مالكم ما بتتحمدو لي السلامة، الكعة الفي جدة دي ما في شارعنا!

[114]

مركز الباشا الظهر في صور التلفزيون في حوادث جدة - حي الصفا- ده ما كان في شارعنا زاتو، والناس الكان بيتفرجو، والعساكر كانوا واقفين قدام بيتنا، مالكم يا ناس المنتدى الساكنين جدة ما بتتحمدو لي السلامة؟ وانت بالذات يا إدارة ما عارف بيتنا، عارفك مشغول بامتحانات الماجستير، لكن نحن ما كنا حنروح فيها لو ما طلعنا يوم الخميس في زيارات عائلية، ربنا ستر وبقينا بعيد، وإلا الأولاد كان جنوا بصوت الرصاص والقنابل

[aborawan]

ألف الحمد لله على السلامة ولا اراك الله مكروهاً....

[faris]

الحمد لله علي سلامتك والاسرة الكريمة يا 114 يبدو اننا جيران ربنا يجمعنا

[114]

الله يسلمك يا أبا روان، والله يسلم كل مسلم، ويأمنه في داره
وشكرا يا فارس، وحمدا لله على سلامتك برضو، ورنبا لطف بينا اليوم داك
وبيتنا لو وقفت في باب مركز الباشا وأنت طالع منو حتشوفوا قدامك على اليمين خامس عماره

[bet_madani]

حمدلله علي السلامة........والله كانت فاجعة للجميع,لكن الله ستر وانت الان والاولاد بالف خير......دي دايرة كرامة عديل كدة

[ابو المهتــدي]

بسم الله الرحمن الرحيم
الاخ 114 الف سلامة انشاء الله ماتشوف شر تحياتي لجميع المهنين لك

[114]

شكرا يا بت مدني، والله يسلمك ويسلم كل مسلم، وأنتي أول المعزومين للكرامة
وكتر خيرك يا أبا المهتدي، وربنا يسترنا ويستركم ويستر كل مسلم، ويسلمكم ويسلم كل مسلم

[Al-Mu3arlim]

والله الف سلامة يا ريس ...الحمدلله ربنا ستر

والله يادوب شفت البوست

العفو

[114]

Al-Mu3arlim
thanks a lot, Allah yasalmak

[السلامى]

سلامتك و عووضه كلها كرامتك و الف سلامه لاولادك كمان و اتمنى من الله الا يصبك مكروه ابدا

[admin]

حمدلله على السلامه يا 114 .. لكن صدقني انا سامع الناس تقول احداث جدة قايلها شغلة في الكورة ولا مشاكل في المكرونة .. ما قايل الشغلانية جد جد .. طبعا اعذروني ما كنت متابع الاخبار في الايام الفاتت .. ودا لازمها خروف كرامه يا 114 .. وما بنفع نحمدليك السلامه الكترونيا لازم زيارة.. فجهز الخروف .. وياناس المنتدى معزومين معانا واعتبروا الخروف دا بتاع كرامه انتهائي من الامتحانات بس ما تقولوا لي 114