ايها العمال ايها الفلاحون هيا بنا الي السودان

[ام نوران]

http://www.youtube.com/watch?v=5T1h4mXAP5Q

السؤال لماذا تسهل الحكومة الاستثمار بالزراعه للمصريين وتصعبها علي المواطنين؟؟
وهل نحن نفتقر للمزارعين الشباب؟؟؟

[فراس]

تحياتي ام نوران
نحن عندنا في السودان مزارعين من الدرجة
الاولي لامصريين ولاغيرو الحقونا لكن الحكومة
واقفة ضدهم .اتصوري المزارع يزرع ويتعب
ويسهر وفي الاخر تجي للحكومة ضرائب
وزكاة وضريبة محاصيل غير الترحيل وغير
ظروف السوق ....انا بعرف شخص مزارع
عندو خضار ماشي السوق المهم شحن
عربة وعلي السوق المركزي مدني لمو
فيه ناس النهب المسلح كما يسميهم ماخلو
ليه حاجةمادفعوها ليه المهم وصل وباع وطلع
مطالب نصف مبلغ ايجار العربة..وانا ماعارف الحكومة
حسب كلاما بتشجع الاستثمار والزراعي بالتحديد
والنفرة الخضراء الكلام دا وين مامعروف ..
الاهتام بقي بالغريب اكثر من صاحب الدار
ربنا اصلح الحال بس
تسلمي

[أشرف صلاح السعيد]

اختنا ام نوران عوافى..
الحكومة توجهاتها إستثمارية..بمعنى توزع مشاريع كبيرة وبالتالى مدخلات عليها كبيرة..أما ناس قريعتى راحت صغار المزارعين فديل بالنسبة ليها بتاعين شنكبات وعنكبات..بنقنقو فى الزكاة وبنقنقو فى الضرائب وبنقنقو لما موية الترع تجف وبنقنقو لما البذور والسماد مايتوزعو فى مواعيدم ..فقالت مالا ومال وجع الراس نجيب الناس من برا البيعبدو الارض وبيتطلعو منها الصاع صاعين ومتى مانقنقو نديهم وش كرتون وغيرم فى مازى ناس سيك سيك معلق فيك "المزارعين الوطنيين"..
تعرفى انا جربتا الزراعة اربعة مواسم..
مرة زرعتا بامية اربعة افدنة ونزلتها الملجة لقيت الدنيا كلها منزلة بامية وماجبت حق الترحيل..
مرة زرعتا عجور ولقيت البذرة مضروبة والله كان عندى عجور شى اصفر وشى منقط وشى مخطط ونزلتو الملجة ماجاب حق الترحيل برضو مع انو كان شكلو شيك جدا..
مرة زرعتا لوبية عدسية ونفس الشى بالنسبة للبامية..
آخر مرة زرعتا ابوسبعين والكلام دا كان سنة 98 لهسع باقى قروشو المشترى ماادانى ليها..
وقيسى على كدا..الدولة لاعندها خطة للزراعة ولا حماية للمزارعين عشان كدا جابت اخوانا اولاد بمبة ونشوف شنو البحصل ..وربك يكضب الشينة..

[عبدالله الصديق]

اشكرك لاثارة مثل هكذا مواضيع .. للاسف ثقافتنا الزراعية ضحلة كثير من الخضروات عرفناها في الغربة لم نسمع بها في السودان واذكر كان هناك مصري زارع مع سودانيين في احد قرى الجزيرة وعلى النيل وكان منوع زراعته وجماعتنا زارعين فقط جرجير ينتظروا في الشهر مرتين حتى يأي التجار لشراءه اما المصري فكان كل يوم يأخذ من خضاره المنوع ويبيع في القرية يعني يوميا عنده مصاريف في جيبه