مدرسه الهووايس "'طبيب الامتياز" النموذجيه:-
جلس هووسي بن مفعوص محنكا الالفه (الميديكال) :-
-اشطبني من لسته المهرجلين دي وتاني من كنبتي مابقوم
-اشطبك كيف يعني!!!! الاستاذ (الرجسترار) كان لقي اسم مشطوب بيجلدني انا ذاتي
-بقسم ليك من الفطور (الحافز)
-لا لا لا مابقدر والله
-خلاص بديك الحافز كلو
-خلاص كويس بس تاني ماتعملا وبيني وبينك الموضوع ده.
وقبل ان يشطبه دخل الاستاذ الفصل قائلا للالفه:-
-الفصل ده جايط كده مالو!!!! انده لي المهرجلين كلهم
فقام الالفه ينده:-
-المكتس المذكراتابي
-الهووس الامتيازابي
-هووسي بن مفعوص
-زايغ بن ديوتي
وبينما الالفه يواصل في الاسماء اذ يقاطعه صوت من اخر الفصل:-
-الناظر جاااااااااااااااااكم
وبينما الرجسترار يجاهد ليخرج كرشه عبر الشباك ليتلب خارج الفصل دخل الناظر (مامون) قائلا بكل حزم:-
اسمعو هنا...
حوافز مافي....
مافي توثيق.. هي اقصد فسحه الا بعد خمسه سنين
شغل مافي
مرتبات مافي
صحه زاتا مافي
في زول عندو اعتراض!!!!!
ليصيح نفس الصوت من اخر الفصل:-
-مافي مافي... هو فضل فيها شنو بعد ده
-ده منو القال الكلام ده
صمت تام
-قلت ده منو القال الكلام ده... انتو ورا... خط ميه غرب... ياحيوانات اجب ابو سته كرعين... منو القال الكلام ده؟؟؟؟
صمت تام
-مادايرين تعترفو مش!!!!!
اذن حندق الفصل كلو
.....
...
.
وعندما جاء دور هووسي بن مفعوص وتزكر انه نسي كركاسته في المنزل انشد قائلا:-
اجلدني سوطين حن لي
عاتبني خت اللوم علي
اجلدني والكاين يكون
حيرني طبك يامامون
يلا كلك من الصباح كده
خمسه سيطان لزوم تنشيط الدوره الدمويه....
د احمد
رد مع اقتباس
المفضلات