يا فيها يا نطفيها

[بوتشى]

معليش الايام الفاتت الواحد انشغل بالرحول من الدمام الى الرياض وترتيبات اخرى وده ما بعدنا عنكم لكن مره مره بنديها طله .........عنوان البوست ده مناسبتو في ناس في العمل لمن يكون جديد بيحاول يعمل تفتيحه وفي واحدين يكرهوك لعب البلي من العكلته ......في زميل مصري اتعينا انا وهو في وكت واحد الزول ده خاتيني في راسو بالرغم نجاحات الواحد في الشغل لكن ياكلوك حنك ........ الزول ده ختاهو معي حسكنيت لمن روحي حرقتني بقاء لي في العزيزه ذي ما بيقول قلت اجرب الكلام السوداني قلت لواحد سوداني معي ارش ليكم الزول ده طوالي نطه الريحه بترشني بيها يا باشا اسمها اي قلت يطولك ياروح مشيت منو بعيد الزول زي ابو اللصيق اتفنت في الوطه الزول ذي ابواللصيق......الزول ده يتفكو منو كيف في النهايه قلت يا فيها يا نطفيها والحجازين كتروا اها الحل شنو مرقت من الشغل قلت كدي نفك الدبرسه ونخد معكم خشم خشمين وتشوفو لي حل

[الامين عبدالقادر]

الله يعينك والحمد لله مافقهو مرارتك اختاهم يازول وبالصبر دائما عالج جراحك واجعلة سلاحك الفتاك لامثالهم وكان الله فى عونك ونسال الله لكم التوفيق والسداد

[صابرحسين]

الله يعينك والحمد لله مافقهو مرارتك اختاهم يازول وبالصبر دائما عالج جراحك واجعلة سلاحك الفتاك لامثالهم وكان الله فى عونك ونسال الله لكم التوفيق والسداد

اخونا الأمين سطر نصيحة غالية له التحية ، ثمن الغربة غالي جداً وصدقني هذا الرجل ينتظر منك هذا الغضب وإذا لمسته بأصبعك سوف يمثل ميت ويكون الثمن غالي جداً ، فلذلك أوصيك كما أوصالك أخونا الأمين ، وأن تحافظ على ورقك من أعين الذين معك في الطاولة ، وستجد إحترامهم وخوفهم منك حين تجرهم خمسين هههههههههه يعني يا بوتشي لا أمان من أحد من جميع الجنسيات والكل يحاول أن يعرض بسيف غيره ........
أتمنى لك التوفيق والنجاح