حوار حيارى في الحواري

[درديري كباشي]

حوار حيارى في الحواري :
الزمان زمانك ... اهدي لي من عطفك .... الى الخ .. الزمن في وقت ما المكان ركن ما زاوية خفية في احدى حواري احيائنا الشعبية التعيسة .. شلة من اهل المزاج يجتمعون يمزون بما تيسر بمالذ ولم يطب من مذات قوامها اما ربيت او راس نيفة او ام تفتفت واخواتها وخالتها وعماتها ... والقاسم المشترك بين المزات هو شطة حارة مخلوطة بالدكوة والليمون وفي الغالب العصارة الصفراء والتي تعرف بالاتي .. وايام النقنقة واخر الشهر قد تتطور المزة وتصل لمرحلة السمك والبيض المسلوق .. ومرات يتخلل الجلسة حضور موسمي لاصدقاء مغتربين فتتطور المزة لتصل مرحلة الجبنة والزيتون والاقاشي ..
يدور الحوار في السياسة في الرياضة في الفن في المسلسل التركي في كل شئ .. حوار يصعب توجيهه او مصدره انما تخرج الجملة من احدهم عشوائية اما تبدا الحوار وياتيها الرد من اخر وهكذا ( دواليب) .. تبدا الجلسة بصمت الى ان تحضر زجاجات العصير الشفاف .. ,بعد تبادل الكؤوس تثقل الرؤوس ويتنعوج الالسن وينطلق الحوار العشوائي متطرقا لكل شئ .. سجلنا لكم جزؤ من الحوار في احدى الجلسات ..وكالعادة يبدا سياسيا .
- انتو يا اخوان امريكا مالا تنطشتنا كدا زمان ما كان هارشننا كل يوم طالع قرار جديد مرة او كامبا ومرة او باما ..
- ملاحظين حاجة يا شباب انه المتلحين السودان كلهم اساميهم مشتقة من البامية او كامبو اوبامية .. عشان كدا لوايق زي الويكا الواحد تفكو من هنا يصلق بهنا ..
- وقال ليك انه كل ما يصدر قرار في مجلس الامن امريكا طوالي تستخدم حق الفيمتو توقفوا ..
- هو بحق الفيمتو جهجهتنا ومال لو استخدمت حق العرقي حاتعمل فينا شنو ؟
- يا اخوان ما تفكونا من سيرة السياسة دي بلا حق الفيمتو بلا حق الببسي بالمناسبة يا كومر انت ما دفعت حق البتاع انت كل يوم تجي تملحنا تملا راسك وتتخارج مجان ..
- هسع الموضوع ما كان سياسة وماشي زي الحلاوة غيرت الموجة مالك انت
- طيب ماشي نقلب رياضة
- رياضة حتقول شنو ما هي اما هلال او مريخ .. هو في السودان في رياضة غيرهم والاتنين ما جايبين عمار ... تخيل انه هم الناديين الوحيدين في الوطن العربي عندهم استادات خاصة بيهم ويمكن معهم الاندية القطرية ورغما عن كدا يجوهم الجماعة في استاداتهم ويطقطقوهم زي الورد ..
- يا اخوان عايزين طرب رايكم شنو نفتح حوار ودندنة في اغني الحقيبة ولا سياسة ولا كورة ولا مرض ..
- دقائق اصل البيت نسيت حاجة اجيبها واجي ..

[عباس الدسيس]

اها يا ابو الدر بعد ما مطقته خشمنا بي ام فتفت عايز تمشي البيت وتجي احنا في انتظارك بس ما اكون الجماعه عندهم مشوار وتتأخر علينا

[أشرف صلاح السعيد]

هق يا أبو الدر سنة ياااخى ما قلتا لينا الزول دا دقايق يجيب حاجة وجايى ..لكن ما بسألك لكن بعادو طال هق وكدا..
والله فى فترة كدا وما حأقولا لانك ولانههم حتستغربو من صغر الناس وقتا كنتا فى شلة متكونة من خمسة كلهم لاطين بالعصير الابيض الما أصفر ومشيت معاهم حفلة واكتشفت ليك يااخى الناس الما متزوجة لازم فى فترة يصاحبو شلة طشمى هو جنس تدريب فى تربية الشفع..واحد عايز يمشى يستفرغ والتانى عايز الحمام والتالت وقف لط وبيشاكل فى البمرا بيو والرابع بيقنع فيك انو هىو ابو الوعى يااخى عذاب..
وبمناسبة يثبتو انهم واعيين كان عندى صاحبى اول ما يطشم ويقولو ليو خلاااص سكرتا يرد "هو احنا جبنا السجم دا عشان نوعى"..بالله عليك ما اوعى سكران سمعت بيو؟
وقال ليك للسكر تلاتا مراحل وهى..
المرحلة القردية ودى بفترة النعنعشة بتلاقى السكران خفيف ولذيذ ودمو خفيف..
المرحلة الاسدية ودى لما يلط لكنو لسه بيقدر يمشى براو بيشوف العالم دى كلها ما فى اشجع منو وارجل منو وكان برضو عندى صاحبى خجول جدا بالحياة بس يطشم بفت الفى ضميرو كلو وبشاكل ضبان وشو "هوووى ماتعملوها حاجة وتعملو ناشدين جراءة"..
المرحلة الحلوفية ودى مرحلة اللطة ألف والواحد تلاقيو بيستفرغ فى نفسو وبيعمل حاجات تانية حميانى وكدا..
طبعا دار بذهنك ابو الشوش دا عرف الكلام دا كيف؟ هو المامات ما شق المقابر؟..وأوعك تحكها ..

[درديري كباشي]

اها يا ابو الدر بعد ما مطقته خشمنا بي ام فتفت عايز تمشي البيت وتجي احنا في انتظارك بس ما اكون الجماعه عندهم مشوار وتتأخر علينا

يا عبس انت المقعدك شنو للمطيق ما عندك ولد في المدرسة ناسيه ولا شنو ؟؟

[درديري كباشي]

هق يا أبو الدر سنة ياااخى ما قلتا لينا الزول دا دقايق يجيب حاجة وجايى ..لكن ما بسألك لكن بعادو طال هق وكدا..
والله فى فترة كدا وما حأقولا لانك ولانههم حتستغربو من صغر الناس وقتا كنتا فى شلة متكونة من خمسة كلهم لاطين بالعصير الابيض الما أصفر ومشيت معاهم حفلة واكتشفت ليك يااخى الناس الما متزوجة لازم فى فترة يصاحبو شلة طشمى هو جنس تدريب فى تربية الشفع..واحد عايز يمشى يستفرغ والتانى عايز الحمام والتالت وقف لط وبيشاكل فى البمرا بيو والرابع بيقنع فيك انو هىو ابو الوعى يااخى عذاب..
وبمناسبة يثبتو انهم واعيين كان عندى صاحبى اول ما يطشم ويقولو ليو خلاااص سكرتا يرد "هو احنا جبنا السجم دا عشان نوعى"..بالله عليك ما اوعى سكران سمعت بيو؟
وقال ليك للسكر تلاتا مراحل وهى..
المرحلة القردية ودى بفترة النعنعشة بتلاقى السكران خفيف ولذيذ ودمو خفيف..
المرحلة الاسدية ودى لما يلط لكنو لسه بيقدر يمشى براو بيشوف العالم دى كلها ما فى اشجع منو وارجل منو وكان برضو عندى صاحبى خجول جدا بالحياة بس يطشم بفت الفى ضميرو كلو وبشاكل ضبان وشو "هوووى ماتعملوها حاجة وتعملو ناشدين جراءة"..
المرحلة الحلوفية ودى مرحلة اللطة ألف والواحد تلاقيو بيستفرغ فى نفسو وبيعمل حاجات تانية حميانى وكدا..
طبعا دار بذهنك ابو الشوش دا عرف الكلام دا كيف؟ هو المامات ما شق المقابر؟..وأوعك تحكها ..

اتاااااااااااااااااااااااااااااري انا اقول اشرف دا والكرشة والركشة والكشرة ولا بلاش ...



قال تربية قال وشق مقابر هااااا

[درديري كباشي]

اها رجعنا ليكم اوعى نكون اتخارنا وكدا وندخل في حوارنا نحن كنا بنقول في شنو بما انه رياضتنا وسياستنا كلهم ضاربات خلونا في الاغاني احسن ..
- كدي يا ابو الشباب قبل ما تفتح باب الغنا كورتنا عرفناها ضاربة ومنتخبنا العامل زي الركشة دا وما بينضرب الا تلاتات ما قادر يطلع التالت من اربعة دول .. وكمال شداد محتلي الاتحاد انا اول مرة اشوف رئيس اتحاد تقول جايي بانقلاب عسكري الناس كلها ما دايراه وهو قاعد ..لكن حكاية سياستنا الضاربة دي ما دخلت لي في راسي مالا سياساتنا ما عملنا اتفاق سلام وداخلين على ديمقراطية ..
- شوف هنا يا ابو الليل انا عارف حركاتك دي عاوز تجرجني عشان اقول ليك سياستنا ضاربة عشان كل ما تنطفي حرب في جها تولع واحدة تانية في جهة ثانية .. البلد بقت زي كورة التنس المقدودة تضغط من هنا عشان تصلح الطفقة .. تتصلح ولكن تنطفق محل ضغطت تاني ..
- طيب قولينا انت يا حكيم زمانك يحلوها كيف ؟؟؟..
- حلها بسيط ترقع الخرم وتنفخها من جديد .
-انا ما قصدي مشكلة الكورة انا قصدي مشكلة البلد ..
- ما برضو نفس الحل ترقع الخرم وتنفخها من جديد ..
- طيب فسرها لينا كيف نرقع الخرم وننفخها من جديد ..
- لا لا لا لا دي بقا عايزة ليها قعدة طويييييلة وقزازة جديدة .
- يا اخوان كدا قلبتوها بنشر لا لمينا في حقيبة ولا كرتونة .. ماقلنا خلونا في الحقيبة .

[درديري كباشي]

ياخي سيبكم من كلام السياسة اليودي في داهية دا خلونا في الغنا ولا كيف ما تطيروا لينا المسامير الفي راسنا نربط فيها من قبيل تعالوا اسمعوا شاعرنا ود الرضي قال شنو :

ينوحن لي حماماتن
همن عيني غماماتن
بريدن شوقي لي لماتن
هياب رعاب جمال فاتن
ولا شي في الادب فاتن
تتوق الروح لشوفاتن
وارجف حين موافاتن
سكينة تجلى فصادن
قلوب الادبا مرصادن
قنابل ترمي قصادن
فهن صادنه ما صادن
وجن توب الحيا لباسن
نزل نور القمر باسن
اهين وارضي حباسن
يفر قلبي ويخاف باسن
عسف بندن حف جلادن
وضيبن هدهد اللادن
عفافن عف تيلادن
بسوق القوق علي بلادن
ما بين الشادي والشادن
تحير فكره نشادن
خدودن جل ورادن
جميع الشاهدن رادن
نديم قول لي هن ياتن
مهاة رامة وظبياتن
نسيم شيل لي تحياتن
وخصص بيها نباتن..

- يا راجل انت ما تستعجل اول خلينا نفهم حكاية السياسة البرقعوها وينفخوها بعدين نرجع لود الرضي ... ما تغير الموجة .

[درديري كباشي]

هق يا أبو الدر سنة ياااخى ما قلتا لينا الزول دا دقايق يجيب حاجة وجايى ..لكن ما بسألك لكن بعادو طال هق وكدا..
والله فى فترة كدا وما حأقولا لانك ولانههم حتستغربو من صغر الناس وقتا كنتا فى شلة متكونة من خمسة كلهم لاطين بالعصير الابيض الما أصفر ومشيت معاهم حفلة واكتشفت ليك يااخى الناس الما متزوجة لازم فى فترة يصاحبو شلة طشمى هو جنس تدريب فى تربية الشفع..واحد عايز يمشى يستفرغ والتانى عايز الحمام والتالت وقف لط وبيشاكل فى البمرا بيو والرابع بيقنع فيك انو هىو ابو الوعى يااخى عذاب..
وبمناسبة يثبتو انهم واعيين كان عندى صاحبى اول ما يطشم ويقولو ليو خلاااص سكرتا يرد "هو احنا جبنا السجم دا عشان نوعى"..بالله عليك ما اوعى سكران سمعت بيو؟
وقال ليك للسكر تلاتا مراحل وهى..
المرحلة القردية ودى بفترة النعنعشة بتلاقى السكران خفيف ولذيذ ودمو خفيف..
المرحلة الاسدية ودى لما يلط لكنو لسه بيقدر يمشى براو بيشوف العالم دى كلها ما فى اشجع منو وارجل منو وكان برضو عندى صاحبى خجول جدا بالحياة بس يطشم بفت الفى ضميرو كلو وبشاكل ضبان وشو "هوووى ماتعملوها حاجة وتعملو ناشدين جراءة"..
المرحلة الحلوفية ودى مرحلة اللطة ألف والواحد تلاقيو بيستفرغ فى نفسو وبيعمل حاجات تانية حميانى وكدا..
طبعا دار بذهنك ابو الشوش دا عرف الكلام دا كيف؟ هو المامات ما شق المقابر؟..وأوعك تحكها ..

اشرف بهيق دي ذكرتني النكته القديمة البتقول :
زمن بصات زمان ديك ( نوع فيس تو فيس) واحد سكران ركب البص اترتح قرب يقع في امراة قاعدة والمراه فتحت فيه شكل : ..
قالت : جنس بشتة غايتو انتوالرجال ديل تضيعوا القروش وتضيعو روحكم .
قال: هيق وانتو ؟
قالت : نحن مالنا ماسكين ليكم البيوت ومربين ليكم الاولاد وقاعدين منتظرنكم .
قال : هيق ونحن .
قالت : انتو طول اليوم بر البيت الاولاد ماشايفنكم بالنهار عشان الشغل وتجو بالليل تروحو تشربو السجم دا وتجو تتبهدلوا في الشوارع .
قال" هيق وانتو .
قالت : نحن مالنا مستورات ومحفوظات في بيوتنا ما بنطلع الا للضرورة ونؤدي واجب وما بنمشي الا مناسبات اهلنا والناس البيعرفونا .
قال: هيق ونحن
قالت : انتو تمشو تشربو وتضهبوا في بيوت الناس وحفلات الناس الغربا يضربوك ويطردوكم ولا بيهمكم قلبكم ميت ..
قال : هيق ونحن ..
صاحبك لقى ليه ونسة مجان ما كلفته شئ سوى كلمتي ونحن وانت ..

سؤال : ليه السكارى دايما بيمسكهم ابو الشهيق

[moh_alnour]

و بمناسبة يثبتو أنهم واعيين كان عندي صاحبي أول ما يطشم ويقولو ليو خلاااص سكرتا
يرد : ( هو أحنا جبنا السجم دا عشان نوعى ) بالله عليك ما أوعى سكران سمعت بيو ؟

بالمناسبة يا أشرف حنك ( عندي صاحبي ) بقى حنك قديم و لو مغالطني أسال مدنية بتاعت ( عندي صاحبتي )
فك أخرك يا حبيب و قطع شك مافي زول أوعى منك في البوست دا ، ما شايف أبو الدُر ( لط إلاّ خط )

سؤال : ليه السكارى دايما بيمسكهم أبو الشهيق

كان ما أخاف الكضب أقول السؤال دا موجه للناس الشقوا المقابر أو الذين بدأوا مشاركاتهم في البوست بكلمة ( هق )

[درديري كباشي]

بالمناسبة يا أشرف حنك ( عندي صاحبي ) بقى حنك قديم و لو مغالطني أسال مدنية بتاعت ( عندي صاحبتي )
فك أخرك يا حبيب و قطع شك مافي زول أوعى منك في البوست دا ، ما شايف أبو الدُر ( لط إلاّ خط )



كان ما أخاف الكضب أقول السؤال دا موجه للناس الشقوا المقابر أو الذين بدأوا مشاركاتهم في البوست بكلمة ( هق )

انا حاسي انه في واحد شاقي العشش المقابر ما عندها دخل بالموضوع

[درديري كباشي]

اها يا اخوان رجعنا ليكم ... هيق...(على قول اشرف)

انت جبت لينا غنية الحمام بتاعة ود الرضي وهي رائعة وبالمناسبة فيها لزوميات ما لايلزم ملاحظين انه الراجل دا بيجيب قافية من تلاتة حروف واكتر .
-انت يا اخوان ما تجو نعمل بحث في الاغاني السودانية الفيها طيور .. عندك مثلا ملك الطيور للجابري وطير الرهو وحمام الوادي يا راحل لحمد الريح .
- وعندك الطاير المهاجر لوردي .. ويحمام الايكي اديه مني السلام حقيبة .
- وماتنسو يا اخوان ولا نحن مع الطيور لمصطفى سيد احمد ..

- انا يتخيلي يا اخوان الشعرا بتاعننا ديل ادو الطيور عين .. ياخي حسدوها عديييييل كدا لامن لم ليك فيها انفلونزا الطيور دي لامن خلى ليك ريحتها طير طير .

- علي رايك هسع الطيور بقت تتمنى لو كان عندها جواز سفر وتمشي تعمل فحص الايدز وفتح الارحمن البشير والسفارات اخير ليها من الجهجه الحاصلة دي ..

- انتو يا اخوان عشاكم ويني الشى دا ما قطع لينا مصارينا ..

[أبو جودي]

ياخي سيبكم من كلام السياسة اليودي في داهية دا خلونا في الغنا ولا كيف ما تطيروا لينا المسامير الفي راسنا نربط فيها من قبيل تعالوا اسمعوا شاعرنا ود الرضي قال شنو :

ينوحن لي حماماتن
همن عيني غماماتن
بريدن شوقي لي لماتن
هياب رعاب جمال فاتن
ولا شي في الادب فاتن
تتوق الروح لشوفاتن
وارجف حين موافاتن
سكينة تجلى فصادن
قلوب الادبا مرصادن
قنابل ترمي قصادن
فهن صادنه ما صادن
وجن توب الحيا لباسن
نزل نور القمر باسن
اهين وارضي حباسن
يفر قلبي ويخاف باسن
عسف بندن حف جلادن
وضيبن هدهد اللادن
عفافن عف تيلادن
بسوق القوق علي بلادن
ما بين الشادي والشادن
تحير فكره نشادن
خدودن جل ورادن
جميع الشاهدن رادن
نديم قول لي هن ياتن
مهاة رامة وظبياتن
نسيم شيل لي تحياتن
وخصص بيها نباتن..

- يا راجل انت ما تستعجل اول خلينا نفهم حكاية السياسة البرقعوها وينفخوها بعدين نرجع لود الرضي ... ما تغير الموجة .

يا أخوي درديري أنت ماشي لي بعيد مالك ،،، روائع ود الرضي دي ما زاته البنورو بيها القعدات ،،، وكدي أديك واحدة على الماشي :
طبعاً من الوصف حتعرف أنه ده زمن بعيد عشان ما يجي أخونا أشرف ويقول أبوجودي لي حسه مواصل،،،
أهه الكلام ده كان في بداية العمل في كبري حنتوب كان الزمن داك حنتوب لسه مافي بيوت ولا شيء سوى الرملة والمدرسة هناك بعيدة عن الظلط ،،، أخوانك كنا من ناس مارنجان ولو ما خانتني الزاكرة كنا حوالي عشرة أفراد في عربية كونسل من النوع القديم ،،، وطبعاً شايلين زوادتنا معانا من مارنجان "ديم بتول" ،،، وما عارف اوصف ليك الجو كان كيف أكثر من إبداع القمرة مضوية والرمال بيضاء وبعد ما العالم دورت وهاك يا ونسات الليل عدى الساعة كم ما في أحد عارف والعربية نزلناها يادوب شوية من الزلط وكانت الحركة بسيطة بالليل داك ،،، ونجي للجو تجيك مطره رشاش راشة وطبعاً حته تمشي ليها ما في والناس اتجهجت حاولنا ندور العربية للحظ النحس اللستك نفس والأزبير برضو نايم يعني ما في حلل ومع الجو البديع الناس أضيارت جزء داخل السيارة نايمين ورجليهم بره الشبابيك وجزء نام تحت السيارة والأخير غايتو فتح الكبوت ونام ،،، تصور بهذه الحالة واحد صحى ما في ألا حوالي الساعة الخامسة صباحاً نسمع ليك صوت لوري جاي والناس جارية منه ألحق يا زول ألحق يا زول سلامة سلامة "واحد يقول ليك حادث الحق الجماعة " ،،، والباقي بتمو ليكم ,,,,,

[أبو جودي]

تعرف يا الدرديري أخوي يا دوب عرفته أنو شرك منك عشان تشوف الشقوا المقابر منو من المنتدى من الماشقاها ،،، الله يستر عليك ،،، أهه حاولت أحزف المشاركة وأحصله بس ما عرفت كيف غايتو دكسة ليل وتعدي
وأعزروني الساعة الثانية عشر ليلاً ولم أتبين شرك الدرديري

[درديري كباشي]

يا أخوي درديري أنت ماشي لي بعيد مالك ،،، روائع ود الرضي دي ما زاته البنورو بيها القعدات ،،، وكدي أديك واحدة على الماشي :
طبعاً من الوصف حتعرف أنه ده زمن بعيد عشان ما يجي أخونا أشرف ويقول أبوجودي لي حسه مواصل،،،
أهه الكلام ده كان في بداية العمل في كبري حنتوب كان الزمن داك حنتوب لسه مافي بيوت ولا شيء سوى الرملة والمدرسة هناك بعيدة عن الظلط ،،، أخوانك كنا من ناس مارنجان ولو ما خانتني الزاكرة كنا حوالي عشرة أفراد في عربية كونسل من النوع القديم ،،، وطبعاً شايلين زوادتنا معانا من مارنجان "ديم بتول" ،،، وما عارف اوصف ليك الجو كان كيف أكثر من إبداع القمرة مضوية والرمال بيضاء وبعد ما العالم دورت وهاك يا ونسات الليل عدى الساعة كم ما في أحد عارف والعربية نزلناها يادوب شوية من الزلط وكانت الحركة بسيطة بالليل داك ،،، ونجي للجو تجيك مطره رشاش راشة وطبعاً حته تمشي ليها ما في والناس اتجهجت حاولنا ندور العربية للحظ النحس اللستك نفس والأزبير برضو نايم يعني ما في حلل ومع الجو البديع الناس أضيارت جزء داخل السيارة نايمين ورجليهم بره الشبابيك وجزء نام تحت السيارة والأخير غايتو فتح الكبوت ونام ،،، تصور بهذه الحالة واحد صحى ما في ألا حوالي الساعة الخامسة صباحاً نسمع ليك صوت لوري جاي والناس جارية منه ألحق يا زول ألحق يا زول سلامة سلامة "واحد يقول ليك حادث الحق الجماعة " ،،، والباقي بتمو ليكم ,,,,,

سلااااام يا ابو جودي .. ضحكتنا نص الليل ..... يا عمي الحياة تصرف ..

كنت شغال في شركة تبيع معدات الصيد .. مرة جا راجل عجوز اشترى مننا منظار مقرب .. انا سالته يا عمنا انت بتطلع صيد برضو؟؟؟ .. قال صيد ايش يا ابني عندي راعي سوداني كسلان يوقف الناقة في الصحرا في الشمس وينوم في ظلها ابي ارقبو بالمنظار .

[أبو جودي]

والله أنتو زوار الليل ديل أحسن الواحد يعمل حسابو منكم ،،، أهه الليلة أول يوم اخش المنتدى بالليل يحصل فيني كدي ،،، يعني الواحد يعمل حسابو واحسن بالنهار والواطة مضوية ،،، حسي شايف العاقب من زقاق لي زقاق ومعاهو جماعة كدى أول مرة أشوفهم أهه ما أحسن العين تكون شايفة من الضلمة دي الواحد يقوم يدقس يقع في بير،،،،

[أبو جودي]

والله يا اخوي أبو الدر ،،، انتظرتك انتظرتك ،،، ولمن ما جيت أهه قلته النفتش أمكن ألقى حاجة لحدي ما تجيني ،،،، بس أمسك
أيدي تنزل لي تحت ،،، وطبعاً في الصباح من كثرة الردود والمشاركات ما بكون في وقت تقوم تنزل تحت ولا تطلع فوق ،،،
أهه كان أشوف ليك أسمي وأبو الدر ،،، وبي قريب أشوف عمك أبو النور ،،، يعني ورانا ورانا ما في طريقة نعمل تخريمة وكده ،،، أهه كان عارف لي وكت كويس ،،، تكون المراقبة فيه شوية فاكة عشان الواحد ينداح بي راحتو ولما يجوا الصباح البتجي تجي ،،، أهه تصبحوا على خير

[درديري كباشي]

والله يا اخوي أبو الدر ،،، انتظرتك انتظرتك ،،، ولمن ما جيت أهه قلته النفتش أمكن ألقى حاجة لحدي ما تجيني ،،،، بس أمسك
أيدي تنزل لي تحت ،،، وطبعاً في الصباح من كثرة الردود والمشاركات ما بكون في وقت تقوم تنزل تحت ولا تطلع فوق ،،،
أهه كان أشوف ليك أسمي وأبو الدر ،،، وبي قريب أشوف عمك أبو النور ،،، يعني ورانا ورانا ما في طريقة نعمل تخريمة وكده ،،، أهه كان عارف لي وكت كويس ،،، تكون المراقبة فيه شوية فاكة عشان الواحد ينداح بي راحتو ولما يجوا الصباح البتجي تجي ،،، أهه تصبحوا على خير

الذ حاجة يا ابو جودي عند تطبيق الشريعة في زمن نميري كل ناس ابتكروا ليهم طريقة لترحيل العرقي ..

واحد جاب وصلة خرطوش طوله مترين وعباه عرقي ولف كانه خرطوش عادي .. الجماعة شامين الريحة لكن قدر ما يفتشو ما يلقوا حاجة اخيرا واحد قاله جيب الوصلة المعاك دي وفراها وانكشف المستور ..

وقيل واحد تاني يجبي بستله بغطى يعبيها عرقي ويخت من فوق ليها رغيفتين يعني الولد جايب فول ..

للسكارى افلام كثيرة ومضحكة .. حنة العودة

[أبو جودي]

أهه يا أخوي الدرديري أديك واحدة صباحية وكدي يا دوب العين شافت ،،
قبل أسبوعين كنت بحضر في برنامج الرائع بتاع عربية الشروق ،،، طبعاً بتلف ما بتخلي حته ،،، وأنا عاجبني شديد مقدم البرنامج لسرعة بديهته وروعته في التقديم ،،، اهه بقيت زي الجماعة البسكوه ،،، بس أنا عشان استمتع بتقديمه له التحية والعافية:
كان في عهد النميري وطبعاً البمسكوه سكران بحكموا عليه بــ 20 جلدة ،،، والأيام ديك الحمد لله كل الشباب الصغار بطلولها لأنه كونك تتحصل عليها دي حكاية "ودي من حسنات أبعاج عليه الرحمة"
صاحبك جابوه للقاضي وحكم عليه بــ عشرين جلدة ،،، أهه جابو ليك العسكري ،،، وتعال جبطك جبطك جبطك واحد انثن خمستاشر تمنتاشر عشرين اثنين وعشرين خمسة وعشرين ،،، وصاحبنا لم حصل ستة وعشرين ،،، وقف ليك القاضي ،،، ده شنو يامولانا الراجل تقول ليه عشرين أهه حسي حصل ستة وعشرين ،،، دي قايله مرتبة ولا شنو ،،، أنا عاوز حقي ،،،، هنا طبعاً القاضي تحير كيف يجد ليها حلل قام قال للعسكري أديه الصوط وخليه يجلدك ستة جلدات عشان تكونوا حبايب ،،، صاحبنا نط قال لا يا مولانا ،، في شنو ،،، قال للقاضي
" بكره تعدوا لي من ستة

"

[esmat]

السكارة حيارة
عندنا صاحبنا من اولاد امدرمان جاني زيارة
في مدني وبالليل كدا طلعنا على منطقة الترفيه
الوحيدة شارع النيل وكدا - فصادفنا واحد من الشباب
قعد معانا وكان سكران وقعد اتناقش ليك مع صاحبي دا
في مدني وامدرمان الاجمل والاحسن اولاد ام درمان
واولاد مدني انتو ونحنا وانا كنت بتونس مع شباب تانين
وبعاين ليهم كل مرة الناس دي عايزة تصل وين في النهاية
كدا صاحبنا السكران مسك صاحبي من لياقتو كدا وقام طردوا
ما من القعدة لا من مدني زاااتها قال ليهو والله الليلة ما تبيت
في مدني دي انا كرهتي ناس ام درمان ديل طبعاً انا اتكلمت معاه
وهديتو كدا وشبكني ليك انت متواطأ مع ناس ام درمان انت عميل..
في الصباح كدا جانا ليك في البيت واعتذارات وانا ما قاصد والله كلموني
الشباب الصباح وعزم صاحبي ومشينا الموضوع لكن بقينا بالليل ما بنلاقيه

[درديري كباشي]

أهه يا أخوي الدرديري أديك واحدة صباحية وكدي يا دوب العين شافت ،،
قبل أسبوعين كنت بحضر في برنامج الرائع بتاع عربية الشروق ،،، طبعاً بتلف ما بتخلي حته ،،، وأنا عاجبني شديد مقدم البرنامج لسرعة بديهته وروعته في التقديم ،،، اهه بقيت زي الجماعة البسكوه ،،، بس أنا عشان استمتع بتقديمه له التحية والعافية:
كان في عهد النميري وطبعاً البمسكوه سكران بحكموا عليه بــ 20 جلدة ،،، والأيام ديك الحمد لله كل الشباب الصغار بطلولها لأنه كونك تتحصل عليها دي حكاية "ودي من حسنات أبعاج عليه الرحمة"
صاحبك جابوه للقاضي وحكم عليه بــ عشرين جلدة ،،، أهه جابو ليك العسكري ،،، وتعال جبطك جبطك جبطك واحد انثن خمستاشر تمنتاشر عشرين اثنين وعشرين خمسة وعشرين ،،، وصاحبنا لم حصل ستة وعشرين ،،، وقف ليك القاضي ،،، ده شنو يامولانا الراجل تقول ليه عشرين أهه حسي حصل ستة وعشرين ،،، دي قايله مرتبة ولا شنو ،،، أنا عاوز حقي ،،،، هنا طبعاً القاضي تحير كيف يجد ليها حلل قام قال للعسكري أديه الصوط وخليه يجلدك ستة جلدات عشان تكونوا حبايب ،،، صاحبنا نط قال لا يا مولانا ،، في شنو ،،، قال للقاضي
" بكره تعدوا لي من ستة

"

ابو جودي والجماعة شا بكننا شقيت المقابر وووو .. وانت يا اخوي شقيت العشش عديل كدا
... وانا كل ما اجي ماري حمب بوستاتك اتلفت واقول الريحة دي جاية من وين وفي ريحة سبيرتو كدا .. اهاااااااااااااااااااااااا .

[درديري كباشي]

السكارة حيارة
عندنا صاحبنا من اولاد امدرمان جاني زيارة
في مدني وبالليل كدا طلعنا على منطقة الترفيه
الوحيدة شارع النيل وكدا - فصادفنا واحد من الشباب
قعد معانا وكان سكران وقعد اتناقش ليك مع صاحبي دا
في مدني وامدرمان الاجمل والاحسن اولاد ام درمان
واولاد مدني انتو ونحنا وانا كنت بتونس مع شباب تانين
وبعاين ليهم كل مرة الناس دي عايزة تصل وين في النهاية
كدا صاحبنا السكران مسك صاحبي من لياقتو كدا وقام طردوا
ما من القعدة لا من مدني زاااتها قال ليهو والله الليلة ما تبيت
في مدني دي انا كرهتي ناس ام درمان ديل طبعاً انا اتكلمت معاه
وهديتو كدا وشبكني ليك انت متواطأ مع ناس ام درمان انت عميل..
في الصباح كدا جانا ليك في البيت واعتذارات وانا ما قاصد والله كلموني
الشباب الصباح وعزم صاحبي ومشينا الموضوع لكن بقينا بالليل ما بنلاقيه

نورتنا يا عريس وتوقيعك نتطلق منه روائح الكبريت .ز

بيني وبينك كدا يا عريس الجماعة ما ضوقوك يوم الحفلة .. قول قول مافي زول سامعنا هسع .

[ابوخالد]

لك التحية أستاذى أبو الدر

الموضوع جميل

وكثيرون منا مروا بهكذا مواقف

ولك أحدهم

واحد صاحبنا مغترب بعد ما ينتهى من القعدة مع الشلة

يجى يصحى ناس البيت كلهم ويقعد يتونس معاهم

وهم بين سامع وما سامع لانهم بيكونوا نعسانين

أها بعد ما صاحبنا يقول كل

الفى نفسه ويلوم هذا وينكت شمارات هذا

ويُوبخ هذا

يقوم آخر الونسة يوزع عليهم مبلغ مالى

لكل واحد منهم حسب نصيبه

وبكده بيناموا مبسوطين منه

ولكن الصباح بدرى صاحبنا يصحا أول واحد فى البيت

وتكون المربوطة إتفكت

ويصحيهم واحد واحد ويجمع منهم المبالغ التى صرفها

ليهم بالليل .

وهكذا مرارآ وتكرارآ إلى أن يرجع غُربته

[درديري كباشي]

لك التحية أستاذى أبو الدر

الموضوع جميل

وكثيرون منا مروا بهكذا مواقف

ولك أحدهم

واحد صاحبنا مغترب بعد ما ينتهى من القعدة مع الشلة

يجى يصحى ناس البيت كلهم ويقعد يتونس معاهم

وهم بين سامع وما سامع لانهم بيكونوا نعسانين

أها بعد ما صاحبنا يقول كل

الفى نفسه ويلوم هذا وينكت شمارات هذا

ويُوبخ هذا

يقوم آخر الونسة يوزع عليهم مبلغ مالى

لكل واحد منهم حسب نصيبه

وبكده بيناموا مبسوطين منه

ولكن الصباح بدرى صاحبنا يصحا أول واحد فى البيت

وتكون المربوطة إتفكت

ويصحيهم واحد واحد ويجمع منهم المبالغ التى صرفها

ليهم بالليل .

وهكذا مرارآ وتكرارآ إلى أن يرجع غُربته

سلام يا ابو خالد واضافتك رائعة

ويحكي واحد قال كان عندهم جارهم رجل مهذب وخجول جدا يسلم على الناس وهو مطاطئ الراس لكن عيبه انه بتاع سكر .. ولكن تكون مساله مضايقاه في البيت يروح يتملي فل ويجي يفتح في ناس البيت .. وقال مره عنده واحده من بناته تزوجها واحد من اهل القرى .. وبالتالي اصبح النسابه اي مناسبة تدخلهم المدينة يجو ينزلوا عنده في البيت .. وقال مره لدرجة انه جا من الشغل ولقى الببيت مليان نسابة باطفالهم .. راح اتملا فل وجا هاج فيهم ..( انتو اللكونده ما عارفينها حقت منو .. وبعدين سيد اللكوندة ذاته ما يلقى محل ينوم فيه في ذمتكم حصلت قبل كدا .. يلا ما عاوز اشوف اي واحد منكم هنا يلا اتخارجو والبت كان عاوزين تطلقوها طلقوها .. هي كانت بتملا ليها سرير واحد لكن انتو عشرين سرير ما بتكفيكم ) وقال فعلا العملية اتحسمت بعداك وما ظهر واحد منهم بعد كدا .