النتائج 1 إلى 4 من 4

الموضوع: كروان السودان (‍‍1)

     
  1. #1
    نار منقد
    Guest

    كروان السودان (‍‍1)

    بسم الله الرحمن الرحيم.....

    السلام عليكم ورحمة الله تعالى وبركاته.....

    فى هذه الغربة الممتدة ،، رتيبة الخطوات مترهلة الحروف ،، يبقى مصطفى سيد أحمد ملاذنا الوحيد ،، بعد أن إمتلأت الدروب بالمخاطر ،، يبقى وحيداً معلناً هزيمة ذلك الغياب الذى طال ،، يدمن ترتيب المهمل فى دواخلنا ،، قدرك ـ قدرنا ـ أن أنسنا صوتاً أشبه بالحقيقة ـ فصارت كل الأصوات غيركـ نشازاً يغرد خارج السرب

    مصطفى سيد أحمد أكسجين العافية ،، فى زمن التلوث وثقب الأوزون ،

    والأغنيات الصدئة

    كان المساء بارداً ،، متشحاً بطعم الموت ،،لا كمساءات بطعم الإشتهاء ،، ذلك كان مساء السابع عشر من يناير

    كانوا هناك يفترشون باحات مطار الخرطوم ،،يشاركون هذه الأرض ـ التغطت بالتعب ـ صادق تماماً من قال أن الحزن لا يتخير الدمع ثياباً كى يسمى فى القواميس بكاء

    صباح الثامن عشر من يناير ما كان صباحاً بلون البنفسج ،،النوارس ما عادت بالبشارات ،،كان الموقف أكبر من الحزن ومن الفاجعة......

    أعلن إنحيازى لك ،، يا رجل بقامة وطن ،، ووطن فى حنايا إنسان ـ موسم بى شقا الدنيا ـ كان إرتباطنا بك إرتباط نبات طيب برحم الأرض المعطاءة ،، أحس فى تقاسيم وترك المشدود على عصب الملايين من محبيك ،، برائحة التراب وعرق الترابلة ،، ولون الأمسيات الحميمة ،،وجدلية العلاقة ـ تلك الأذلية ـ بين شجرة الباباى ،، ونخلة تتكىء على نيل الشمال.
    إهـــــــــــــــــــداء..................
    بإسم جيل كل ذنبه أن ولد فى زمان الساسة - الديناصورات - المتاجرون بكل شىء: إبتداءاً بأحلامنا ،،، وليس إنتهاءاً بالخبز وأمصال الملاريا.

    إهداء إلى كل الرائعين بمنتدى ود مدني...سلسة حلقات كروان السودان ...راجيا" من المولى عز وجل أن تنال اعجابكم.....


    علمى عيونى السفر

    ما البسافر فى عيونك

    سكتو بتبقى السلامة

    ينسى أحزانو .

    ويعرف الدنيا جنبك إبتسامة

    ظللى الناس بى حنانك

    أبقى ليهم ضل غمامة

    *********

    الشقا اللاّزمنى .. مدة

    يوم بفوت .. والفرحة تبدا

    ما بقول .. فارقنى عدّى

    عشان بخاف ترحل عيونك

    وتنهزم فينى الأمانى

    وبى شقاهو .. وبى أساهو

    تانى يتوشـّح زمانى

    أصلو غير عينيك .. وحاتك

    مافى للأفراح .. معانى

    ********

    جينا ليك شوق فى عيونـّا

    وفى عيونك شوق يناغِم

    الشجون باكر بترحل

    والزمن يصفا .. ويسالم

    والحلم يصبح حقيقة

    وتنسجم فى الحب ظروفو

    والحنين تزهر غصونو

    والعشم .. دانيات قطوفو

    شوفى كيف يوم بكرة .. عامِر

    هاتى إيدك .. شان نطوفو




    مصطفى سيد أحمد ... سنغني مثلما كنت تنادي .....


    مع محبتي....محمد حمدتو

    التعديل الأخير تم بواسطة نار منقد ; 18-02-2004 الساعة 04:16 PM
  2.  
  3. #2
    فخر المنتديات
    Array الصورة الرمزية 114
    تاريخ التسجيل
    Oct 2003
    الدولة
    ود مدني - 114 ثم عووضه
    المشاركات
    2,588

    هلا هلا عليك يا نار منقد
    في انتظار المزيد منك
    تحياتي لشباب بونا كلهم

    روحي ليه مشتهية ود مدني؟
    عمر حسن غلام الله
  4.  
  5. #3
    عضو جديد
    Array
    تاريخ التسجيل
    Feb 2004
    المشاركات
    42

    نار منقد والله مولع صاح جهنم بس
    وحقيقة كلمات والحان مصطفى سيد احمد باقية نجتر منها القوه لنقاتل فى زمن الغربة والترحال
    لك التحية اخى وانت تمدنا بهذه الروائع يارائع انت :

    متيم مدنى
  6.  
  7. #4
    عضو مجتهد
    Array الصورة الرمزية mohab
    تاريخ التسجيل
    Dec 2003
    المشاركات
    147

    مرحبا"

    الله الله
    كلام جميلئه ورائع يا نار منقد بجد مووليع عديا لكيد هكذ يزكره المبدعوان
    وكل الود والاحترام وخالص التحاي وانت الان من والينا يا نار منقد :
    [IMG]C:\My Documents\int_300x250.gif[/IMG]

    التعديل الأخير تم بواسطة mohab ; 29-02-2004 الساعة 03:39 AM
    لو يعرف في مدينتي الحنين
    لامتلات شوارعها بالياسمين
    وغدى الحب فيها فواحا
    كالعطر فى بال البساتين
    يا مدينتي يا عروسة المداين
    يامدني

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
by boussaid