جاي الليله ذي اول
تعيد الريده من تانى
وتعيد القصه ديك ذاته
وتلقى مكانتك جوه وجدانى
وتصحى فينى جروح من زمان طابت
وليه الليله تطرانى
وانا الشلتك فى ضلوعى حنين
وحبك ياما بكانى
وجريت جوايا فى دمى
وكنت الدم في شريانى
وعرفت معاك معنى الحب
وحبك انت احيانى
وقدر ما قلت ما اشتاق
زاد الشوق على اكتر واضنانى
كيف بالله تنسى الريده
وقليبك كيف بينسانى
وانا القاسيت فى سبيل حبك
عشان القاك وتلقانى
وغطيتك برموش العين
وشلتك جوه وجدانى
وقلت خلاص لقيته مناي
ودهر بسم وصافانى
ومشيت خليتنى للاحزان
براي اقاسى نيرانى
قول كيف ارجع ليك
تانى واجدد احزانى
انا خلاص نسيتك
حاول انت انسانى
رد مع اقتباس
المشاركة الأصلية كتبت بواسطة انور النور محمد
المفضلات