابعين .... بس لكن لاتحرمونا كامل المتعة .....


إتكاءة :

أها القاش كيف ....
أشوفوا هادى الأيام دى ... والا ما كده ...

[درديري كباشي]

تحية من العيار الثقيل لك يا

درديري ولشهد صاحبة الخيال الذي شدنا اليه في كلمات

• نشكرك يا تغريد على طلتك المغردة كاسمك .. وكوني قريبة ..انا قطعت تنزيل الحلقات لاني كنت في رحلة خارجية لكن هي جاهزة وحتجب
  
  
• وتسجيل حضور ومتابعة مبكر مني تملاؤه الدهشة ويقوده الابداع منكم

دمتم ودام ابداعكم وفي انتظار بقية حلقات المسلسل

نشكرك يا تغريد على طلتك المغردة كاسمك .. وكوني قريبة ..انا قطعت تنزيل الحلقات لاني كنت في رحلة خارجية لكن هي جاهزة وحتجب

[درديري كباشي]

درديري يا ود كباشي
جمعة مباركة عليك و على جميع الأعضاء
أها جاك الموت أقصد جاك المصحح الإملائي يا تارك الصلاة
قول لي شهد الكلام تبدي لينا القصة بي خطأ إملائي ( اولن - أولا ً ) و تكتبي لينا ( اصلن - أصلا ً ) قبلناهم و بلعناهم بي ميرندا تفاح
لكن العبارة التحت دي قدر ما حاولتا أبلعا بي بيبسي عادي و لا بيبسي دايت ما أتبلعت لي
و الديوك على أشكالها تقع و ياها تربية الديوك الشرقية و التي يكون للدجاج دور فيها
فالديك أبن حظيرته ( دي على وزن الأنسان أبن بيئته ) و من شب على شيء شاب عليه
أما نصيحة الجدادة لي بتها دي فبالجد دي نصيحة بطعم ( الماجي ) بس البقنع الديك أقصد البقنع الجداد منو ؟


جمال القصة يكمن في إسقاط واقع الأنسان و تفاصيل حياته اليومية على لسان الحيوانات
كما جاء في كتاب ( كليلة و دمنة ) للفيلسوف ( بيدبا ) الذي قام بترجمته أبن المقفع إلى العربية
واصل أخي المبدع درديري كباشي وستجدنا من المتابعين

سلام يا ابو النور .. حكاية النون بدلا عن التنوين كانت فلسفة من شهد لانه لا يوجد خطي التنوين في الكمبيوتر وهي استعاضت عنه بنون .. يعني ليس جهل املائي انما كانت فلسفة منها انا شخصيا كانت مقنعة بالنسبة لي .. لانها رايها انه النون بتعطي المعنى اكثر من الف المد بدون علامة التنوين

[درديري كباشي]

:d:d:d

طبعا انا ماعندي تعليق حاليا
لكن اتمنى اتعرف على ( شهد الكلام )

تعرفي يا ملكة انا ما كنت عارف المقطع اعلاه انه مقطع لاغنية للفنان المصري هاني شاكر لاني ما حصل استمعت له او لاي فنان مصري آخر .ز لذلك كانت واحدة من المدهشات في مشاركة شهد التي اشدت بها ..
واما بالنسبة لمقابلة شهد انا نفسي لا ادري اين هي لانها اختفت من الانترنت خالص وهذا المسلسل وقف في الحلقة السابعة قبل عام وانا كنت من كتب الحلقة الاخيرة والتي سترونها بعد قليل .. وانا بيني وبين نفسي كنت مرشحك انت للتكملة واعتقد انك مؤهلة لاكثر من ذلك وطبعا بعد موافقتك .. وعلى الاقل نعمم الفكرة لعمل جماعي اخر يصبح بصمة حصرية لمنتدى ود مدني

[الملكة اسماء ( ام محمد )]

وهذا المسلسل وقف في الحلقة السابعة قبل عام

معناتها بطل المسلسل زاااااتو بكون هسي ( تحول لمواد عضوية في جسم صاحب القفص )

وانا كنت من كتب الحلقة الاخيرة والتي سترونها بعد قليل ..

يعني اجهز الفشار واتوهط

وانا بيني وبين نفسي كنت مرشحك انت للتكملة واعتقد انك مؤهلة لاكثر من ذلك وطبعا بعد موافقتك ..

طبعا ثقة تسرني كثيرا , واكيد ح يكون بيناتنا عمل مشترك

وعلى الاقل نعمم الفكرة لعمل جماعي اخر يصبح بصمة حصرية لمنتدى ود مدني

شرف كبير لي وللمنتدى عموما قلم مثل قلمك سيدي الفاضل
وبالتاكيد هناك الكثيرين ومن ضمنهم انا نتمنى مقاسمتك قوالب الابداع المدهشة لديك

[درديري كباشي]

أخى الرائع / أبو الدر

لك التحية

المسلسل شكله جميل ومشوق ....

وخاصة بإسلوب الدويتو .... جديد ومبتكر ....

ومتابعين .... بس لكن لاتحرمونا كامل المتعة .....


إتكاءة :

أها القاش كيف ....
أشوفوا هادى الأيام دى ... والا ما كده ...

تمام يا باش مهندس المسلسل انه الحلقات كانت تنزل راكبه في بعض دون ان تحس بالفرق او كتابة نفرين ,, لكن الاعجب انه الحلقات كانت مرتجلة بدون اتصال او تنسيق مسبق.

اما بالنسبة للقاش طبعا ما سمع بالمسلسل دا والا كان غرقنا وكسر البلد ....

[درديري كباشي]

الحلــــــــــــــــــــــقه الخامسه

الصبــــــــــــــــــــاح الاول





بدء الظلام يسدل استاره رويداَ رويداَ كأنما يداعب اجفان الدجاجــــات بما فيهم الديكيييين الفاضلين ,,,,,,, صادف تأخر اضاءة المصابيح الكهربائيه المسائيه التى تستخدم لزيادة انتاج البيض ,,, وماااااصدقت الدجاجـــــــات انتهاء فترة الخدمه النهاريه لانتاج البيض فرحـــــن فى سبات عميق ,,,, فقد كان اليوم قصير انتهى بنزول الظلام على غير العاده حيث تنتهى الورديه المسائيه مايقارب منتصف الليل .

استيقظ الجميع على صوت العم ديكـــــــو وهو يصيح ( كوكوكوكوووووووووووووووووووووووووو ) ,,, فتح ديكسون عينيه ببطء حانقا على العم ديكــــــو الذى لم يراعى حرمة الحريات الشخصيه فى الاستيقاظ كل بمزاجوووو وقال فى سرو : ( ياااخ الراجل العجوز دا لســـــــــــــه ........لسه من زمن الديك يصيح ويجعر كداااا من الفجر باين عليوو ح يكرهنا القفص دا والمزرعه كلها ,,,,,,)

رجع ديكسون غمض عويناتو من جديد عايز يتم نومتو وكأنما العم ديكـــــــــو قصدووو عديل وفضل يكااااااااااااااااااااكى سااااااااى كوكوكوكووووووووووو ,,,, كوكوكوكوووووووووو


( اووووووووووف اوووووووف اهااا النوم دا زاتو خليناهو ) ديكسون مطنطنااا ,,,,,,,, وقف حيلو فى حين انو لاحظ الجدادات اغلبن نايمات واقفات على رجولم .... وواصل حديثو البينو وبين روحووو ( والله انا جيت مزرعه من الارشيف بس ... اى شى فيها تقليدى ... ديل من القرن الكم ديل ؟؟؟ )

اعتدل فـــــ الوقفه ... نفش ريشو متنشطا بالقوه تعلو وشووووو ملامح التعب والارهاق وقرر انو يطفش عمنا ديكو صياح الصباح دا ... ( هو المخرف دا ماعارف انى كنت سوبر استار اكاديمى الحنجره الذهبيه ف الصيحه الاطول ذات الطابع المميز ؟؟؟ وشلتا الميداليه الذهبيه فى مهرجان الديك الذهبى ؟؟؟ ) ,,,, تنحنح ديكســـــــون احم احم احم وووووووووو كوكوكوكوكوكووووووووووووووووو كوكوكوكوكوكوووووووووووو وفضل متابع نظرات الانبهار فى عيون الدجاجات ,,,, حتى ديكو برضو انهجم هجمة السواد والرماد لامن وشو بقى اصفر ,,,,,,,فقد كان صوته لديكســــــون ارهـــــــــــــــــــــــــــــب من شكلو الوسيم مما جعل الفتوات ( الدجاجات ) يتعشرقن اعجابا فوق اعجاب بديكسون ,,,,, ديكسون زاتو عارف صوتو سمح فاخذ يعيد ويكرر ف الصياح الى ان تعالت اصوات الديكه من الاقفاص المجاوره اعلانا لفجر جديد ويوم جديد فى لوحه صوتيه مؤثره افتقدتها المدن .............


بدء اليوم برتابته المعتاده .... فااااااااا البرنامج الصباحى يبدأ بجمع حصاد ليلة الامس من البيض بواسطة البنى ادمييين المشرفيييين على المزرعــــه ... واحضار وجبة الافطار للدجاجــــــــات ... تعقبها فترة النزهه الخارجيه يتم فيها اخراج الدجاجـــــــات من القفص حتى يزاول عمال النظافه اعادة هيكلة القفص وترتيبه وتنظيفه ...


اعتاد ديكســـــــــون فى حياته السابقه على اخذ حمام شمسى صباحى لذااااا فرح بالنزهه دى جدن واختـــــــــار موقع قر ب ترعه تتوسط المزرعــــــــه لأخذ حمامه الشمسى مستمتعا فقد كان الجو معتدل تتخلله الغيوم المتباعده .... سرقه الوقت وسط استرخائه ومتابعته للصيصان الصغار ( السواسيو ) يتنططون يمنة وميسره فى قفص مجاور وعرف انو المزرعه تحتوى على جهاز تفقيس صناعى للكميه الكبيره للصيصان ,,,,,,,

مع قرب انتهاء فترة البريك اتلفت زى مروحة الطربيزه بحثا عن كاكـــــا مافيشه ,,,,,,, البت دى طارت وين ؟؟؟ ماتكون بتحب بى وراى وانا ماجايب خبر ........ طييييييييييييييييييييييييييييب ياكاكـــــــا بس اشوفك واوريك نجوم الضهر ف المغارب


وفضل مترقب ظهور كاكــــــا التى لم تظهر
وفضل متمحن
ومترقب
وفجاءه
سرح بعيد اتذكر ايام زمان ويا لها من ايام وبقى يدندن بترنيمات متباينه


واخذ يترم مهزهزا راسو يمييين وشماااااااال
.....
....
ترن ترم تاااااااا

نفسى فى داخلك أعاين
وأروى روحى وأشوف منابعك
الصحرا فى عينيا تتواثب جناين
ماخدة صوتك من جداول
وما خدة صورتك من كهارب
مولداً ميدانو حافل
كلما يصبـِّح ... تجيهو الناس جحافلْ


يا سلام

كاكا : ضبطتك يا ديكسون وكمان بتغني لمصطفي سيد احمد

ديكسون : ومال ايه انت فاكراني ديك عدة ساي انا ديك مثقف
كاكا : طيب كمل الغنية صوتك حلو

ديكسون : ماتنسينى ,,,,,, انتى طرتى وين سريع ورينى ( صارى وشووووو )












القلم مع الكباشى ( ابو الدر )

[درديري كباشي]

من خلال احداث الحلقة السادسة نواصل المسلسل *************************** تحس كوكا نظرات الغضب في عيني ديكسون وتحاول ان تنسيه الغضب بضحكتها الرنانة وتنطط برشاقه امامه وتفلح فعلا في انتزاع الابتسامه منه وتساله ..
اها ما حا تكمل الغنية ولا راح تفضل زعلان .
ديكسون : حقيقة انا ما حافظها .. وانا ما زعلان لكن كان لحظة البريك دي نقضيها مع بعض نلف حول المزرعة نمشي محل الخضار نتناول عجور خيار مع بعض كان ممكن تكون لحظات جميلة ورومانسية ولكن انت ضيعتيها ولسع ما قلتي لي .
كاكا . انا اسفة حقيقة انا رحت مع امي الحضانة عشان تطمئن على اخواني الصغار . واتخرنا هناك . وكان شفتهم من حلاتهم ما تقدر تزح من جنبهم
ديكسون : حقيقية انا هنا من بعيد براقب في اطفال الحضانة .
في هذه الاثناء يظهر ديك من بعيد يقترب ناحيتهم وهو يترنح ويغني بصورة تدل على السكر.

دجاجي يلقط الحبة
ويجري وهو فراحان
كان عيونه خرز
له في الشمس الوان .

اول ما يقترب من كوكا يبدا في مغازلتها دون اكتراث لديكسون
الديك : جكس ... شنو يا جكس انت ما تعبرنا شوية
ديكسون منفعلا وغاضبا : احترم نفسك يا ديك يا سكران انت هامسا هم ديل بيلاقو السكر وين .
ترد كوكا : يكون جايي من كمبو الكلاب
الديك : وانت كمان ظهرت لينا من وين يعني عاجباك عضلاتك دي ما تفرح شاي مشيرك تكون سندوتش شاورما زيك وزي اي ديك محترم في البلددي . ولا شنو رايك يا شيكسوية انت .
ديكسون هائجا ... انت زودتها خالص وانا لازم اديك درس وانتف ليك ريشك دا اخليك قاعد بفنيلة الحمالات بس .
الديك : هاهاهاهاااااااي قال حمالات انت جايي من وين الظاهر عليك حنكوش نحن ناس عررايق ساي .
ديكسون مندفعا نحوه لم تفلح كوكا في منعه من مهاجمة السكران طائرا في الهواء وضاربا السكران في عرفه جارحا له .
السكران مترنحا :: شنو يا اخو الشباب انت واخد الموضوع جادي كدا مالك . يتاثر ديكسون من حماقته عندما يكتشف ان الديك السكران لم يبدي اي مقاومة . ويبدا يعتذر له
ويعقب السكران : ولا يهمك ونحن راح نكون اشحاب اشلو ما في شداقة الا بعد خشام وبالمناشبة دي اشمح لي ااذن . ويصفق جنحاته تمهيدا للاذان ولكن فجاه يتوقف ويسال . لوشمحت يا ابو الشباب هو نحن قعد نقول كوكوكو ولا كيكيكي . هنا ينفجر ديكسون وكوكا ضاحكين

[الملكة اسماء ( ام محمد )]

كوكوكوكوكوكوووووووووووو فقد كان صوته لديكســــــون ارهـــــــب من شكلو الوسيم مما جعل الفتوات ( الدجاجات ) يتعشرقن اعجابا فوق اعجاب بديكسون ,,,,, ديكسون زاتو عارف صوتو سمح فاخذ يعيد ويكرر ف الصياح الى ان تعالت اصوات الديكه من الاقفاص المجاوره اعلانا لفجر جديد ويوم جديد فى لوحه صوتيه مؤثره افتقدتها المدن .............

لا ادري كيف ولكن عادت لي هذه اللوحة بكامل تفاصيلها التي نفتقدنا حقا في المدينة
ولكني اعرف ان الابداع يكتمل حين يتجسد ( حقيقة ) بفرشاة الابداع

معاكم

[الملكة اسماء ( ام محمد )]

الديك : هاهاهاهاااااااي

الحق يا ابو مزن
صاحبك مستلف النغمة

[درديري كباشي]

لا ادري كيف ولكن عادت لي هذه اللوحة بكامل تفاصيلها التي نفتقدنا حقا في المدينة
ولكني اعرف ان الابداع يكتمل حين يتجسد ( حقيقة ) بفرشاة الابداع

معاكم

تعرفي بالظبط يا ملكة هذه النقطة وقفنا فيها قبل ساعات ونحن نقرا في المسلسل ومعاي مجموعة من موقع الازاعة السودانية .. وهذا التعبير بالذات الذي ابدعت فيه شهد .ز وهو اختفاء صوت الديوك من المدن الكبرى .. كرمز الى ذهاب الحياة الفطرية والطبيعية من حياتنا ليتحول كل شئ الى صناعي.. وملاحظتك تدل على فنك بالمناسبة انا اترك لك المايك لو سمحتي بوضع الحلقةالسابعة .. وانا متؤكد من انه حسك الفني لن يخزلك ولن يخزلنا .. بالنسبة لشهد انا عملت لها نداء في المنتدى الذي يجمعنا وحتى لو جات لكل واحد سيكون له ابداعه .. وبصراحة ننتظرك

[الملكة اسماء ( ام محمد )]

بالمناسبة انا اترك لك المايك لو سمحتي بوضع الحلقةالسابعة .. وبصراحة ننتظرك

معقولة بس
تخلعني بالطلب دا على الهواء مباشرة لحد ما يقع مني كيس الفشار ؟

صدقني لن استطيع مجارات ابداعك
وتكفيني المشاهدة بصمت .. امام ابداعك
لكن اعدك بان ننتج عمل مشترك قريبا جدا وانا من سيدعوك لنثر احرفك لتعطي احرفي الباهته القا


صراحة اخجل من نفسي كثيرا وانا اعتذر لكن اعدك بان تسمع رائي بصراحة في كل القصة بعد ان تنهيها
واعدك مرة اخرى بان نتقاسم فكرة عما قريب

[درديري كباشي]

معقولة بس
تخلعني بالطلب دا على الهواء مباشرة لحد ما يقع مني كيس الفشار ؟

صدقني لن استطيع مجارات ابداعك
وتكفيني المشاهدة بصمت .. امام ابداعك
لكن اعدك بان ننتج عمل مشترك قريبا جدا وانا من سيدعوك لنثر احرفك لتعطي احرفي الباهته القا


صراحة اخجل من نفسي كثيرا وانا اعتذر لكن اعدك بان تسمع رائي بصراحة في كل القصة بعد ان تنهيها
واعدك مرة اخرى بان نتقاسم فكرة عما قريب

ماشي مقبول العذر يا ملكة .. بس طبعا انا حيكون علي تكملة المسلسل وايصال الدجاج الى اسياخ الشاورما والمندي .ويظل موعدنا لعمل مشترك قائم ..
وتصبح قصة الدجاجة الصغيرة الحمراء التي زرعت الفول لوحدها وستاكله وحدها ..اصبح معكوسا ..انا من زرعت الدجاج هنا وحدي وساشويه وحدي وساكله واحدي .. بس ساجمد دجاجتين لو ظهرت شهد سيكون نصيبها ..

لكن اقول شئ غريب انه شهد الكلام شخصية رياضية ومريخابية متعصبة جدا او جدن كما تقول .وتزكرني بمدنية هنا . وحتى حروفها كانت تستعمل الحمراء .. وانا هلالابي طبعا .. لكن هذا ليس سبب استخدامي للون الازرق انما لانه مريح للنظر كما يقول العلماء.. ويكون يكون هذا هو الموضوع الوحيد الذي اخرحها من المنتدى الرياضي .

[الملكة اسماء ( ام محمد )]

ماشي مقبول العذر يا ملكة ..

شكرا لروحك المتفهمه سيدي المبدع

سبب استخدامي للون الازرق انما لانه مريح للنظر كما يقول العلماء..

ياسلاااااااااااااام عليك
والله دي الجملة البحب اسمعها دائما ( ولاحظ اني محااااايدة )
جميل هو الابداع حين يكون بين نقيضين
دمت بكل الخير ودامت شهد الكلام رائعة الحرف بكل الخير ايضا

[moh_alnour]

حكاية النون بدلا عن التنوين كانت فلسفة من شهد
لانه لا يوجد خطي التنوين في الكمبيوتر وهي استعاضت عنه بنون

أتفلسفوا بي عافيتكم يا ود كباشي أنت و شهد الكلام عِلا بس بدور أقول ليك حاجة
التنوين موجود في أي كي بورد حتى و لو ما ظاهر للعيان ، فما عليك إلا تضغط shift و حرف الصاد أو W
لكن برضو حرم يا ود كباشي ما أطلعك خالي الوفاض ، أها ( يخزلك ، يخذلك ) ( تزكرني ، تذكرني ) برضهن فلسفة ساي
رمية تماس : عام نمزح يا زلمة ما تتضايق بالجد حكاية الديك السكران و كمبو الكلاب دي فقعتني بالضحك