بسم الله :
نخش توشك فى الحنك:
يا جماعه الجامعات بقت تعانى من الفشخره كتير ياخى زى مابقولو الفشخرة والبوبار وشراب السيجار فى بيت الايجار يعنى الناس المبشتنه والعولاق الواحد يجازف ليك بنطلون وقميص ادينى حقنه يخش ليك فى الرصة انو جاى من دبى وياى على دبى يا جماعه انحنا تعبنا ياخى..
الجكس انىسى بس ..تخش ليك فى اسكيرت شطفنى وبلوزه كت مع كارينا وماتبايرنا ومصاصة حنك المصاصة ده نيو يا حليلنا نحنا من حلاوة المصاصة دى انحنا زمان حلاوه حربه وتقرمشنا فى ثانيتين وتقول لى جيب تانى ولم تحب تشكل فى الحلاوه تجيب كافلجين اطفال تاكلو فى شكل حلاوه عليك النبى شوف انحنا عالم اى كلام يا اخوانه وين لى الجلكسى ووين لى الطبى نحنا ...المهم البت تجى من الصباح بى عربيه ضاربه المكيف وهى تكون بتاعت حكومه وبنزين حكومه ونازله هاى سوسو وتخش امح امح فى الجضوم انا ماعارف انحنا مابسلمو علينا لى كده .. وتخش على المحاضره المويه فى الشنطه مابتشرب مويه الشباب عادى الفطور جاء ارح الفطور ياى ماباكل فته وماباكل فى الجامعه اساسا مابثق فى الطريقة البعملوها احتمال مانضفو العدة عليك النبى شوف الناس دى عالم تحير انحنا تخش وتلحس يدك فى جريده تاكل وبعد كده تقرى الجريده وتقش بيها خشمك ... وتمشى البيت على طول
مخارجات:
الناس دى ماشه لى الحنك ده كل الناس يعنى العالم حيكون غريب لى قدام اها نعمل شنو انحنا نموت ساكت كده ده ياجماعه وين نحنا من الدلع والقصص دى
رد مع اقتباس
المفضلات