شفت النقطه الغارت منك

[الشمشار]

سلامات
لي صديق جميل يدعي حسن
اتاني في مكان عملي وبعد مده من الزمن اتت احدي الحسناوات (واحده دايره تقدم تبقي مذيعه )
وكانت عرقانه جلست لكي ترتاح في الاستقبال ريثما يقوم موظف الاستقبال بالاتصال عبر الهاتف الداخلي بالشخص القاصداهو البنيه
ولحسن صديقي هذا ملكه شعريه فحدق في الحسناء مليآ فلمح نقطه عرق سالت من شعرها الي خدها حتي وصلت لاخر الوجه وحسن متابع نقطه العرق لامن وصلت اخر المطاف فقامت البنت بمسح نقطه العرق فصرخ حسن دون ان يدري بالغتي
فضحكنا جميعنا
انا وحسن والحسناء
وقبل ان تقوم الحسناء قال لها حسن خسمتك بالنبي الا كان تسمعي انا قلت في نقطه العرق دي شنو ؟
قال حسن
عاينت اللولي البسيل من شعرك واتبسملت
شفت النقطه الغارت منك واستعجبت
لامن وصلت هي جبينك اتململت
ولامن شفتها هي بتلمع اتلبشت
ورغم الحرالجاب النقطه سريع هو بردت
وبين النقطه وملمس خدك تهت سرحت
جيتي مسحتي النقطه بايدك اتبرجلت
وما قدرت اكتم غيظي سريع كوركت
ما تستغربي من الحاصل انا من النقطه زهجت وغرت


فضحكت الحسناء
فقلت لحسن والحسناء

اصلو الغيره طبع انساني الا الغيره الليله كستها
نقطه عرق سالت نزلت وجات السمحه سريع زالتها
ماها عيونك هي الشافت معاها عيون برضك تبعتها
من الديس للميس بنظرها وتابع وين حتكون وقفتها
وغير النقطه تبعت السمحه وكيفن مرحب بذوق نطقتها
قالت دايره تكون في الشاشه اريت الشاشه تطير عيشتها
مدت ايدها علي تسالم وسرعه اليد رجعت شالتها
شالتها وشالت قلبي معاها واريت النقطه تجف لحظتها
نقطه ايه الكايس ليها شوف السمحه وشوف ضحكتها
كنت بلوم للشمس الليله كيف بجحيمه وناره صلتها
وكيف الشمس تتعدي حدودها تأذي تسمر لي بشرتها
حسن ان شاء الله سلامه قلبك وليه ات يا اخوي كوركته
خلي النقطه تطير يا اخوي بس السمحه تطول قعدتها




الله يستر غايتو انا نزلت البوست ده وكان دقوني انتو السبب

عليكم الله احظرو البوست ده من ست الحسان

الخواف ربي عيالو
خالص تقديري

[بت أم درمان]

يا ناس الثقافي الشمشار جاكم بي جاي
بس اوعو تمنعوهو من العام
حلفتكم بي الله

لي يحظروهو يا الشمشار انت شكلك ما قرأت ( لعاب حسناء )
كدي اسأل ابو عبدالرحمن بجيبو ليك

وشكرا كتير

[الشمشار]

يا ناس الثقافي الشمشار جاكم بي جاي
بس اوعو تمنعوهو من العام
حلفتكم بي الله

لي يحظروهو يا الشمشار انت شكلك ما قرأت ( لعاب حسناء )
كدي اسأل ابو عبدالرحمن بجيبو ليك

وشكرا كتير

بت ام درمان
انا مره مره بجي الثقافي ده اتاوق وامرق
انا داير البوست يحظروهو من زولتي كان جات وقرت الكلام ده بطلعوني خاااااااااين والله يستربعد داك من البحصل هههههههههه

[عنكوليب]

في الثمانيات من القرن الماضي كنت في زيارة لفرنسا - ليون - وفي أكبر حديقة للورود في العالم والتي تضم ما يقارب 5 مليون من مسميات الورود ،، وفي اثناء تنزهي ، لمحت عصفورين من البشر يتناجيان ، بهما محبة ووله عميقان ،، لم اتعجب ،، بل عجبني المشهد ،، وقلت لهما : حببتموني في الحب ،، حببتموني في العشق ،، ( لم ارى منهما منافي للأخلاق ابدا ) ،،،
فتبسما كما لو انهما أدركا ما أعني ،،، وسرت أتفقد تلكم الحديقه ،،، وبعد قليل وجدتهم ثانية ، فقلت لهما : أنا يا طير محل ما تطير بشوفك ،،،
واستمريت في رحلتي ،، وللمرة الثالثة أجدهما،، فرددت ما قلت ثانية : أنا يا طير...... ،، وعجبوا وتعجبت ،، وقررت الخروج ولم استطع اكمال الرحله بالحديقة لكبرها ،، ودلفت راجعة بطريق اخر ووجدتهما رابعة ،،، فرددا معي : أنا يا طير محل ما تطير بشوفك !!!!! ونحن على علاقة منذ ذاك الزمان وتزوجا ولهما بنتين وولد ،،،

فانا يا شماشيرو ،،
جيتك بهنا ،،، وبهناك ،،، ومحل ما تطير بشوفك ،،،

أبدعت ،،، وابدعت حروفك الجذابة جد والله ،،،
وتفنن صاحبك وأحسن الفن ،،،،

كلماتكما عطر عنبر ،،، وذهب كلمات ،، وعقيق حروف ،،،

سلمت وسلم صاحبك ،،،

[عاشق الترحال]

إبدااااااااااااااااع يا شمشار
ولا تعليق

[محمد الجزولى]

تعرف يا الشمشار
اصلو النقطة السالت كبت
قصدها كان بتلاطف سيدا
حست انو الجو مشحون بيناتكم
وخافت تبدا هناك للسمحه حكاية ريدا
نفرت .. نطت ... سبقت شوقا السال جواها
لثمت من شوق السمحه خديدا
شكرا لابداعك المتواصل يا قريب قريبي ياخ

[ساريه]

يا ناس الثقافي الشمشار جاكم بي جاي
بس اوعو تمنعوهو من العام
حلفتكم بي الله

لي يحظروهو يا الشمشار انت شكلك ما قرأت ( لعاب حسناء )
كدي اسأل ابو عبدالرحمن بجيبو ليك

وشكرا كتير

مرحب بالشمشار فى اروقة الثقافى فهو قلم لا يشق له غبار ... ومبدع من الدرجه الاولى ....
(ويا ناس العام خلوهو لينا شويه وبنرجعو ليكم )....