ودمدني كانت أيام جميلة

الداية فاطمة بت داود والداية عائشة بت داود

وزقاق الفيوماب في القسم الاول

===========================

في القسم الاول وتحديدا في زقاق الفيوماب منزل الداية الشهيرة فاطمة بت داود.
اسمها باكامل هو فاطمة داود الامين تزوجت من العم عابدين احمد علي والعم عابدين احمد علي من سنار زوجته الاولي من هنالك وزوجته الثانية فاطمة بت داود وانجبت منه فقط :-
الاستاذ طه عابدين الاستاذ والمربي الفاضل ورجل التعليم المشهور ولاعب نادي اهلي مدني الشهير والاداري المحنك في النادي تزوج العم طه من الحاجة هلالة محمد الامين شقيقة سليمان محمد الامين والمشهور بي سليمان موية و سليمان موية هو والد لاعبي الكورة المشهورين في نادي الشعلة واهلي مدني جمال وحموري وضياء وعلاء الدين.
وابناء عمنا طه عابدين هم :-
حاتم وعادل ومحمد وطارق وسامر وبناته امال واماني وامل وسارة وثويبة .
وعمنا طه هو الابن الوحيد للعم عابدين من الداية فاطمة بت داود.
فاطمة بت داود زوجها الثاني هو محمد احمد ابراهيم الضو وهو عم الكوتش والترزي صديق عثمان ووالد عمنا محمد زين وهو والد زوجة الاخ عبدالمنعم فكمي وعمنا محمد زين كان متواجدا دائما في كشك الجرائد والذي يملكه زوج ابنته عبدالمنعم فكمي ومحمد احمد ابراهيم الضو هو والد والدة الاخ عبدالمنعم فكمي واخوانه ووالد عبده الجزار و ابراهيم المصري.
انجب محمد احمد ابراهيم الضو من الداية فاطمة بت داود كل من :-
الرضية وهي زوجة جلال عثمان المدير المالي السابق بهيئة البحوث الزرعية ولها من الاولاد المرحوم محمد جلال لاعب الكرة الطائرة والمرحوم خالد جلال والمرحومة سلوي زوجة البروف عوض ابوزيد ونجوي وسلمي وسامي وسوزان وعاصم.
عمر محمد احمد ابراهيم الضو تزوج عفاف حسن الفيومي اخت معتصم وصلاح نيلاوية ابنائه دكتور مهدي دكتور مها اخصائي اطفال دكتور فاطمة دكتورة اسنان دكتور محمد بالمانيا دكتور مهتدي بيطري دكتور سلمي مختبرات.
منصور محمد احمد ابراهيم الضو ( منصور الاطرش ) ابنائه :-
عادل بلندن وسحر بامريكا ودكتور حافظ بيطري وامير.
الزوجة الثاني الي عابدين احمد علي هي نفيسة حاج مخنار اخت كل من عابدين حاج مختار والد الاخوان الفاتح والاستاذ والكوتش مهدي عابدين واسامة وطارق وياسر واخت الحكم سليمان حاج مختار وانجبت نفيسة من عابدين احمد علي كل من
صفية عابدين تزوجها العم الطاهر عمر ولها من الابناء استاذ عمر الطاهر وعلي وعبدالرحمن وصديق والصادق وعدد من البنات.
بابكر عابدين وكامل عابدين وأم سلمة عابدين كلهم ابناء نفيسة حاج مختار .
كامل متزوج من ناس الشهاوي وبابكر زوجته نجوى عبدالقادر من ناس البرنس اصحاب صيدلية الجزيرة زمان وعندها اربع بنات وولد وكلهم متزوجين والكبيرة زوجة الصادق الطاهر عمر صاحب محلات الرياضة في سوق ودمدني .
ابناء عائسة داود هم عوض محمد ابراهيم مشهور بعوض الدول كان مهندس بمشروع الجزيره ابنائه داود عوض حارس الشاطي ومرتضي الباشكاتب والمرحوم الصادق غرق في الثمانيات ومدرك بشركة الحكمة ومحمد بالسعودية وابوبكر بالمالية والهام .
الابن الثاني عباس محمد ابراهيم وهو صديق حميم الي عمر حشاش.
زينب محمد ابراهيم زوجة احمد الانصاري والد عبد الرحمن ودرية وبدرية زوجة صلاح بابكر ابو الناس واميرة.
اخت عوض ام الكرام تزوجها عبده الجزار وهو خال عبدالمنعم فكمي وحفوية وهو ابن محمد احمد زوج فاطمة بت داود رزق منها ابنة واحدة اسمها هادية.
زقاق الفيوماب من كان يسكن في هذا الزقاق زمان والان :-
=========================================

ندخل الزقاق من الجنوب دكان علي اليماني في بيت ناس عبد الحفيط حمد وابنهم صلاح عبدالحفيظ متزوج مني شقدي ابنائه دكتور امير ودكتور اماني وسامي وسالي اخته زكية عبد الحفيظ زوجها فتح الرحمن طه وهي ام اخونا دكتور شهاب الفنان الرقيق والمغني علي الة الاورغن واغنيته والتي طبقت شهرتها كل الدنيا كدا كدا يا التريلا والمهاجر حاليا في كندا واخوانه نزار طوني ووليد وزهير والفت وسارة.
نجي بيت ناس ابوزيد الناصية وهذا المنزل كان باب الشارع يفتح في غرفة عكس البيوت باب الشارع بفتح في الحوش كان نادي سكن فيه ناس محمد الخضر زوجته بخيتة بدري من الدباغة ام عماد وحافظ الروسي وياسر واحمد ومنال وامال ونجوى وهم اخوان خالد وعبده ومحي الدين ومصطفي وكمال والدتهم ابنة صفية بت فرح وهم خلف دار اتحاد المزارعين مباشرة قريبهم عنكاظ العجلاتي وهم اهل ناس الكنزي.
بعدهم طوالي الجعلين ناس بوفيه الطائف بتاع الفول جنب ناس حاجة حياة او ناس كودي وهم والد عبدالله عبدالله لاعب النيل. بعدهم نجي الي ناس حشاش سليمان حشاش زوجته زهرة فكي حسن اخت صديق والطاهر واسماعيل وكل اولاد فكي حسن وهي ام بابكر حشاش وعمر حشاس وفوزية حشاش كان معاهم حاجة السرة ام عادل حشاش وحاجة زينب احمد عمر ام الفاتح حشاش.
وابناء بابكر حشاش هم دكتور عمار وسارة وعمر حشاش ابنه وليد.
البيت البعده بيت محمود حشاش رحلو حي المطار بدري ابنه لوي حشاش من كبار طائفة الانصار .
قصاد ناس حشاش ناس الشيخ عبدالرحيم وديونس ابو الجيلي وامنة وثريا ونور بت الشيخ وهذا البيت كان مشهور بي بيت الدومة لانه فيه شجرة دوم .
بعدهم بيت الحاجات فاطمة وعائشة الدايات بنات داود .
جيرانهم ناس حسن الفيومي زوجته نفيسة بت جبريل اولادهم استاذ معتصم وصلاح وياسر وشمس وفايزة وسامية وكان معهم في نفس البيت ناس طيبة ام استاذ مصطفي والخير وعبد المنعم وازهري وبدور ودكتور شادية وفايزة .
وقصادهم سليمان الفيومي زوجته عشة احمد ميرغني شقيقة بروف عمر احمد ميرغني ناس جزيرة الفيل والدة استاذ حمدي ودكتور نادر ودكتور زكي واشرف ومظاهر وفيفي ونجوي وهويدا ورجاء.
قاصدهم ناس مامون الفيومي اخوانه يحيي وعيسي.
وقاصدهم بيت ناس العسكري ورجل المباحث الشهير عمنا عبد القادر الحلاق والد عصام كورنة وعماد وبهاء والهام كان ساكن معاهم كابتن ديدو اوتو الملاكم المعروف دا بيت ناس عبدالحي.
قصادهم ناس حامد الفيومي وهو متزوج ام بركة اخت عابدين يكن.
بعدهم طوالي ناس شمت.
ناس شمت عبدالله شمت ابنائه عبدالمنعم شمت وخالد شمت احد مؤسسي نادي النجوم عاش في رومانيا و اخذ الجنسية الرومانية وليلي شمت وفهيمة شمت وسيدة شمت وسعدية شمت زوجة علي عابدبن اخو طه عابدين ود ابوه من سنار.
اولاد شمت خالهم عمنا محمد علي متزوج الخالة نور بت ناس شرف الدين وهو والد الاخوان علي (حسن حشو ) وعبدالرحمن والشفيع وعبدالحميد والاخوات (عواطف حشو ) واشراقة ومواهب.
قصادهم ناس احمد ربيع اخ عبدالوهاب ابو شوك كانو لعيبة في نادي النيل.
قصادهم مدرسة ست عيشة الشهيرة والقول الشهير لمن كان ضعيف في القراءة والكتابة انت قريت في مدرسة ست عيشة. وبعدهم طبلية عم ربيع وطبلية عم امين ودكان جيلاني ادم والد الاعمام علي جيلاني والفكي جيلاني ومحمد جيلاني الفانتوم.
وقصادهم ناس احمد مرسال زوجته حليمة ابنائهم استاذ عبدالحميد مرسال وبدر مرسال لاعب الاتحاد وكمال لاعب النيل واخواتهم عواضة وبخيتة وعطيات ومني.
الشارع الوراء الزقاق ناس الشول اخت محمد عوض النجار ام عبدالله بلولة وام جهاد وعبد البديع بعدهم ناس الفاتح اب ليمونة اخوانه مامون وناس عثمان بكير.
بيت ناس بكير كله اصبح جامع ضخم اشتري احد الاشخاص معظم المنازل دا وتبعه للمجمع الاسلامي.
وبعد ناس بكير في بيت ناس شيخ حمدنالله من الدناقله.
وتاني مدرسة ست عيشه قصاد ناس احمد ربيع الناصيه يتبع لي ناس شدو وبالقرب منه وانت داخل الزقاق ده بيت يتبع لناس النويري ووالدتهم ست الجيل والبيت ده مشهور بي بيت ناس ست الجيل وامتداد الاسره في الحصاحيصا وبيتهم بفتح بالجانب الاخر في الميدان وناصيته بيت وهو يتبع لموسي شدو وشمال ست الجيل بفتح بيت ناس حامد الفيومي (حامد ور) كما يلقب وجنوب الميدان ارض بها دكاكين ومخازن تتبع لال شدو ايضا بمعني ان الميدان يقع شمال الدكاكين دي وده كله ناحية زقاق الفيوماب الاخري المواجهه لناس سربل وابو القاسم ابوعاقله.

البيوت كالاتي من الناحيه الاخري للزقاق وامتدادها داخل الزقاق الناصيه بيت ناس شدو مؤجر وتاني اسرة الفاتح الطويل وبعده بيت ناس ست الجيل من اسره النويري وبفتح في الزقاق وبفتح في الميدان من الجهه الاخري وبعده بيت ناس شمت وبعده بيت ناس حامد الفيومي وديل كلهم بفتحو في الزقاق وبفتحو من الناحيه الاخري .
وضع الزقاق الان اصبح كالاتي من بيت ناس بكير وانت ماشي لحدي بيت ناس طه علي صبير الصائغ ده كله اصبح مجمع اسلامي حتي بيت ناس طه علي صبير الصائغ تم بيعه واصبح يتبع للمجمع الاسلامي .
ولو رجعنا للزقاق وانت داخل من الناحيه الشماليه البيت الناصيه شمالك ده بيت ناس يوسف عساكر قبلهم كان ساكن فيه برافوول الهندي والذي اعلن اسلم ويأتي كل سنة الي الحج.
وبعده في نفس الصف منزل ناس احمد ربيع الفيومي واولاده هم خالد ومحمد ووليد احمد ربيع وفي نفس البيت كانت ساكنه اسره الحاج اسماعيل رحلو مايو من بدري واولاده الهادي اسماعيل ونصرالدين اسماعيل وحمو اسماعيل.
وفي نفس الزقاق تجد محي الدين الفيومي معلم ومقاول بناء .
الاستاذ معتصم الفيومي كان يميزه ذلك الشنب الكثيف وان تمر بي تحت البحر قصاد مبني بلدية ودمدني تراه جالسا يصطاد السمك في هذه الناحية في فترة العصر وهو من اشهر من يجلسون في هذه المنطقة لاصطياد السمك كان استاذ معلم بدرس في المرحله المتوسطه المؤتمر و الاهليه ب والاميريه وكان بشتغل في سينما الخواجه تراه في اللوج وهو اخر هندام ثم بعد اغلاق الخواجه اشتغل في سينما رودي حي الدباغه في الفتره المسائيه.
اولاد معتصم الفيومي هم مروان توفي بحادث حركه و غسان وكنعان كابتن فريق النيل وزوجة استاذ معتصم هي محاسن اخت سامي العالم الكهربجي بتاع السيارات في عمارة ابو ظريفه.
من الاسر والتي تصاهرت مع الفيوماب اسرة ناس جيلاني واسرة ناس المنيسي واسرة ناس الريس احمد فضل.

زقاق جيلاني امتداد زقاق الفيوماب
==========================
بالنسبة الى زقاق الفيوماب وهم اهل جيلاني ادم و الجيد بت الفيومي هي والدة جيلاني ادم والزقاق والمسمى بأسم زقاق جيلاني وهو يبدأ من منزل جيلاني والذي كان يسكن معهم فيه اسرة عباس حسين وابنائه الدكاترة قاسم وعلي الجقر وقصاده بيت ناس مرسال وكذلك فى الزاوية مقابل ناس مرسال بيت ناس هريدى كما سكن حديثا الاخ الفاتح محمد نور.
وقصاده منزل نا س سعد ابوعاقلة والطيب اخوه ثم بيت اللمين ود اسماعيل خال نائب نميري عمر محمد الطيب الذي تربي في المنزل وكان تاجر محاصيل مثل الفول والسمسم وقصاده منزل ناس يوسف واولاده الرشيد دبوس و علي ابو شيطة ونفس المنزل يسكن فيه عمنا محمد سليم والد الخبير سيد سليم. مصطفي عثمان الحكم متزوج اخت سيد سليم.
حسين الشايقي او التمرجي والد حارس الاهلي الرشيد حسين وعابدين ويسكن معهم في نفس المنزل عمك جميل الله الكمسنجي ولديه ولد اسمه جمال وجعفر.
ثم منزل مصطفي يوسف والد ونه وصلاح وحسن جني واستاذ يوسف وعبدالمنعم ثم بعد ذلك سكن في هذا المنزل محمد و احمد عواض وكان ميكانيكي في الجزيرة بورت توفي بالرياض وهو احد مؤسسي جمعية ودمدني والدتهم حاجة سكينة.
ثم ناس عبدالرحمن السر لاعب النيل وقصادهم ناس همري وهود ثم منزل أل بريقع موسى وعلي وقصادهم كان يسكن اهل اللمين ود اسماعيل ولدهم الفاتح والرشيد وبعدهم اصبح المنزل خرابة ثم منزل جدنا محمد عبدالله الليثي كان يسكن فيه قدورة وابراهيم وناس الشكري وكرن ابناء يوسف الليثي وامهم هجوة محمود اخت القطر والدايش وابو صفر.
قصاده منزل ناس الخانجي امين وعم بدوي بتاع الكشافة وجوني والغريبة معظم هذه البيوت تسكنها عائلتين زمن الدنيا بخيرها والناس اهل واذكر هذا الزقاق كان دافوري مولع كل نجوم القسم الاول يلعبوا فيه.