اجمل ما تغنى به وردى

[mahagoub]

جميلة ومستحيلة

يا جميله..
ومستحيله
انت دايما زى سحابه
الريح تعجّل بى رحيلها
عيونى فى الدمعات وحيله
اسمحيلا تشوف عيونك..
اسمحيلا
أنا لا الصبر قادر عليّ..
ولا عندى حيله
يامراسى الشوق تعالى
لا اليالى تمر بدونك هى الليالى
من ضواحى الدنيا جيت..
وعليْ رحالى
لمداين فوق عيونك يا محالى
ريّحينى..
أسُتْرى حالى
فرحينى
عيونى فى الدمعات وحيله
أنا لا الصبر قادر عَلَىْ..
ولا عندى حيله
حدّثت عنك نجمة جارة
وزرعت اسمك..
حارة حارة
فى مناديل العذارى
فى مشاوير الحيارى
فى لحى الأشجار كتبتو..
نحتو فى صم الحجارة
وبحت للشمس البتقدل..
فى مدارها
عيونى فى الدمعات وحيله
اسمحيلا تشوف عيونك
اسمحيلا
أنا لا الصبر قادر عَلَىْ
ولا عندى حيلة
وانتِ منك لا بداية..
عرفت لسّه ولا نهاية
مرة أسرح..
ومرة أفرح..
ومرة تغلبنى القراية
ولّمن أكتبلك وداعاً..
قلبى ينزف فى الدواية
يا صبيّة..
الريح ورايا
خلي من حضنك ضرايا
عيونى فى الدمعات وحيله
اسمحيلا تشوف عيونك
اسمحيلا
أنا لا الصبر قادر علىْ..
ولا عندى حيلة

[mahagoub]

جمال الدنيا

بشوف في شخصك أحلامي
ودنيا تفيض بأنغامي
وسحر الدنيا في عيونك يبعد عني أوهامي
بشوف الكون جميل وبديع
مر أيامي يبقى ربيع
احب الدنيا لي حبك
ويسعد حبك أيامي
رياض وزهور على خديك
بديعة بتخلب الأنظار
تزيد فوق الجمال الفيك
معالم كلها اسرار
تخلي الدنيا في عيوني
جمال وكمال بيتجدد
أمل بسام بيحدوني
اغني اليك واتودد
ولحني الغالي اهدي اليك
وانبت للوجود أزهار

ياحبيبي الدنيا ما احلاها
بديعة وحلوة بين ايديك
فهل أيامي تنساها
إذا ما غبت عن عينيك
هويتك صرت ولهانك
عشقت الدنيا دي علشانك
كتير جددت ذكراها
كتير غنيت من شوقي إليك

[mahagoub]

بناديها

بناديها
وبعْزِم كُلّ زول يرتاح
على ضحكَة عيون فيهَا
وأحْلم اني في أكوان
بتْرحَل من مراسيها
عصافير
نبّتَت جِنْحات
وطارت
للغيوم بيهَا
مسافرِ من فرح لي شوق
ونازِل
في حنان ليهاَ
أغنّي مع مراكب جات
وراها بلاد حتمْشيهَا
واحزَن لي سُفُن جايات
وما بْتلقَى البِلاقيها
بنادِيــــــهَا
ولمّا تغيب عن الميعاد
بفتِّش ليهَا في التاريخ
واسأل عنَّها الاجداد
واسأل عنّها المستقبل
اللسّع سنينو بُعاد
بفتِّش ليها في اللوحات
مَحَل الخاطر الما عاد
في شهقَة لون وتكيَة خط
وفي أحزان عيون الناس
وفي الضُّل الوقَف ما زاد
بناديــــــهَـا
والاقيـــــهَــا
واحِس بالُلقيا زي أحلام
حتصْدِق يوم
والاقيــــــهَــا
واحْلًم في ليالي الصيف
بَسَاهر الليل
واحجِّيـــهَــا
ادوبي ليهَا ماضيهَا
واطنْبِر ليها جاييــهَا
وارسِّل ليها غنوَة شوق
واقيف مرات واْلُوليهَا
بنادِيـــــــــهَــا
وبناديــــــــهــا
وبناديـــــهـا

[mahagoub]

المستحيل

لو بإيدي ..
لو بإيدي كنت طوعت الليالي
لو بإيدي ..
لو بإيدي كنت زللت المحال
والأماني الدايرة في دنياي ماكانت محال
دي الإرادة ونحن ما بنقدر نجابه المستحيل
دي الإرادة والمقدر ما بنجيب ليه بديل
دي الإرادة أجبرتني في هواكم من قبيل

غصبا عني وغصبا عنك
انت حبيتني وهويتك
لو بإيدنا من زمان
كنت خليتني ونسيتك
والنهاية ..
انت عارف وانا عارف
لو بإيدي كان هديتك

أصلو حبي أقوى وأكبر من إرادتي
وانا حاسس في جحيم نارك سعادتي
والهيب البكوي في روحي
في ذاتي
هو إنت
قلبي دايرك
حبي عارفك
في شبابك في صباك
في جمالك في وفاك
في شبابك في وفاك
يا المسير وماك مخير
انت ياصابر عند الله جزاك

[mahagoub]

وتر مشدود

سلمت
خايف كنت ما يسلم قلب مفصود
حلمت
قبلك كنت لا بحلم ولا موجود
معاك بحلم كأني على فرس طاير بغني على وتر مشدود
واطير عبر السما المدود
سما الوطن اللي مالو حدود
حمامة جناها لا خايف ولا مفقود

واشر الغيمة خيمة على النجم وارتاح
أصادف أجمل الغابات واصادق غصنك الفواح
واشرب من زوايا القلب جنبك اخر الأشباح
وتفتح كلمة من عينيك لي مجرى الغنى المسدود

واخط اسمك على باب الزمان اكليل
وردة صبية تلمع فوق صديري النيل
وباسمك أغني لي عالم بسيط وجميل

وانادي عليك ملاذا في شتا الأيام
وبردا في الحياة وسلام
وفي شدة هجير وزحام

جزيرة حنينة بين نهرين حنان القاك عليك اتلم
وهودج في صحاري الهم
وعالي النخيل عليك اتلم
وفي السكة اللي ما بتعود معاك
لآخر المشوار نغني على وتر مشدود

[mahagoub]

أمير الحسن


من صحابك ومن قرايبك يا حبيبي بغير عليك
كل من قال يا حبيبي أفتكـرتو يشـير إلـيك
وأي عاشق لو تغنى قلت لازم شـاف عينيك

يا أمير

كنت تايه في بحور الشوق وأمواج الحنان
قبلك أنت وحبك أنت جابني لشاطئ الأمان
والمحبة يا حبيبي أقوى من قدر الزمان

يا أمير

يا أمير الحسن لو تسمح ظروفك
كل ساعة كل لحظة كل يوم مشتاق أشوفك

وين يا أمير
يحسدوني الناس في حبك كم عزول روج إشاعة
أنت يا رب المحاسن والبراءة والوداعة
في إشارة من عيونك قلبي قال سمعا وطاعة

يا أمير

يا أمير الحسن لو تسمح ظروفك
كل ساعة كل لحظة كل يوم مشتاق أشوفك

[mahagoub]

قطر الندى


الريـد جــوة قلـبـي بحـبك بدأ
يا طـيـبة حـياتي يا قطـر الندى
ما كـان في خـيالي تتنكـر كـدة
أيامـنا الجمــيلة لـيه بتنـكـدة
جربت هـواهم وقلـيـبي أنكـوى
تاريهم جـاروا ما صـانوا الهـوى
حاولت أسببك وأتنـاسى المــضى
أيامـك معــاي ساعـات الرضى
المكــتوب علي أنا قلـبي ارتضى
يا ريت الليالي عطـفه يعــوضي

الكلـمة الحنـينة مشـتاق اسـمعة
روحـي خلاص جفيتة الشوق لوعة
الدمـعات عـيونـي كيفن تمـنعة
وأنا شايف سنيني جـورك ضـيعة

يومي الشـفـتك أنت حسيت بالهنا
ضـويت لحـياتي شمــعاتي أنا
بعـد الحـب دة كلو يا اجمـل منا
ليه بكيتني تاني عاودت الضنا

جــربت هـواهم وقلـيبي أنكوى
تاريهم جـاروا ما صـانوا الهـوى

[mahagoub]

حنينة

ياما دربك كنت بفرشو ورد وحنية واماني
ياما عهدك صنتو وما خنت وكام ليك حناني
ياما من ليلي ونهاري ودمعي بنسج لك أغاني
وكل كلمة من غناي فيها من حبك معاني
إن نئيت برجاك
وان نسيت بطراك
وان قسيت بهواك

جيت اعاتبك واشتكيلك واشرح الحب من بدايتو
قلب خادع مافي رافع بس عليك تسمع حكايتو
انت حاكمو وانت مالكو وانت في ايدك وصايتو
انت لو حكمت قلبك ما اظن ترضى بنهايتو
العهود صونوها
اوعو لا تخونوها
دا حرام تنسوها

تبقى جنبي وننسى كل الدنيا نغرق في الأماني
واشتكيلك يا حبيبي منك انت ومن زماني
في غيابك ياما ليل الغربة بالآلام رماني
ابقى عيني وابقي روحي وابقي قلبي يا حناني
يا أمل يا لطفي يا حنية وينك من عيوني
لو تعود وتجيني
القى فيك حنيني
وانسى بيك انيني

ابتساماتك ربيع دنياي ياما عشت فيها
فتحت في دربي أشواق الليالي البشتهيها
دي السعادة المن زمان بسأل عليها
بكياني بشبابي بحياتي افتديها
الإله يرعانا
هدا الغرام ضمانا
ونحن ما أحلانا

لو بكاي هماك
لو شقاي هماك
ما كنت يوم
فارقتني
خاصمتني
عذبتني

[mahagoub]

وسط الدايرة

وسط الدايرة أجمل نايرة
خلي قلوبنا تطير
وارحلي بينا فراشة حنينة
بين زينات وعبير
ولما الخصلة تدور طربانة
تبقي حرير في حرير
فرحي خلق الله واتّنّي ياشبه القمرة
وارقصي رشي عبيرك فينا وفتحي يا زهرة

أرقصي زيدي الساحة سماحة
نحن معاك نشيل
نغني غناوي ..نحكي حكاوي
لما ندوب في الليل
لا ترتاحي لا تريحينا
لسة الوقت طويل

عمرك كل فرح يا زينة
شيلي من الأفراح وادينا
راقصي البسمة راقصي النسمة
خلي الموجة تدور بينا
أوعي تهدي
كمان اتحدي
يلا جميلك تمي علينا علينا

[mahagoub]

وطنا

وطنا البإسمك كتبنا ورطنا
أحبك ..
أحبك مكانك صميم الفؤاد
وباسمك اغنى..
تغنى السواقى
خيوط الطواقى
سلام التلاقى
ودموع الفراق
واحبك ملاذ
وناسك عزاز
أحبك حقيقه..
وأحبك مجاز
وأحبك بتضحك
وأحبك عبوس
بعزة جبالك ترك الشموس
وما بين ظلالك
افتش وأكوس
أفتش طفولتى وملامح صباى
بناتك عيونن صفاهن سماى
وهيبة رجالك بتسند قفاى
أحبك بتضحك
واحبك عبوس
صحى بتملا عينى..
وتشّرف غناى

بحضرة جلالك..
يطيب الجلوس
مهذب أمامك يكون الكلام
لأنك محنك
عميق الدروس
مجيد المهابة
مديد القوام
شبابك تشابك
شديد الزحام
أراهم وراهم غبار الحياه
مداين تعاين
كأمّ العروس
تهلل تكلل جبين الإمام
رزازاً يبلل أغانى الخليل

أصدق كلامك حقيقه وبخاف
أخاف الطريق اللى ما بودى ليك
وأعاف الصديق اللى ما بهم بيك
معاك انتظارى ولو بالكفاف
وعنك بعيداً أبيت الرحيل
وبيك اعتزاز الصباح الجميل
جميع الأغانى اتكالن عليك
جميع الأغانى اتكالن عليك

[mahagoub]

واسفاااااى

وا أسفاي ..
وحاتكم انتو وا أسفاي
إرادة المولى
رادتني وبقيت غناي
أسوي شنو مع المكتوب
أسوي شنو؟
براهو الواهب العطاي
منو ..
منو البدور يساهر الليل
ويسافر
فوق جناح الشوق
يكوس نجماً بعيد ضواي
منو ..
إذا وصفولو أرض الحور
تلاقي قوافلو طول الليل
تشق التيه
تجر النم
مع الحردلو في الدوباي
وا أسفاي
ببيع الدنيا
كل الدنيا وا أسفاي
عشان خاطر عيون حلوين
وا أسفاي
منابع الطيبة متجاورين
وا أسفاي
ومتسامحين في السمحين
واسافر فوق صُبي العين
معاك سلامة
يادنياي
بتمدد وبتوسد وسادة شوق
وبنوم مرتاح وخالي البال
واقالب تاني عهد صباي
عشان ما تبكي ببكي أنا
واحاكي الطرفة
في نص الخريف بكاي
حمولي تهد جبال الشيل
وفايت في العتامِ الليل
ومتوكل عليك يا الله
دافر الليل
بِريق البسمة إن لاح لي
بتتفتح مشاكل الريد
واحسك جوا ..
زغرد فيها صوت الناي
وا أسفاي
وحاتكم انتو وا أسفاي
أسفاي
إذا ماشفت ناس سمحين
يتاتو ..
زي قدلة جنا الوزين
يتاتو
تلاقي قليبي يرمح جاي
لما يتاتو
زي قدلة جنا الوزين
يتاتو
حليل الكان بهدي الغير
صبر محتار يكوس هداي
من ناس ديلا وا أسفاي
من زي ديلا وا أسفاي
إرادة المولي رادتني
وبقيت غناي

[mahagoub]

بعد ايه
اسماعيل حسن

بعـد ايـه جيـت تصـالحـنى
بعد ما ودرت قلـبى الكنت فيه
جيت تشكى جيـت تحكي
جيـت تحكـي ليه
اعتذارك ما بيفيدك
ودموعك ما بتعيدك
العملتو كان بإيدك
انا مالى ذنب فيه
ليه جيت تبكى ليه جيت تشكى
انا خلدتـك بشعـري فى زمانك
ويامـا غنيـت وكان كلـو عشانك
وكان جزاي منـك صـدودك وهوانك
انا استاهل
انا استاهل وضعتك فى مكان مـا مكانك
روح الٌقـدر بى نفسـو ما بقسـو عليك
جيت تايب يا حليلك والفؤاد ملكوه غيرك
ربى يعدل ليك سبيلك كل
مناى فى الكون عديلك
ونهاية الخير نصيبك
ليه
ضيعوك
ودروك
انت ما بتعرف
صليحك من عدوك
استغلو الطيبة فى قلبك
وبى اسم العواطف خدعوك
حتى من كلمة حنانم وودادم حرموك
الله يا خد ليك حقوقك ويجازي الظلموك

[mahagoub]

ولا الحزن القديم
إنتِ
ولا لون الفرح
إنتِ
ولا الشوق المشيتْ بيهو
وغلبْنى أقيف
وما بِنْتِ
ولا التذكار ولا كُنْتِ
بتطْلَعِى إنتِ من غابات
ومن وديان...
ومنى أنا..
ومِن صحْيَة جروف النيل
مع الموجَهْ الصباحيَّه
ومن شهقَة زهور عطشانَهْ
فوق أحزانهْا
متْكَّيهْ
بتَطْلَعى إنتِ من صوت طِفلَهْ
وسط اللمَّهْ منْسيَّهْ
تَجينى
معاكْ يجينى زمن
أمتِّع نفسى بالدهشَهْ
طبول بتْدُق
وساحات لى فرح نَوّر
وجمّل للحُزن..ممْشى
وتمشي معاي
خُطانا الإلفَهْ والوحشَهْ
وتمشى معاي... وتْرُوحى
وتمشى معاي وسط روحى
ولا البلْقاهو بِعْرِفنى
ولا بعرِف معاكْ ..روحى

[mahagoub]

نور العين

للشاعر اسماعيل حسن

قلبي الحابيك ما خان لياليك
ما ناسيك الماضي ماتقول ناسي
ما بدل حبو ابدا ماتنكر ليك
لكن الأشواك والنار حواليك
يانور العين
يانور العين انت وينك وين

في اللون الأسمر ذوبت شبابي
وعشقت الجنة وفي الجنة عذابي
صابر وبتألم والمر دا شرابي
ياحليل الراحو ياحليل احبابي
يا نور العين
يا نور العين انت وينك وين

الشعر الناعم بي عطرو اسرني
والوجه الناير بي نورو غمرني
عيونو النعسانة برموش تجرحني
خلتني متيم وين راحت مني
يا نور العين
يا نور العين انت وينك وين

انا والأنغام والعود في ايدي
بحكيلو حكايتي ويعيد ترديدي
واشكيلو همسة أو عذب نشيدي
ياما الأوتار تفضحني من ريدي
يا نور العين
يا نور العين انت وينك وين

[mahagoub]

أول غرام
اسماعيل حسن


أول غرام
يا أجمل هدية
يا أنبل مودة
يا نور عينية

حبي ما هديتو
وغيرك ماصطفيتو
واجمل من عيونك في الكون ما رأيتو

لونك أبهى لون
وكفاك العيون
آه للإبتسامة
كالنغم الحنون
نظراتك لهيب
وتثير الشجون

ليه قلبي سليتو
وبالآم رميتو
قول لي يا شرور ايه ذنبي الجنيتو

نسيت ضو القمر
في أجمل ليالي
وشعاع النجوم
يبهر كاللآلي
كيف تنسى النسايم
وانا حبي المثالي

قول ليه نسيتو
مع إنك رويتو
جورك يا ظلوم لله اشتكيتو
انا ما زلت هايم
اذكر طيف جمالك
اواصل الليل نهار
اسبح بخصالك
وماضي الذكرى عاد
يسجد لدلالك

تعال يا من هويتو
وشوف حالي الأذيتو
رفقا بدمعي والحب البنيتو

[ابووضاح]

وكل كلمة من غناي فيها من حبك معاني
إن نئيت برجاك
وان نسيت بطراك
وان قسيت بهواك

الله الله عليك يا عمنا محجوب

[الجندي المجهول]

وطنا

وطنا البإسمك كتبنا ورطنا
أحبك ..
أحبك مكانك صميم الفؤاد
وباسمك اغنى..
تغنى السواقى
خيوط الطواقى
سلام التلاقى
ودموع الفراق
واحبك ملاذ
وناسك عزاز
أحبك حقيقه..
وأحبك مجاز
وأحبك بتضحك
وأحبك عبوس
بعزة جبالك ترك الشموس
وما بين ظلالك
افتش وأكوس
أفتش طفولتى وملامح صباى
بناتك عيونن صفاهن سماى
وهيبة رجالك بتسند قفاى
أحبك بتضحك
واحبك عبوس
صحى بتملا عينى..
وتشّرف غناى

بحضرة جلالك..
يطيب الجلوس
مهذب أمامك يكون الكلام
لأنك محنك
عميق الدروس
مجيد المهابة
مديد القوام
شبابك تشابك
شديد الزحام
أراهم وراهم غبار الحياه
مداين تعاين
كأمّ العروس
تهلل تكلل جبين الإمام
رزازاً يبلل أغانى الخليل

أصدق كلامك حقيقه وبخاف
أخاف الطريق اللى ما بودى ليك
وأعاف الصديق اللى ما بهم بيك
معاك انتظارى ولو بالكفاف
وعنك بعيداً أبيت الرحيل
وبيك اعتزاز الصباح الجميل
جميع الأغانى اتكالن عليك
جميع الأغانى اتكالن عليك

شكراً عمنا محجوب على هذه الطلة الجميلة ( وما مستحيلة)

اللهم ارحم وردي واسكنه فسيح جناتك

تخريمة : بدات سماع وردي في المرحلة المتوسطة بمدرسة فريني بالمزاد وكنا نسمعه يومياً (خاصة/الاناشيد ) الوطنية وكانت الاذاعة تحت ادارة الاستاذ /المربي الجليل والفاضل (عبد الباقي مونا) من هنا له الف تحية وقبلة كبيرة اضعها على رأسه ... من خلال وردي عرفنا الوطن وعرفنا التاريخ وبعانخي والقرشي وعبد الفضيل والاستقلال والمهدي وكل تاريخ السودان ...... شكرا وردي شكرا استاذ عبد الباقي مونا شكرا عمنا محجوب

قبل العرش (اتمنى ان يتم تضمين اغاني وردي الوطنية للمنهج الدراسي) عى ولعل ..........

امنية : كنت اتمنى ان يكون وردي حاضراً ليغني لنا في (الثورة القادمة باذن الله /لكن يد المنون كانت اسرع ونحمد الله على السراء والضراء) ولكن عزاءنا الوحيد في ان ( ايمان لندن ونجاة غرزة ومونيكا ) موجودات فمن الممكن ان يشاركوا اهل السودان في الغناء في (الثورة القادنة ...) وهات يا زمن

[mahagoub]

صدفة
اسماعيل حسن
صدفة وأجمل صدفة انا يوم لاقيتا
أسعد يوم يومي الحييتا
نور عينية ياما حبيتا

النظرات بريئة وممزوجة بخجل
البسمات تضوي زي نور الأمل
وجهك بين مسايرك زي بدر اكتمل
والشامة في خديدك زي طعم القبل
تسكر قلبي وتشعل حبي يشهد ربي انا بهواك

ما قادر اقولك عن حبي الكبير
وصفو علي قاسي وعايش في الضمير
قدر الكون دا كلو حبي واكبر بي كتير
مالكني محيرني شوف قلبي الأسير
اسألي قلبك يمكن يقدر يشرح حبي أنا محتار

صدفة عيوني شافت ليلي الباكي نور
يا أيام ربيعي عمري معاكي أزهر
فيها الطير يغني ومن الحاني يسكر
عمري فراشة حولك وانت شبابك أخضر
ياما بحبك وبعبد حبك علشان حبك روحي فداك

[mahagoub]

عذبني
محمد يوسف موسى

عذبني وزيد عذابك
يمكن قلبي يقسى
وزي مانساني قلبك
يمكن قلبي ينسى
يازين
عذبني وتفنن
في ألوان عذابي
ما تمسح دموعي
ما ترحم شبابي
خليني في شجوني
يمكن قلبي يقسى
وزي مانساني قلبك
يمكن قلبي يقسى
يازين
عذبني وتناسى
الكان بيني بينك
ما تطرا العشرة
والفات من سنيني
خليني في شجوني
يمكن قلبي يقسى
وزي مانساني قلبك
يمكن قلبي يقسى
يازين
عذبني وتنكر
للحب والحنان
للريد والمودة
وكل الكان زمان
خليني في شجوني
يمكن قلبي يقسى
وزي مانساني قلبك
يمكن قلبي يقسى
يازين

[mahagoub]

سليم الذوق
ابراهيم الرشيد
يا سليم الذوق لو تعرف الشوق
ابقى انزل يوم من علاك الفوق
شوف عمايل الحب في الحشا المحروق

انا كالأنسام لم تهدا تروق
وان كالأضواء بعد كل شروق
لو بتذكرنا كنا نحنا ندوق
للسعادة طعم في رضا المعشوق

انحنا حلفناك بالغرام والريد
بي صفا الأحلام في عيون الغيد
وبالقليب الضاق لذة التسهيد
ابقى زاورنا حتى يوم العيد

ياأمل بسام دابو هال جديد
تخلي شوقنا الضال في ثواني يزيد
بعتاب صامت يشبه التغريد
نبقى نار في نارو لي لهيبا نزيد

[mahagoub]

سوات العاصفة
محمد أبو قطاطي

سوات العاصفة بي
ساق الشتيل الني
وفعل السيل وقت يتحدر
يكسح ما يفضل شي
دا كان حبك وقت حسيتو
شفت الدنيا دارت بي

وقت شفتك ..
شعرت الرعشة من صوف راسي
لي كرعي
ومن الساعة ديك ياالسمحة
ولع فيني جمر الغي
كتمت الريدة ما شافوها
ناس الحي
وقلت الجنة عاد انشاالله
ما يقسن دروبها علي

ونجم الليل
منو العداهو غيري
وزاد حسابو شوي
وسافر بي خيالو هناك
صنقر فوق سحاب الري
بنيت في الموج قصور آمال
ومديت للرهاب إيدي
وشديت سرجي فوق الريح
عشان ألقاك
بدور أطوي المسافات طي

صعيب وصفك
لأنك هالة كلك ضي
وفوقك هيبة واجمل خامة
واسمح زي
جمالك في البنات معدوم
شبيهك ما كحل عيني
أقدلي ..
وسكتي الخشامة
وانزلي في العواذل كي

[mahagoub]

ذات الشامة/اسماعيل حسن

وحياة الأحلام القلبي سقاها ا
وحياة أجمل بسمة عرف معناها
وحياة سمر اللون وحاة محياها
وحياتك
وحياتي عندك
وحياة حبي
النهار صدك
وحياة أول نظرة لمحتك بيها
وحياة أجمل صدفة عرفتك فيها
وحياة الآمال العشت حياتي عليها
وحياتك
وحياتي عندك
وحياة حبي
النهار صدك
وحياة الأيام الجايرة وظالمة
وحياة حبي الكاتمو براك العالمة
أملي وكل منايا هناك يا حالمة
وحياتك
وحياتي عندك
وحياة حبي
النهار صدك
وحياة لونك انتي وحاة السمرة
وحاة حبي اليك من أول نظرة
وحياة طهر غرامي انتي القمرة
وحياتك
وحياتي عندك
وحياة حبي
النهار صدك
وحياة صمتك انتي وحاة الشامة
الشامة الفوق خدك نايمة دليل وعلامة
تزيد حسنك بهجة تزيدو وسامة
وحياة أجمل ريد في الكون يا حمامة
وحياتك
وحياتي عندك
وحياة حبي
النهار صدك

[mahagoub]

خاف من الله
اسماعيل حسن

خاف من الله على قلبي
من غرامك خاف
زرعت الشوك على دربو
وياما في هواكم شاف قلبي

سنين وايام
قضيت عمري في لوعة
انادي الليل واقول ياليل
انا المظلوم عساي دمعة
دموعي تسيل وليلي طويل
وعايش في مهب الريح براي شمعة
انادي الليل واقول ياليل
ياما في هواكم شاف قلبي

خسارة قلبي في حبك واخسارة
علمتو يحبك
ولما سار في دربك
رحت وسبت حبيبك ليه
يا خسارة املي واملك وا خسارة
كنا بنبني الجنة
ولما خلاص قربنا
رحت هدمت سعادتك ليه
يا خسارة دمعي ودمعك وا خسارة
ياما سهرنا ليالي
ياحليلك يا غالي
وياما في هواكم شاف قلبي

يا قلبي انسى الفات وعيش من تاني وحداني
ولو حنيت لعهد الشوق اجيب من وين عمر تاني
كفى يا قلبي شفت الويل وليل السهد بكاني
بعد ما تبت من النار حرام تتجدد احزاني
يضمك ليل ويطويك ليل ونار الويل ميهادة
يا مظلوم وما ظالم حليلك والعمر فاني
وياما في هواكم شاف قلبي

[mahagoub]

حسن عبد الوهاب
ماتخجلى

صبرت ..
واستنيت كتير اتمنى
أمني نفسي واقول
بكرة الجنة ..
ومن بعيد ياما
من جوا قلب بدعيلك معاي
نتهنى ..
عطشتي قلبي
وكل يوم تتجملي
أديني كلمة وسامحيني
وطَوّلي
ما تخجلي ..
يالسمحة قولي ..
استعجلي ..

خلاص كبرت وليك 19سنة
عمر الزهور
عمر الغرام
عمر المنى
اتمنى يوم تجمعنا
جنات حبنا
تبقي الأميرة والبطيع قلبي أنا

ماتقولي لي
مالي ومال الحب أنا
نار الهوى الوقادة
والشوق والضنا
وحلاوة الأحلام
وآمال الهنا
إيه يجمعن غير ال 19 سنة

[mahagoub]

حبيناك من قلوبنا
اسماعيل حسن

حبيناك من قلوبنا واخترناك يا حلو
ماتبادلونا العواطف ليه تدللو

حبينا فيك العفة والدم الشربات
والله العيون خلتنا في حيرة وآهات
وفي ابتسامتك شفنا جنات وجنات
شوف العلينا واحكم كن داير اثبات

كان الدلال من طبعك وعاجبنا فيك غرور
ان جرت برضك عادل ظلم الجميل مغفور
نهواك نفيك في ريدك شايفين ألمنا سرور
نار الغرام تهاجر لقلوبنا توقد نور

أصلو الجحيم في غرامك نرضا عشان يرضيك
حتى المحال ان درت بنطوعو ونهديك
ارواحنا حولك هايمة حارساك دوام تحميك
بيك نورت أيامن والفرحة تمت بيك