زيارة الى منتديات ودمدنى

[التيمان]

سلاموووووووووووز شبابو وعجايز

كيفنكم واخباركم وشماراتكم وحنكم

انشء الله انتو زى الفل وعايشنها بى الطول والعرض

جينا نشوف الوضع شنو

لكن شاايف لى هسى فى حاجات كده

خمول فى المنتدى

ولى هسى يا هناى تعال اعتزر

ولى هسى يا اداره

ولى هسى يا مشرفين يابتاع

ولى هسى بقينا نفتقد لى الجنس اللطيف الجكس الحنين علينا

ولى هسى مافى روح جميله ضحك وهزل ومداعبه بين الاعضاء

ربنا يكون فى عونك يا ودمدنى ويوفقكم وتكونو زى الفل وتحياتى للشباب بدون فرز

والجكس خلو بنجى نسلم عليهو برانا

الى اللقاء فى زياره تانى

مع تحياتنا ليكم

التيمان

دندق وابنق

[هبوية]

التيمان تحية عطره جدا
تصدقوا ليكم حق المنتدي بقي فيه كمية من الكائبة والملل والكسل ، وكل الموضوعات جادة جدا ، أتمني يكون فيه لمحة دعابة، وأتمني تبدو بيها أنتو وتكون نقطة البداية منكم.

[التيمان]

ياحول الله فى بت فى ودمدنى



ايووووووووووووووووووووووى انت لى هسى ماطفشتى


ربنا يعينك

[ود سعدابى]

التيمان حمداً على سلامتكم

وشاكرنكم فى زيارتكم التفقديه الجملية دى

اها
طيب بدل ما تلعن الظلام دا ماتولع لينا شمعة

نهش بيها ناموس الخمول

ونشوف بيها طريق نطلع من الملل دا

[خالد أحمد الصول]

دائما هؤلاء الفتية هم كالزهرة يسبق عبيرها الي أنفك قبل أن تراها ... هم دائما أبناء أعزاء علي القلب ... يحترمون الاخاء و الصداقة ... أعتز دائما أفرح ايما فرح بلقياهم ... فهم كل في شي واحد ... يخجلونك بتواضعهم و أدبهم و يرجعو بك الي أيام صباك و طفولتك و شيطنتك
لكم التحية أيها الاحباب الاوفياء الانقياء
و ما هذا الذوق الرفيع و هذا الادب الجم إلا من نتاج تربيتكم الكريمة

[التيمان]

خجلتنا والله يا ود الصول


انشاء الله فى عرس البنيات

[ودسمير]

والله يا اصحاب اخوانى ( عمر ومحمد سمير ) كلامكم فيه كثير من الصح واعتقد انو شباب مدنى عندهم الابداع بس البخل بقى شديد
وبرضو واقفين فى المحطه فى انتظار الابداع .
وليكم الشكر يا تيمان شندى فوق الكلكم زوق

[التيمان]

تسسلم ياود سمارة


الاخبار كيف ياناس