اقدم لكم هذه الكلمات التي تبين أنواع الحب أتمنى ان تحوز على رضاكم
حبٍ يشيّب صاحبه ما بَعَدْ شاب
وحبٍ يغيب وصاحبه ما بَعَدْ غاب
وحبٍ يدوم وصاحبه في غيـــــابه
وحب يذوّب خافــقٍ ما بعد ذاب
وحــبٍ يداوي صاحبه من عذابه
وحبٍ يتوّب خافقٍ ما بَعَدْ تاب
وحبٍ يزيدك رغبةٍ في الكتابه
وحبٍ حيـاته كلّها لوم وِعْتاب
وحبٍ حقيقي ما يضرّك عتابه
وحبٍ بلا معنى وحبٍ بلا اسباب
يبدا غريب وينتهي في غرابــــه
وحبٍ ضعيفٍ مثل حبرٍ على كْتاب
تمحيه دمعه في ثواني كآبـــــــــه
وحبٍ قويٍ مثل قصرٍ له ابـــواب
لو هبّ عاتيْ الريح ما اهتز بابه
وحبٍ بداية رحلته نظرة اعجاب
واخــــر مطافه مثل يومٍ بدا بــه
وحبٍ يعيش بداخل قْلوب الاحباب
وحبٍ يشيــع وكل حــَيٍ درى بــه
وحبٍ مقامه في ضلوع الصَدِر طاب
وحبٍ يــعدّي مـثل مــرّ السحـــابــــه
وحبٍ على قبره نعق بوم وغْراب
وحبٍ تغنّى بــــــه لحون الربــابه
وحبٍ بمقدارٍ وحبٍ بلا حْساب
وحــــبٍ بمعروفٍ وحـــبٍ نــــهابه
وحبٍ يعيش أهله وسط داره اغراب
ويمــــوت قهر ويندفن في تـــــرابه
وحبٍ غدا سرّه ســوالف للاجناب
وحــــــبٍ يموت وصاحبه ما حكى به
وحبٍ يشيب وصاحبه ما بَعَدْ شاب
وحبٍ يشيب صــاحبه في شبــــابه
لكم الف تحيه
نهر الفرات
رد مع اقتباس
المفضلات