وزعيووووووو !!

[ودسمير]

كنت اعمل بالسعوديه وبعد سنوات قليله و تركتها ورجعت ل ودمدنى . استقر بى المقام والعمل فى الخرطوم ورايت العجب العجاب فى الحياة العمليه بالخرطوم ... نفاق وكذب وتملق واشياء كثيره اصابتنى بالاحباط !! ناقشت احد الاصدقاء فى الموضوع قال لى يا زول عادى جدا ! عشان كده عرفت انو البلد دى ما ح تتقدم قيد أنمله .
الشئ المزعلنى شديد كلمة اسمعها كل يوم وهى : يا زول وزعيو وقول ليهو فلان ماموجود ! وصاحبنا عارف انو الكلام كذب *كذب ويجلس بالساعات ينتظر !!
اتمنى ان يتحلى الجميع بالصدق ...
واهلنا زمان قالو كتلوك ولا جووك

[مدنيّة]

والله الخدمة المدنية في السودان حالها عجيب خلا


وفعلا حتة وزعيوووه دي حااااااااااااصله
اتخيل لي الاسلم انه الزول يقول انه مشغول ما ح يقدر يقابلك حاليا وح يرجع ليك باتصال
علي الاقل المنتظر دا يكسب زمنه


الله يصبرنا عليها

[الفخيييم]

حبيبنا ودسمير موضوعك واقع
معاش وحقيقة ماثلة امام القاصي
والداني بسبب التوزيع ده تأخرت
الكثير من المعاملات للمواطن المغلوب
الذي توقعه سخرية القدر تحت رحمة
موظف مستهتر كلو ده من عدم المؤسسية
التي نقبع تحتها بتعيين موظفين بالواسطة
شي مؤسف جداً يا ودسمير وبنا يستر...