ارتفاع السكر

[ريحانه]

السكر ذاد شديد الحل شنو برضو ساكتين لمتين نسكت ؟؟؟

[Almostshar]

الساكت عن السكر بيحلي بالعسل

شاي بالعسل
عصير بالعسل
كستر بالعسل
رز بالعسل
باسطة بالعسل
موية بالعسل
حلو مر بالعسل
كيك بالعسل
خبيز بالعسل





صلا السكر بيعمل سكري (ما بعمله لكن قالو كده)


هناك بديل او عش وحيد

قصدي مت وحيد

[ميزو]

هذه الازمة مفتعلة. قبل ساعات قليلة تدخله السياسيون وبموجب هذا التدخل عملت جميع الشاحانات وامرت بالذهاب الى جميع المصانع لاستلام السكر الانتاج الجديد مع التخفيض فى سعر الترحيل
وانشاء الله الاسبوع القادم سوف يتحصل اى مواطن على الكمية التى يريدها
ممكن تحفظوا هذا البوست للنقاش

مصدر موثق منه

[moh_alnour]

تعودنا أن ترتفع أسعار السكر قبل شهر رمضان الكريم و أن تُعاود الإنخفاض بعد الشهر الفضيل
و لكن أن تستمر أسعار السكر في هذا الأرتفاع فهذا أمر محير فعلا ً ! ! !
نتمنى أن يكون حديث الأخ ميزو صحيح و ألاَّ يتعزز السكر بعد أن بالغنا في ريدو
فهو المصدر الوحيد للطاقة للمواطن البسيط في مواجهة مرض الملاريا بعد أن فتكت به جيوش الباعوض

[انوريكا]

ياخ الجبنة سعرها ( حبه وصن بالقديم )

الشااااااااااااااااااي السادة 750 ج


نبيع شاااااااااااااي ولا شنو .؟

[الخواض محمداحمد خواض]

طيب عاوزين يمولوا ليكم الانتخابات من وين !!!! ؟؟؟؟

وزى ما بقول المثل من دقنوا و أفتلوا

[النويري]

أنتو بتتكلموا عن السكري المرض ولا السكر الحلو

أنا إتخيل لي حايرجعوا الناس يشربوا الشاي بالبلح ما جديده في بلد فيها أكبر مصانع للسكر في الشرق الأوسط والله بلد

أنا سمعت أنو الشوال بقى ب200 ألف بالقديم طبعاً

[علم الدين]

دعونا نفرد هذه الصفحة لنناقش الاسباب الحقيقية لزيادة اسعار السكر ومن الذي تسبب فيها

[منتهى]

زاد متين ووصل كم (ولا ما مهم)

السبب يا اخوى نحنا لاننا لينا

عشرين سنه خاتين راسنا فى الرمل

[علم الدين]

المتتبع للزيادة في اسعار السكر يجد انها لم تكن فجائية فقد ازدادت الاسعار عقب عيد الفطر لتتجاوز ال130 جنيه دون مبرر ثم تناقصت الاسعار ل115 ثم زاد الزيادة الاخيرة وبعض التجار كان يعتقد ان السعر سيصل ال200 جنية هذه الزيادات غير المبررة تجعلنا نتساءل عن الكيفية التي يتم بها اختيار التجار وهل هناك تصاديق تمنح لذوي الحظوة لتقديم مساعدات مالية لهم؟ وهل تغيرت اسعار الشركة وزادت عن ال104 جنيه ؟ هل وهل وهل0000000 اسئلة توجب مناقشتها اذا رغبنا في عدم تكرار ما حدث0

[أشرف صلاح السعيد]

هو اول شى وصل كم للرطل ولا الكيلو ولاحتى الشوال ابو خمسين كيلو؟..

من المفارقات حتى قبل زيادة اسعار السكر الاخيرة بأن سعر الكيلو بالخليج اقل من سعر الكيلو بكنانة المدينة!!رغما من أن السكر بالخليج يعاد تغليفه وتعبئته بأوزان واحد كيلو واتنين كيلو وخمسة كيلو وعشرة كيلو..يعنى فى ترحيل من السودان الى الخليج يفترض مضاف لسعر الجوال ثم اعادة التكرير والتعبئة!!ماشى يحير ويغير اتجاه الزول؟؟..
والسودان اكبر دولة منتجة للسكر افريقيا وعربيا!!!!!!!!

[مزوني]

حبايبنا المشاركين في الموضوع ليكم مني تحيه وسلام

والله بالجد ربنا يكون في عونكم يا القاعدين في السودان

لكن المشكله يا جماعه تقريبا والله أعلم ان السكر ده في يد مجموعة تافهه

وهي البتتحكم في السعر زي ما دايره ودي مشكلتنا في البلد دي

والمصيبه الأكبر انها ناس جهلاء ومليناه حقد و أمراض نفسيه وتجي تفشها في المواطن الغلبان

وحنكون مستمرين على كده الا ان يشاء الله

[حاتم مرزوق]

ليس السكر وحده الذي ارتفع بل الضغط.

[صديق محمدعلي]

السكر ذاد شديد الحل شنو برضو ساكتين لمتين نسكت ؟؟؟

منتظرين ربنا افرجا