* جني وجن الراجل البخيل والمراه الايدا ناشفه.
* جني وجن الراجل المابيكرم ضيفه حفيان والمراه المن تشوف الضيف تلوي بوزا.
* جني وجن الراجل البيقبضوهوا في قواله والمراه الشمشارا.
* جني وجن الراجل الا يحل ولايربط ومتبع الرجال .
* جني وجن الراجل البيكسر تلج للحرووم والاناتي ( حرووم للمتزوجات واناتي للعزابيات) .
* جني وجن المراه الخفيفه ولفيفه لافحا توبا النهار كلوا من بيت لبيت في الفارغه والمقدوده (زي كدسة ود المطامير).
* جني وجن الراجل اللين والمراه المسترجله .(راجع بوست النواعم).
* جني وجن الراجل والمراه الاولادهم قليلين ادب ويشبكهم ليك النهار كلوا ياولد اسع حاقوم عليك ( غايتوا دي بتجيب كثافتي).
*جني وجن الراجل المحشور والمراه اللسانا طويل وعاوزقطع (قُلنا لِسانا ما قُلنا حاجه تانيه).
* جني وجن البنت التلقاها عمرها مافي زول عبَّرا تحبها الليله بكره تجي تقول ليك جاني عريس. ( نظام دردقه يعني ورفع اسهم).
جني وجن تكون عيان يزورك زول يشبكك اعراض مرضك دي زي اعراض المرحوم محمد ود التايه .
جني وجن الراجل التلقاهوا حاشي القميص داخل البنطلون ( بس مابنطلون لبني احمد حسين) ولابس نظاره وشايل في يدوا جريده يعني نظام الود مثقفاتي وحِبِيب تقعد معاهوا خمسه دقائق تلقي راسوا مافيهوا ولا حبة طايوق.
جني وجن الراجل الفشار والمراه البوبارا.
جني وجن الراجل البيدي اضانوا للرجال والمراه السواطه.
جني وجن الراجل البتهرشوا زوجته ويشبك الناس نحنا متفاهمين ( ودي ما أكثرها شيوعاً وإنتشاراً من دون زِكِر أسامي في السقط ده).
جني وجن الاطفال البتداخلوا في كلام الناس الكبار ووسخانين.
جني وجن المراه البيتها مهرجل من الباب تشوت في الحلل والكفتيرات.
جني وجن الزول البتونس معاك في مواصلات عامه عن اسرتك وفلان وعلان بصوت عالي.
جني وجن الزول البيتدخل فيمالا يعنيه (حاشر قدومو في أيي مُشاركه تكتِبه) .
* جني وجن الراجل العاطل وبتصرف عليهوا المره.
منقول مع إضافة بعض البُهارات
رد مع اقتباس
المشاركة الأصلية كتبت بواسطة نزار احمد محمد
المفضلات