إحنا في السودان نهوى أوطانا
وإن رحلنا بعيد نطرى خلانـا
الإخوة والأخوات الكرام . . .
مرحب مرحبتين حباب الشر محل ما بتق
تنقدا محل رهيفه أريتا ما تتلتق أو كما قيل
شكلو البشير خايف يقول المقولة دي عشان كده داس بالقسم الغليظ ثلاث مرات للتدعيم لأنو الرهيفة دي صحيفة البشير ومن تبعه أو لأنها مقولة أنصارية .
المهم :
إحنا زي ما تابعنا أمريكا في قضية السلام ولهثنا وراها وزي الكأنو السلام ده بين الهنود الحمر والشعوب الجاية بي ( GREEN CARD ) من غير ما ندري جاتنا أمريكا وقالت وأوفدت وأصرت لما إكتشفنا إنو السلام ده حق جنوب السودان وتبجحنا بأن الحكومة الأمريكية ما قصرت معانا طيب يلا يا بشيريين ( دي طبعاً بعد ما شيخهم لحسوهو لأنو المفروض النسب للتراب ) فليذهبوا للمحاكمة في أي مان كان فيما الخوف يعني علشان أولاد بلدنا زي ما قالت الأخت في التلفزيون ما يتحاكموا برة . كلام البشيريين أقصد الجعلية الخلتنا نحلف مانمشي نتحاكم برة خلاص يا جماعة طالما هم القالو عننا إرهابيين وجو وزارونا في بلدنا ومشو حتات أنا السوداني ما شفتها يلا خلونا نمشي ليهم والظاهر الناس ديل كويسين وظراف زي ما قال المهندس بينكتو وبيضحكو كمان .
والله لو كنت مطلوب ليس أمنياً ولكن لمحاكمة دولية لذهبت لأثبت للعالم أجمع أنه لا توجد إبادة جماعية بل الناس في بلدي يصنعون الحب .
ولكن الظاهر إنو البشيريين خايفين الناس تشمت فيهم وما تسأل حتى عن أخبارهم لكن والله أزين زي ما قالت بت عدلان :
ما دايرالك الميتة أم رماداً شح . . .
دايراك يوم لقا بي دميك تتوشح . . .
عشان التراب البناكل فيهو يقيف .
ونتلاقا كتير إنشا الله في الرملة الدقاقة ( المقصود بيها رمال حلتنا وليس رمال المشاكل )
رد مع اقتباس
المفضلات