نعمل شنو
مانحن ما بنختار نريد
ولا بالعدد
نحسب نقول الريد بزيد
مخير الله ف قسمتو
نعمل شنو
* * *
** ** **
سواك براك ... زول زي ملاك
وخلاك لينا ... تكون هلاك
ودي حكمتو
*** نعمل شنو ***
ماقبلنا قالوا الريد قسم
والحب خلاص أمرو انحسم
والفي الجبين
مكتوب ببين
والعين تشوفو الإترسم
غايتو بس ... نعمل شنو
*** ***
نعمل شنو
ماالظلم فيك أصبح طبع
شان الجمال .... سايق الدلال
فيك مجتمع
ولا بتريد ... نزف الوريد
لون الشقي .... وشكل الدمع
ملينا كتر الأهه .. آه لو تستمع
وتقول لينا بس نعمل شنو
*****
أهه قلنا نمشي نفوت بعيد
وبينا مابين العيون
نعمل شخيط
نرسم خطوط الطول حلم
فيها إنت مدار جديد
نحلف نقول
رسمك فريد
وإنت الوحيد
القسموك للدنيا عيد
ولينا لا
نعمل شنو
ما نحن ما بنختار نريد
رد مع اقتباس
المشاركة الأصلية كتبت بواسطة ياسر عمر
المفضلات