الليله فى الفطور لميت لى فى عصيده بملاح تقليه معمول بالطريقه الصاح
ووقعت ليكم فيهو بلع جد .. ومافى شوله بين كل لقمه ولقمه
ظمط سااااى .. اللى جمبى قال لى هااا جنا .. براحه شغال جبك جبك ذى الزول البسبّح .. قلت ليهو هازول هااا عوس عواستك خليك منى
أنا وملاح التقليه دا لينا سنين ما شفنا بعض ومشتاقين لبعض ياخى إنت مالك ؟
أهااا .. بعد داك أديتها ليك كوزين , أى والله كوزين آبرى وختيت لى سفّه بالطريقه الصاح وإتمددت على الفرش , بعد شويه قعدت أنونى
قام صاحبى داك قال لى .. أهاااا ... دا اللى كنا خايفين منو
بعداك قمانا مشينا التراويح وأنا ماشى ماسك بطنى ذى زول الملاريا
والإمام التقول كلموهو وقالوا ليهو ود المطامير دا بطنو منفوخه قربه بس
والله صلى بينا بنمره خمسه
ومع الركوع والسجود والقومه بطنى تجلبق ذى سعن الروب
الهندى اللى جمبى مره مره بعاين لى بطرف عينو
قلت ياربى يكون سامع جلبقة بطنى ولأ شنو ؟
غايتو التراويح تراويح وروّحت ( التُخمه ) وهضمت نص اللقمه
وتانى توبه من الردم
رد مع اقتباس
المشاركة الأصلية كتبت بواسطة الجندي المجهول
المفضلات