|
عضو فعال
Array
 المشاركة الأصلية كتبت بواسطة خالد علونى
هذا دوما ما نجده من الغربة ليس فها غبر الشجن والدموع والجراح المريرة
بس ان شاء الله الغربة ماتكون شالت منك الشالتو مني وخلتني اقول
عام مضى
عام مضى
وانت تقبعين
فى قياهب النوى
تسهدين طرفى الحزين
تزرعين فى الفؤاد
خوف ان يطول
بى الجوى
عام مضى
وانا اصارع الحروف
اغالب الدموع
ارتوى فظاعة
اطوع الحروف
كى تعالج الذى
توسد المقل
وازجر الفؤاد عندما احسه
قد اسدل الستار حائرا
يغالب الاهات تارة
وتارة يكفكف الدموع
من على الخدود
معلنا نهاية الترحال
عام مضى
بلا جديد
مز رحلت يا ملاكى الفريد
يابريئه
كلون موجة تداعب النسيم
يا انيقة
كزرقة السماء
كاللجين
كالربيع
كالذى سكبته
من مقلتاى
كالورود حين تنثر العبير
عام مضى
وانا الملم الاوراق
باحثا عن الذى
قد هده الهوى
وشاع انه اضحى غريبا
بقلبك الحبيب
مكبل الخطى
يصارع السهاد والنوى
ويطلب الخلاص من هواك
كى يعاود الرحيل
من رباك عائدا
لمقلتيك يا محبة النوى
الحبيب الغالي إبننا خالد علوني بوح جميل وإحساس عميق من جوه الجوه مكتويا بنار السهاد تبحث عن الخلاص الله يكون في عونك لكن ما أخذته مني الغربة أكثر وأتمني أن يكون حظك أخف قدرا من قدري.
الغربة أرجعت بناتي الخمسة حفظهن الله ورعاهن وسميتهم بقصيدة أطلقت عليها رحيل العصافير وسميت بها إسم الديوان
الغربة أرجعت أم العصافير مع عصافيرها
الغربة أرجعت محمد آخر العنقود وأطلقت عليه إسم النجيم تصغير للتمليح.
الغربة أرجعتهم للوطن الغالي لمواصلة دراساتهم العليا وأصبح بيني وبينهم بحرا فكتبت هذه القصيدة يوم رحيلهم للسودان وأتمني أن أكون معهم قريبا بني بإذن الله .
رحيل العصافير
,,,,,,,,,,,,,,,,,,,,,,,,,,,
عيونك شارده ليه بس من عيوني؟؟
وجفونك نايمة ليه صاحيات جفوني؟؟
اِنت فني الزاهي بي فرحي وشجوني
ضيفي رصيدي لي رصيدك وما مهم تزداد ديوني
,,,,,,,,,,,,,,,,,,,,,,,,,,,,,,,,,,,,,,,
من يوم رحيلك والعصافير الكانو زي حبات عيوني
فراقك اِنت حار عليّ وهم كمان بالنار كوني
بي وجودك كانت سعادتي وياما كم هم اسعدوني
اِلا بس تراني صابر اْتمني لو في النوم اِجوني
,,,,,,,,,,,,,,,,,,,,,,,,,,,,,,,,,,,,,,,,,,
الأيام الحلوة ولت والربيع ماعاد غصوني
والسمندل والحميراء زي وداعكم ودعوني
ياما كان والكان دا كان كيف اْكون وكيف تكوني
الله وحده للغيب بيعلم ياكريم بس كون في عوني
,,,,,,,,,,,,,,,,,,,,,,,,,,,,,,,,,,,,,,,,,
الشمس زي ماغبتو غابت وللقمر زايد جنوني
اْنا صرت عاشق للكواكب لي مداركم اْجذبوني
قالوا دي الأيام دول ساعة صفاكم اذكروني
لا دام سعد لا دام حزن ساعة حزنكم حزنوني
,,,,,,,,,,,,,,,,,,,,,,,,,,,,,,,,,,,,,,,,
الحواس الخمسة غابت مابحس لو تجرحوني
والنجيم مع اْمو روح لا اِرتاحوا هم لا ريحوني
الغربة طالت ولسه ماشة ضاعت سنيني واْيضا سنوني
متين ياعزة نرجع واْشيل عيونك في عيوني......
,,,,,,,,,,,,,,,,,,,,,,,,,,,,,,,,,,,,,,,,,,,,,,,
التعديل الأخير تم بواسطة المبارك ود إبراهيم ; 29-09-2009 الساعة 09:44 AM
والنفس كالطفل إن تهمله شب علي
حــــــــــــب الرضاع وإن تفطمه ينفطم.
|
|
رد مع اقتباس
المفضلات