ما زلت اتكرر ..

[ايمن عبد الله]

شفتك طالعة من نور الغيوم ..

في لمحة مستحيلة ..

لكن الله اداني البصيرة ..,

وشفتك يا شفق عز الصباح ..

شفت العيون .. شفت دهشتك ..

الشوفة ما قسمة ..

واحمد الله القسما ..

اندهشتي .. وانشرحتي ..

ما اصلو الحال من بعض ..

والحصل لي حصل عندك كمان ..

والقلوب زي ما هي شواهد ..

برضو مرايات للعطاشا ..

للجمال الخرافي .. والذوق الاصيل ..

رغم خجل عينك ..

ورغم اميتي القديمة ..

قريت الفيهن ..

عيونك يا أميرة ..

كانت كتاب مفتوح ..

داوت جروح ..

ان شاء الله الصدفة تتكرر ..

وبعد ما اتقابلنا نتقابل .. ونقول كلمات ..

بعد عرفنا حروف عيونك ..

وانفكت العقدة القديمة ..

[تغريدا]

الشوف والنظرة والعيون هى باب الداءالذى دؤاه منه وفيه أخى الكريم الروعة تكمن فى كلماتك ويغلفها الخفة والسلاسة والعذوبة كماء النهر الطيب مزيد من الابداع لك احترامى

[محمد الجزولى]

والقلوب زي ما هي شواهد ..

برضو مرايات للعطاشا ..

للجمال الخرافي .. والذوق الاصيل ..
..

فعلا القلوب شواهد
خاصة اذا غمرهم الحب والالفه
شكرا لك العزيز ايمن على هذا الاندياح الشجى

[تغريد]

أيمن دم بود دااااائم دوما فما الحب الا بضع كلمات نبعثرها في دواخل من يسمع ترددات أنفاسنا فكن ذلك الأحساس الجميل

تحياتي