وحات الله كان قاعد فى أمان الله
يشاغل دا ويكاوى دا ويهابش دا لحد ما طق طرق هبش عش الدبابير
اااى والله .. هبش عش الدبابير وتعالو شوفو لسع من كل حدب وصوب
جهجه جد وجنس بشتنه هو كان فى غنا عنها
أخونا .. كان قاعد كدا قام جاهو ليك حرمشه حقو .. قال ليهو ياخ عندى ليك
موضوع يخليك تفر شنباتك ، عاين لحرمشه حقو وقال ليهو ... موضوع شنو ؟
قام حرمشه وشوش وشوش وشوش همس ليهو فى أضانو وصاحبى متكييييف وقال كدا
شمّر ويا الكيبورد جاك بلا
أهاا ... حرمشه يملّى فيهو وهو يكتب ، وهو يكتب وحرمشه يملّى فيهو ومرات مرات
حرمشه يقول ليهو .. أكان ما خليتك مشهووور دا شنبى ، وصاحبى يقول ليهو هيييييييييييييع
عفيت منك ، وحرمشه يملّى وصاحبى يكتب ، وفرررررررررر فكا البوست
وقعد مستنى الشباب يجو وهو متكييييييييييييف
شويتين تلاته .. الشباب جو ، وحات الله ما قصرو تشكر بالطريقه الصاح
وصاحبى يفر فى شنباتو ويرد ليهم الشكر شكرين وحرمشه يقول ليهو ما قلت ليك ؟ ولسه يما ح تشوف
بعد شويتين تلاته جو الفطاحله .. الذين يمخرون عباب قوقل بالطريقه الصاح
وردمو ليك صاحبى بطريقه أكتر من الصاح ، صاحبى عاين لحرمشه أكان لقى ليك حرمشه
فص ملح وذاب ، ويلا بدأ يقاوم ، يجوهو بهنى يجيهم بهنى ، يجيهم بهنى يقيفو ليهو بهنى
غايتو تعبوهو ليك تعب وهو يجابد ويجابد
لكن والله حرمشه برضو كلامو طلع صاح
زولى وحبيب قلبى دا ، بين يوم وليله بقى مشهوووووور
وحات أمى صورتو فى سودانيز أون لاين تلمع نجفه بس ، وكمان سموهو ( كوز ) هع هع
وصاحبى دا لا كوز ولا كوره ولا حلّه ولا فنجان لكن تقولو شنو مع المهابشا ومبارات حرمشه ؟
ولأنو زولى دا بتاع كوره لحد النخاع ، سمع كلام حرمشه وكت قال ليهو بخليك تجيب قون بالطريقه الصاح
وفعلا حرمشه دردم ليهو الكوره وقال ليهو شوت وشات ، لكن شات الواطه وكراعو وجعتو وجع جد
لكن أكلها ساااى وقطعها فى حنانو عاد كيفن يقول أحححححححح ؟
أهااا ... صاحبى فعلا بقى مشهووور وكل رواد المواقع بقت تعرفو من خلال سودانيز أون لاين
وناس الوجعه بهناك جت بقو بعرفهو وكل واحد يعضّى يدو ويقول والله أكان لميت فيهو هع هع هع
غايتو .. أكان اللى حصل حصل لأى سبب تانى ، تكون ميته وخراب ديار
أهااا .. يا شعب النفاج .. صاحبى دا مزنوق زنقة كديس والله
ولأنه حبيبنا الروح بالروح تعالو نقيف معاهو .
رد مع اقتباس
المشاركة الأصلية كتبت بواسطة isamzaki1978
المفضلات