البني ادم مشكلة في حد ذاتو ونصيبة
ربنا خلقو في احسن تقويم
سمحو ووفر ليهو كل معينات وأسباب الحياة
وهو مخلوق
يعني في قوة أكبر منو أوجدتو في الدنبا الزايلة دي
معناتا هو قوتو محدودة
بتبدا يوم يقول وااااك
يمرق للدنيا عريان
مايملك الا الخلقو بيهو ربنا
من روح وأنفاس تشهق وتزفر
ويفرتق لابس سترة يبلسوها ليهو الناس
يبقي قوتو دي عبارة عن مدي أو فترة
من ميلادو لي وفاتو
أها البني ادم المشكلة والنصيبة دا
أول مايسوي ليهو عضيلات كان من منصب ولا سلطة ولا جاه
يلم ليك في المستضعفين اللي ماليهم حيلة
أنا أغطس حجرك
وأنا أوريك العمرك ماشفتو
وأنا أوديك سقط لقط
وأنا وأنا
هي يا المسيكين
انت الجبروت ده جبتو من وين؟
ماباكر بتمرق من محلتك دي وريحتك تبقي طير طير
الخلقك واداك القوة دي
بتنساهو؟
من وين ليك ده كلو؟
مرقت عريان وبتفرتق داقين فيك طوب لين
وتبقي انت وهو
أها قوتك وينا؟
بتقدر تاني تغطس ليك حجر
ولابتودي ليك زول سقط لقط؟
واستغفر الله لي ولكم
رد مع اقتباس
المشاركة الأصلية كتبت بواسطة ايمن عبد الله
المفضلات