نفاجين هووووووووي
وفي روايه أخري:-
نفاجين هويين
ولا أقول ليكم:-
نفافيج ونففج هويات كتااااااااااااار
لقيتكم خوتكم خوة كاب حدها خشم الباب
وانا هسي من ضو ململم كراكيبي وداقش الثقافي
ليه يعني ما بتسعلو مني مالي هين ولا لين
الأول تضرب ليه خُرتُميه وعشرطاشر مره وتنقطع منو قدر ما تنقطع ما ياخد خبرك وكلو ما تضرب ليه يقول ليك رقمك ضاع مني ومره يلبِسه في تلفونو المخستك وما أدراك ما الفايروس الشهير الكلفت تلفونو
والظريفه كمان لمن شافه شينه شديد عمل لي رساله في الخاص وقال لي إتصل علي انا ما لاقي رقمك.
غايتو ده انا ما بجيب إسمو لكن بس بقول ليه حنكك بيش وهسي أمانه في زمتك كان ما الشغلانه خيار وفقوس تلفون أم عمرو قعد يروح منك؟.
التاني بتاع غسيل العِده ده لمن الحيكومه حقتو تكون في السودان تضرب ليه تلفون يكنصل عليك من أول جرس ويرجع ليك من تلفون المكتب ويشبكك ياخ دايرين نتلاقي وإنته وين وتعال لي أنا قاعد براي ولمن تجي المطعم السوداني الجنبنا أضرب لي عشان نتلاقي وما عارف شنو وشنو وشنو وعندنا دافوري يوم الخميس. من حكومتو رجعت للسلطه ورجعو لي غسيل العده فتح لينا شعبي ورسمي يا ربي يكون من شنو؟ ولا نكون ظالمنو ساي يكون تلفونو وقع في صابون السائل.
التالت ده حكايتو حكايه عازمني شاي مُغرب ليه سنه وكل ما أفكر أمشي عليه يقول لي معليش ياخ انا في الشارقه لكن ما مشكله بجي بكره وبضرب ليك. علي اليمين شايك ده موش كان شاي مغرب كان دايرين نشربو في المَغرِب ومسافرين ليه بي كرعينا كداري كان وصلنا وشربناه. ياخ الشاي ده عفيناك منو سمعنا صوتك ساي.
هُسسسس ولا كلمه في السياسه الزول ده انا ما بقدر أجيب إسمو قالو بي وراي بقي حكومه وهوا كبير في المنتدي ده.
عمك الرابع ده عمله واااااضحه معانا بعد قطعناو مع هنايه الهسي عيانه ديك في البوست بتاعه الشايله فيه كورة الكرامه وحايمه تشحد في العرسان. قام قطعو معانا سته صِفِر وبقي محجوب مننا وما هببو لينا ولا حتي بي رساله في الخاص المجاني ده.
ما بجيب إسمو إحتراماً لي عامل السن
غايتو كوووووولللللللكم طلعت أخير منكم هنايه ديك.
بالزقاق كده:-
هنايه منووووو؟؟
رد مع اقتباس
المشاركة الأصلية كتبت بواسطة معتز الريح
المفضلات