بسم الله :
مدخل:
الآية الكريمة
يَا أَيُّهَا الَّذِينَ آمَنُوا إِن جَاءكُمْ فَاسِقٌ بِنَبَأٍ فَتَبَيَّنُوا أَن تُصِيبُوا قَوْماً بِجَهَالَةٍ فَتُصْبِحُوا عَلَى مَا فَعَلْتُمْ نادمين
النص:
انا قاعد فى امان الله فى شارع عبيد ختم بشرب لى فى جبنه انتو عارفينى جنيه جبنات وبتاع فى اى حته بتلقى كانون بتقعد ..جاء بتاع اكسن عربيه نزل لى بت سمحه سماحه مبالغه فيها زاتو وعجيبه الزول دور عربيتو وفات والبت واقفه منظر عادى جدا عندنا فى مدنى اسمها ياعم قدام حلو ..حلو..
قطعت الزلط وقفت بى يمينو وانا متابع بتفرج فى الجمال الاداهو ليها ربنا ده وانعمها وماقصر معاها ...جات عربيه كريز وقفت جمبها وراها كورلا ...اتكلمت مع بتاع الكريز شويه بتاع الكريز مشى ...مشت على بتاع الكوريلا وش وش وش انا ماسامع لكن الشمار حارقنى ركبت وفحط تفحيطه عاد ماعربيه سمحه تب ...الشباب قالو لى يا عرب مدنى ماتعاين كده وتتخلع وتقلع عيونك ده منظر عادى جدا...والشارع ده ما اسمو عبيد ختم اسمو عبيد ختف؟؟!!!
منظر تانى :
انحنا فى جبره بت واقفه بتاع كليك قرش اركب سوق شى عادى جدا ....جاء بتاع سوناتا نزل بت اسمح منها الله ماخلق نزلت واداها قروش عادى جدا اخوها وصلها واداها المصاريف ...فجاه وقف ليها كميه من العربات والغريبه هى البتمشى على العربيه وبتشوف الاحلى وين والزول المرطب يعنى...بعد عزيل كتير مشت مع واحد...
مناظر غريبه كتيره بتحصل زى دى اها ياجماعه الحنك ده ماغريب شويه ..
الحل شنو:
فكرت فى حل مالقيت ...يعنى الناس تبطل العربات مثلا ما حينفع..
يمسكو البنات ...باى اى تهمه واقفه فى الشارع يعنى ..
طرايف:
البت بتكون واقفه الشباب بشاغل فيها ده كويس ده عربيتو سمحه البت بتركب وتنبز الاولاد يا بى كلمه كعبه ولا بى حركه كعبه
مخرج:
والله الموضوع ده حيرنى وجعلنى متوجس يعنى الحاله بقت غريبه وظاهره منتشره شديد
والحل صعب والله ..والحال اصعب يعنى الناس فى شنو والناس دى حسانياتا فى شنو؟
الله يستر على ولا يانا...وانا عارف الناس حتجى تقول ما كل البنات كده ولى خاصه ناس الخرطوم لكن بى الصوره الفى الخرطوم ما زى اى اى احصائية تانيه زى اى ولايه ..
واكيد الناس شايفه بى عينها
ختاما وليس خاتما
تقبلو عزرنا وتحياتنا لكم
التيمان
دندق وابنق
رد مع اقتباس
المشاركة الأصلية كتبت بواسطة ابو لوزة
المفضلات