ألحق يا [you] أختك مصابة بالزهايمر

[الملكة اسماء ( ام محمد )]

يا اخواني
يا اهلي
يا اصحابي




الحقوني ... انا ابتديت اتعقد رسسسسسسسسسمي وشعبي




والله والله ابتديت اخجل من نفسي




الحاصل لي شنو ؟ الله اعلم


السبب شنو ؟ الله اعلم






المشكلة / باختصار


منذ عودتي بعد انهاء دراستي الجامعية يعني لي حاليا كدا خمسة سنوات


تلاقيني ليكم وحدة تاخدني بالاحضان وتقول لي / اسوووووووووووومه ... والله مشتاقين ؟ اخبارك يا زولة وعملتي شنو في حياتك وقريتي شنو واختفيتي مالك ؟؟؟؟ و ؟؟؟؟ و ؟؟؟؟؟؟؟؟؟؟؟؟؟




والاجابة / ذهول .. دهشة ... حيرة .... طشااااااااااااااش
الشبه ماغريب علي
البت دي انا شفتها ... بس وين وين وين وين ....؟؟؟؟؟؟؟؟؟؟ الله اعلم




وبعد لحظات من حالة الازمهلال بلاقيها بتقول لي / طبعا ما اتذكرتيني ... يا بت انا فلانة .. قرينا في فصل واحد سنة كدا او كدا






عارفين وين المصيبة ؟ المصيبة انها بتكون عارفاني جدا ومانسية اسمي .. وقرت معاي والكارثة كانت صاحبتي ...




انا ليييييييييييييه ما بتذكر الناس دي ؟




في البداية قلت يمكن لانو الزولة دي علاقتي بيها ما كانت لهناك .. يعني ها سلام حباب و صباح الخير ومع السلامة ...


طمنت نفسي طبعا


وفجاءة بتبتدي تحكي لي عن زميلتنا فلانة وصاحبتنا علانة وانا يا ذاكرة الشووووووووم ما فاكرة ولا شي من الهي بتقول فيهو


والادهئ والامر / والا استاذتنا فلانة ديك كان شفتيها هسي بقت او اترقت او ماعارف المهم ....


الــــله ...............لا يا انا جاني زهايمر رسسسسسسسسمي ... عشان لو فرضنا اني فقدت ذاكرة الاسماء واحتفظت ببعض من الشكل ... او قولوا ما كنت قريبة للبنات ديل كتير ...
مدرسااااااااااااااااتي ... معلمااااااااااااتي ... مديرة مدرستي .... نسيتهم كيييييييييييييف ؟؟؟ ومعقووووووووووولة لكن ؟






الحل يا ناس .... ارجوكم واتوسل لمن يعلم بعلاج حالتي فيكم ...




انقذووووووووووووني يااااااااااخ ... انا والله يا [you] ما عجوزة ويادوب واقفة في اعتاب الثلاثين ...


انا خايفة افقد الذاكرة فجاءة وانا فاكرة القصة عادية

[آلاء عبد الرحمن]

انا عندي مشكلة الاسامي اتزكر الشكل والاسم يروووح
اما الاشكال دي فبقيت مابركز لانو ف الشغل بتلاقي كمية فمعظم الناس بدوك احساس انك بتعرفيهم

[ابو علا]

الملكة سلام من الله عليك
يقولون اكل وشرب الفراولة ينشط الذاكرة
ومنهم من يقول الذبيب واللوز اوالقرفة الساخنة المحلية بعسل النحل
وهناك فيتامينات لهذه الحالات التي اصبحت منتشرة بكثرة
لذا ارى مراجعة الطبيب ليكتب لك فيتامينات وان شاء الله تكون شافية.
واكثري من ذكر الله سبحان الله وبحمده سبحان الله العظيم
خفيفتان على اللسان ثقيلتان في الميزان
واملي عدم اهمالها ............ ربنا يديك الصحة والعافية يارب .

[مدنيّة]

تعرفي ياملكة
كلنا ذلك (الرجل)
انا مهما عملتي ما ح تلحقيني
ياخ انا الاولي اددددددددددددديل كدا في الزهايمر دا

--------
كل سنة وانتي بالف خير يارب
ويخلي ليك ولدك يارب

[الملكة اسماء ( ام محمد )]

انا عندي مشكلة الاسامي اتزكر الشكل والاسم يروووح
اما الاشكال دي فبقيت مابركز لانو ف الشغل بتلاقي كمية فمعظم الناس بدوك احساس انك بتعرفيهم

الاء ياراقية
فعلا مشكلة الاسامي دي واردة في مجال عمل دون اخر لكن المصيبة لما يكونوا زميلاتك في الدفعة يعني قعدتي معاهم عاااااااااااام كامل ولاحظي انا دفعتي كان عددها ما بفوت ال40 ابدا

[الملكة اسماء ( ام محمد )]

الملكة سلام من الله عليك
يقولون اكل وشرب الفراولة ينشط الذاكرة
ومنهم من يقول الذبيب واللوز اوالقرفة الساخنة المحلية بعسل النحل
وهناك فيتامينات لهذه الحالات التي اصبحت منتشرة بكثرة
لذا ارى مراجعة الطبيب ليكتب لك فيتامينات وان شاء الله تكون شافية.
واكثري من ذكر الله سبحان الله وبحمده سبحان الله العظيم
خفيفتان على اللسان ثقيلتان في الميزان
واملي عدم اهمالها ............ ربنا يديك الصحة والعافية يارب .

بصدق اثلجت صدري اخي ابوعلا
وربنا ييسر امورك وين ما تكون وباذن الرحمن لن امل شي مما كتبت ياراقي
تحياتي

[الملكة اسماء ( ام محمد )]

تعرفي ياملكة
كلنا ذلك (الرجل)
انا مهما عملتي ما ح تلحقيني
ياخ انا الاولي اددددددددددددديل كدا في الزهايمر دا

--------
كل سنة وانتي بالف خير يارب
ويخلي ليك ولدك يارب

ههههههههههههه
بس يا مدون اكيد ما ناسية اسماء معلماتك وصاحبات الدراسة

انتي عارفة امس بناقش وحدة صاحبتي صيدلانية في الموضوع ده فقامت ادتني خبر غير سار ابدا
قالت لي يا زولة مش ولدتي ؟ يبقى لازم من 8 الى 12% من ذاكرتك يكون ( بح )

الصراحة لحد اللحظة دي انا ما مصدقة بس حاسة انو كلامها ممكن يكون صح

[محمد حسين (المميز)]

الحمدلله .. مااااااااابراي

[مدنيّة]

ههههههههههههه
بس يا مدون اكيد ما ناسية اسماء معلماتك وصاحبات الدراسة

ياخ انا قريت وين نسيتها خلي معلماتي وصاحباتي
ياملكة ياخ خليها مستورة ):

[مدنيّة]

قالت لي يا زولة مش ولدتي ؟ يبقى لازم من 8 الى 12% من ذاكرتك يكون ( بح )

خلا هسي يادابي عرفت السبب ):