النتائج 1 إلى 25 من 40

الموضوع: المرور .... فى بلادى ... مواقف ...

أدوات الموضوع
- مشاهدة صفحة طباعة الموضوع


	19-09-2009 12:28 AM #1 ابوخالد الملف الشخصي مشاهدة المشاركات عضو فضي Array تاريخ التسجيل Jun 2009 المشاركات 1,963 المرور .... فى بلادى ... مواقف ... الطرق .. و حركة المرور .... وإختصار المسافات .... عنوان لرقى الاٌمم ونهضتها .... ولكن ماذا عن حركة المرور ومن يُحركون المرور .... ومن ينفذون طرق المرور .... وشِـــباكَهُ ومصائده .... فى بلادى ... لكل منا موقف مع ... رجل المرور ... دورية المرور ... عسكرى صينية المرور .... قسائم المرور .... والتجاوزات من مستعمل الطريق أو العسكرى .... الرخص ... بدل فاقد ... إمتحان الرخصة ... أرشف المرور .... تسديد الرسوم .... لاندروفر أو كومر الرخصة العامة ... التلبيكة .... إستعمال سيارتك الخاصة من قِبل المرور لإمتحان الرخصة ... شنطة الضابط والعسكرى بدورية المرور والربط اليومى ال target ... وووووووووو .... شاركونا طرح القضية ببساطة للقائمين على قطاع المرور فى بلادى ... القوالب الكوميدية مطلوبة .... المناقشة الجادة دومآ نستفيد منها جميعآ .... للمساهمة فى طرح الحلول عن قناعة منا ... لعل وعسى .... ولكم الخير فى كل الأعوام أحبتى رد مع اقتباس


	19-09-2009 12:43 AM #2 درديري كباشي الملف الشخصي مشاهدة المشاركات عضو فضي Array تاريخ التسجيل Jun 2009 المشاركات 1,704 انا حا افتتح ليك الموضوع يا باش مهندس .. وانت بتطرح مواضيع دائما بتكون على طرف اللسان وبس ما لاقيه مناسبة بتطلع عشان كدا بتلاقي المداخلات انهالت عليك .. من مواقفي .. اخر سيارة كنت اقودها في السودان في كسلا وكان ترخيصها تبع الخرطوم ومنتهي .. ومره في احد التقاطعات اوقفني عسكري المرور بدون اي حادث او اي مناسبة فقط اجتهاد منه . وسالني عن رخصة السيارة المدوره ..بعد ما نظر فيها قال لي الرخصة منتهية لازم تمشي معاي المركز .. وفتح الباب وركب معاي .. وانا ما ابديت اي مقاومة ولا اترجيته رغما عن اني كنت مستعجل فعلا ومحصلا اجتماع او فتح مناقصة لا اذكر . وبعد ما وصلنا المركز نزل هو اولا .وكان عندي شنطة بنية من نوع ( تمكنا الشهيرة ) نزلتها معاي .. وطبعا متوقع انه راح يحرروا لي قسيمة مخالفة او اي شئ في النهاية اتخارج ..لكن المحيرني انا واعتقد حير العساكر انفسهم انه انا لم تصدر مني اي كلمة ولا قلت انا مستعجل رغما عن اني كنت منفعل وانظر للساعة في كل مره .. لكن اخيرا وبعد مشاورات اتاني الصول او التحري كما يسمونه وقال لي يا اخ .ياخي امشي ...خلاص ما في حاجة ... بصراحة انا الى هذه اللحظة رغما عن مرور ما يقارب العشر سنوات ..لا ادري فيما كانوا يتشاورون ولماذا اطلقوا صراحي بهذه البساطة رغما عن اني لم استرحم او اطلب حتى الاستعجال ... تذكرت المثل المصري الذي يقول امشي عدل يحتار عدوك فيك ........ التعديل الأخير تم بواسطة درديري كباشي ; 19-09-2009 الساعة 12:46 AM رد مع اقتباس


	19-09-2009 09:34 AM #3 ابوخالد الملف الشخصي مشاهدة المشاركات عضو فضي Array تاريخ التسجيل Jun 2009 المشاركات 1,963 [quote=درديري كباشي;396359][right]انا حا افتتح ليك الموضوع يا باش مهندس .. وانت بتطرح مواضيع دائما بتكون على طرف اللسان وبس ما لاقيه مناسبة بتطلع عشان كدا بتلاقي المداخلات انهالت عليك .. كما عهدناك دومآ تتفاعل مع المواضيع التى تهم المواطن والمصلحة العامة ... من مواقفي .. اخر سيارة كنت اقودها في السودان في كسلا وكان ترخيصها تبع الخرطوم ومنتهي .. ومره في احد التقاطعات اوقفني عسكري المرور بدون اي حادث او اي مناسبة فقط اجتهاد منه . وسالني عن رخصة السيارة المدوره ..بعد ما نظر فيها قال لي الرخصة منتهية لازم تمشي معاي المركز .. وفتح الباب وركب معاي .. وانا ما ابديت اي مقاومة ولا اترجيته رغما عن اني كنت مستعجل فعلا ومحصلا اجتماع او فتح مناقصة لا اذكر . وبعد ما وصلنا المركز نزل هو اولا .وكان عندي شنطة بنية من نوع ( تمكنا الشهيرة ) نزلتها معاي .. وطبعا متوقع انه راح يحرروا لي قسيمة مخالفة او اي شئ في النهاية اتخارج ..لكن المحيرني انا واعتقد حير العساكر انفسهم انه انا لم تصدر مني اي كلمة ولا قلت انا مستعجل رغما عن اني كنت منفعل وانظر للساعة في كل مره .. دائمآ تاتى الرياح بما لا تشتهى السَفِن .... عادتهم وبدون مقدمات ... تجد نفسك مضطر للإنصياع لأوامرهم .... الله يكفينا شرهم ... لكن اخيرا وبعد مشاورات اتاني الصول او التحري كما يسمونه وقال لي يا اخ .ياخي امشي ...خلاص ما في حاجة ... بصراحة انا الى هذه اللحظة رغما عن مرور ما يقارب العشر سنوات ..لا ادري فيما كانوا يتشاورون ولماذا اطلقوا صراحي بهذه البساطة رغما عن اني لم استرحم او اطلب حتى الاستعجال ... تذكرت المثل المصري الذي يقول امشي عدل يحتار عدوك فيك ........[/right][/quote] تعرف ده الخوف ..... وده الحاصل عايزين الواحد يستعطفهم ويضطر يمسح السير ..... حتى يتفك منهم ... ودى أصبحت ظاهرة والعياز بالله .... ودى الحاجات المأخرة السودان ... وعندى من المواقف دى الكتير وإن شاء الله ح ينزل بالتفصيل ... لك الشكر أخى أبو الدر .... ولك كل الخير فى كل الأعوام .... والى المزيد من القصص ... ودوام التواصل ... رد مع اقتباس


	19-09-2009 09:49 AM #4 عمر المامون الملف الشخصي مشاهدة المشاركات عضو ذهبي Array تاريخ التسجيل Aug 2009 الدولة نبع المحنة المشاركات 3,524 المرسل: واحد من الناس المستقبل: أعزوأغلى الناس النص: عيدك سعيد قبل كل الناس رد مع اقتباس


	19-09-2009 11:28 AM #5 ابوخالد الملف الشخصي مشاهدة المشاركات عضو فضي Array تاريخ التسجيل Jun 2009 المشاركات 1,963 المرسل: واحد من الناس المستقبل: أعزوأغلى الناس النص: عيدك سعيد قبل كل الناس أخى / عمر المامون ... لك كل الأمانى المشرعة ... رد مع اقتباس


	22-09-2009 02:33 AM #6 ابوخالد الملف الشخصي مشاهدة المشاركات عضو فضي Array تاريخ التسجيل Jun 2009 المشاركات 1,963 أحبتى كل عام والجميع بخير وعافية ... ساحكى إحدى القصص الواقعية مع عساكر المرور فى مدنى ... قبل سنتين ونص تقريبآ كده ... فى إجازة سنوية فى حضن ست المدن مدنى ... وأنا أنعم بصحبة الأهل والأحباب .... واللمات الما خمج والونسات ... والضحك المن القلب ... والضبائح وكسير اللحم .... والشواشى والمرارات والكِبد ... والفتافت والكِسر ... وشربوت التمر .... والفواتح اللى عدا عليها كم شهر .... والزغاريد والطرب .... وجُمعات غداء الأهل .... وفرحة الأطفال بى شوفة البلد واللعب فى الحيشان والشوارع .... بمناسبة الحيشان دى .... أول مرة نزلوا معاى العيال وهم صغار .... سنة ونص وسنتين و9 شهور كده ... دخلنا من باب البيت للحوش للبرندة والغرف .... ودخلنا العفش وقفلنا باب البرندة ... نظام ما يطلع الهواء البارد بره وكده .... شوية كده واحد من العيال يجينى ـــ بعد مافتح باب البرنة وشاف الحوش وغفل الباب بسرعة ــ وقال لى يا أبوى ممكن نطلع نلعب فى الشارع شوية .... طبعآ ناس البيت كلهم فكوها ضحكة ــ معاها شوية عطف على الما بيعرف يفرق بين الحيشان والسهلات و الشارع ـــ يخس على الغربة ... أها فى عِز الإجازة إشتريت لى أتوذ (حمراء) أورنيك ( يعنى ورق جمارك بدون ترخيص ولوحات ) ... وقلت بعد يومين تلاتة أمشى أكوس درب المرور وقرف المرور بدل الإجازة تضيع ساكت صفوف ودفر وشبابيك وسلخ ـ سلخ جيوب ما سلخ جلود ــ تانى يوم والعبد لله فرحان بالعربية وموقفا فى الشارع قدام البيت وأخونا الصغير واقع فيها غسيل وبرى بالصابون وما خلا ليهو دلقون من البيت ما جابو للعروسة ــ الكلام ده كلو الصباح بدرى ــ فكرت أجيب أب أربعة (لو كان أب تلاتة ما كنت عدلت عليهو ــ بعيد عنكم عندى حساسية من التلاتات) كرامة العربية ... وذى ما عارفين الواحد لما يكون فى إجازة أقل حاجة تحصل يجرى الزريبة إن شاء الله بكاء ( يجعل أيامنا وأيامكم كلها أفراح) ... وكلمت أخوى بالموضوع طوالى ما صدق لملم عدة الغسيل ودور البخيتة... هو لابس سفنجة ... وانا ترين سوت ... بس المحفظة الحمدلله كانت معاى قروش الخروف وكده ... قعد أخوى خلف الدريكسون نظام أهل مكة أدرى بشعابها ــ وهو جاهل مايعرف إنو نحنا العملنا شعابها دى .... وحفرناها بى ضفورنا ... وسقيناها من دم زملاءنا الشهداء .... وحفرنا خيرانا وقت كان فى خيران ... المهم إتحركنا من البيت ومع صيدلية ودكنان ونادى الزهرة العتيق ( ويا حليلو ) دخلنا يسار ماشين على السوق الشعبى وكبرى البوليس ( تقاطع شارع النيل مع شارع مدنى الخرطوم ... متجهين على الزريبة قبل حى الكريبة العريق ... فى التقاطع بالضبط شفتو ليك الما بغبانى الزول البيلبس أبيض فى أبيض (لا ما دكتور ياخى) وطاقية بيضاء وفيها خط أسود ... ياخى الزول البيقيف وراء صفارته ( ما حكم ) .. يا أخى البيطوطح فى يدينو يمين وشمال داك .... أأأأأأأأأأيوه ... عسكرى المرور لكن الغريبة لابس شبط ... أيوه شبط عديل كده ... ياحليل العسكرية .... والمرور ... مرسال أقصد مشوار كده وبجيكم صادى .... لاتروحو .. رد مع اقتباس


	22-09-2009 05:01 AM #7 حاتم مرزوق الملف الشخصي مشاهدة المشاركات عضو فضي Array تاريخ التسجيل Apr 2007 الدولة جنب الماوس المشاركات 2,569 [quote=ابوخالد;396353][center] الطرق .. و حركة المرور .... وإختصار المسافات .... عنوان لرقى الاٌمم ونهضتها .... صدقت اخي أبو خالد حين قلت ان رقي الأمم تعبر عنه جودة الطرق وتنظيم حركة المرور والوصول الي النقطة المراد الوصول اليها بأقصر الطرق واسهلها. بمناسبة العيد نرصد لكم موقف طريف لعسكري المرور ابان فترة مايو حيث قصد العسكري شخصا وآحدا اعتاد ان يوقفه صباح كل يوم اثناء مروره الي مكان عمله الذي لا يستطيع الوصول اليه الا عبر هذا الشارع و من ثم يقوم العسكري بتوضيح نوع المخالفة و اخذ مبلغا من المال مقابل التجاوز عن المخالفة. قام الشخص بسد كل الثقرات الا الخطر الخلفي الذي كان مكسورا وفي يوم من الأيام قام بتبديل الخطر بواحد جديد و اثناء دخوله الشارع بدأ يضرب البوري للعسكري من بعيد اشارة الي انه في غاية الجهوزية ، صفر العسكري واوقفه كالعادة و بدأ في تفقد السيارة ولما لم يجد شيئا قال له ( اليوم حتدفع لأنك ما كلمتني انك حتغير الخطر ):d:d رَبَّنَا آمَنَّا بِمَا أَنزَلْتْ وَاتَّبَعْنَا الرَّسُولَ فَاكْتُبْنَا مَعَ الشَّاهِدِينَ رد مع اقتباس


	22-09-2009 08:46 PM #8 ابوخالد الملف الشخصي مشاهدة المشاركات عضو فضي Array تاريخ التسجيل Jun 2009 المشاركات 1,963 مشكور أخوى حاتم على المساهمة الرائعة دى .... وفعلآ أحيانآ تحس عساكر المرور ديل كأنهم بيفتشوا فى جيوبك .... غصبآ عنك ... بيقلبوك بالبارد ... وعلى عينك ياتاجر ... بدون خوف ولا خشا .... أحيانآ نقول ليهم العذر ... قلة الرواتب .. غلاء المعيشة ... متطلبات الحياة أصبحت قاسية لا ترحم ... بس دى مشكلة الحكومة وليست مشكلة المواطن المغلوب على أمره .... وأحيانآ نقول عدم وعى المواطن بواجباته وحقوقه ... أو تقصير من المواطن فى الإهتمام بقفل الباب أمام العسكرى لإستغلال الفرصة .... ولك كل الود أخى رد مع اقتباس


	27-09-2009 06:13 PM #9 ابوخالد الملف الشخصي مشاهدة المشاركات عضو فضي Array تاريخ التسجيل Jun 2009 المشاركات 1,963 [quote=حاتم مرزوق;397531] المشاركة الأصلية كتبت بواسطة ابوخالد [center] الطرق .. و حركة المرور .... وإختصار المسافات .... عنوان لرقى الاٌمم ونهضتها .... صدقت اخي أبو خالد حين قلت ان رقي الأمم تعبر عنه جودة الطرق وتنظيم حركة المرور والوصول الي النقطة المراد الوصول اليها بأقصر الطرق واسهلها. بمناسبة العيد نرصد لكم موقف طريف لعسكري المرور ابان فترة مايو حيث قصد العسكري شخصا وآحدا اعتاد ان يوقفه صباح كل يوم اثناء مروره الي مكان عمله الذي لا يستطيع الوصول اليه الا عبر هذا الشارع و من ثم يقوم العسكري بتوضيح نوع المخالفة و اخذ مبلغا من المال مقابل التجاوز عن المخالفة. قام الشخص بسد كل الثقرات الا الخطر الخلفي الذي كان مكسورا وفي يوم من الأيام قام بتبديل الخطر بواحد جديد و اثناء دخوله الشارع بدأ يضرب البوري للعسكري من بعيد اشارة الي انه في غاية الجهوزية ، صفر العسكري واوقفه كالعادة و بدأ في تفقد السيارة ولما لم يجد شيئا قال له ( اليوم حتدفع لأنك ما كلمتني انك حتغير الخطر ):d:d مشكور أخى حاتم على المرور وحكاوى المرور التى لاتنتهى .... ولا تنمحى من على صفحات الذاكرة ..... هذه عادات عساكر المرور لو وقفك لازم يعمل معاك الواجب ... إن شاء الله يطلع بى كيس سلطة ... ودى حكاية ح أجيكم فيها بعد حكاية عسكرى كبرى البوليس .... ولك الود حيثما كنت أخى رد مع اقتباس


	29-09-2009 11:45 PM #10 ابوخالد الملف الشخصي مشاهدة المشاركات عضو فضي Array تاريخ التسجيل Jun 2009 المشاركات 1,963 ونواصل أحبتى سرد موقفى مع عسكرى كبرى البوليس وكنا فى الأتوس أنا وأخى وماشين على إتجاه العسكرى... جرا فينا نور طويل وإستعدل فى إتجاهنا عديل ... وظبط الطاقية .. وإستعدل الصفارة ... ودى صيدة كارررربة ... عربية حمراء لونها تسرُ الناظرين وبدون لُوح ولا أرقام .... الليلة ما العيال عيدو تب ..... ونفخ صفارته (ولاحكم فى ضربة جزاء آخر الدقائق) مع تأشيرة باليد الشمال ... وسقطت الصفارة ووراها صيحة (المنتصر الذى أسر العدو ) ... ركن على جنب يا بتاع الأتوووز .... وسألت أخوى الوضع كيف .... قال ياحبة ما عليك الكُباكا ديل أنا عارف نظامهم .... المهم نزل أخوى ... وأول ما نزل من الدركسون وشافو العسكرى بادره بضربة قاضية شمالية ( وسائق بى سفنجة كمان .. الليلة أمانة ما كوم مخالفات وراجيكم ) .... وبدأ مسلسل المخالفات اولآ ... قيادة مركبة بدون لوحات .. قيادة مركبة بدون رخصة سير ... قيادة مركبة بى سفنجة .... قيادة مركبة بدون رخصة قيادة للسائق ... قيادة مركبة بدون أوراق ملكية ... وبدينا فى توضيح الأمور ... إنو نحنا لسة مشترنها أمس ... وبدينا فى الإجراءات ولسة ما خلصناها ... وهو يرد فى كل لحظة ( دى ما مشكلتى ياشباب ) ... أرحكم على مركز المرور السريع جنب صينية بورتسودان ديك وبعدين كبوا كلامكم ده كلو للضابط النبتشى .... وأخوكم قاعد فى العربية ما نزل .... قلت أدى فرصة للمقدد مدنى يتصرف مع العسكرى ... والعسكرى كل شوية يلمحنى بى نظرة غريبة ... ذى ما يكون مشبهنى على واحد .... المهم لما شفت الموضوع طول وما فى فائدة قلت نختصر الزمن ونصل حدو .... قسائم ونخلص ... أو إمكن الضابط يتفهم الوضع ويجبر بى خاطرنا .. أو يطلع دفعة ... ونساوى المسالة عُرفيآ .... المهم قلت ليهم خلاص ياجماعة نمشى المركز .... وطوالى مسك العسكرى باب العربية الوراء وفتحه ... قلت ليهو تعال قدام ... أصر يركب ورا ... وبى شبطو الما بغبانى داك .. ومسك الطاقية فى إيده وركب فى الكرسى الورا .... وإتحركنا بإتجاه المركز ..... وبدأ العسكرى يهرش فينا الليلة دى خمس ولا ستة مخالفات تصل ليها 80 ـ 100 ألف (بالقديم) جنيه .... فجأة قلت ليه .. بدل ما ندفع ما تشوف لينا حل تانى ... ونحنا مستعجلين .. عاين لى بجدية وقال ( داير تورطنى والا شنو ) ... قلت ليهو كيف ... قال لى ( هسى إنت لو طلعت ضابط ) ... طوالى فهمت معاينتو لى أول ... قمت طوالى طلعت المحفظة وأديتو الرخصة السعودية علشان يطمئن ... مسكا وقلبا يمين وشمال ... حتى هدأ شوية .. وقال ( طيب تدفعو كم )بعد مشاورة وشد وجزب منه وصلنا لى تلاتين ألف .... وطوالى قال يلا رجعونى مكانى ... وأمشو بسرعة جيبو خروفكم بى سرعة وتعالو .... ما تجو تلقو ليكم عسكرى تانى يوقفكم ..... وبسرعة وصلناه ولقيناه واقف بره الظلط مما شافنا رفع يده بالسلام ... والمرور ... ونواصل ...... رد مع اقتباس


	30-09-2009 01:03 AM #11 أبوريلان الملف الشخصي مشاهدة المشاركات زيارة الصفحة الرئيسية فخر المنتديات Array تاريخ التسجيل Jul 2004 الدولة أحلى وأحن المدن المشاركات 4,251 والله ياباشمهندس أبو خالد المواقف بتاعت المرور كتيرة خالص وكلها في غير صالحهم ودائما الناس بتذكرهم بأفعالهم الإحتيالية وتتقاضي عن الجزء اليسير من حسناتهم زمان نميري في لقاء له كان بتكلم عن الزيادات في الرواتب قبل علي العساكر وقال ليهم طبعاً أنتو ما دايرين زيادات بتشيلوها براكم . أذكر موقف حصل لصاحب شاحنة ماري بكبري حنتوب مدني لما أوقفه عسكري المرور ولف حول الشاحنة ليتفحصها حتي يحصل علي مايريد وصاحبنا بتاع الشاحنة عارف زولوا كويس وداير يتخارج بأقل الخسائر فقام طلع ليهو ورقة أم عشرين ألف ورماها تحت العسكري وقال للعسكري ياجنابو العشرين ألف دي وقعت منك ، طبعاً جنابوا داير الثمينة رد عليهو قال ليهو جنابو وقعت منو 50 ألف . ناس بتمشى سنين طويلة وناس بدون ما تمشى توصل رد مع اقتباس


	30-09-2009 01:13 AM #12 أبو جودي الملف الشخصي مشاهدة المشاركات عضو برونزي Array تاريخ التسجيل Jun 2009 الدولة وادمدني - القسم الأول المشاركات 978 المشاركة الأصلية كتبت بواسطة درديري كباشي انا حا افتتح ليك الموضوع يا باش مهندس .. وانت بتطرح مواضيع دائما بتكون على طرف اللسان وبس ما لاقيه مناسبة بتطلع عشان كدا بتلاقي المداخلات انهالت عليك .. من مواقفي .. اخر سيارة كنت اقودها في السودان في كسلا وكان ترخيصها تبع الخرطوم ومنتهي .. ومره في احد التقاطعات اوقفني عسكري المرور بدون اي حادث او اي مناسبة فقط اجتهاد منه . وسالني عن رخصة السيارة المدوره ..بعد ما نظر فيها قال لي الرخصة منتهية لازم تمشي معاي المركز .. وفتح الباب وركب معاي .. وانا ما ابديت اي مقاومة ولا اترجيته رغما عن اني كنت مستعجل فعلا ومحصلا اجتماع او فتح مناقصة لا اذكر . وبعد ما وصلنا المركز نزل هو اولا .وكان عندي شنطة بنية من نوع ( تمكنا الشهيرة ) نزلتها معاي .. وطبعا متوقع انه راح يحرروا لي قسيمة مخالفة او اي شئ في النهاية اتخارج ..لكن المحيرني انا واعتقد حير العساكر انفسهم انه انا لم تصدر مني اي كلمة ولا قلت انا مستعجل رغما عن اني كنت منفعل وانظر للساعة في كل مره .. لكن اخيرا وبعد مشاورات اتاني الصول او التحري كما يسمونه وقال لي يا اخ .ياخي امشي ...خلاص ما في حاجة ... بصراحة انا الى هذه اللحظة رغما عن مرور ما يقارب العشر سنوات ..لا ادري فيما كانوا يتشاورون ولماذا اطلقوا صراحي بهذه البساطة رغما عن اني لم استرحم او اطلب حتى الاستعجال ... تذكرت المثل المصري الذي يقول امشي عدل يحتار عدوك فيك ........ ،،،،،،،،،،،،،،،،،،،،،،،،،،،،،،،،،،،، والله يا أخوي درديري محنتني عديييييييييييييل ،،،،، يا اخي الزيك ده ما بنفع مع ناس المرور ،،،،،،،،،،،، الموضوع مفهوم من الأول يعني لو دخلت يدك في جيبك قبل ما توصل المركز كان وفرته وقتك ووقت العسكري يشوف ليه زول غيرك ،،،،،،،،،، أهه فهمتها وإن شاء الله حق الفطور والناس: إما خالدُ يروى له ذكر،،،،،، وإما لمحة فزوال. رد مع اقتباس


	30-09-2009 01:29 AM #13 الفخيييم الملف الشخصي مشاهدة المشاركات عضو فضي Array تاريخ التسجيل Jul 2009 المشاركات 2,048 لمن ظهر الهايس كان السواق بيقطع ايصال غرامة من الصباح ويشتغل باقي اليوم كله الغرامة مبررة بانو الهايس غير مرخص لحمل الركاب طيب وقت اساسا مخالفة وبتخليهو يحمل بعد دفع الغرامة الفهم شنو في انو تحصل منه قيمة الايصال وما تفتح ليهو الترخيص؟ شغل بتاع حرامية عينك يا تاجر رجل المرور لا يرشدك ولا يوجهك بل يتحين الفرصة ليتحصل منك قيمة المخالفه .. ربنا يصلح الحال غايتو التقينا والدهشة هي الإتكلمت .. قبل الأيادي العيون هي السلمت .. من شدة الافراح بكينا .. رد مع اقتباس


	30-09-2009 01:30 AM #14 محمد عبد الله عبدالقادر الملف الشخصي مشاهدة المشاركات فخر المنتديات Array تاريخ التسجيل Aug 2006 الدولة حي المطار - جوار سوداتل المشاركات 1,632 قصص وحكاوي المرور دي كميات كبيييييييرة وهاك دي واحدة في آخر اجازة في السودان كنت راجع يوم الاربعاء من الخرطوم لمدني وسايق عربية مؤجرة وقبل الحصاحيصا كدة شايف ليك لمه وعرقله مرور و في عسكري صغير الحجم ولابس ابييييييض الظاهر عليهو جديد واقف في نص الظلط مع انه المفروض خط سريع وعربيه الشرطه واقفة بالجنبه وناس الشحانات والبصات والبكاسي ما يدوك الدرب . اها جيت اشر لى وقفته جنبو قال لي الرخصة اديتو الرخصة السعودية عاين فيها كدة وقلبها قال - لي دي شنو - دي رخصة سعودية . - ليه ما عندك رخصة سودانية. - كان عندي لكن انا مقيم في السعودية وهناك لمن تجي تطلع رخصة بعملو استبدال للسودانية - وقف بره الشارع وقفت بره الشارع وشال الرخصة حقتي وبدا في شغله تاني يوقف في العربات والرخصه في يدو اها لمن حسيت انو طول مشيت للظابط في العربية بتاعت الشرطة وقفت جنبه فترة لحدي ما سالني - مالك - العسكري شال منني الرخصة نادى العسكري وشال منو الرخصة وسالني - انت مقيم في السعودية. - ايوة - وين الجواز بتاعك - اهو ده - جيت متين - قبل اسبوعين - وين الختم حق الدخول - ايوه ده عاين فيهو واطمان وقال لي خلاص اتوكل. تاني يوم رجعت من مدني للخرطوم وفي نفس المحل ونفس العسكري الما بغباني برضو وقفني وقال لي - الرخصة - تااااااني !!؟؟؟ والله حمر ليك فيني وقال لي - شنو - ابداً اهي الرخصة ونفس السناريو بتاع امبارح جنب وانزل من الشارع .... الخ وانا اشيل واشرح ليهو انو انا الامبارح وقفتني هنا ووووو وهو ولا شغال بي الشغله مسك الرخصة ورجع يوقف في العربات اها مشيت ليك للظابط طوالي واول ما شافني قال امش امش رحم الله المغفور له بأذن الله الاخ العزيز/ عمر عبد الله محجوب اللهم ارحمه رحمه واسعة وتغمده برحمتك , اللهم أرحمه فوق الأرض وتحت الأرض ويوم العرض عليك , اللهم قه عذابك يوم تبعث عبادك , اللهم أنزل نورا من نورك عليه , اللهم نور له قبره ووسع مدخله وأنس وحشته , اللهم وأرحم شبابه, اللهم أجعل قبره روضه من رياض الجنه لاحفره من حفر النار, اللهم اغفر له وارحمه , واعف عنه وأكرم نزله إنا لله وإنا إليه راجعون الخميس 5/11/2009 م رد مع اقتباس


	30-09-2009 02:09 AM #15 محمد ابراهيم خليفه الملف الشخصي مشاهدة المشاركات فخر المنتديات Array تاريخ التسجيل May 2009 المشاركات 66 أخى ابوخالد اتابع كل ما تكتب بإعجاب لما يخطه قلمك من طرح لمواضيع هامه هذا الموضوع اتحدث فيه من منطلق غير الذى تحدث فيه الاخوه المتداخلين لانى بدأت حياتى العمليه فى الشرطه عام 82 كضابط حركه كان اسمها كده ثم عملت قبل ثلاث اعوام مديرا للمرور بولاية القضارف سأبدأ الرد او التعليق رجل المرور هو رجل شرطه تم تعينه للعمل فى ادارة المرور نال دورات فى اعمال المرور من اشارات واشارات ارشاديه ومنعيه وهو فى النهايه مواطنا من المدينه التى يعمل فيها ان كان من سطحها او قاعها فهو مواطن ويتخلق باخلاق المجتمع الذى حوله وفيهم الصالح وفيهم الطالح ولكن الشرطى الطالح يجد عقابا رادعا ان تم كشفه بواسطة المواطن او من رؤساءه دورية المرور هى دوريه لتكون قريبه من الاحداث حوادث ومخالفات يكون منها واحدا او اثنين خارجها ليقوموا بارشاد العربات ليسلكوا هذا الطريق او ذاك او للمراقبه وضبط المخالفات عسكرى صينية المرور كل الصوانى او الدوارات بها افراد مرور لتسهيل حركة المرور فى حالة عدم وجود اشارات ضوئيه والمراقبه فى وجودها التجاوزات من مستعمل الطريق والعسكرى جميل انك شملتهم فالشرطى يقوم بضبط تجاوزات مستعل الطريق ولكن من الذى يضبط تجاوزات العسكرى ؟ المواطن نفسه الذى يقوم بضبط تجاوزات العسكرى بالابلاغ عن تجاوزاته لرؤساءه رخص القياده هى صادره بموجب قانون المرور الصادر من مجلس الشعب القومى والذى حدثت فيه بعض التعديلات الا ان الشروط العامه موجوده فى القانون (يمكن زيارة موقع رئاسة شرطةالسودان والاطلاع على قانون المرور ) وهى تشمل الرخص الجديده بانواعها وبدل فاقد وتالف اما رسوم الرخص والترخيص فادارة المرور لادخل لها بها فهى تصدر بقانون من الجلس التشريعى الولائى ومجلس المحليه وعائدها المالى يعود لوزارة الماليه الولائيه والحليه امتحان الرخصه واضيف عليه لانروفر او كومر الرخصه العامه الظاهر ياابوخالد انت طولت مامشيت المرور الدوره الجايه اتمنى ان اكون بصحبتك وانت تجدد اوتستبدلها اصبح الامتحان للعامه بكانتر اما ان يكون تابع لمدرسة تعليم القياده او تابع لادارة المرور ولا يمكن ان تمتحن بعربتك الا تجاوزا وجارى العمل الان ان تكون الامتحانات من شأن مدارس تعليم القياده والاستخراج للمرور كما فى سائر الدول 0 إرشيف المرور الله عليه الان ارشيف المرور من انظف واسرع الارشيفات فى السودان لانه تم ادخال كل معلومات الرخص والترخيص فى الحاسوب ويتم تغذية الحاسوب الرئيسى اولا باول وكان يمكن لولا ولائية الرسوم ان يتم الترخيص باى مكان لاى حرف ولكن ولائية الرسوم وعدم توحيدها ادى لان لا ترخص او تجدد الا فى حرفك 0 تسديد الرسوم الرسوم كما قلت ولائيه وللمحليه نصيب فيها فكل جهه ترسل متحصلها الا ان بعض الولايات (القضارف ) قامت بتوحيد المتحصل ويتم توزيع الانصبه نهاية الشهر شنطة الضابط والعسكرى بدورية المرور والربط اليومى الشنطه توضع فيها اموال التسويات والتسويه هى حق كفله القانون لوزير الداخليه بالتشاور مع وزير العدل لعمل لائحه للتسويات يتم تجديدها وتعديلها دوريا وهى سلطه منحت لوكيل النيابه وضابط الشرطه تسهيلا للمواطن نعم تسهيلا للمواطن الذى يرتكب مخالفه فالاصل توقيفه والذهاب به الى القسم وفتح البلاغ ومن ثم يعلن لمحكمه فى اليوم التالى ليتم تغريمه بما تراه المحكمه وقطعا اعلى من التسويه وحتى لا يتعطل المواطن ويؤخذ من زمنه قننت التسويه ومن حق المواطن ان يرفض التسويه ويطالب بالذهاب الى المحكمه ولكن ان يتم الدفع للشرطى بتسويه خارجيه خالص دون ايصال فهذه تسويه فى الخفاء (الراشى والمرتشى ) ويتم بعد استلام مبالغ التسويات بالايصال تحويل كل دفتر كامل الى ورقه من اورنيك 15 نسبه لارتفاع قيمة اورنيك 15 ويرسل بعدها 15 المكتمل الى وزارة الماليه للحصول على اخر جديد وتورد الاموال فى حساب وزارة الداخليه والتى تعيده مره اخرى للموطن فى شكل خدمات ببناء مكاتب المرور وتوفير الاجهزه والصالات المريحه للمواطن انظر الى مكاتب المرور بالولايات تجدها تغيرت كما وكيفا ويتم تحفيز العاملين عليها كما فى الزكاه حتى لا تضعف نفوسهم كنا فى القضارف قد رفعنا شعار بان نصل الى صفر فى المخالفات فى اليوم وذلك بتعاون من المواطن الذى نسهل له كل اجراءاته ولكن لم نجد التعاون المطلوب اخيرا طرفه قالو الزول يعمل حسابه من الابيضين السكر والملح واصبحنا اليوم نعمل حسابنا من ثلاثه السكر والملح والمرور 0 لك الود اخى ابو خالد ولكل المهتمين 0 رد مع اقتباس


	30-09-2009 02:22 AM #16 محمد ابراهيم خليفه الملف الشخصي مشاهدة المشاركات فخر المنتديات Array تاريخ التسجيل May 2009 المشاركات 66 الاخ محمد عبدالله لك التحيه وكيف لقيت الاهل وطبعا جيتك شالت صاحبى اول يوم العيد العسكرى على حق اولا اذ ان الدول اصبحت تتعامل بالمثل قديما كان مسموح للاجنبى بالقياده بالرخصه الاجنبيه لمدة ثلاث اشهر او من يحمل الرخصه الاجنبيه ولكن وانتم الاعلم بان الدول اصبحت لاتعترف بالرخصه السودانيه ولايسمح للسودانى باستعمالها عليه تم الغاء التصريح القديم واصبح قيادة العربه فى السودان الا برخصه سودانيه100% لك الود والشكر رد مع اقتباس


	30-09-2009 02:27 AM #17 أبو جودي الملف الشخصي مشاهدة المشاركات عضو برونزي Array تاريخ التسجيل Jun 2009 الدولة وادمدني - القسم الأول المشاركات 978 أخي الكريم محمد إبراهيم ،،، لك مني التحية للتوضيح ،،، وهذه المناسبة ذكرتني بأشجان وآلام ،،، ولكن برضو ذكرتني بمعاني طيبة وجتدها ،،، أحب أن أذكرها ،،، فقل عامين ودعت أحب وأرق وأخلص صديق وأخ عليه الرحمة أخي وشقيقي المرحوم المهندس "إبراهيم كمال شعبان " اسأل الله أن يسكنه فسيح جناته مع الصديقين والشهداء ،،، فقد كان رفيق دربي ،،،،،،،، توفي في الشوك في حادث أليم وذهبت في ثالث يوم لمكان الحادث ومعي نفر كريم من زملائك لمكان الحادث ،،، وأحبيت أن اذكر ذلك لما وضعته أخي الكريم من صورة مشرفة لأبناء مدني في تلك المدينة ،،، تلاقيت مع أناس لا تجمعني بهم أي معرفة وعندما عرفوا بأنني من مدني أول ما أتي في حديثهم عن فقدهم لك وعن حديثهم عن الأخ محمد إبراهيم وما قدمه لناس القضارف وعلى ما أذكر منهم الأخ برهان ،،، وقاموا معي بنفسهم وجهدهم وهذه فرصة لأذكرهم بالخير فهم نعم الأخوان وذاد اهتمامهم بي لما عرفوا أننا من حي واحد ،،، فلك أخي محمد كل التحية والتجلة فهولاء هم أبناء مدني في كل موقع وكما ذكرت في توقيعي " الناس إما خالد يروى له ذكر وإما لمحة فزوال" فأخي محمد قد خلفت ذكرى طيبة لك في القضارف يشهد لك بها الكثير ،،، ولا زلنا نطلب منك الكثير فأنت خير من مثل ويمثل أبناء مدني وكلاً في موقعه لك التحية أخي محمد ولناس القضارف جميعاً . والناس: إما خالدُ يروى له ذكر،،،،،، وإما لمحة فزوال. رد مع اقتباس


	30-09-2009 02:42 AM #18 demyate الملف الشخصي مشاهدة المشاركات زيارة الصفحة الرئيسية عضو مجتهد Array تاريخ التسجيل Sep 2004 الدولة ودمدني-ودازرق المشاركات 152 مشكور يا أبو خالد على هذا الموضوع الحيوى ... ومع كثرة العربات تكثر المخالفات ! أولاً وقبل النقد لا بد لنا من أن نشد على أيدى رجال المرور وهم يعملون فى كل المناخات فى صيفنا الدائم وتحت الأمطار ... ونقول لهم القليل من المخالفات والكثير من الارشادات قبل رمضان باسبوع كنت مع مجموعة من الأصدقاء فى رحلة الى مدينة شندى لاداء واجب عزاء وبعد تفتيش مدنى بعدة امتار فؤجيئنا بحملة فى منتصف الطريق وكنت بجوار السائق وبالطبع لم يكن السائق رابط الحزام وطبعاً الغرامة 200 جنية وحاولت ربط الحزام من مكانى ولكننى لم أستطع فقلت للسائق "أنزل من الشارع" وعندما نزل نزلت من العربة وتفحصت اللستك وكذلك فعل هو ثم ركب مرة أخرى وهذه المرة ربط الحزام ! وكانت تفصلنا من الحملة أمتار قليلة كل هذا ورجال الشرطة يراقبون الموقف وعندما أقتربنا كانوا فى أنتظارنا ! كنت أحمل الرخصة معى . نظر الينا الشرطى نظرة المنتصر وقال للسائق "رخصتك ورخصة العربة " وبالطبع كانت موجودة ولكن فى سؤال غريب من نوعة ألتف الى الشرطى وقال لى "رخصتك" فقلت فى اندهاش "أنا" فقال "أيوا" وكان متاكد تماماًمن أننى لا أحمل رخصة قيادة وأننى أنا من كان يقود العربة!!! وعندها قال فى حيرة "أنتو عملتو شنو هناك؟" فقلت له فى براءة شديدة " أنتا عارف أنا شاكى فى اللستك تعال شوفو " فنظر الينا وقال " أتفضلوا " لك العتبى يا ايها الشرطى وأعلم تماماً باهمية الحزام ولكن لم يكن هناك بد من نتجنب الغرامة المرتفعة http://wadmadani.com/vb/showthread.php?t=28350 دَعِ الأيام تفعـل مـا تشـاء وطب نفساً إذا حكم القضـاء ولا تجزع لحادثـة الليالـي فما لـحوادث الدنيا بقـاء وكن رجلاً على الأهوال جلداً وشيمتك السماحـة والوفـاء وإن كثرت عيوبك في البرايا وسَرَّك أن يكـون لهـا غطـاء تستر بالسخاء فكـل عيـب يغطيه كمـا قيـل السخـاء ولا تَرَ للأعـادي قـط ذلاً فإن شماتـة الأعـداء بـلاء ولا تَرْجُ السماحة من بخيـلٍ فما في النار للظمـآن مـاء ورزقك ليس ينقصه التأنـي وليس يزيد في الرزق العناء رد مع اقتباس


	30-09-2009 04:20 AM #19 الجندي المجهول الملف الشخصي مشاهدة المشاركات عضو ماسي Array تاريخ التسجيل Apr 2006 الدولة من حته جميلة خلاص المشاركات 6,674 المشاركة الأصلية كتبت بواسطة ابوخالد الطرق .. و حركة المرور .... وإختصار المسافات .... عنوان لرقى الاٌمم ونهضتها .... ولكن ماذا عن حركة المرور ومن يُحركون المرور .... ومن ينفذون طرق المرور .... وشِـــباكَهُ ومصائده .... فى بلادى ... لكل منا موقف مع ... رجل المرور ... دورية المرور ... عسكرى صينية المرور .... قسائم المرور .... والتجاوزات من مستعمل الطريق أو العسكرى .... الرخص ... بدل فاقد ... إمتحان الرخصة ... أرشف المرور .... تسديد الرسوم .... لاندروفر أو كومر الرخصة العامة ... التلبيكة .... إستعمال سيارتك الخاصة من قِبل المرور لإمتحان الرخصة ... شنطة الضابط والعسكرى بدورية المرور والربط اليومى ال target ... وووووووووو .... شاركونا طرح القضية ببساطة للقائمين على قطاع المرور فى بلادى ... القوالب الكوميدية مطلوبة .... المناقشة الجادة دومآ نستفيد منها جميعآ .... للمساهمة فى طرح الحلول عن قناعة منا ... لعل وعسى .... ولكم الخير فى كل الأعوام أحبتى [COLOR="Purple"]بصراحة لا احب العنف وعمري حبيت المشاكل لكن اكتر يوم اتبسطت فيهو واا كنت في اجازة في السودان وفي شارع في غرب الحارات بيجيبك من امبدة بي ورا لي شارع الشنقيطي ... وكان ماري من هنالك ومعاي مجموعة من الاصدقاء وشافين الطريق مقفول مع انه مافي حادث بس في عسكري مجهجه ليك الجمعة وشيل ويكتب في الايصالات وبي نهير وصرصير بس لي خظو الكعب وصل واحد وطبعا الايصال لازم يندفع في وقته والزول قال ليه والله ما معاي قروش حوال العسكري البليد يدخل يده بداخل السيارة عشان يطفي السيارة ويشيل المفتاح فما كان من صاحب العربة إلا ان فتح الباب ودفر العسكري والعسكري طار هناك بعيد ولما حاول يقيف على طوله صاحب السيارة كان نزل منها ومشى ليهو قريب ( وقطع فيهو كافتريا ) على ما اظن كل الشارع كان بيصفق للزول دا وانبسطوا منه واتلموا الناس ومشينا وماعارف الحصل شنو وكنت اتمنى ان اقابل صاحب السيارة لاشد على ايده ولكن لم يسعفني الزمن بهذا اللقاء .. تخريمة : والله كف لو ادوهو لي حمار كان جرى ( بسر كف ريح كل الناس الكانت موجودة ) تخريمة : سؤال فني لماذا يمتاز العسكر عندنا في السودان بالغباء الشديد ( ونوع من التبلد والبلاهة) -- مع تحفظي التام بان هنالك قلة قليلة تعد على اصابع اليد محترمة وجديرة بالاحترام وجديرة بان تكون في موقع سلطة ... COLOR] اللهم صلي وسلم على سيدنا محمد وعلى آله وصحبه وسلم تسليما رد مع اقتباس


	30-09-2009 04:29 AM #20 محمد عبد الله عبدالقادر الملف الشخصي مشاهدة المشاركات فخر المنتديات Array تاريخ التسجيل Aug 2006 الدولة حي المطار - جوار سوداتل المشاركات 1,632 المشاركة الأصلية كتبت بواسطة محمد ابراهيم خليفه الاخ محمد عبدالله لك التحيه وكيف لقيت الاهل وطبعا جيتك شالت صاحبى اول يوم العيد العسكرى على حق اولا اذ ان الدول اصبحت تتعامل بالمثل قديما كان مسموح للاجنبى بالقياده بالرخصه الاجنبيه لمدة ثلاث اشهر او من يحمل الرخصه الاجنبيه ولكن وانتم الاعلم بان الدول اصبحت لاتعترف بالرخصه السودانيه ولايسمح للسودانى باستعمالها عليه تم الغاء التصريح القديم واصبح قيادة العربه فى السودان الا برخصه سودانيه100% لك الود والشكر سعادتو سلامات وكل عام وانت بالف خير شكراً على التوضيح , الرخصة السودانية انشاء نطلعها لكن بتعملوا لينا امتحان:d رحم الله المغفور له بأذن الله الاخ العزيز/ عمر عبد الله محجوب اللهم ارحمه رحمه واسعة وتغمده برحمتك , اللهم أرحمه فوق الأرض وتحت الأرض ويوم العرض عليك , اللهم قه عذابك يوم تبعث عبادك , اللهم أنزل نورا من نورك عليه , اللهم نور له قبره ووسع مدخله وأنس وحشته , اللهم وأرحم شبابه, اللهم أجعل قبره روضه من رياض الجنه لاحفره من حفر النار, اللهم اغفر له وارحمه , واعف عنه وأكرم نزله إنا لله وإنا إليه راجعون الخميس 5/11/2009 م رد مع اقتباس


	30-09-2009 04:47 AM #21 أشرف صلاح السعيد الملف الشخصي مشاهدة المشاركات عضو فضي Array تاريخ التسجيل Aug 2009 الدولة مدنى حى الزمالك المشاركات 2,086 ابوخالد سلام.. بماانو الركشة لسة مدورة وخايف امين يترشرح مع اب جيبين..يااخى ناس المرور ديل ناس عسل ومن غيرم مابنقدر نعيش.. وبجيك تانى بس جنابو مونى شايفو حايم بجاى.. رد مع اقتباس


	30-09-2009 02:27 PM #22 خالد 000 ابقرجة الملف الشخصي مشاهدة المشاركات زيارة الصفحة الرئيسية فخر المنتديات Array تاريخ التسجيل May 2009 الدولة مدني حي البان # المدينة المنورة المشاركات 2,217 المشاركة الأصلية كتبت بواسطة ابوخالد الطرق .. و حركة المرور .... وإختصار المسافات .... عنوان لرقى الاٌمم ونهضتها .... ولكن ماذا عن حركة المرور ومن يُحركون المرور .... ومن ينفذون طرق المرور .... وشِـــباكَهُ ومصائده .... فى بلادى ... الزمل أبو خالد 000 قبال المواقف مع رجال المرور 000 خلينا نعترف بنقد ذاتي 000 بأننا من ينفذون طرق المرور 000 نشارك بدور كبير في المشكلة المرورية واسباب الحوادث والاختناقات المورية 000 هندسة المرور قسم من أقسام الهندسة المدنية 000 حصل شفتا في أي تقاطع مع رجل المرور 000 مهندس بعمل احصائية لعدد العربات 000 أو حصل في أي تقرير هندسي عن دراسة أوقات الذروة ؟؟؟000 وفي تنفيذ الطرق في أي شارع جاك احساس أنو مهندس المقاول نفذو بضمير أو المهندس الاستشاري استلم الفنيات ووقع علي المستخلص وضميرو مرتاح ؟؟؟ وتيب 000 يعني لمن يحصل حادث بسبب ارتفاع كتف الأسفلت 000 أوعدم وجود ردمية كافية بجانبي الطريق المرتفع 000 أو أو المفروض أي مهندس مننا يحس بالذنب 000 لأنو أضعف الإيمان حا يكون في خانة الساكت عن الحق 000 غايتو الحمد لله أنا ما أخرس 000 بس صدقني 000 فكرتك حلوة 000 لأنو الفضفضة بتطلع حاجات كتيرة بين السطور 000 و قول لي درديري التفسير أنو ناس القسم قايلنو من الجماعو البدوهم (صالح عام ) والسبب ( الشنطة تمكنا ) والتحية عبرك للكمندان موني علي المشاركة الروعة 000 بجيك بي قصتين 000 واحدة لي رجل مرور اتشرف بأنو يكون مسئول عن أرواحنا لأنو أول حاجة قطع لسان عمر أخوي الأطول من سيقانو والتاني موقف محرج لي شخصيا وما حا اجيك هنا الا اذا حذفتا توقيع الجندي لأنو اليد الكبييييييييييييرة الفيهو دي حرقت روحي شديد ياخ الزول ده من امبارح ما مشي ربع كيلو وتقول لي عسكري المرور ؟؟؟ أحتاج خريفاً قادم 000 فالقلب انشق به اخدود للذكري 000 كخطو العير 000 في أوحال الأرض الصلدة 0000 لا يمحوه 000 حين تجف 000 الا أمطار أخري 000 والقلب بكي 000 فسحاب بقائي قد ضاع سدي 000 (أبو آية) نحتاج مهنيين 000 يعملون بتجرد 000 ودون ألوان 000 لبناء وطن يحكمه السياسيون 000 أتشرف بكم هنا http://www.blogger.com/profile/02571856119049338589 رد مع اقتباس


	30-09-2009 06:50 PM #23 ابوخالد الملف الشخصي مشاهدة المشاركات عضو فضي Array تاريخ التسجيل Jun 2009 المشاركات 1,963 المشاركة الأصلية كتبت بواسطة ياسر عبدالرحمن والله ياباشمهندس أبو خالد المواقف بتاعت المرور كتيرة خالص وكلها في غير صالحهم ودائما الناس بتذكرهم بأفعالهم الإحتيالية وتتقاضي عن الجزء اليسير من حسناتهم زمان نميري في لقاء له كان بتكلم عن الزيادات في الرواتب قبل علي العساكر وقال ليهم طبعاً أنتو ما دايرين زيادات بتشيلوها براكم . أذكر موقف حصل لصاحب شاحنة ماري بكبري حنتوب مدني لما أوقفه عسكري المرور ولف حول الشاحنة ليتفحصها حتي يحصل علي مايريد وصاحبنا بتاع الشاحنة عارف زولوا كويس وداير يتخارج بأقل الخسائر فقام طلع ليهو ورقة أم عشرين ألف ورماها تحت العسكري وقال للعسكري ياجنابو العشرين ألف دي وقعت منك ، طبعاً جنابوا داير الثمينة رد عليهو قال ليهو جنابو وقعت منو 50 ألف . غالى الحروف ... أبو ريلان ... لك التحية ... وعودآ حميدآ مستطاب ... نتمنى تناول القضية فى قالب حكاوى ممتع ... يكشف الحقائق ... حلوها ومرها ... يبين مواضع الشكر لهم ... ويكشف مواضع القصور ... لتنجلى الحقيقة كواقع تعايشنا معه ... وهل القائمون على إدارة المرور فعلآ على علم بما يتعرض له المواطن من نزف الجيوب .. ولوى الزراع ...؟؟؟؟؟؟ كما أطلقها نظام مايو (نميرى) ... ولك الشكر فى هذا التدفق والتفاعل مع هذا النوع من القضايا .. الساخنة ... ودمت بخير والأسرة الكريمة .. رد مع اقتباس


	30-09-2009 06:55 PM #24 ابوخالد الملف الشخصي مشاهدة المشاركات عضو فضي Array تاريخ التسجيل Jun 2009 المشاركات 1,963 المشاركة الأصلية كتبت بواسطة أبو جودي ،،،،،،،،،،،،،،،،،،،،،،،،،،،،،،،،،،،، والله يا أخوي درديري محنتني عديييييييييييييل ،،،،، يا اخي الزيك ده ما بنفع مع ناس المرور ،،،،،،،،،،،، الموضوع مفهوم من الأول يعني لو دخلت يدك في جيبك قبل ما توصل المركز كان وفرته وقتك ووقت العسكري يشوف ليه زول غيرك ،،،،،،،،،، أهه فهمتها وإن شاء الله حق الفطور إن شاء الله ... كيس سلطة .. وتوصيلة مجانية .. *********** كما حدث معى فاصل ونواصل المِحنة ... مرت من هنا .. رد مع اقتباس


	30-09-2009 07:03 PM #25 ابوخالد الملف الشخصي مشاهدة المشاركات عضو فضي Array تاريخ التسجيل Jun 2009 المشاركات 1,963 المشاركة الأصلية كتبت بواسطة الفخيييم لمن ظهر الهايس كان السواق بيقطع ايصال غرامة من الصباح ويشتغل باقي اليوم كله الغرامة مبررة بانو الهايس غير مرخص لحمل الركاب طيب وقت اساسا مخالفة وبتخليهو يحمل بعد دفع الغرامة الفهم شنو في انو تحصل منه قيمة الايصال وما تفتح ليهو الترخيص؟ شغل بتاع حرامية عينك يا تاجر رجل المرور لا يرشدك ولا يوجهك بل يتحين الفرصة ليتحصل منك قيمة المخالفه .. ربنا يصلح الحال غايتو وبتعتب عليك كل الحروف ... اللمة ديك ما حضرتها ... وبتشتهيك كل الوجوه الشفتها ... وبتفقدك ... أخى الفخييم ... أوضاع مغلوطة ... تمر بنا ... ونتمنى تداركها ... وكلنا ثقة بإصلاح ما أفسده الدهر ... ولو بعد حين ... وأكيد إدارة المرور ... مرت من هنا .. رد مع اقتباس

الإنتقال السريع المنتدى العام الأعلى

« الموضوع السابق | الموضوع التالي »

المفضلات

المفضلات

ضوابط المشاركة

لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

أكواد المنتدى متاحة
الابتسامات متاحة
كود [IMG]متاحة
[VIDEO] الكود هو متاحة
كود HTML معطلة

قوانين المنتدى

الساعة الآن 01:36 AM

Powered by vBulletin® Version 4.2.5
Copyright © 2025 vBulletin Solutions, Inc. All rights reserved.
Translate By Almuhajir

ودمدني