ذي الريــله
بنيه كحيله
ساكنه عديله
مافي مثيله
خدوده جميله
وخصرها نحيله
في الرمله تتقدل
ذي الريله
عيونة نضيره
وشعرها ضفيره
وفي المشية عديله
نجمة وسط بنات المدرسه
وكتين يجن بي ميزنا
ماشات للمدرسه
روحي بتبقي مشحتفه
وببقي في حالة تنشنه
صاحبي قال لي
بشوفك بقيت في حالة بهدله
قلت ليه انت ماشايف
القمر خلي النجوم متنشنه
كلمتة الوالده
بي القصه من اوله
قالت لي سريع فتش دربه
اقعد معاها وحدثه
بدورِك فارسة احلامي مدججه
وبالهنا والسرور اسعده
وان شاء الله
في طريقك ماتحصل معضله
وبعد ما تحدثه
كلم ابوها وقول ليه بتك بدور اخطبه
وبتمني ربي يساعدني عشان اعرسه
اجلب ليها كل الخير وارضي نفسه
وياربي يرضي ويمرقه من المدرسه
واعرسه وارحل بيها افوت للوالده
وافرحه واقول ليها يومه
شوفي ولدك جاب ليك بنيه سمحه
زي الذهور وسط الخمائل مفرهده
الله يحفظه من العيون ما تسحره
9/12/2012
رد مع اقتباس
المشاركة الأصلية كتبت بواسطة ياسر عمر الامين
المفضلات