انتخبوا وجه السودان المشرق جمال الوالى

[معتزودمدنى]

الاخوة الاعزاء
انتخبوا جمال الوالى من اجل الجزيرة
انتخبوا جمال الوالى من اجل ودمدنى
انتخبوا جمال الوالى من اجل مشروع الجزيرة
انتخبوا جمال الوالى لتعود ودمدنى لسيرتها الاولى
الدائرة 11 مدنى الشمالية
لن نوالى غير الوالى

[المكاشفى]

حقيقه والله الوالى انسان بمعنى الكلمه
صادق صدوق يخدم بنكران زات ويعمل بجهد
فقلبنا مع مشروع الجزيره واهل الجزيره
ليته كان مرشحا للولايه لكى يطور البلد كما فعل
محمد طاهر ايلا ببلده
لانوالى غير الوالى
سلمت يامعتز
حمدا لله على سلامتك ياخوى وين مختفى؟؟

[الزبير محمد عبدالفضيل]

الخيره في ما أختار الله نسأل الله العلي القدير أن تمر هذه الانتخابات علي خير

[عامر عبيد]

مع إحترامي الشديد للسيد / جمال الوالي إلا أنه لا يصلح للترشيح بولاية الجزيرة لأنه يتبع للمؤتمر الوطني .. والمؤتمر الوطني هو الذي دمر مشروع الجزيرة ودمر الولاية بكاملها ..... أصحوا يا ناس مدني ..... الإنقاذيين مفروض يعتزروا لناس مدني مش يطلبوا أصواتهم .

[nehroo]

لا أقول أخي أن جمال الوالي سيْ ولكن ..
هنا المقولة كمن يرشح الشخص ويقول لك
والله الزول ده طيب وود ناس ومتواضع وبسيط ياخ صوتوا ليه
نحن نريد شخص قيادي متفتح الذهن والقلب خدوم نظيف السريرة
غير منقاد غير أناني ونظيف اليد يخاف الله

أنا أتمنى أن نفصل الحكم والدولة عن التجارة والسوق والاعمال
فكل تاجر أو رجل أعمال يترشح ليحمي ماله فقط
ولا أعتقد أنه يريد خدمة الناس
وهنا لا اعني جمال الوالي ولكن كل تاجر ورجل أعمال
ودليل على ذلك
أين جمال الوالي من مدني في السنوات الماضية وهي تنهار بهذا الشكل
وهو صاحب المال والصوت العالي في السلطة

يجب أن يكون لنا كلمة الآن ونسأل من يريدنا أن نصوت له
ما هو برنامجك التفصيلي وبالمدة الزمنية التي ستنقذنا فيها من هذا المستنقع

صوتكم أمانة ولا تعطوه بطيبة لأجل كلمة حلوة قيلت لكم .

[ابن المدينة]

لا تنخدعوا بامواله وادارته الى نادي المريخ
فاين كان هو وامواله ومدني تنهار ومشروع الجزيرة يلفظ انفاسه
هل قدم مشروع واستثمار الى ابناء الجزيرة
من الذي يقف خلفه؟................ ومن يمثل ؟
اليس هم اهل المؤتمر الوطني هم اصل البلاء لاهل مدني
لاتنخدعوا وتصوتوا له
لا لا لا لا تصوتوا له

[المكاشفى]

مع إحترامي الشديد للسيد / جمال الوالي إلا أنه لا يصلح للترشيح بولاية الجزيرة لأنه يتبع للمؤتمر الوطني .. والمؤتمر الوطني هو الذي دمر مشروع الجزيرة ودمر الولاية بكاملها ..... أصحوا يا ناس مدني ..... الإنقاذيين مفروض يعتزروا لناس مدني مش يطلبوا أصواتهم .

وين كنت انت يالحبيب والله نحن ضد المؤتمر الوطنى اين ماحل
لكن هنالك اناس يمكن حسابهم على الجزيره زى جمال الوالى
والزبير بشير طه وعندما تقلد الزبير بشير طه مقالد الولايه
قالها بعضمه لسانه الجزيره لقيتها خلا ياسعاده الرئيس لامشروع
ولا مشاريع راقده سلطه ... ولايبخل الزبير على انسان المنطقه
كما لايبخل الوالى ولو نمى الجزيره من ماله الخاص وبأستثماراته
الخاصه كما فعل ايلا بالشرق
كدى فتش ياخوى فى بوست بتاع تمرد حايم فى العام ده ارح بى غادى

[المكاشفى]

أين جمال الوالي من مدني في السنوات الماضية وهي تنهار بهذا الشكل
وهو صاحب المال والصوت العالي في السلطة

الراجل خش مستشفى ودمدنى قبل فتره عائدا شقيقته المريضه
ولقى الحال يدرابوا القلع اها تبرع تبرعا سخيا للمشفى
والعهده على الراوى ضربوا القروش قبل ماتصل المستشفى
مما ادى لتقديم مدير المستشفى لأستقالته الفوريه خوفا من اتهامه
واحتجاجا على ما حدث ..... وبرضوا تقولى اب آمنه

[ابو صفاء]

انتخبوه لانه خلوق وشبعان

كما أننا جربنا الهلالاب ، فلنجرب المريخاب

[nehroo]

الراجل خش مستشفى ودمدنى قبل فتره عائدا شقيقته المريضه
ولقى الحال يدرابوا القلع اها تبرع تبرعا سخيا للمشفى
والعهده على الراوى ضربوا القروش قبل ماتصل المستشفى
مما ادى لتقديم مدير المستشفى لأستقالته الفوريه خوفا من اتهامه
واحتجاجا على ما حدث ..... وبرضوا تقولى اب آمنه

ههههههه والله يا المكاشفي انتوا مساكين
هو جمال الوالي لو عاوز يخدم مدني
محتاج يكون عضو في المجلس الوطني ؟؟؟؟
سؤال فكر فيه كويس بس .

[esmat]

انتخبوه لانه خلوق وشبعان

كما أننا جربنا الهلالاب ، فلنجرب المريخاب

شكراً يا ابو صفاء
جبتها من الآخر
اين كان جمال الوالي
بعدين هو والي
عايز ابقى واليين يعني

الجزيرة لا يحكها إلا ابنائها
ولكن اين هم ..

بالله كدي واحد كدا اجيب لينا المرشحين
لولاية الجزيرة النشوف الحاصل شنو
ونتوقع ماشين على وين

[ABUZAID]

ههههههه والله يا المكاشفي انتوا مساكين
هو جمال الوالي لو عاوز يخدم مدني
محتاج يكون عضو في المجلس الوطني ؟؟؟؟
سؤال فكر فيه كويس بس .

الاخوة الكرام



اخونا الغالي - nehroo
جابها من الاخر
وقال حكمة

هو جمال الوالي لو عاوز يخدم مدني
محتاج يكون عضو في المجلس الوطني ؟؟؟؟

حقيقة العايز يخدم بيخدم . . .
القلبو على البلد بيخدم . . .
بدون مناصب ومقامات

تحياااااااااااااااتي

[مدنيّة]

الجزيرة لا يحكها إلا ابنائها
ولكن اين هم ..

عصمت بجدك انت؟؟!!

جمال الوالي من فداسي يااخوي
يعني من ابناء الجزيرة " تصحيح معلومة ليس الا"

[ABUZAID]

عصمت بجدك انت؟؟!!

جمال الوالي من فداسي يااخوي
يعني من ابناء الجزيرة " تصحيح معلومة ليس الا"

الاخت الكريمة - مدنية

الف حمدا لله على السلامة

عصمت ده اعذريه الايام دي

مااااااا براه

تحياااااااااااااااتي

[nehroo]

معقول في ناساً ما وعت
لليله بالن بين بين !!!

[esmat]

عصمت بجدك انت؟؟!!
جمال الوالي من فداسي يااخوي
يعني من ابناء الجزيرة " تصحيح معلومة ليس الا"

جمال الوالي بالله من الجزيرة
طيب مالوا رافع يدو كدا منها
بعدين الوالي الحالي دا برضو
من الجزيرة عايزين غيروا لي
والوالي السابق من الجزيرة كمان

نحنا عايزين والي من الجزيرة
قعد في الجزيرة وحس بي ناس الجزيرة
واشتغل مع ناس الجزيرة وعاش حياتهم
في مشروع الجزيرة او غيروا
وعلى ما اعتقد في واحد من مهندسين
مشروع الجزيرة مرشح لكن ما عندي معلومات اكيدة

------
يعني يا مدنية لو جيتي انتي والي لي للجزيرة ما بنصوت ليك

[esmat]

الاخت الكريمة - مدنية
الف حمدا لله على السلامة
عصمت ده اعذريه الايام دي
مااااااا براه
تحياااااااااااااااتي

وحاتك براي يا ابو زيد
لكن غتيت الكلام

[esmat]

معقول في ناساً ما وعت
لليله بالن بين بين !!!

بين بين شنو يا نهرو
معظم الناس البرة البلد
ما عارفين قائمة المرشحين لولاية الجزيرة
وانا منهم البين بين دا هين

[esmat]

بروفيسور مالك حسين
د. الزبير بشير طه
جمال الوالى
.......................
......................

[nehroo]

بروفيسور مالك حسين
د. الزبير بشير طه
جمال الوالى
.......................
......................

يا عصمت جمال الوالي
ما مترشح والي
ده مترشح في المجلس الوطني
هنااااك في الخرطوم بقعد
والي شنو ؟
داير تقعده في مدني ( ترانزيت ) ؟
بعدين المؤتمر الوطني ينافس نفسه في منصب الوالي ؟؟؟؟

[esmat]

يا عصمت جمال الوالي
ما مترشح والي
ده مترشح في المجلس الوطني
هنااااك في الخرطوم بقعد
والي شنو ؟
داير تقعده في مدني ( ترانزيت ) ؟
بعدين المؤتمر الوطني ينافس نفسه في منصب الوالي ؟؟؟؟

طيب ياخي الجوطة كلها فوق كم
ياخ انا اسي كنت عايز اخت اسمي
واترشح والي للجزيرة
ياخ دا لعب كبير علينا
بعدين جمال الوالي اصلاً مؤتمر وطني
يعني رشحتوه ولا ما رشحتوه خاشي خاشي
فهمونا براحة طيب

[nehroo]

طيب ياخي الجوطة كلها فوق كم
ياخ انا اسي كنت عايز اخت اسمي
واترشح والي للجزيرة
ياخ دا لعب كبير علينا
بعدين جمال الوالي اصلاً مؤتمر وطني
يعني رشحتوه ولا ما رشحتوه خاشي خاشي
فهمونا براحة طيب

إسمك ده نخته فوق أسماءهم
نحن لاقينك وين ؟؟
على الأقل نقول لقينا واحد نضيف اليد ..
إنت إترشح بس شوف لو ما فزت ..

الاوشاش الزمان ديك ما رجعوها لينا عشان إختار لي واحد هنا ..

[esmat]

إسمك ده نخته فوق أسماءهم
نحن لاقينك وين ؟؟
على الأقل نقول لقينا واحد نضيف اليد ..
إنت إترشح بس شوف لو ما فزت ..

الاوشاش الزمان ديك ما رجعوها لينا عشان إختار لي واحد هنا ..

تسلم يا نهرو ياحبيب
وان شاء الله الانتخابات الجاية
نكون قرينا لينا كم كتاب كدا بتاع سياسة
على كم خطاب خداع
على كم رقصة كدا
ممكن نترشح للجمهورية عدييييل
يلا اها نتابعكم
بداية الدرس وكدا

[ود الجعلي]

كلنا ما عندنا مشكلة ننتخب جمال الوالي او غيره لكن بس يعمل حاجة بسيطة

[ود الجعلي]

يشغل المصانع الفي ولاية الجزيرة وبس