البنج فكَّ.

[بنت الرفاعي]

البنج أو التخدير،
لما يفك من المريض غالباً بيكون مشكلة،
وبالذات إذا مع المريض مرافق!!
ولذلك توجد الكثير من المستشفيات
ما بتخرّج المريض للغرفة إلا بعد ما يفيق من البنج تماماً
(غرفة الإفاقة)،
وفي قصص ومواقف كثيرة تُحكى عن من
كان حظهم ما جميل و(هضربوا)
بعد البنج قدام الناس،
عن نفسي أول وآخر (هضربة) بنج حضرتها
(طبعاً كانت أقوى وأخطر هضربة سمعتـها وبها على الإطلاق!!)
نخليها للأخير إذا شاء الله.

[عنكوليب]

بت الرُفاعي يا ختي ،،
حسه ال بنجو فكَ منو ؟؟؟ هههههههههها ،،


أنا غايتو عن نفسي ، أكتر زول هضراب بعد البنج ،،
عشان كدة بقول للدكتور قبل العملية :

شفت أمي ذاتها ما تقعد جنبي بعد العملية ،،
خلوني برااااااااي ،،،،

عاد نبقى في المستور وبان ،،

تسلمي ،،

[بنت الرفاعي]

قبل ما نكمل يا ليت إذا تفيدوني في العنوان
كلمة (فكَّ) ما عرفت بالضبط طريقة كتابتها صحيحة أم لا؟!!

[بنت الرفاعي]

بت الرُفاعي يا ختي ،،
حسه ال بنجو فكَ منو ؟؟؟ هههههههههها ،،


أنا غايتو عن نفسي ، أكتر زول هضراب بعد البنج ،،
عشان كدة بقول للدكتور قبل العملية :

شفت أمي ذاتها ما تقعد جنبي بعد العملية ،،
خلوني برااااااااي ،،،،

عاد نبقى في المستور وبان ،،

تسلمي ،،

هههه

خلاص المرة الجاية ناديني معاك
(وإن شاء الله ما تشوفي شر ويكون في مرة جاية)،
أول بنج كامل أخذته كان لعملية إزالة اللوز
والحمد لله الواحد ما بيقدر يهضرب بعدها.

و
الله يسلمك من كل شر.

لكِ مع كل التقدير والود
أزهى باقات الورد.

[محمدالحسن الطيب]

بنج الاشراف العام

[mahagoub]

ناس البنج ديل هينين
عندهم غرفة افاقه
الكلام على البهضرب وهو نايم
يحكى ليك الحصل كله
وخاصه لو كان فيها شكله
يرافس الليل كله
وكان مكضبانى اسالى ودالمطامير

[ايمن عبد الله]

قبل ما نكمل يا ليت إذا تفيدوني في العنوان
كلمة (فكَّ) ما عرفت بالضبط طريقة كتابتها صحيحة أم لا؟!!

معقولة يا مرام ؟
انتي كمان دايرة زول يراجعك في اللغة العربية ..
ياخ انتي الوحيدة البتكتبي بالتشكيل ولغتك سليمة جداً قياساً بناس تانين ..
أعتقد ان فكّ كده صحيحة جداً ..
لانك لو حاولتي تكتبيها( فكة) بتغير المعنى لي هللات وسنتات وتعاريف ..

[أبو صديق]

دي سلامة الجات علي البنج بس وما فيها كهرباء ولا دكتور بحشر
بالنسبة لِفكّ فهي سليمة لغوياً ولكن ينقصها الحِس الموسيقي
فأنا أعتقد لو أُستُعمِلت مع البيرق لكفّت ووفّت ..
وده مجرد رأي
موش كده يا كتّاحة
وفي إنتظار الشمار

[مدنيّة]

مرام ياعثل
انا مرة اخدت بنج لكن الحمد لله مافي اي هضربة
لكن بعيد عنك راسي كان شغال زي ابطال الديجتال بتاع اسبيستون داك

[ود المطامير]

ناس البنج ديل هينين
عندهم غرفة افاقه
الكلام على البهضرب وهو نايم
يحكى ليك الحصل كله
وخاصه لو كان فيها شكله
يرافس الليل كله
وكان مكضبانى اسالى ودالمطامير

يا ريس

أنا عندى شجن 13 سنه

قبل يومين كانت عامله شكله ليها ضل وهى نايمه

وحاتك شكلتها ما إنتهت إلا لمن وقعت من سريرها أوووررردلوووب

[ود المطامير]

عليك الله يا دكتوره

جلى الجماعه ديل وأحكى لينا

[ود المطامير]

بنج الاشراف العام

هع هع هع

عليك الله هيثم عبدالعال بقعد معاهو بنج

[مدنيّة]

ياعروة
كدي البمج خليه
الصورة الرمزية بتاعت العضو علي الشرفة
دي صورتك انت ولا الكبر حصل علي ياعروة

-----
معليش يادكتورة لكن وحاة الله الكيور صععععععععب

[ZANOON]

اسمعي كلام عم محجوب يادكتوره....
كعب الهضربه ال بالليل....
..................................

[ايمن عبد الله]

ياعروة
كدي البمج خليه
الصورة الرمزية بتاعت العضو علي الشرفة
دي صورتك انت ولا الكبر حصل علي ياعروة

-----
معليش يادكتورة لكن وحاة الله الكيور صععععععععب

والله يا مدنية غايتو علي الشرفة ده حيرنا ليك ..
اول شئ اللسان ياهو اللسان ..
نفس الردود حقت عروة ..
انا امس قلت ليهم انتو ناس الشرفة ديل كلهم كده ..
سرعة بديهة وظرافة ما طبيعية ..

كان عاينا للصورة ..
الجضوم ياها الجضوم
الدقن والشنب ياهو عروة ذاتو ..

لكن بس قدرة الفول دي ما عرفتها ..
انا الشئ العارفو عروة ده بتاع سياحة البودي يفتح كشك شنو ..
وحكمت الله يا مدنية علي ده بعرف الناس كلهم بألقابهم العارفنها الاعضاء بس ..

انا خايف يكون ده ود المطامير متنكر ..

[مدنيّة]

لكن بس قدرة الفول دي ما عرفتها ..

انت ياايمن قايل انا الوقفني في الشبهة حق الصورة شنو!!
ماياها قدرة الفول دي ياخ

[ايمن عبد الله]

انت ياايمن قايل انا الوقفني في الشبهة حق الصورة شنو!!
ماياها قدرة الفول دي ياخ

هههههههههههههه
بالغتي يا مدنية ..
الراجل ده سياحي ياخ ..
قدرة الفول دي ما شبهو تب ..

[بنت الرفاعي]

عندنا قريبتنا حظها في العمليات والبنج كان أكثر
من مرتين،
وعلى حظها عندها دائماً مرافقين خطرين!!:d،
(ما زالت الكثير من المستشفيات والمستوصفات
تُخرج المرضى بعد العملية
وقبل أن يزول تأثير البنج (التخدير)
تماماً لأهلهم في الغرف، من ما يُسبب للكثيرين الحرج،
والبعض الآخر المشاكل لسماع الآخرين
ما قد لا يرغبون منهم أن يسمعوه أو يتحدثون عنه
أمام الآخرين!!)
في واحدة فيهم هضربت بزوجها ربنا يحفظهما،
كانت تلك الهضربة حديث الناس في ذلك الوقت!!
(طبعاً هضربتها كانت (رقيقة بشأن زوجها وفي جزء أولادها))
المرة اللي بعدها عملت احتياطاتها،
أو ربما كانت خايفة من الموت،
كانت بتذكر في الله والشهادة إلى أن زال تأثير البنج
تماماً،
يعني قبل العملية حاولت قدر الإمكان ما يكون
في بالها أي شيء غير ذكر الله.

[بنت الرفاعي]

*التخدير أو البنج:

هو ليس فقط وسيلة لتخفيف الأوجاع أو عدم القدرة على الحراك تحت العملية، إنما هي لتعطيل القدرة على السيطرة على ردود فعل الجسم الطبيعية عند وجود الآلام.
وبما أن للعقل القدرة على التفريق بين مبضع الجراح، أو الآلام من جراء كسور في الساق على سبيل المثال، فالعقل قادر على استيعاب المشكل، والتخفيف من حدته من جراء البدء بالعمل على استعادة بناء مكان الجرح عن طريق الدم على سبيل المثال.

عند تلقي الجسم أية ضربة أو جرح، فهو يتعامل معه بردة فعل على الشكل التالي:

1) تزداد سرعة نبض القلب كردة فعل مباشرة.
2) تتغير سرعة التنفس، فتصبح سطحية وسريعة.
3) تنتفخ الأنسجة من جراء وجود كميات كثيرة من السوائل.
4) يقوم الجسم بإرسال كريات الدم البيضاء لإعادة إصلاح الأنسجة المتضررة.
5) إذا كان هناك مثلاً جرح في العين، فالعين تعطي أمراً بإرسال الدمع حيث يتم تنظيف العين وتنقيتها.

الفرق بين البنج الموضعي والبنج العام:
باستعمال البنج الموضعي المريض لا يشعر بأية آلام في المنطقة الخاضعة للبنج، بينما في البنج العام حيث يقوم الدماغ هنا بمنع أية ردود فعلية للجسم يرتاح المريض وتتم إجراء العملية الجراحية اللازمة.

فإذاً كيف يعمل البنج؟
لسوء الحظ لم يتمكن أحد من معرفة كيفية عمل البنج في الجسم بشكل مطلق، لكن جميع العلماء والأطباء يؤكدون أن البنج يعمل بطريقة فريدة ومفيدة بشكل ما، وتعتمد أدوية البنج بشكل عام على:

1) الطبقة الدهنية في جسم الانسان.
2) فقدان الذاكرة المؤقت.
3) قوة وكمية الدواء المستعمل.

كيفية عمل البنج؟
يعمل البنج من خلال 5 طرق:

1) كقاتل للأوجاع.
2) فقدان الذاكرة المؤقت.
3) حالة الغيبوبة الكلية.
4) عدم القدرة على الحراك.
5) تخفيف ردود فعل الجسم.

الخيارات لأنواع البنج:

بما أنه توجد عدة خيارات للبنج، فإنما يعود الفضل في إتخاذ القرار طبعاً لطبيب البنج، وذلك بإعتماده على وضع المريض الصحي أولاً وأخيراً:

البنج الموضعي وهو أنواع:
1) للأسنان:
بواسطة الحقن ( لتقطيب اللثة عند طبيب الأسنان).

2) للعيون:
سطحي أو على شكل مرهم.

3) غالباً يستعمل البنج الموضعي في العمليات التجميلية،
و مثال على ذلك تقطيب الإبهام أو الإصبع.

بنج لمنطقة معينة للجسم (منطقي):
هذا البنج يعطي لمنطقة معينة لجسم الانسان وليست هناك أي ضرورة لإعطاء المريض تخدير عام، حيث أن المريض يبقى خلال العملية مستيقظاً، يمكننا إعطاء هذا مثال:
البنج النصفي حيث تتم من خلال هذا النوع من البنج إجراء عملية قيصرية، أو ولادة طبيعية.

التنويم:
ينقسم هذا البنج إلى عدة أنواع:

1) الغازي.
2) بالفم.
3) بالوريد.
التخدير بالوريد: حيث توضع إبرة في اليد ويتم من خلالها حقن المخدر للمريض.

التخدير بالغاز: هناك نوعان من هذا الغاز:
1) الغاز الضاحك.
2) غاز الهالوثين.
يتم استعمال غاز الهالوثين عادة عند الأطفال في إجراء عمليات جراحية لهم.

التخدير السائل:
وهو كذلك يستعمل عادة عند الأطفال عن طريق البلع عبر الفم، أو عن طريق المخرج، وعادة يستعمل كثيراً في حقل الصور المغناطيسية.

التخدير العام:
وهي الطريقة السريعة التي يعطى فيها الدواء عن طريق الوريد، حيث يتم من خلالها وضع المريض على جهاز التنفس الإصطناعي في غرفة العمليات، حيث تتم إجراء العملية الجراحية الملائمة له.

أما بالنسبة للتخدير عند النساء وخاصة الحوامل فكذلك الأمر يخضعن عادة لعملية إختيار البنج المناسب لوضعهن خلال الحمل، وفوق كل اعتبار تتم طريقة إعطاء البنج للحامل للحفاظ على الجينن وولادته بشكل طبيعي.

كما أن البنج ينقسم إلى عدة أقسام عند الحوامل شأنه شأن أي نوع من أنواع التخدير الاخرى فعادة ينقسم إلى ثلاثة أقسام:

1) البنج العام.

2) البنج النصفي، وهو ينقسم إلى قسمين:
أ‌) النوع الأول حيث يوضع المخدر في الظهر أي في السائل الموجود في النخاع الشوكي، وبذلك المريضة لا يمكنها التحرك بتاتاً وهذا النوع عاده يستعمل للعمليات القيصرية.

ب‌) النوع الثاني وهو من أكثر الأنواع التي يستعمل في قسم الولادات، حيث أن البنج يعطى على مسافة سطحية أكثر، وهنا الوالدة يبقى لديها الشعور بالحركة وعمليات الطلق في وقت الولاده ولكن الشعور بالوجع يختفي، ولذلك هذا النوع من البنج يعطي في قسم الولادة أثناء فتح الرحم إلى 4 سنتم، ولكن إذا أعطي البنج قبل الرحم، فإن عملية الولادة الطبيعية سوف تتوقف.

ت‌) يمكن استعامل البنج الموضعي عند الحوامل اذا كان يوجد هناك ضرورة لإجراء عملية جراحية للأعضاء النسائية الخارجية.

* منقول مع القليل من التصرف.

[روبش]

اقول :: في نوعية التخدير ما بنفع معاها .. وفي نوعية التخدير ما بمشي فيها
اقول تاني ::: اكتر من تخدير هيثم عبدالعال عمل لينا هضربه بهناك

[بنت الرفاعي]

بنج الاشراف العام

مالو لو سمحت؟!

لكَ التحية والتقدير أخي محمد.

[بنت الرفاعي]

ناس البنج ديل هينين
عندهم غرفة افاقه
الكلام على البهضرب وهو نايم
يحكى ليك الحصل كله
وخاصه لو كان فيها شكله
يرافس الليل كله
وكان مكضبانى اسالى ودالمطامير

المشكلة كما ذكرت سابقاً أنه حالياً
ما كل المستشفيات توجد بها ما يُسمى
بغرفة الإفاقة،
فبتلقى الكثير من القصص والحكاوي
وفيها اللي بتكون كما يُقال(فضايح!!)،
وممكن تكون الغرف مشتركة،
فيسمع أهل المرضى الآخرين
هضربة (هذيان) المريض الـ(مخدّر)
بالكثير، وبالتأكيد حيسبب له إحراج بعد أن
يزول التأثير كاملاً.

صديقتي أيام المدرسة عندها أخوانها
من النوع اللي بيهضرب بالليل،
فكانت بتقول أنهم بيتكلموا عن كل مصيبة
ومشكلة عملوها خلال اليوم،
وعادي هي تسألهم وهم نائمين وهم يجاوبوا!!
هههه
يعني ما عندهم سر ولا يأمنوهم على سر!!
وطبعاً قبل اليوم حضرت لي شكلات
زي ما قلت نص الليل!!!
(طبعاً هي هضربة أثناء النوم)
يعني مصدقاك.

لكَ الشكر عمنا محجوب مع التقدير والإحترام.

[ريمون]

مشكورة يا دكتوره علي المعلومات ..

[خالد علونى]

مشكورة يا دكتورة علي المعلومات المفيدة
لكين عندي سؤال:
الفرق ليه الأطفال في الغالب بدوهم غاز الهالوسين؟
سؤال تاني:
غاز الهالوسين دا عندو علاقة بي الهلوسة ولا إسم علي إسم ساي

[ود المطامير]

ياعروة
كدي البمج خليه
الصورة الرمزية بتاعت العضو علي الشرفة
دي صورتك انت ولا الكبر حصل علي ياعروة

-----
معليش يادكتورة لكن وحاة الله الكيور صععععععععب

عمتنا

معلوم نهى زندقى

هع هع هع