مدرسة حنتوب الثانوية

[bshagra]

هذه دعوة لكل خريجي هذه المدرسة العريقة للتوقيع والمشاركة في هذا الموضوع
ولكي نرد دين لهذه الام الرؤوم كما كان يحلو لنا وقتها

واتمني المشاركة ببعض المواقف الطريفة التي حصلت

والتذكير ببعض الشخصيات العريقة التي عاصرت المدرسة

ولكم ما شاء ان تكتبو ما دمتم خريجي هذه المدرسة

[ود يونس]

ربنا يرحم حنتوب وكل المدارس العريقة التي تخرج منها ابرز الشخصيات السودانية ........
يا اخي ليس حنتوب وحدها التي انتهت ولكن كل المدارس والتعليم زاتوه انتهى
المدارس حسي بقت معسكرات .........
والاتحادات بتاعت المدارس تابعه لجهات معينة ........
والاهات كتيرة يا اخي ...........
والبكاء على الاطلال لن يفيد
................
...............
..............
الكلام كتير والاهات اكتر وربنا يجازي الكان السبب..
وننتظر من ابناء حنتوب العريقة ان يوثقوا لهذه المدرسة التاريخ التي نعتز بها جميعا بعض الذكريات ..........
لك مني كل التحايا ولحنتوب النضال حنتوب الجميلة كل الاحترام والتقدير
وفي انتظار ذكريات حنتوب

[مايو نص]

حقيقه اجمل سنوات عمرى قضيتها فى ظلال مدرسه حنتوب 88/91
وتظل زكرها فى الخاطر ترسم ابتسامه على وجه هذا الزمن القاسى
وحقيقه زملاى بمدرسه حنتوب حتى الان تربطنى بهم علاقات قويه جدا جدا مقارنه بعلاقاتى الان بزملائى فى الجامعه
التحيه لهم جميعا تلك الكوكبه الرائعه من الاداره والاساتذه الذين علمونا معنى ان تهب الحياه لغيرك
الاستاذ احمد جو .....احمد بابكر ....ناجح المصرى......عبد الرحمن كيمياء.....الطيب الطاهر .....ابوشوره......بدوى رياضيات......قوى اسلاميه......عصام كباشى .....الشهيد الاستاذ عبد الرحمن القدال....عوض الجيد
عم عاى فى الصفره وكل الباقيين الذين لم تسعفنى الزاكره


احكى ليك قصه حصلت لى وانا فى السنه الاولى
يوم السبت الصباح اكانت الحصه دبل كيمياء مع عبدالرحمن كيمياء وانا كنت خرجت لاهلى وجيت نعسان وتعبان شديد
وكان الاستاز بيساءل فينى وانا ماقادر اجاوب ........غايتو لمن كترتها قال لى اقيف على حيلك......والتفت لباقى الزملاء فى الفصل وقال ليهم شايفين النوع دا ...........دا النوع البيجى الفصل مابيفهم اى حاجه ويمشى الصفره لقمتو قدر كده............. واشار بكلتا يديه
وتحياتى عبرك للجميع .............مايو نص......ماليزيا................طبيب

[HAMADTO]

بسم الله الرحمن الرحيم

السلام عليكم ورحمة الله تعالى وبركاته

الفكرة رائعة جدا وننتظر خرجي هذه المدرسة العريقة على احر من الجمر لمعرفة طرائفهم .....
لك تحياتي اخي بشاقرة على روعة الفكرة
ولكن عاوزين نسمع منك الطرائف والمواقف التي حدثت معكم في حنتوب

[bshagra]

احيي كل من ساهم في هذا الموضوع الشيق والجميل لمدرسة حنتوب

واعد كم بطرايف حدثت في حنتوب

ومواقف جديرة بالتذكار لاناس افنوا شبابهم وعمرهم في هذه المدرسة]

[bshagra]

كل ما اذكره عن حنتوب ايام مجدها الذهبي في عهد الاستاذ المربي ود المجذوب حيث كانت المدرسةرقم لا تخطئه العين وكل طالب كان يمني نفسه بات يدرس بها
ولازلت اذكر اجمد بابكر الذي استلم المدرسة بعد ودالمجذوب وكذلك الطيب الطاهر الذي ما ذكر الا وذكرت معه الصفرة حيث كان يشرف عليها وهناك الطيب الشاعر والذي ما ذكر الا وذكر النادي العلمي وهناك عبدالرحمن كيميا وطبعا دا اسم غني عن التعريف
وهناك ناجح المصري والطيب بدري وبدوي وعبد الباقي واستاذ مصطفي وبقية العقد الفريد

اذكر مرة سرقو الكرسي حقي وقمت ابحث عنه ولاقاني ود المجذوب وسالني مالك يا ابني وقلت له سرقو كرسي فرد علي امشي زي ما سرقو الكرسي حقك اسرق ليك كرسي

ومن اجمل ايام حنتوب النادي العلمي الذي يبدع فيه دايما استاذ الطيب الشاعر وينثر فيه درر من العربية وهنا اذكر محمد الصغير الاستاذالمصري الذي كان يقدم النادي العلمي
اما عن المسرح وما ادراكم المسرح الذي كان ينبض بالحركة الابداعية من طلاب المدرسة ساتعرض له لاحقا لانني كنت في داخلية ابوعنجة وكنا نتفوق دايما في مجال المسرح

من طرايف المنافسة بين داخلية عنجة والنجومي وطبعا هن متجاورات وعنجة كانت متفوقة دايما في كاس الحديقة وعندما حانت المنافسة واستعدالجميع والتنافس بقي بين عنجة ونجومي وناس نجومي متاكديت من تفوق عنجة ولجاؤ لحيلة ماكرة يوم مرور لجنة المسابقة حيث قامو بدخول داخلية عنجة قبل ربع ساعة من المرور حيث قام طلاب نجومي بتقليب الازيار في مزيرة عنجة عنجة وعندما مرت اللجنة ووجدت الاذيار مقلبة اعطت الكاس لنجومي

[ركشة]

حقيقة انا لم ادرس فيها لانى زى قول ابوى لسه شاااااافع.........
ولكن ابوى عندما يتزكر تلك الايام تنساب على خديه دمعة ...عتاب للحاضر وشوق للماضى.......
حكى لى انه يوم ان امتحان فاتو ..والمدرس بتاعهم خواجة.......قام يوزع فى الدرجات وكلها تعبانة شديد...قام ابوى قال ليهو يا استاذ وانا!!!!
قال ليهو wate are you ned
قال ليهو انا ا امتحنت قال ليهو..htat is not may broblem
ابوى قال ليهو ان شاء الله تدينى زيرو...
قام رد عليهو وقال .....
noooooo zero is hte numer
هههههههههه

[bshagra]

اشكرك اخي ركشة علي المداخلة الجميلة

[HAMADTO]

كاتب الرسالة الأصلية HAMADTO
بسم الله الرحمن الرحيم

السلام عليكم ورحمة الله تعالى وبركاته

الفكرة رائعة جدا وننتظر خرجي هذه المدرسة العريقة على احر من الجمر لمعرفة طرائفهم .....
لك تحياتي اخي بشاقرة على روعة الفكرة

ما في واحد من الاعضاء من خريجي مدرسة حنتوب العريقه ......

الموجودين في المنتدى حسي كلهم زي حالتي شهاده عربيه ولى شنو ....

[ضياء الدين احمد]

والله الموضوع جميل ويا مايو نص والله ذكرتني الاستاذ الشهيد عبد الرحمن القدال ربنا اتقبلو ودرسني في مدني الثانويه وتحياتي لطلبة حنتوب وان لم ادخلها في الثانوي فقد درست فيها الجامعه ولكم حبي

[سمر عز الدين]

دائما كنت اسمع من والدي جملة (حنتوب الجميلة) وهو كان من طلبة تلك المدرسة العريقة وعندما يحكي عنها يكون منشرحا ومستمتع بالحديث عنها ولكن يتحسر على ماأصبحت عليه الان كما انها خرجت فطاحلة السودان وابرز شخصياتها في كل المجالات العلمية والادبية والسياسية00شكرا ياخ بشارقة على الموضوع الراقي ده

[ود حنتوب]

[COLOR="DarkOrchid"]حتى اعود بى مهلة لكم هذا الرابط ....[/COLOR]
http://www.sudaneseonline.com/cgi-bi...msg=1192526835

[mamdoh]

انا متزوج من حنتوب ممكن اشارك

[ود حنتوب]

انا متزوج من حنتوب ممكن اشارك

ممدوح

ياخوى انت متزوج بت منو فى حنتوب ؟؟؟

وعموما انت عضو اصيل فى حنتوب
فالف اهلا بك فى رابطة جديدة تضم عضويتها كل محبى حنتوب

[النور محمد يوسف]

أي واحد نقابلو يقول ليك ..."ياخ والله شايفك قبل كدا... وين وين ..." فتقول له درست في حنتوب ...فتكون الاجابة على طول ...نعم ... مع أنك تكون قابلتو في الجامعة ... لكن الصلات في حنتوب كانت قوية ... ناس عم ميرغني وعم هباني بالسفرة وعمر محمد علي وخالد وعم عبدو بالرفاص وأساتذتنا النجوم الأمين محمد أحمد كعورة كعورة وحسن رخا... وعبد الجبار عبد الهادي ...والمرحوم يوسف محمد عبد الله وعكوت والامين والطيب علي وهاشم رياضيات وبشير كيمياء وخالد شبرين وياسين وصلاح والعباسي والدولَّب ومصطفى وبابكر والمرحوم عمر النور ابراهيم وعثمان انجليزي...ولا ننسى ....الفيييييييل... في التربية البدنية ....

كانوا أسرة واحدة ....لو ما قابلتو في الفصل ففي الداخلية أو في السفرة أو في كرة القدم أو في السلة أو الطائرة أو الطاولة أو في المسرح أو النادي العلمي أو في الدروة (الكديت) أو تحت أشجار المانجو أو في المشرع او الرفاص أو في البنطون او في التكلة أو في المكتبة .... أسرة واحدة وتتواصل الصلات وتمتد لتشمل الأهل

كانت دعوة مفتوحة للسياحة في جميع أنحاء السودان

[ود حنتوب]

أي واحد نقابلو يقول ليك ..."ياخ والله شايفك قبل كدا... وين وين ..." فتقول له درست في حنتوب ...فتكون الاجابة على طول ...نعم ... مع أنك تكون قابلتو في الجامعة ... لكن الصلات في حنتوب كانت قوية ... ناس عم ميرغني وعم هباني بالسفرة وعمر محمد علي وخالد وعم عبدو بالرفاص وأساتذتنا النجوم الأمين محمد أحمد كعورة كعورة وحسن رخا... وعبد الجبار عبد الهادي ...والمرحوم يوسف محمد عبد الله وعكوت والامين والطيب علي وهاشم رياضيات وبشير كيمياء وخالد شبرين وياسين وصلاح والعباسي والدولَّب ومصطفى وبابكر والمرحوم عمر النور ابراهيم وعثمان انجليزي...ولا ننسى ....الفيييييييل... في التربية البدنية ....

كانوا أسرة واحدة ....لو ما قابلتو في الفصل ففي الداخلية أو في السفرة أو في كرة القدم أو في السلة أو الطائرة أو الطاولة أو في المسرح أو النادي العلمي أو في الدروة (الكديت) أو تحت أشجار المانجو أو في المشرع او الرفاص أو في البنطون او في التكلة أو في المكتبة .... أسرة واحدة وتتواصل الصلات وتمتد لتشمل الأهل

كانت دعوة مفتوحة للسياحة في جميع أنحاء السودان

النور محمد يوسف

يبدو اننا دفعة واحدة يا سيدى

يسعدنى ان اتعرف عليك أكثر

[بابكر بورتبيل]

حنتوب وما ادراك ما حنتوب

حنتوب الجميلة

تلك العريقة التي اهدت الى السودان قادة العلم والرأي والفكر والادب والقانون و الاقتصاد والسياسة والعسكرية وكافة ميادين الابداع في الوطن .

أنا شخصيا درست الثانوي في مدني الثانوية ثم المدينة عرب الثانوية وسنة ثالثة في حنتوب الثانوية عام 1978 (يعني عجايز الى حد ما )

لكن لحنتوب صدى خاص يتردد ذكراه مدى الحياة ،

مسابقات كرة القدم والليالي الادبية والاشعار الجميلة والانضباط العالي

لك الله يا حنتوب

والف تحية وسلام لجميع خريجي حنتوب بكافة الاجيال
منذ الخمسينات وحتى التسعينات
وحتى تاريخ اعتيال حنتوب الثانوية

والسلام لأهل حنتوب كلهم .. وبتاعين البصات والبكاسي والذين كنا نهرب بعرباتهم لحضور السينما في سينما رودي والوطنية والنيل الازرق ، اما ناس عبد المنعم مصطفى تاتاي فقد كانوا يقطعون البحر سباحة ويحملون ملابسهم في ايديهم لكي يرتدونها بعد عبور النهر ، وبدون أن تتلخط المكوة بتاعتها !!!!!!

ثم يعودوا أدراجهم بعد انتهاء الفيلم بنفس الطريق - سباحة في النيل الازرق حتى في اوقات الدميرة والفيضانات العاتية !!!!

واخيرا سلامي لكافة معلمينا واساتذتنا في حنتوب وأذكر منهم على سبيل المثال لا الحصر: استاذ الباشا والطيب الشاعر وصديق العباس والقدال عليه رحمة الله والنور انجليزي الذي كان يقول أننا مجانين لاننا نحفظ كتب الادب الانجليزي عن ظهر قلب (الرجل والسلاح لمؤلفها برنارد شو) .

عموما هذا الموضوع رائع جدا وهناك الكثير من الطرف والمواقف الجميلة والمحزنة معا

نأمل أن نسمع منها الكثير ، وبكل تأكيد سوف ندلى بدلونا ....

ودمتم

[moh_alnour]

أول عهدي بحنتوب عام 1994م عندما كانت معسكر لنا لأداء فترة
الدفاع الشعبي ونحن طلبة بالسنة النهائية بالمرحلة الثانوية
ونحن على أعتاب التقديم للجامعات
من المؤكد أنها لم تكن زيارة جميلة بأي حال من الأحوال
هذا كان أنطباعي الأول عن حنتوب

لا تربطني أي علاقات أسرية بحنتوب إلا علاقات الصداقة
التي أعتز بها كثيراً مع مجموعة من أبناء حنتوب
لهم جميعاً التحية والتجلا والتقدير
ولكن يشهد الله أنني أحب حنتوب وأحب أهلها الطيبين
ولدي مقولة دائماً أُرددها أن الشهرة التي وجدتها حنتوب
لم يجدها حي المدنيين أعرق أحياء ود مدني

حنتوب الجميلة
رائعة الأستاذ : محمد عوض الكريم القرشي وغناء الراحل المقيم : الخير عثمان
وأيضاً أغنية وداعاً لعبقري الأغنية السودانية
إبراهيم أحمد أبو جبل ( الكاشف )
وهي للشاعر : حميدة أبو عشر قيلت أيضاً في مدرسة حنتوب

وداعاً روضتي الغنأ
وداعاً معبدي القُدسي

أظلُ أُردد الشكوى لما لاقيت من وجدي
حبيب الروح لا أقوى على حمل الهوى وحدي

[ود حنتوب]

مرحبا بكل اصدقاء حنتوب
والحديث عنها لا ينتهى قطعا
فهى منهل صاف وعذب كل من شرب منه احبها

ارجو ان تبقوا دوما معنا فى هذه المساحة الجميلة

[عبدالرحيم سعيد]

قرأت كل المشاركات وامني النفس ان اجد شطري ورفاقي فضاعت خطاي في الاسماء المستعارة وبكيت حزنا لضالتي.فما كان مخطأ من اقترح بفصاحة الاسماء .حنتوب ارضعتني ان اكتب بكائي باليراع وفرحي بالصمت فسنواتها ماعجفت اخيلتنا وما طلعت زكاء يومها الا واصابنا سمن المنهل حتي النخاع .فأنخنا مع عم عبدو والصول وشمعون يحكي ضحك الطرف كانت هي الدنيا

[مرتضى يوسف العركي]

الرائع بشاقرة
السلام عليكم ورحمة الله
لم يسعفني الحظ في ان اكون من ضمن طلابها حين امتحنت من من الاميرية الثانوية العامة واستعير بما خطه الاستاذ المرحوم عمر احمد الحاج رئس تحرير جريدة ود مدني حينما خط مقالا باسم ( اول نجاح يبكى له ) فقد كنت اشبهها تماما ويشبة كثيرون من دفعتي والذين اصابوا مجموعا متميزا يسمح بدخول هذه المدرسة العريقة والتي كانت امنيتي وامنية الجميع في الانتساب لها حينها بيد ان ادارة التعليم وقرارها بان يكون طلاب الثانوية بمدينة ودمدني الخارجيين لا يقبلون على حنتوب وقتصار حنتوب كمدرسة تقبل بداخلايتها الطلاب من خارج مدينة ودمدني ...حينها كنا جميعا عزاء بتوزيعنا لمدرسة مدني الثانوية ...
التحية لكم والتحية لحنتوب مدرسة تخرج منها الافذاذ على مستوى الوطن وتظل تاريخا مهما اعملت فيه السياة سهامها الصدئة فنحن لا نحافظ على قديمنا الذي يستحق كل اعزاز وحفظ باعتباره ثروة تتضاعف كلما مرت الايام والتحية لمدني الثانوية التي استقبلتنا برغم ما فينا من شيء من حتى نحو حنتوب حينها .

[أبويارا]

حنتوب الجميلة
فهي جمال في الطبيعة وفي الناس وفي العلم ويكفي أنها خرجت عباقرة في كل شيء.. فاللهم أرحم حنتوب وأيامها..

[أبويارا]

إيش رايكم ياأخوان إنو نقوم بالتأصيل والبحث في عالم كل المدارس القومية والتي أصبحت من الماضي وكما قال أحد الأخوان إنها أصبحت معسكرات للتدريب وخرابات وبنهايتها إنتهى التعليم الثانوي ومن بعده الجامعي . فأصبح التعليم لا طعم له ولا رائحة وهو تحصيل حاصل فقط , فالله يرحم بلادنا وتعليمنا وكل ما هو جميل أو كان جميلاً .. اللهم آمين

[عثمان جلالة]

حقيقه اجمل سنوات عمرى قضيتها فى ظلال مدرسه حنتوب 88/91
وتظل زكرها فى الخاطر ترسم ابتسامه على وجه هذا الزمن القاسى
وحقيقه زملاى بمدرسه حنتوب حتى الان تربطنى بهم علاقات قويه جدا جدا مقارنه بعلاقاتى الان بزملائى فى الجامعه
التحيه لهم جميعا تلك الكوكبه الرائعه من الاداره والاساتذه الذين علمونا معنى ان تهب الحياه لغيرك
الاستاذ احمد جو .....احمد بابكر ....ناجح المصرى......عبد الرحمن كيمياء.....الطيب الطاهر .....ابوشوره......بدوى رياضيات......قوى اسلاميه......عصام كباشى .....الشهيد الاستاذ عبد الرحمن القدال....عوض الجيد
عم عاى فى الصفره وكل الباقيين الذين لم تسعفنى الزاكره


احكى ليك قصه حصلت لى وانا فى السنه الاولى
يوم السبت الصباح اكانت الحصه دبل كيمياء مع عبدالرحمن كيمياء وانا كنت خرجت لاهلى وجيت نعسان وتعبان شديد
وكان الاستاز بيساءل فينى وانا ماقادر اجاوب ........غايتو لمن كترتها قال لى اقيف على حيلك......والتفت لباقى الزملاء فى الفصل وقال ليهم شايفين النوع دا ...........دا النوع البيجى الفصل مابيفهم اى حاجه ويمشى الصفره لقمتو قدر كده............. واشار بكلتا يديه
وتحياتى عبرك للجميع .............مايو نص......ماليزيا................طبيب

انت دفعه يا مايو نص ... نحن ناس ضيف الله .. الوطاويط ... ومن المواقف الطريفه .. أذكر إنو مره في المسرح مثلت دور بت ... وحاولت بقدر الامكان أتقمص شخصية بت حالمه ... بعد نزلت من المسرح ... الطلاب كلهم جوا بى ورا يشوفو البت (انطلقت إشاعه إنو دي بت المدير) ومن الاشياء الجمليلة استضافة تلفزيون الجزيرة لنا انا والاستاذ عصام كباشي ... ومجموعة من الطلاب الموهوبين بالمدرسة .. في برنامج إسمو (مواهب) .. كانت أيام جميلة كنا في المباريات بنبكي ... حنتوب كانت قمه .. برجع ليكم تاني

[ود حنتوب]

قرأت كل المشاركات وامني النفس ان اجد شطري ورفاقي فضاعت خطاي في الاسماء المستعارة وبكيت حزنا لضالتي.فما كان مخطأ من اقترح بفصاحة الاسماء .حنتوب ارضعتني ان اكتب بكائي باليراع وفرحي بالصمت فسنواتها ماعجفت اخيلتنا وما طلعت زكاء يومها الا واصابنا سمن المنهل حتي النخاع .فأنخنا مع عم عبدو والصول وشمعون يحكي ضحك الطرف كانت هي الدنيا

الأخ العزيز عبدالرحيم سعيد

لك التحية والتقدير

اثرت شجونى بذكر الاخ شمعون (مصطفى جعفر) والذى كان فاكهة المجالس حينها فهل كان من ابناء دفعتك ؟؟؟؟

لك تحياتى ومودتى

اخوك خالد محمدنور ادريس