أيام حرب الخليج التانيه
وفى البحر اللحمر ، كان فى خواجه عسكرى أمريكى قاعد جم منصة الصواريخ
فى غواصه ، أها كان خاتى ليهو قزازه على صاروخ باتريوت و ببقبق فيها
قام جاتو أوامر يفك صاروخ
الخواجه على حسب الفى راسو فك الصاروخ والقزازه عليهو
إنتى يا القزازه أنكشحى وموية لندن تخش ليها بقد فى الصاروخ
ويقوم الصاروخ يفج المويه ويتلولح ذى الكلب الدخل فى حفير
أهااا .. ويقوم يطشم بالطريقه الصاح و يحوم ويحوم ويحوم فى الجو
مره يطير عديل ومره يقلب الشنقلوته ومرات يطير بالجمبه
ومرات يطير مع وش الواطه أبوالرقيع بس ومرات يعلى سمبريه عديييييل كدا
ومع جو الليل البارد الطشمه ربطة ربطه بت كلب ، وكل عين بقت تشوف براها
وطبعا فى البرمجه كاتبين ليهو فندق الرشيد
أهاا ... مرات يقراها قصر هارون الرشيد غايتو فى النهايه قراها
إنتا بليد .. وقال كدا زعل زعل جد
ولف وقام راجع وإختار كتيبه بريطانيه وجاهم ليك برتلوووووووووم
فرتقم حته حته
بعد ساعه طلع تصريح عسكرى بريطانى وقالو
لقد مات 40 عسكرى بريطانى بنيران صديقه
رد مع اقتباس
المفضلات