البخل في العواطف

[aborawan]

يحكى أن أحد البخلاء ذهب إلى المدينة لبيع غلته من الشعير ، وعندما أتم عقد الصفقة قصد مكتب التلغراف وكتب لزوجته البرقية التالية ...

( بعت الشعير بربح .. سأعود غداً .. أشواقي الحارة )

وفي اللحظة التي أراد فيها أن يسلم البرقية قال في نفسه :
لماذا اكتب كلمة " بعت " ؟ .. إن زوجتي تعرف جيدا إنني جئت إلى المدينة لأبيع ... و محـى الكلمة !


ثم فكر في نفسه وقال :
لماذا أكتب كلمة " بربح " ؟ .. إن زوجتي تعرف جيدا أنني لن أبيع من غير ربح ... و محـى الكلمة !

ثم فكر أيضا و قال :
ولماذا اكتب كلمة " أعود غداً " ؟ .. إنها تعرف أنني عائد غداً ... و محـى الكلمة !

و أخيرا قــال :
ولماذا " أشواقي الحــارة " ؟! .. و اليوم ليس يوم ذكرى ميلادها وليس ذكرى زواجنا... و شطب العبارة !!!

وهكذا عاد مسروراً دون أن يرسل لزوجته رسالة .


اخوتي الأحبة .. بما في هذه القصة من طرافة إلا أنها تطرح قضية مهمة وهي قضية البخل العاطفي ..

فمنذ متى كان للأشواق مناسبة خاصة ومواعيد محدودة نكبل أنفسنا بها ؟؟

هل الربح المادي من البيع والشراء بالنسبة للمرأة يوازي في أهميته الربح العاطفي من الحب والاحتواء ؟؟

ما لجهد الذي يقدمه الرجل ؟؟ وما الخسارة التي ستصيبه حين يتكرم ويتعطف على امرأته بنظرة حانية أو لمسة دافئة أو كلمة رقيقه ؟؟


لماذا دائما تشعر المرأة بافتقادها لحنان الرجل وضنه الشديد بالتعبير عن مشاعره ؟؟

[مايو نص]

سسسلام ود جيرانا الحيطه بالحيطه
اخى هناك سؤال مهم كيف يمكن ان نقيس العواطف والاحاسيس والمشاعر
قطعا ليس هناك اجابه محدده ولكن يبقى هناك جدل له عده اوجه
فمبدا الزواج وحده يكفى لاطهار قمه الود فالشخص الذى يرتض بان يشارك اخر بقيه عمره ويحتمل معه نواكب ومسرات الدهر فهذا فى راى قمه الود
لكن يبقى هناك دور مهم للزوجين لكسر روتين الحياع ه الممله وتجديد العهود والمواثيق وتجديد الثقه بالنفس
فانا راى ان الاختلاف هنا فبعض الازواج لايرى انه فى حاجه لذلك وهذا خطاء
زبعض الازواج ليس لهم زمن لذلك وهذا يحتاج للصبر والجلد من جهة الزوجه
ومتع الله الجميع بنعمه السعاده

[114]

ومهما كان وضع المرأة التعليمي والثقافي والاجتماعي فهي دائما بحاجة الى الاطراء والمديح، لذلك من المهم جدا أن يراعي الزوج هذا الجانب، فلا يعتبر أنها ما دامت زوجته فيجب ان تعلم أنه يحبها والدليل- كما اسلفت يا ما يو نص- انه يعيش معها، لا، فالمرأة تريد الاطراء ليل نهار، لا تكل ولا تمل، ولا تشبع منه، هذا طبعها، خلقة ربنا كده
شكرا يا ابو روان على القصة الظريفة

[masa]

أخي أبو روان ... لك التحية ..
يظل البخيل هو البخيل ... فمن يبخل بماله يبخل بكل شئ .. حتى حب أبنائه ...

ونحن من عندنا طبع وهو من أسوأ طبايعنا ... وهو أن الرجل السوداني لا يظهر حبه لزوجته ... ولا هي بلاي عليك حصل سمعت مرة سودانية قالت لي زوجها انا بحبك ولا راجل قال لي مرتوة يا حبيبتي .... كأن الموضوع في عيب ولا ما عارف ..... نحن مجردين من المشاعر دي ولا شنو ....

المهم عندي ليك نكتة بمناسبة البخل دي :
قال ليك واحد بخيل جداً جداً حلم انو بيوزع قروش على الناس ... قام بلع حبوب منشطة عشان ما ينوم تاني ....


مع تحياتي MASA

[114]

حلوه النكتبة يا MASA
ونحن ما مجردين من المشاعر، لكن اتربينا على بعض العادات والتقاليد، فأنت بتقول مافي راجل بيقول لمرتو يا حبيتي، ولا مره بتقول لزوجها بحبك، ده الجيل اللي بقى هسه حبوبات، كان المره ما بتنظق اسم راجلها، يعني لو عايزه ترسل ولد صغير لزوجها (لو ما كان ولدها مثلا) تقول ليهو امش نادي لي هناي، ولو الولد مسكين ما بيفهم هناي ده منو حيتعب ويتعب المره،
وبرضو عادة كان لما الراجل يجي من سفر يسلم على ناس البيت بالعناق أو في يدهم، إلا مرتو ما بيسلم عليها لا بالعناق (المقالدا) ولا حتى في يدها ، وأذكر معانا باكستاني حكى لي برضو بحاجة زي دي ما زالت مستمرة الى الآن عندهم، وهي ان الراجل ما بيسلم على مرتو في يدها- طبعا قدام الناس- حتى لو جاي من سفر بعيد بالطائر ، ولو كان غايب سنين طويله.. عادات غريبه يا ترى ، واللا متوارثة من الأجداد؟

[aborawan]

مشكورين شباب على مروروكم وتعليقاتكم

اخي 114 هذه تقريبا عادات متوارثة من الاجداد والله اعلى واعلم

[masa]

والله يا 114 الشغلة دي دايرا ليها دراسة .... لأنو الكلام دا ضروري في اى بيت عشان الواحد حياتو ما تكون كلها قرف وزهج .... احسن الناس يزيدوها سكر شوية عشان تطعم ...

والمهم ... مصيرنا بكرة نتعلم من الأيام

[aborawan]

والله يا 114 الشغلة دي دايرا ليها دراسة .... لأنو الكلام دا ضروري في اى بيت عشان الواحد حياتو ما تكون كلها قرف وزهج .... احسن الناس يزيدوها سكر شوية عشان تطعم

على فكرة السكر ده لازم يكون خليط يعني عشان البيت والاسرة يكون سعيد شوية سكر من الرجل وشوية من المرة والحياة تبقى فل الفل باذن الله