معليش اسمحو لى اقول الكلام الفى راسى بدون تذويق ولا رتوش ............ التعليم ماذا اصابو ؟؟ هل بقى ما مهم ؟ ولا بقينا ما محتاجين ليهو ؟؟ ولا دى سياسة دولة ؟؟ مرو على ناس اتخرجو من جامعات فى تخصصات مختلفه ولكن لا يفقهون فيها شئ .. العيب فيهم ؟ ولا فى المواد الدرسوها ؟ ولا فى المعلم ؟ طالب جامعى فى جامعه محترمه لا يستطيع قراءة جمله بالانجليزى (وهى اللغه العالميه ) و أخص بكلامى التعليم العالى فقد اصبح سلعه تباع فى سوق الجامعات الخاصة ( وكل زول عندو قروش بفتح جامعه ) وكأنها كافتريا ويخرج الالاف سنويا بدون اى مؤهلات ( وكأنك يا زيد ما غزيت ) .... زمان الطالب الجامعى بتلقى فى أيدو كتاب بقرأ فيهو لكن طالب اليوم فى ايدو موبايل ولا لاب توب وياريت لو بقرأ منو تلقاهو مع الفيس بوك تلك الجرثومه التى تفشت فى جسم المجتمع وانهكته !!!! أذاً لابد من وقفه وإعادة نظر فى كل ما هو مستحدث ( لا يناسبنا ) وقد وصل بنا الحال ان تشترى الشهاده الجامعيه التى تناسبك يعنى ( شهاده تفصيل )والحديث يطول وهذه دعوه لكل زول عندو راى فى الموضوع دا
رد مع اقتباس
المشاركة الأصلية كتبت بواسطة ابو لوزة
المفضلات