خلاص ياقلبي انساهو
في زول غرر يسيب دنياك
تسوي شنو.. هو الاختار
هو الاختار .. يفوت قلبآ هواه سنين
وشال من فرحتو واداو بلا مقياس
واتحمل غرورو كتير
وقائل بس انو سمح..
منو القال ليك انـــت سمح
سمح قلبـــي الغلط حباك
سمح قلبي الهواك سنين
بقولو الناس سماحة اخلاق وطولة بال
(2)
وكلو خلاص معاك كمل..
وتقول لي انك سمح..
سماحـــتك وين؟
حياتك كلها بس دوران
ولا صادق مع نفسك ولا صادق مع الحباك
واشيل واصبر واقول معليش
يمكن بكره تتغير..
وبكره تجي والقاك انت في حالك
واخرت دا .. تجيني تقول نكون اصحاب
جد والله اصحابي
ناس طيبين .. ناس سمحين
سماحة عديل.. سماحة اخلاق
وماك منهم ولا في شبه.. ولا بتكون
امشي احسن .. اصلو خلاص
قلبي فتر يلملم في الكرور ويريد
ويصبر نفسو بالامال
(3)
يقول بكرة تكون وتكون
وبكره تجي ولا بتكون ولا بتكون
واخرت دا نكون اصحاب
لا والله زوق عالي واحساس فل
شكرا ليك ماقصرتا..
اشيل من هم وازيد في الهم
عرضك مابيلزمني.. خلاص امشي
بلا اعزار مصرح ليك
كفاية هموم على الفاضي
لا بتحس ولا ظنيتك تحس في يوم
(4)
وتقول لي انك انت سمح
سمح قلبي السكنتك فيو..
وشــــــــال همك..
وعشان تعرفسماحتوا بجد
بعد تتغير انت خلاص
وتتعلم تكون صادق
وعاودك الحنين ليه
ارجع ليو ..
ح تلقاهو ذي ماكان
ملان طيبة وحنية
وزائد في الســــماحة كمان..
رد مع اقتباس
المفضلات