المالوفة

[عثمان جلالة]

شكلو المكان دا .... فاضي

اصلا ... البحيت ... وقدوم أحمر ... والزرزور ... ما بجوا في المكان الفيهو جوطه

بعدين شجر الغابة ... بعد شمس الضهريه تطلع بعمل ليهو ضل هنا

احسن حاجة ... اخت شركي هنا ... هو مالو سبيبي دا نقص كدي؟

25 سبيبة ما بطالة ... ان بقت الكيران كتيره ... صاجي بزغرد تب ههههههه

الحمد لله انتهيت .... اشتت العيش والقمح بعد دا واقعد فوق ضهر التقنت دااااك

مكان عالي ... بديني الفرصة ... أعاين في الشرك ... واراقب موية القمح الماسكها دي

هي مالها المويه الليلة التقنت دي عكرانه كدي ... اسي انا مغراف العصيدة والملحه والشطيطه دا أبلو بي شنو؟

بسم الله يا مهون ... بعد دا ... ننتظر بس كلو جاهز .... الشركة بدور الصبر والسكون.

[ساريه]

جيت اسلم واقول حمد الله على السلامه ..
بس ما يكون الشرك قبضنى .. ههههههه

[تغريد]

ألف حمد لله ع السلامة عثمان جلالة


منور المكان بي جيتك

[عاطف عولي]

الهمباتي الجميل؟؟؟؟؟؟؟؟؟؟؟؟؟؟؟؟؟؟!!!!!!!!!!!!!!!!!!!!!!!!

يأخي ليك وحشه

خسمتك بالنبي

كان ما أديتنا رميه رميتين

[عنكوليب]

أمك ،،،، قبض ،،

خداااااااااري ،،،،

جر السبيب قوام قوام ،،، عشان ما يقطع رقبتوا ـــ

عايزنو يعيش ،، جمال لون ،،

وسماحة لحن ،،،

وجمال خلقة الله ،،

في كلام يا زول ،،،

[ياسر عمر الامين]

عصمان السمح الما لعان قدح الضيفان شبع الجيعان عطرك فاح عبق المكان الف ومليوووووون تحية ليك وللحبان...

[ود الجعلي]

جلالة حمد على السلامة و دخلة حلوة بهذا البوست الجميل نتابع من الان فصاعدا ودمت يا عزيز

[مدنيّة]

ياسلاااااام ياجلالة
والله شوفة اسمك في المنتدي تفرح

-----
اها قلت لي هي موية القمح مالها؟

----
تحاياي

[ود الضو]

[quote=عثمان جلالة;728181][color="#000080"]شكلو المكان دا .... فاضي

اصلا ... البحيت ... وقدوم أحمر ... والزرزور ... ما بجوا في المكان الفيهو جوطه

بعدين شجر الغابة ... بعد شمس الضهريه تطلع بعمل ليهو ضل هنا

احسن حاجة ... اخت شركي هنا ... هو مالو سبيبي دا نقص كدي؟

........

الشّرك وأم بريش والقلاّبة
الزرزور وقدوم احمر , علي الجزيمة ذكريات
الزمن الجميل داك ح تفضل متوهطة دواخلنا
طول الحياة ياجلالة
مرحب بيك ياخ ومنور الحتات كلها ..

[عبدالمنعم الصديق(خدرا)]

قبض قبض
حرم ياجلاله شركك قبض
انت مامشرك للطير
انت مشرك وقبضتا أحلى ناس
اليوم دخلت المنتدى لقيتو منور ومفرهد
انشالله دايما وبيكم جميعا يارب ولك مني
الود والمحبه والاحترام

[عثمان جلالة]

جيت اسلم واقول حمد الله على السلامه ..
بس ما يكون الشرك قبضنى .. ههههههه

هههههههههه يا سارية ... الشرك

مرحب والله ومنوره المالوفة ... شوفي كلمة مالوفه دي دلالاتها كيف ... الفه ... وولف .. وتآلف ... الفة الطير والعيش ... والصبر .... والجري لامن شركك يقبض يا سلااام ... كانت اجمل ايام عشناها ... كل همنا كان تصل شركك قبل الآخرين ... لانو في ناس كان وصلوا قبلك بياخدو الـ حقهم والما حقهم

كتر خيرك يا ساريه ... وسعيد برؤية حرفك بعد غيبة

[عثمان جلالة]

ألف حمد لله ع السلامة عثمان جلالة


منور المكان بي جيتك

الله يسلم عمرك يا تغريد ... المكان نورو اكيد من وجودكم فيهو ... وجود اكيد بيستمد القو من روح المالوفه لمة الناس والمنافسة .. والغلاط ههههههههه ... جو جميل ... وحكايات تملأ يومك كله بالاثارة والتشويق

[الملكة اسماء ( ام محمد )]

. الشركة بدور الصبر والسكون.

اها ... و بعدين

[عثمان جلالة]

الهمباتي الجميل؟؟؟؟؟؟؟؟؟؟؟؟؟؟؟؟؟؟!!!!!!!!!!!!!!!!!!!!!!!!

يأخي ليك وحشه

خسمتك بالنبي

كان ما أديتنا رميه رميتين

اوووك الغالي ود عولي ... والله مشتاقين كتير ... وابشر هاك رمياااات

غَابْ نَجْم النًطِحْ والحَرْ علينا اشْتَدً
ضَيًقْنَا وقِصِرْ ليلُه ونِهَارُه امْتَـــــدً
نَظِرة المِنو لِي القَانُون بِقِت اتًحدي
فَتَحَتْ عِندِي مَنطِقْة الغُنَي الْ انْسَدً


بَرْق الهَكْعَه رَفً وْلاَحْ وُفَكً رِياحُو
ذَكًرْنِي البِفُوق دَهَبْ اَلَبراتِي سَمَاحُو
الَخَلاًنِي اقِيم اللًيل مِلاَقِي صَبَاحُو
بَعَدْ الشًيبْ خَفِيف الرُوح جَرَحنِي سْلاَحُو


شوف ود شوراني دا وصاااف كيف يا حبيب