بسم الله الرحمن الرحيم
هذه القصه حقيقيه
في يوم من الايام كان في تاجر صاحب مصالح كتيره خارج المنطقه الهو فيها ودايم التجوال بين هذه المناطق وفي يوم من الايام مر الراجل ده بقريه دائما بجي ماري فيها لانها في الشارع البسلكو كل يوم فلمح ليهو ناس شايلين ليهم جنازه وماشين بيها طوالي رجع لي الناس ديل وقف العربية ونزل شال معاهم ، كانو سبعه وكان هو ثامنهم المهم مشو بي الجنازه لي مكان بعيد ختوها في الواطه وصلو عليها ، والزول ده واقف مع الناس ديل بصلي على جنازتهم دي عينو سرقتو للجنازه كان شاف ليك الجنازه وشها مكشوف والراجل المكفن عاين لي الزول ده وغمز ليهو بي عينو زولنا ما كذب جرى طوالي علي سيارتو ولا اتلفت وراهو لمن وصل السياره عاين لقى الزول الكان مكفن جاي جاري عليهو دور سيارتو وشتت طوالي .
طبعا الزول ده ما زال بسلك الطريق ده كل يوم والشى الحصل معاهو ده ما وراهو لي اي زول ولا حتى اهلو عارفين الحصل ده وصاحبنا بقى ملاوز من القريه دي بس كل ما يقرب يصلا يعصر ليك البنزين لمن يجيب الانبير في ركبتو .
واستمر الحال على الوضع ده .
في يوم من الايام صاحبنا ما عمل حسابو للبنزين وما عندو اي طريقه الا يقيف في القريه الشاف فيها الزول الميت اها قام وقف ويتلفت يمين وشمال اها بس نزلتو من السياره كدا كان حسى ليك بي زول واقف وراهو اتلفت لقاهو ليك الزول الميت دااااااااااااااك زاتو خاف خوف شديد وبقى يتمتم في الكلام الزول الميت ختى يدو في كتف الراجل الراجل حالتو بقت حاله وعرقو غرق الواطه اها الراجل الميت قال ليهو يا زول ما تخاف بي طريقه هاديه اها صاحبنا لمن سمع طريقتو في الكلام ارتاح شويه واعصابو هدت شويه شب ليه طوالي قال ليهو انت موش اليومتا كانو ....... داك طوالي قال ليهو ايوه انا يومتا الكان بصلو علي صاحبنا تاني الخوفه ركبتو قال ليهو ما تخاف خليني احكي ليك الحكايه قال ليهو ياخي انا زول في قريتنا دي عيني حاره وما خليت لي زول في الحله ما اديتو عين والناس كلها بقت تخاف مني وتعمل حسابي منى اها اهلي عشان يخلو الناس عاديين معاي قالو نكفنو ونصلي عليهو لانو الزول لمن تكون عينو حاره بكفنو وصلو عليهو بعد كده بكون عادي ..
زولنا من ما سمع الحكايه وقع في الواطه من الضحك وداك شغال ليهو يا زول كدي تعال اشرب ليك كبايه شاي وداك شغال ليهو بي راسو لالا وهو ميت من الضحك اها عبى عربتو بنزين وركبا ومشى لي اهلو .....
وانتهت القصه
الشى العايز اسأل منو انا هل انو الكلام ده صحى انو الزول اذا كانت عينو حاره يكفنو ويصلو عليهو ؟؟؟؟؟؟؟؟؟؟؟؟؟؟؟؟؟
واسف على الاطاله
Mr Lonely
رد مع اقتباس
المشاركة الأصلية كتبت بواسطة aborawan
المفضلات