ممارسات محرمه انتبهوا يا اخوان

[بابكر]

اخوانى اخوتى فى الله ....... لكم منى تحية الاسلام المباركه........

بسم الله الرحمن الرحيم

قال الرسول الكريم عليه افضل الصلاة والسلام ....

من رأى منكم منكرا فليغيره بيده .....وان لم يستطع فبلسانه .. الى آخر الحديث

هنالك ممارسات محرمه شرعيا نمارسها ونحن كلنا اعلم بحرمتها وللاسف الشديد حتى فقهائنا لم ينهوا عنها وقد صارت هذه الممارسات فى حكم العادة

بل هنالك من يعتقد انها ضروره ولا شىء فيها...

الا وهى لبس العريس للذهب مثل الهلال فى الجبين او فى جيب البدله ....

وكذلك لبس الحرير.....فى يد العريس وكأن الناس يبحثون عن المحرم للرجال

كما فى الحديث (( حرم على امتى لبس الذهب والحرير )).........................

وللاسف نجد من يتزوج يبدأ حياته الزوجيه بمعصيه الله ورسوله الكريم

والشى الغريب ان هنالك بعض الاخوه الملتزمين يفلعون مثل هذة الاشياء الشركيه وهى تعتبر من عادات الجاهليه ..........

فأنى من هذا المنبر انبه اخوانى الذين لم يتزوجوا بعد.... والذين هم مقبلون على الزواج.. ان ينتبهوا ولايقعوا فى هذه المخالفه ... من لبس للهلال وخوام الجنيه الذهب,, ولبس الحريره ,,,,,,,, اتبهوووووووووا يا اخوان فأنها محرمه ,,

وجزاكم الله خيرا

الا هل بلغت؟؟؟؟ اللهم فأشهد

والسلام على سيدنا محمد افضل المرسلين صلى الله عليه وسلم

[نيازى كشك]

اخى العزيز بابكر
ممكن اعمل هلال من نحاس والبسو
والحريرة صناعية كلها حكاية ساعات بس
وفرحة وحدة فى العمر
خليك فرايحى شوي
ولك كل ودى واحترامى

[بابكر]

اخى الوفى نيازى القضيه ليست هزار او مجاملات انها قضية حلال او حرام والهلال ليس مهما ابدا فى الفرح سوى كان نحاسا او غيره لانك سوف تجعل من يراه يظنه ذهبا فيقلده والله انه الشرع والحنيف ونحن نحب الفرح لكن بدون هذا الذهب والحرير جزاك الله خيرا يانيازى واعك تعملها لانى سوف احضر عرسك ان شاء الله واغنى ليك عشان تعرف انى فرايحى كيف ولست متشددا

[shashi]

يديك الف عافية با بكر ومشكور على لفتت نظرك البارعة ادعو الله ان يرآها اكبر قدر من العرسان والعروسات مع تمنياتنا السعادة للجميع
مع تحياتي ابو احمد

[al zeer]

يديكم العافيه يا اخوان
كنت داير افتح باب عن الزواج وو العادات و المعانى ومنها تعم الفايده للمتزوجين و القابلين للزواج و ناخد التجارب من المتزوجين وبقولوا اسال مجرب

الزواج ومصروفاتوا
انتهت المفاهيم القديمه لمن اكون فى عرس الناس تجى تعسكر فى بيت العرس من قبل شهروبعد العرس كزلك بقى العرس فى يومين فى النوادى و انتهى المر على كدى بس ظهرتحاجات غريبه بي مناظرعجيبه ماعارف فطور العريس و هديت العيد و مويت رمضان حاجه مرهقه للطرفين و مظاهر الفشخره تمشىعربات الفطور المزخرف بالورد و برجعوا بالهدايه و حاجات عجيبه
و الازلط من كدى لبس العروسفى الرقيص الارديه و الحنه فىالبطن ما مشكه بس ترقص فىالصيوان دى المشكه زاتا دى الحاجات البقشعرمنا الجسد

ومن العادات الما عارفها جميله و لا لا
الجرتك
فى نظرى حركه فى شكل ورده يعنى تكسر الحاجز بين العرسان قبل رحولهم لى القفص الزهبى بعد تيشن عصبى( لكل منهم العروس الكوفيرا اتاخرت و العربيه ما جات والفستان لسعما وصل و للعريس الصيوان و ين وناس الشغلما غديتوهم والطباخ اخد نص الخروف معاهو ) رش باللبن والغلبو منو و و و
بس المشكله بعض العرسان ماشين بدون جرتك و فجاه اسمع صراخ الحبوبه اجى كيف الكلام دا لازم تعملوا و لا ما عافيه منك ( متعلقه بفكر انوالو ما عمل الجرتك ما بنجب ) و فى كتير من المعتقدات

و ازا اخدنا الزواج فى السودان بتختلف العادات من منطقه لى منطقه حسب الطبيعه المحيطه بيهم
و انشاء الله تكون بدايه مش نهايه للموضوع و منكم نستفيد
سلامى و احترامى لكم

[نيازى كشك]

شكرا اخوى بابكر
خلاص فهمت القصد
وعرسى انشاء اللة تكون موجود

وما حاجيب فنان انت بس تغنى حتى لو صوتك مش حلو
وجودك بقربى هو الحلاء


وشكرا ليك

[بابكر]

تعرف يا نيازى انا متبرع بالفنان اللى تطلبه وانا ادفع ليهو هو انت شويه والله نعزك ونفرح بيك كلنا يا امير يا ود الامراء

[صالح ابوشوارب]

العزيز بابكر

طبعا انا من الذين لبسوا الهلال والحرير لكن والله والله والله تووووبة

وفعلا كنا ايام الجاهلية ونور الله طريقك

بس بيني وبينك وبصوت منخفض ( عشان وزارة الدالخلية ماتسمع )

المرة الجاية حتكون بدون هلال وحرير

ونأسف للتأخير

شوارب

[امير عبدالباقي]

الله يابكور موضوع في غايه الاهميه تصدق انا ابيت البس الهلال في عرسي مش عشان حرام عشان انا مرخابي هههههههههههههههههه
لك الف تحيه

[أبوريلان]

الأخ بابكر

سلام

موضوعك جميل وجزاك الله خيرا على هذا التنبيه لهذه العادة

بس عندى سؤال هل أنت عندما تزوجت لم تلبس الهلال ولا الحريره ؟

وقلت بتغنى فى زواج الأخ نيازى هل الغناء حلال أم حرام ؟ ولو جبت الفنان هل تدخل فى الحرمة أم لا؟

وما هو رأيك فى إختلاط الأولاد بالبنات فى الزواج ؟

الحرااااااااااام كتير لو جلسنا وحسبنا الحرام فى مناسباتنا وربك غفور رحيم .

وشكرا لطرق هذا الباب مره آخرى .

[بابكر]

الاخ الوفى الحبيبmyrelan لك الحب والشوق 00 و اؤكد لك بأنى عندما تزوجت لم البس ولاهلال ولا حريره ابدا , وذلك الفضل من الله له الحمد والشكر
اما انى قلت انى سوف اغنى فى زواج نيازى ,, فهذا لاشك فيه اذا سنحت لى الفرصه بذلك ,, وانا لا ارى فى ذلك غضاضه ,, ولاادخل فى الفتاوى لانى لست مؤهلا لذلك ورحم الله امرىء عرف قدر نفسه 00 ثم ازيدك فى الشعر بيتا,, فأنا كنت عازف اكورديون معروف,, وانى حتى الان لى اذن موسيقبه لاتخطى ابدا00 وبحمد لله لاافرط فى واجباتى الدينيه ابدا
اما الاختلاط فأنا امقنه00 وهو حرام بالنصوص الشرعيه
الحذر ثم الحذر من ان ( ترقص العروس ) وهى متكشفه اما الرجال
وانا ما قصدت ان انقص على الناس افراحهم ولكن الحلال بين والحرام بين
فلا شك فى حرمة (( الذهب والحرير )) بالنسبة للرجال

اما الفرح والغناء 000 فلا ارى فيه بأسا وهو اشهار للزواج ولهو بلا معصيه وقد اخلف فيه العلماء والله اعلم
وافيدك أخى بأنى لست متشددا ,, ولكن لاتهاون فى شرع الله , ومن رأى منكم منكرا فليغيره
((الحديث ))
شكرا لك اخى مرة اخرى وبارك الله فيك يا اخى الحبيب

[بابكر]

الاخ الحبيب الوفى ابو شوارب
لك الود الخالص طبعا انا عارفك انك زىوما اظنك تقدر تعملها تانى واعمل حسابك من ابو روان (( خشمو خفيف )) يقوم يكلم ليك المره نلقاك بايت فى الشارع المهم عفا الله عما سلف وباب التوبه لم يغلق بعد وربك غفور رحيم
بس عرس تانى مافى

وبينى وبينك يلاك ماليزيا نتزوج ام قمتى ,,, اسع ابو روان يقول ام قمتى دى ما عارف معناها شنو

لك حبى مجددا
يا احلى زول

[أبوريلان]

حبيبنا بابكر

أولا كل سنة وأنت طيب بمناسبة أول السنة الهجرية وعام سعيد عليك.

الحمدلله أنك لم تلبس الذهب ولا الحرير وزى ماقلت هذا فضل من الله لأن عندنا الأمهات والحبوبات بتقول ليك لو ما عملت كذا وكذا ما عافيه منك ولا رضيانه عليك وعفو الوالدين طبعا مطلوب ولكن فى غير معصية الخالق ، زى ما قلت الحلال بين والحرام بين ، لكن علمى أن الرقص والغناء به حرمه والله أعلم وأنت قلت سوف تغنى فى زواج الأخ نيازى فلا تنهى عن فعل وتأتى بمثله ، وأنت مفترض تكون مفقه فى علوم دينك وبما أنك عازف أكورديون سابقا ولك حث موسيقى أكيد فى كثير من الناس تحدث لك أو سمعت عن حرمة الغناء والرقص والإختلاط وبما أن مناسباتنا فى الزواج بها إختلاط بين الرجال والنساء فكان لك من باب أولى أن ترفض عمل العازف لأنه يدخل فى الحرمة طالما أنك بتشاهد البنات لأن النظر يزنى. ورقص العروس أمام الرجال هذه أشياء تلاشت بمرور الزمن والحمدلله لأنها عادات قديمة والجيل الجديد جيل متعلم ومتفقه فى علوم دينه والحمدلله . نعم لا تهاون فى شرع الله لكن أتمنى أن تنفذه كاملا وليس فى الذهب والحرير فقط .
أشكرك كثيرا أخى بابكر وبارك الله فيك وجعلك هاديا ومرشدا وجعله الله فى ميزان حسنات .

[بابكر]

الاخ الوفىmyrelan لك الحب مجددا 000 والله ماقصدت ابدا ان يكون الموضوع سجالا بينى وبينك,,, فأنت اخ كريم اعزه واحترم رأيه
ماقصدت ان ابينه 00000
بالنسبة للغناء ,, فقد اختلف فيه العلماء00 بل كل الدول الاسلاميه منها والعلمانيه تبث الاغانى من تلفزيونها,, ولم يحرمه احد0من العلماء لانه ليس هنالك نص شرعى حرمه,,, اما الرقص فأنا لم اتكلم عنه ابدا000 رغم ان الحديث الصحيح يذكر ان النبى عليه افضل السلام رأى السيده عائشه وهى تنظر الى الاحباش يرقصون ويغنون ولم يعترض ولم ينكر عليها ذلك
والموضوع يجب ان نبسطه لتعم الفائده للجميع
وشويه شويه نبصر شبابنا بأمور دينه من غير تنفير ((وذكر فأن الذكرى تنفع المؤمنين ))
اخى الحبيب جزاك الله خيرا وبارك الله فيك ودمت لنا بقلمك السلس الجميل

[ابراهيم]

يا سلام عليك يا بابكر .. لك الشكر أجزله لهذه النصائح الغالية ...

وإنشاء الله الواحد يمهد للشغلانة دي من حسي مع الحاجة والحبوبات لأنو صعب يقتنعوا بالكلام دا وزي وما ذكروا اخوانا ... دا ناتج من الاعتقادات الخاطئة الموروثة اباً عن جدا منذ القدم .. والمحرمات كتيرة في الاعراس زي الغناء والرقص واللبس العاري ربنا يهدينا بس ... ولو ما عملت في عرسك الحاجات دي كلها ... العرس يبقى زي العزا..

سمعت تحت تحت قالوا بابكر دا شكلو مريخابي

عموماً موضوعك مفيد وربنا يوفقنا الا ما يرضى الله ولك من أجزل الشكر واجمل التحايا